U përplas me dy makina! Aksident i rëndë në Tiranë përmbyset autobusi, 3 të plagosur, jashtë rrezikut për jetën
ME VIDEO- U përplas me një makinë, aksident i rëndë në Tiranë përmbyset autobusi, xhama kudo 26 Mars, 1...
ME VIDEO- U përplas me një makinë, aksident i rëndë në Tiranë përmbyset autobusi, xhama kudo 26 Mars, 1...
Takimi me Kurtin/ Rama: Ka hedhur hapa me rëndësi të madhe drejt normalizimit të marrëdhënieve me Serbinë 26...
VIDEO/ Garazhi i mbuluar nga tymi i zjarrit, shkojnë dy zjarrfikëse në zonën e ish-parkut të Autobusave 26 Mars, 14:45...
"Balluku është e pafytyrë"/ Banorët e Bërxullës në protestë: Rama nuk zbret nga kali, ne ku do gjejm&eum...
GJERMANI– Kur populli në Gjermani kërcënohet nga rreziqe natyrore si përshembull përmbytjet, atëherë vihet fillimisht në lëvizje njësia më e vogël administrative, që është komuna. Nëse shihet se komuna nuk është në gjendje ta përballojë e vetme situatën, atëherë aktivizohet burimi tjetër administrativ, që është rrethi ose qyteti. Këto dërgojnë zjarrfikëset ose ambulancat.
Në Gjermani ekzistojnë gjithsej 294 rrethe dhe 107 qytete të lira (si përshembull Këlni, Kili ose Lajpcigu). Nëse mundësitë që ka rrethi nuk mjaftojnë, atëherë kërkohet ndihmë nga rrethet e tjera, që nuk janë prekur nga kriza. Ndihma në këtë rast organizohet nga një shtab ndër-rajonal krize, që ngrihet ta zemë në nivel landi, dhe që koordinon ndërhyrjen e forcave në vendin e krizës.
Roli i federatës
Vetëm në rastin kur një land federal nuk është më në gjendje ta manaxhojë vet krizën në vend, atëherë aktivizohet mbrojtja nga katastrofat e Federatës. Për këtë rrethi ose qyteti duhet të shpallë gjendjen e katastrofës. Në këtë rast ushtria hap rrugët me mjete të blinduara dhe mbledh rrënojat. Ose policia federale dërgon helikopterët për të evakuuar njerëzit. Aksion evakuimi me helikopter gjatë përmbytjeve në Gjermani
Përveç kësaj në Gjermani ekziston edhe Shoqata e Ndihmës Teknike (THW), e cila është e pajisur me mjetet e nevojshme për ndërhyrje në raste përmbytjesh ose tërmetesh. Ekspertët e THW nuk ndihmojnë vetëm në Gjermani, por shkojnë në gjithë botën në misione për të ndihmuar me rrymë elektrike dhe ujë të pijshëm, njerëzit që ndodhen në zonat e katastrofave. 80 mijë vetë punojnë pë THW, shumë prej tyre vullnetarisht. Një nga detyrat që ata kanë në përmbytjen që sapo ka ndodhur është të pompojnë ujin nga digat e mbushura plot për të penguar shkatërrimin e tyre dhe përmbytjen e rajoneve të tjera.
Miliona ndihmës vullnetarë
Po ashtu në ndihmë vijnë edhe vullnetarët që veprojnë në të gjitha landet, si përshembull samaritanët nga Arbeiter-Samariter-Bund, vullnetarët e Shoqërisë gjermane për shpëtimin e jetës, Deutsche Lebens-Rettungs-Gesellschaft (DLRG), nga Kryqi i Kuq Gjerman, (DRK), nga organizata e Johanitëve për rastet e katastrofave, die Johanniter-Unfall-Hilfe dhe maltezët nga Malteser Hilfsdienst.
Vetëm në Landin e Renanisë Veriore Vestfalisë (NRW) ndodhen 30 zjarrfikëse profesionale dhe gati 400 zjarrfikëse vullnetare, që vihen në lëvizje në raste katastrofash.
Sipas të dhënave nga Federata, në Gjermani punojnë vullnetarisht, pra pa pagesë 1,7 milionë ndihmësa.
Komunikimi në raste krizash
Në nivel landesh janë krijuar qendrat e përmbytjeve, të cilat vëzhgojnë nivelin e ujit të lumenjve dhe liqeneve për të paralajmëruar sa më shpejt që të jetë e mundur për rrezikun e përmbytjeve. Në rastet kur ujërat rrjedhin në disa vende, si në rastin e Lumit Rin, atëherë vëzhgimi i ujërave bëhet në nivel ndërkombëtar. Kompetencat për këtë i ka Komisioni Ndërkombëtar për mbrojtjen e Rinit, Internationale Kommission zum Schutz des Rheins.
