Politike

Gjermania “Po” me kushte Shqipërisë, Maqedonia e Veriut, rrugë të hapur drejt BE-së, Meta: Urgjent, të zgjidhim krizën

  • Hahn: Shumë i mirëpritur, njohja e progresit konkret është thelbësor
  • Për Shqipërinë votuan 395 deputet pro, 188 kundër dhe 16 abstenim, të cilët kanë thënë se për Shqipërinë janë dhe 9 kushte që duhet plotësuar që të nisin negociatat me Bashkimit Evropian.
    Featured image of article: Gjermania “Po” me kushte Shqipërisë, Maqedonia e Veriut, rrugë të hapur drejt BE-së, Meta: Urgjent, të zgjidhim krizën Bundestagu i Gjermanisë
    Përditësuar:

    GJERMANI- Shqipëria dhe Maqedonia e Veriut kanë marrë një “PO” nga Gjermania për hapjen e negociatave në 18 tetor nga BE. Shqipëria siç ishte parashikuar ka marrë një votë pro me kushte, ndërsa Maqedonia e Veriut ka marrë një votë “PO” të pastër.

    Për Shqipërinë votuan 395 deputet pro, 188 kundër dhe 16 abstenim, të cilët kanë thënë se për Shqipërinë janë dhe 9 kushte që duhet plotësuar që të nisin negociatat me Bashkimit Evropian.

    Para votimit është zhvilluar dhe një debat rreth 45 minuta, ku deputetët kanë treguar pikëpamjet e tyre. Një pjrej deputetëve të CDU/CSU ka folur dhe për vendimin e dënimit të Saimir Tahirit, duke thënë se “me atë dënim po u hidhet hi syve”.

    Po ashtu deputet gjatë diskutimeve e kanë vënë theksin dhe në funksionimin e shtetit dhe luftën kundër korrupsionit. Në fund është votuar pro për të të dyja shtetet, duke i thënë dritën jeshile vendeve të tjera të BE për Shqipërinë dhe Maqedonië e Veriut.

    Vendimi i Bundestagut është përshëndetur së pari nga kreu i Grupit Parlmanetar të PS, Taulant Balla, ka falenderuar në gjermanisht të gjithë deputetët. Ndërkohë dhe ambasadori i BE në Shqipëri Luigi Soreca në një reagim në Twitter ka shkruar: Bundestagu votoi në favor të hapjes së negociatave për Shqipërinë dhe Maqedonisë së Veriut.

    Pak ditë më parë Bundestagu gjerman publikoi raportin, ku theksoi mjaft qartë se Shqipëria po kalon një krizë të rëndë politike dhe se nuk ka hapje të negociatave për vendin tonë, pa plotësuar nëntë kushtet kryesore dhe pa u zgjidhur kriza. Një ndër pikat kryesore është procedimi penal për ata që janë përfshirë në blerje votash dhe një vendim urgjent i Gjykatës Kushtetuese mbi ligjshmërinë e votimeve të 30 Qershorit. Menjëherë pas këtij vendimi, Rama bëri një status në rrjetet sociale ku falënderonte Gjermaninë për vendimin.

    (A.B. Dosja.al)

    • 22:36

      Meta: Urgjent të zgjidhim krizën, urime Maqedonisë

      Presidenti Ilir Meta ka reaguar pasi Gjermania i hapi rrugën Shqipërisë për çeljen e negociatave me Bashkimin Europian. Në një status në rrjetet sociale, Meta ka uruar Maqedoninë, për të cilën thekson se e ka arritur “ok”, pa kushte dhe jo si Shqipëria.

      Presidenti Meta shkruan më pas se Shqipëria duhet urgjentisht të zgjidhë krizën politike.

      “Falenderim i veçantë Bundestagut, veçanërisht grupit CDU-CSU për angazhimin e tyre serioz në mbështetje të integrimit të Shqipërisë!🇦🇱🇩🇪🇪🇺
      Tani urgjent të punohet për zgjidhjen e shpejtë të krizës së rëndë politike dhe plotësimin e 9 kritereve të qarta!
      Po të ishin dëgjuar këshillat e tyre në kohë, sot do të kishim marrë një vendim pa kushte ashtu si Maqedonia e Veriut.
      Reflektim serioz për t’i dhënë Shqipërisë një mundësi reale, jo imagjinare!
      Urime Maqedonisë së Veriut!”– shkruan Meta.

      Ilir Meta
    • 22:19

      Hahn: Shumë i mirëpritur, njohja e progresit konkret është thelbësor

      Komisioneri për Zgjerim në BE, Johannes Hahn, ka reaguar pas vendimit të Bundestagut gjerman për t’i hapur rrugën integrimit të Shqipërisë dhe Maqedonisë së Veriut.

      Hahn shkruan në rrjetet sociale se është shumë i mirëpritur ky vendim i Bundestagut, duke shtuar se njohja e progresit konkret është thelbësor si nxitje për reformat.

      Postimi i Hahn

      Shumë i mirëpritur votimi i sotëm në Bundestagun gjerman në favor të hapjes së negociatave me Shqipërinë dhe Maqedoninë e Veriut në tetor. Njohja e progresit konkret është thelbësor, si nxitje për reformat në Ballkanin Perëndimor dhe për besueshmërinë e BE”, shprehet Hahn.

    • 21:47

      Nxehet deputeti i Merkel, hap çështjen e Tahirit në Bundestag: S’na hidhni hi syve me atë dënim

      Dënimi i ish-ministrit Saimir Tahiri ka mbërritur edhe në Bundestag. Përfaqësues i CDU/ CSU, Peter Beyer ka folur për çështjen “Tahiri” në fjalën e tij në Bundestag që ka mbajtur për Shqipërinë dhe Maqedoninë e Veriut.

      Nuk na hidhni dot hi syve me atë denim,”– ka thënë Beyer përpara të gjithëve kolegëve të tij.

      Peter Beyer dhe Saimir Tahiri

      Ndërkohë deputeti i CDU/CSU, Florian Hahn tha se Shqipëria ka bërë përparim në sistemin e gjyqësorit, por ka ende punë për të bërë në luftën kundër krimit të organizuar.

      Shqipërisë do t’i japim një shans historik nëse e votojmë. Kemi vendosur kritere shumë të forta për Shqipërinë, të ndara në dy faza. Hapja e negociatave nuk do të thotë anëtarësim,”- tha Hahn më tej.

    Shto Koment