Sport

Dunga drejt Kenias, drejtori Djarmati: “I ka skaduar pashaporta, duhet të ishte personalisht”

11 Dhjetor 2020, 11:18 Nga DOSJA

SHKODER – Lajmi për largimin e sulmuesit Ismael Dunga drejt Kenias, ka krijuar jo pak shqetësim në kampin kuqeblu shkodran. Arsyeja e këtij largimi të futbollisti drejt vendlindjes lidhet me faktin, se Dungës i skaduar pasaporta dhe për rrjedhojë i ka përfunduar edhe leja e qëndrimit në Shqipëri.

Për të qetësuar “ujërat”, menjëherë ka reaguar drejtori sportiv i Vllaznisë, Matko Djarmati, i cili pohon se diçka e tillë është e vërtetë, por edhe se sulmuesi do rikthehet përsëri, pasi të pajiset me dokumentacionin e nevojshëm.

“Dungës i ka skaduar pashaporta. Menduam çdo formë, por nuk mund ta shmangnim paraqitjen për të dhënat biometrike, ku Dunga duhet të paraqitet personalisht. Kemi bërë përpjekjet maksimale. Vizën e ka gati në Egjipt dhe për një periudhë afro 2-javore do të rikthehet përsëri. Dje ai është nisur nga Shkodra,”- ka deklaruar Djarmati për mediat shkodrane.

Por lajmi i mirë për shkodranët dhe trajnerin Brdariç është rikthimi në skuadër i brazilianit Viktor da Silva, i cili me gjasa do të plotësojë boshllëkun e krijuar nga Dung ate Vllaznia për ndeshjen e javës së 8-të ndaj Partizanit që do të zhvillohet në fundjavë në “Loro Boriçi”.

1 vit nga zgjedhjet e 25 prillit si e shikoni gjendjen e vendit:

View Results

sport sport drejtori matko djarmati ismael dunga kampi shkodran ndeshja ndaj partizanit trajneri brdaric vllaznia drejtori matko djarmati ismael dunga kampi shkodran ndeshja ndaj partizanit trajneri brdaric vllaznia