Aktualitet

Vlorë, ekzekutohen 2 masa sigurie ‘arrest me burg’, arrestohen dhe dy të tjerë (DETAJE)

25 Dhjetor 2020, 12:56 Nga DOSJA
Vlorë, ekzekutohen 2 masa sigurie ‘arrest me burg’, arrestohen

VLORË – Kanë përfunduar pas hekurave katër persona pas një hetimi 9 mujor,  ndërkohë që dy të tjerë janë shpallur në kërkim pasi akuzohen se në bashkëpunim me njëri-tjetrin vidhnin karburant nga automjetet e parkuara në kantierin e ndërtimit të By Pass-it në Vlorë.

Sipas policisë janë ndaluar B. L., 35 vjeç, T. M., 33 vjeç dhe M. Ll., 25 vjeç, dhe A. D., 36 vjeç, banues në Vlorë. Në vijim të operacionit u shpallën në kërkim shtetasit D. S., 26 vjeç dhe H. B., 25 vjeç, banues në Vlorë.

Njoftimi i plotë: Finalizohet pas një hetimi 9-mujor, operacioni policor i koduar “By Pass”, për goditjen e veprimtarisë kriminale në fushën e vjedhjes. Operacioni nga Seksioni për Hetimin e Krimit në Komisariatin e Policisë Vlorë, në bashkëpunim me Sektorin e Forcës së Posaçme “Shqiponjat”, nën drejtimin e Prokurorisë pranë Gjykatës së Shkallës së Parë Vlorë.  Në kuadër të këtij operacioni u bë e mundur kapja dhe ndalimi i 4 personave, për të cilët Gjykata e Rrethit Vlorë kishte caktuar masat e sigurisë ”Arrest në burg”, si dhe u shpallën në kërkim 2 persona që nuk u gjendën gjatë operacionit. U ekzekutuan masat e sigurisë “Arrest në burg”, për veprën penale “Vjedhja” kryer në bashkëpunim, për shtetasit B. L., 35 vjeç, T. M., 33 vjeç dhe M. Ll., 25 vjeç, banues në Vlorë. U ekzekutua masa e sigurisë “Arrest në burg”, për veprat penale “Vjedhja” dhe “Heqja e paligjshme e lirisë” kryer në bashkëpunim, për shtetasin A. D., 36 vjeç, banues në Vlorë. Në vijim të operacionit u shpallën në kërkim shtetasit D. S., 26 vjeç dhe H. B., 25 vjeç, banues në Vlorë. Nga hetimet e kryera dyshohet se këta shtetas, në bashkëpunim me njëri-tjetrin, kanë vjedhur karburant në mënyrë të vazhdueshme në mjetet e parkuara në kantierin e ndërtimit të By Pass-it në Vlorë. Materialet procedurale u referuan në Prokurorinë pranë Gjykatës së Shkallës së Parë Vlorë, për veprime të mëtejshme.

(kle.mu./dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet arrest me burg arrest me burg

Sondazh

Poll

Aktualitet 25 Dhjetor 2020, 12:46

TIRANË– Detaje të reja kanë dalë në dritë në lidhje me arrestimin e ish-gjyqtarit të Gjykatës së Apelit në Tiranë, Alaudin Malaj i cili u arrestua pak minu...

MË SHUMË