Për katër vitet e fundit, grupi militant libanez Hezbollah ka luftuar në Siri, ka mbështetur forcat irakiane dhe ka menaxhuar politikën e vendit të tyre në një kohë që përpiqeshin që të shmangnin përballjen me Izraelin. Megjithatë, udhëheqësit e saj të rraskapitur kanë frikë se gulçimet e fundit të presidencës së Donald Trump mund të sjellin kërcënime që eklipsojnë gjithçka.
Në zemrën e organizatës, anëtarët e Hezbollahut po shikojnë orën – dhe qiellin. Avionët izraelitë kanë dalë mbi kokë për më shumë se një muaj dhe gjatë javëve të fundit frekuenca e fluturimeve është rritur ndjeshëm, ashtu si edhe siguria në periferitë jugore të Bejrutit, qendra nervore e grupit më të fuqishëm militant të rajonit.
Udhëheqësit dhe anëtarët e moshuar kanë frikë se Trump, sekretari i tij i shtetit në ikje, Mike Pompeo dhe Izraeli synojnë të sulmojnë disa javë para inaugurimit të Joe Biden.
“Ata duan të përfundojnë atë që filluan. Por mos u shqetësoni, Sejjid [udhëheqësi i grupit, Hassan Nasrallah] është i sigurt,“-tha një anëtar i grupit Hezbollah.
Ky i fundit, bashkë me dy të tjerë nga grupi u shprehën se besonin që administrata amerikane e ardhshme do të përpiqej të negocionte marrëveshjen bërthamore me Teheranin, e cila u nënshkrua nga Barack Obama dhe u revokua nga Trump.
“Kjo do të thotë lehtësim të sanksioneve dhe kjo do të thotë që presioni përfundimisht do të na hiqet. Ata po përpiqen të dëmtojnë Iranin për të na dëmtuar ne, por nuk do të funksionojë sepse të gjithë e kanë parashikuar këtë plan që nga vera. Dhe të gjithë kemi mjetet për t’i mbijetuar presionit të tyre”.
Sulmet izraelite ndaj grupeve iraniane brenda Sirisë kanë qenë një ndodhi gati javore që nga fillimi i vitit 2017, dhe anëtarët e Hezbollahut, të cilët kanë qenë shumë të përfshirë në ngritjen e liderit sirian, Bashar al-Assad, ndonjëherë janë vrarë nga këto sulme.
Vrasja e shkencëtarit kryesor bërthamor të Iranit, Mohsen Fakhrizadeh, jashtë Teheranit në 27 nëntor, ka nxitur alarmin në Bejrut. Një figurë e vjetër e grupit i përshkroi javët në vijim si «periudha më e rrezikshme për 30 vitet e fundit. Të gjithë janë të shqetësuar dhe me arsye të mira”.
Deri më tani Izraeli ka treguar se ata nuk janë objektivi i tyre kryesor në Siri dhe disa herë kanë qëlluar me të shtëna paralajmëruese për të shmangur vrasjen e tyre.
Udhëheqësit izraelitë besojnë se homologët e tyre në Gji janë aq armiqësorë ndaj Hezbollahut dhe Iranit sa janë dhe nuk janë të gatshëm të shpëtojnë Libanin nga kolapsi i tij ekonomik katastrofik për sa kohë që grupi mban nën kontroll politikën e vendit.
“Ne nuk kemi frikë nga vdekja, siç e dini. Por ne duhet të mbrojmë udhëheqësit tanë dhe e dimë se do të dëmtoheshim politikisht nëse do t’u ndodhte diçka. Këto janë kohëra të rrezikshme. Trump është i çmendur, por ai nuk do të marrë atë që dëshiron. Ai nuk ka durim dhe nuk ka kohë. Izraelitët mendojnë se po vijnë për të na sulmuar, në fakt jemi ne ata që janë gati,”-tha një tjetër anëtar i grupit.
Marrë nga Theguardian.com
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
ATHINË– Greqia do të nisë zyrtarisht vaksinimin e më të rrezikuarve me dozën e parë anti-COVID të “Pfizer”. Teksa ende pak ditë na ndajnë nga nisja e opera...
SHBA– Presidenti amerikan në ikje Donald Trump ka zhvilluar një “takim të nxehtë” të mbushur me debate në Zyrën Ovale të Premten. Burime për CNN bëjnë me dije s...
Në periferi të Tiranës, pas digës së liqenit deri në Sauk, ka nisur një mori e lartë ndërtimesh, si për apartamente dhe vila. Në tabelat e vendosura pranë kanti...
KATAR-Në një studim të fundit të publikuar nga Citizen Lab, thuhet se dhjetëra gazetarë të grupit mediatik Al Jazeera kanë rënë pre e hakimeve. Sipas mediave të...
SHBA- SHBA-ja ka zgjedhur që të dalë kundër rrjedhës që po ndjek Bashkimi Evropian me mutacionin e ri të Covid në Angli. Teksa të gjitha shtetet po mbyllin kufi...
ITALI– Një krim i rëndë ka tronditur Italinë mbrëmjen e sotme. Mësohet se një 49-vjeçar, banues në Padova ka vrarë me thikë dy fëmijët e tij, vajzë...
ITALI-Mutacioni i ri i Covid është duke u përpahur me shpejtësi në të gjithë Anglinë dhe botën. Sot është raportuar rasti i parë që është mbartës me mutacionin ...
IRAK-Ambasada Amerikane në Bagdat është sulmuar mbrëmjen e sotme nga 3 raketa. Lajmi është bërë i ditur nga mediat e huaja të cilat shkruajnë se fatmirësisht nu...
ANGLI- Komiteti i menaxhimit të krizave të Këshillit Evropian, ditën e nesërme ka njoftuar një mbledhje të jashtëzakonshme për të diskutuar mbi mutacionin e Cov...
AUSTRALI- Australia është rikthyer sërish në valën e Covid-19. Ajo ka izoluar kryeqytetin e Uellsit të Ri, Sydney-n për shkak të një bumi infektimesh që janë sh...