“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
KE- Presidenti i Partisë së Socialistëve Europian, Sergei Stanishev i ka dërguar sot një letër Presidentit të Këshillit Europian Donald Tusk, të cilit i kërkon që të nisin bisedimet për anëtarësimin e Shqipërisë dhe Maqedonisë së Veriut.
Letra është publikuar nga kryetari i Grupit të PS-ë, Taulant Balla dhe në të theksohet se duhet mbështetur Shqipëria në procesin e integrimit.
Letra e plotë
Bruksel, 16 Tetor 2019
I nderuar President,
Diskutimet e Këshillit të Çështjeve të Përgjithshme më 15 tetor 2019 për Zgjerimin përfunduan, për fat të keq, me një dështim në arritjen e një marrëveshje unanime të Ministrave për hapjen e negociatave të pranimit në BE me Republikën e Maqedonisë së Veriut dhe Shqipërisë.
Ndërkohë që është prerogativë e juaj si President i Këshillit Evropian për të përcaktuar axhendën e këtyre Samiteve, në emër të familjes progresive evropiane, ju lutem më lejoni që t’ju inkurajoj fuqimisht që të vendosni temën e Zgjerimit në axhendën e mbledhjes së ardhshme të Këshillit Evropian.
Unë besoj se nuk është as e domosdoshme të ritheksojmë madhësinë dhe rëndësinë strategjike të çështjes për BE-në, e as të përmendim argumentet e shumta të bëra tashmë në prag të këtij takimi vendimtar të Këshillit. Unë i vlerësoj përpjekjet dhe angazhimet tuaja personale për këtë çështje deri më tani.
Sidoqoftë, ju lutem më lejoni të insistoj në nevojën për një përpjekje përfundimtare – një shans të fundit për të gjetur marrëveshje midis të gjithë lidërve evropianë për këtë çështje. Duke pasur parasysh rëndësinë e tij për interesat strategjikë, ekonomikë dhe të sigurisë së BE-së, ne besojmë se Krerëve të Shteteve ose Qeverive tona duhet të paraqiten me mundësinë për të diskutuar më tej çështjen personalisht.
Partitë e Socialistëve Evropianë (PSE), përfshirë kryetarët e shteteve ose qeveritë nga familja jonë politike, gjithmonë kanë mbështetur procesin e integrimit evropian të vendeve të Ballkanit Perëndimor. Asnjëherë nuk kemi ndalur të angazhohemi pozitivisht për të çuar përpara reformat e nevojshme, në bashkëpunim të ngushtë me partitë, udhëheqësit, institucionet dhe shoqërinë civile në rajon, madje edhe në momentet kur politika e Zgjerimit nuk ishte saktësisht në krye të axhendës së BE-së. Ne e bëjmë këtë, me bindjen se këto vende i përkasin Komunitetit tonë të popujve, bashkimit tonë të vlerave të përbashkëta, paqes, sigurisë dhe prosperitetit, dhe ne nuk duhet të kursejmë asnjë përpjekje për t’i ndihmuar ata të arrijnë të njëjtin nivel të zhvillimit që ne gëzojmë në BE sot. Ne besojmë se këto vende nuk janë vetëm pjesë e së kaluarës së Evropës, por gjithashtu duhet të jenë pjesë integrale e së ardhmes së BE-së. Ne duhet të shkojmë në të njëjtin drejtim, megjithëse me një ritëm të ndryshëm, në vend që t’i anashkalojmë vendet deri në të ashtëquajturën “kohë të duhur”, e cila duket se nuk do të vijë kurrë ose nuk do të jetë kurrë e përshtatshme për të gjithë.
Republika e Maqedonisë së Veriut dhe Shqipëria në veçanti kanë ecur në një rrugë të gjatë dhe të vështirë për të gjetur veten e tyre në prag të çeljes së negociatave të aderimit. Në bazë të kritereve të përcaktuara dhe një procesi rigoroz, Komisioni Evropian, i ngarkuar me menaxhimin e këtij procesi, ka pranuar që ata kanë bërë të nevojshmen për të kaluar në fazën tjetër. Si drejtues i familjes sonë politike, ju lutem më lejoni të them se në terma politik ata kanë bërë shumë më tepër sesa të plotësojnë standardet.
Duke i’u drejtuar kombeve të tyre, Kryeministrat progresivë Zoran Zaev dhe Edi Rama kanë investuar kapital të rëndësishëm politik, duke ndërmarrë reforma të dhimbshme dhe duke marrë vendime të vështira për të përparuar në rrugën e tyre evropiane. Marrëveshja e Prespës midis Republikës së Maqedonisë së Veriut dhe Greqisë, për shembull, e cila i dha zgjidhjen mosmarrëveshjes të gjatë midis dy vendeve për emrin, nuk ishte më pak se historike. Ishte një shembull i gjallë i vendosmërisë së udhëheqjes politike të këtyre vendeve për të kthyer faqen e konfrontimit në rajon dhe për të hapur një faqe të re për vendet, atë të bashkëpunimit evropian, solidaritetit dhe miqësisë së sinqertë.
