Aktualitet

Dyshohet se ishte i infektuar me Covid-19, shoferi i ambulancës së spitalit gjendet i vdekur në banesë

8 Dhjetor 2020, 20:51 Nga DOSJA
Dyshohet se ishte i infektuar me Covid-19, shoferi i ambulancës së

 

BERAT- Një shofer ambulance në Spitalin Rajonal të Beratit, ka humbur jetën mbrëmjen e djeshme. Burime për Dosja.al bëjnë me dije se  60-vjeçari Shkëlqim Metolli, është gjetur pa jetë në banesë nga të afërmit e tij. Sipas burimeve Metolli kishte disa ditë që ndodhej me raport në shtëpi, për shkak se ishte i sëmurë. Mësohet se para disa ditësh ai kishte shfaqur shenja të Covid-19, ndërsa familjarët i kanë kërkuar që të bëjë tamponin.

Burime bëjnë me dije se gjendja e tij ditët e fundit ësgtë përkeqësuar dhe mbrëmjen e djeshme ai ka humbur jetën për shkak të një arrest kardiak.  Burime të brendshme nga Spitali Rajonal i Beratit bëjnë me dije se është kërkuar nga ana e familjarëve ekzaminimi i kufomës për të mësuar nëse ishte i prekur apo jo nga Covid-19.

Shkëlqim Metolli punonte prej 34-vjetësh si shofer ambulance në Spitalin Rajonal të Beratit,ku këtë vit kishte punuar në vijën e parë të luftës kundër Covid-19,duke transportuar çdo ditë të sëmurët në gjendje të rënduar nga Spitali i Beratit drejt spitaleve Covid në Tiranë. 60-vjeçari Shkëlqim Metolli u përcoll sot nga familjarët për në banesën e tij të fundit.

(A.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet shkëlqim metolli shkëlqim metolli

Sondazh

Poll