Aktualitet

Unaza e Re/ Balliu-Ramës: Me 16 shkurt do të përpijë e zeza

12 Shkurt 2019, 17:35 Nga DOSJA
Unaza e Re/ Balliu-Ramës: Me 16 shkurt do të përpijë e zeza

“Unaza e bashkuar, ka për të fituar”. Ishin këto thirrjet e banorëve të Astirit, të cilët  kanë dalë sërish sot në protestë, e cila ka hyrë në ditën e saj të 101 nga ku kërkojnë anulimin e projektit të Unazës së Re, pasi sipas tyre është korruptiv dhe dëmton pronat dhe bizneset e tyre.

Ata u shprehen se tashmë janë bërë një familje e vërtetë me njëri-tjetrin dhe nuk do të ndalen deri në anulimin e plotë të projektit. Banorët thanë  se do të marrin pjesë në protestën e organizuar nga opozita më 16 shkurt kundër qeverisë Rama.

Ndërsa, deputeti i Partisë Demokratike Klevis Balliu tha se opozita i ka përfunduar të gjitha hapësirat politike me mazhorancën dhe tani mbetet në dorë të qytetarëve vijimi apo jo i tij në krye të qeverisë.

Balliu paralajmëroi se me 16 shkurt Edi Ramën do ta pijë e zeza sepse ajo protestë do të vendosë për rrëzimin e tij nga pushteti që të sigurohen zgjedhje të lira dhe të ndershme.

“Do të të pijë e zeza nëse tenton të ndalosh protestat e qytetarëve të cilët me datë 16 shkurt do të bëjnë të mundur rrëzimin tënd nga qeveria që të sigurohen zgjedhje të lira dhe të ndershmë. Kur ky zotëria transportonte drogë më avionë ne e denoncuam, dhe ky njeri nuk pyeti. Kur ne denoncuam futjen e kriminelëve në parlament dhe në drejtimin e bashkive por ky nuk pyeti, bëri sikur nuk dëgjonte. Ne i kemi shfrytëzuar të gjitha mundësitë politike dhe do të vijojmë ti ofrojmë deri me datë 16 por me 16 është një luftë që do të bëhet për intertesat e Shqipërisë dhe jo të politikës. Me datë 16 nuk do të ketë më zgjidhje politike dhe ligjore sepse nuk na mbetet gjë tjetër veçse t’ju bëjmë thirrje qytetarëve se në qoftë se ky njeri nuk kupton dhe nuk do zgjidhje politike por vazhdon të jetë njeri i kapur nga krimi i organizuar ftojmë qytetarët që me datë 16 ti japin këtij njeriu atë që meriton. Me datë 16 nuk flet opozita, nuk flet mazhoranca por do të flasin shqiptarët dhe do të vendosin shqiptarët. Ti bashkë me Lleshin tënd mos goxoni të provokoni por tërhiquni dhe hapini rrugë drejtësisë dhe zgjedhjeve të ndershme”, u shpreh deputeti Balliu.

Deputeti demokrat vlerësoi banorët e Unazës së Re duke thënë se ata ndezën shpresën dhe nëse nuk do të ishin ata sot në xhepinn e Edi Ramës do të kishte 20 milion euro më shumë dhe 20 milion euro më pak në xhepat e qytetarëve.

“Sot po të mos ishit ju do të kishin nisur të ngriheshin pallatet në Unazën e Re”, tha deputeti i PD-së Klevis Balliu.

Partia Demokratike ka paralajmëruar protestë popullore më 16 shkurt. PD dhe aleatët kërkojnë rrëzimin e qeverisë Rama 2, krijimin e një qeverie tranzitore, e cila do të organizojë zgjedhje të parakohshme qendrore dhe ato lokale.

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet 16 shkurti edi rama klevis balliu projekti i unazes se re protesta e banoreve te astirit unaza e re 16 shkurti edi rama klevis balliu projekti i unazes se re protesta e banoreve te astirit unaza e re

Sondazh

Poll

MË SHUMË