Negociatat e anëtarësimit nuk duhet të shihen thjesht si një shpërblim, por më tepër si një proces i cili ka një vlerë të vërtetë të shtuar dhe u siguron vendeve dhe BE-së instrumentin e nevojshëm për të përmirësuar arritjet e mëparshme, duke u mbështetur në përparimin e bërë dhe përafrimin e mëtejshëm të vendet e pranimit me politika dhe standarded e BE-së. Pa mbështetjen tonë, do të ishte shumë më e vështirë për ta të ecur përpara vetëm. Kjo është arsyeja që ekziston politika e zgjerimit dhe ajo njihet gjerësisht si një nga politikat më të suksesshme të BE-së.
Të mos konsiderosh arritjet e dy vendeve, së bashku me politikën dhe angazhimet tona të Zgjerimit tani do të ishte një gabim i rëndë strategjik. Si Kryeministër i Bullgarisë në kohën e pranimit tonë në BE, unë personalisht e di shumë mirë punën e vështirë që duhet në procesin e negociatave dhe në fazën përfundimtare. Unë gjithashtu e di se si frika e shtyrjes së mëtejshme reflektohet në opinionin publik. Prospektiva e thjeshtë e arritjes së qëllimit të madh kombëtar venitet, megjithë përpjekjet më të mira të një kombi të tërë, jo vetëm administratës publike, ushqen zhgënjimin dhe indinjimin në shoqëri.
Nëse BE nuk i respekton angazhimet e saj tani, ky zhgënjim në shoqëritë vetëm do të thyejë besimin që ata tani kanë në BE dhe do të nxiste populizmin dhe nacionalizmin shkatërrues anti-BE. Ne nuk mund të lejojmë që ringjallja e nacionalizmit të minojë përpjekjet drejt paqes dhe pajtimit në këtë rajon ende të brishtë të demokracive të reja, ku plagët e së kaluarës ende nuk janë shëruar plotësisht. Kjo nuk është në interesin më të lartë të BE-së, dhe sigurisht që do të luajë rol në duart e lojtarëve të tjerë, të cilët dëshirojnë të mbushin boshllëkun që lamë pas.
Prandaj, kam frikë se dështimi në marrjen e një vendimi tani jo vetëm do të ulë besueshmërinë e BE-së, por gjithashtu do të rrezikojë politikën e Bashkimit Evropian për Zgjerimin dhe do të devijojë procesin e integrimit evropian të vendeve të Ballkanit Perëndimor në vazhdimësi. Ne nuk duhet të dështojmë.
Ne i detyrohemi për këtë aspekt jo vetëm qytetarëve të Ballkanit Perëndimor, por edhe të gjithë qytetarëve të BE-së, të cilët presin veprime vendimtare dhe udhëheqje të përgjegjshme, dhe jo vetëm “sinjale”.
Kind regards,
Sergei STANISHEV
President
Party of European Socialists
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Tesilvan (Tesi) Basho, anëtar i bandës së Llanajve në Vlorë është vënë në prangat e policisë pas më shumë se tre viteve arrati. Bashkë me Tesin, u ...
TIRANË– Kreu i Grupit Parlamentar të PS, Taulant Balla, në një konferencë për mediat , ka reaguar sërish në lidhje me vendimin e Komisionit të Venecias për...
Tiranë- Kryeministri Edi Rama folur në një komunikim në Facebook para nisjes në Bruskel, në lidhje me qëndrimin e të huajve për çështjen e negociatave. A...
Tiranë- Mëngjesin e sotëm Rudina Hajdari deklaroi se shkarkimi i saj si kryetare e Grupit të opozitës parlamentare ishte e organizuar nga kreu i PD-së Lulzim B...
TIRANË– Çështja e hapjes së negociatave për Shqipërinë dhe Maqedoninë e Veriut ka haopur debat mes kancelares gjermane Amgela Mercel dhe Presidenti ...
Tiranë- Ish-deputetja e PD-së Jorida Tabaku ka deklaruar nga selia blu se raporti i Kontrollit të Lartë të Shtetit zbulon se qeveria ka gënjyer dhe manipuluar t...
TIRANË– Një ditë para mbledhjes së Komisionit Europian ku do të merret vendimi për hapjen ose jo të negociatave për Shqipërinë dhe Maqedoninë e Veriut, Kry...
TIRANË- Gjykata Kushtetuese nis të ringrihet. Presidenti i Republikës që kishte radhën i pari për të zgjedhur një gjyqtar në Gjykatën Kushteutese. Ilir Met...
Tiranë- Për shkarkimin si kryetare e Grupit Parlamentar të opozitës parlamentare, Rudina Hajdari ka deklaruar se gjithçka ka qenë e mirëprogramuar nga k...
TIRANË– Kryetari i Partisë Demokratike Lulzim Basha ka takuar mëngjesin e sotëm kryeministrin italian Giuseppe Conte. Në një status në rrjetet sociale, Bas...