Shërbimi gjerman i Sinoptikës, Deutsche Wetterdienst (DWD), i cili varet nga Federata, bën parashikimet paraprake për rreziqet që mund të vijnë nga moti, si në rastin konkret për reshjet e mëdha. Nëpërmjet aplikimeve që merren me paralajmërimet siç është NINA, bëhet paralajmërimi i kushteve ekstreme të motit, si stuhira apo valë përmbytjesh, paralajmërime të cilat i dërgohen popullsisë që preket eventualisht. Problemi që ekziston është se vetëm një pjesë e vogël e njerëzve në Gjermani i përdorin në celular aplikimet paralajmëruese, si puna e NINA-s.
E gjithë situata mbahet nën kontroll nga Enti Federal për mbrojtjen e popullsisë dhe ndihmës në raste katastrofash (BBK). Në një intervistë në radio, drejtori i entit, Armin Schuster tha lidhur me kritikat se gjatë krizës aktuale popullsia në zonat e përmbytura është paralajmëruar me vonesë, se: “Infastruktura jonë e paralajmërimit ka funksionuar plotësisht. Nga e mërkura deri të shtunën ne kemi dërguar 150 paralajmërime.”
Marrë nga DW
Ai tha po ashtu se Shërbimi gjerman i motit, DWD, “i ka bërë si duhet” parashikimet e motit dhe ka paralajmëruar herët për përmbytjet e mëdha: “Por natyrisht parashikimet nuk janë aq të sakta sa të mund të thuhet cili vend preket me çfarë intensiteti dhe me cilën përhapje.”
Manaxhimi i informacioneve duhet përmirësuar
Edhe qendrat e përmbytjeve kanë qenë aktive dhe kanë bërë paralajmërimet për përmbytjen. „Paralajmërimet iu dërguan autoriteteve të rretheve dhe ato e kanë në dorë që me qendrat e tyre të kontrollit të përdorin sistemin tonë të paralajmërimit. Gjë që edhe e bënë. 150 paralajmërime u dërguan në media. Ato u transmetuan tek app-et e paralajmërimeve “, tregon Schuster përmbledhtasi si janë zhvilluar ngjarjet.
Ndihmësit e forcave të ndryshme të shpëtimit merren vesh me njëri-tjetrin nëpërmjet një sistemi digjital radioje të krijuar nga qeveria federale, sistem që është krejtësisht i pavarur nga sistemi i telefonave celularë dhe që funksionon edhe aty ku antenat janë shkatërruar ose ku valët e telefonit celularë nuk mbërrijnë ose janë prishur. Sipas të dhënave të qeverisë federale, ky rrjet mbulon 99 përqind të sipërfaqes së Gjermanisë.
Pas katastrofës në Gjermani kërkohet të rivendosen sirenat e alarmit
Në kohën e Luftës së Ftohtë, shumë ndërtesa publike si shkolla dhe posta kanë pasur nëpër çati sirena, që bënin paralajmërimet nga rreziqet. Një pjesë e madhe e tyre janë hequr për të bërë kursime. Në situatën aktuale janë shtuar zërat që kërkojnë që në gjithë vendin të vendosen sërish sirenat, me të cilat gjatë Luftës së Dytë Botërore popullsia paralajmërohej nga sulmet ajrore. Duhet thënë se sirenat funksionojnë vetëm kur funksionon energjia elektrike.
Sirena dhe apikacione paralajmëruese
Edhe Armin Schuster, drejtori i Entit për mbrojtjen nga katastrofat e pranon se sistemi i mbrojtjes nga katastrofat duhet reformuar. Schuster, që ka qenë më parë deputet, e drejton këtë zyrë që nga fundi i vitit 2020 dhe ka filluar në muajin maj me një program reformues për mbrotjen e popullsisë. Një pjesë e rëndësishme e tij ka të bëjë me rivendosjen në çatitë gjermane të sistemit të sirenave paralajmëruese.
“Tre muajt e parë ne jemi duke u marrë me zbatimin e reformës. Unë jam shumë i impresionuar nga shpejtësia me të cilën është duke u bërë zbatimi i reformës dhe me bashkëpunimin e landeve. Që prej dy muajsh është krijuar edhe një program ndihme për rivendosjen e sirenave,” thotë Schuster.
Deri në fund të viti, Enti Federal për mbrotjen nga katastrofat do të bëjë një përmbledhje për gjendjen e rreziqeve për gjithë Gjermaninë. “Atëherë do e marrim vesh në çfarë gjendjeje ndodhet Gjermania dhe ku duhet investuar nga Federata dhe landet.”
Schuster mendon se për të bërë më mirë paralajmërimin e popullsisë në të ardhmen do të përdoret një përzierje e mënyrave analoge të paralajmërimit, siç janë sirenat, me mënyrat digjitale siç janë aplikimet në smartfonë.
Iftar dhe politikë, a u prek Muaji i Ramazanit nga politikanët?
BRITANI-Një fenomen i pazakontë, i cili nuk ka ndodhur në shtetet e tjera, po aplikohet në Britaninë e Madhe, ku hotele të ndryshme i vijnë në ndihmë të pastreh...
Përfaqësuesi i lartë i bashkësisë ndërkombëtare për Bosnjë dhe Hercegovinën, diplomati austriak Valentin Inzko, vendosi që mohimi i gjenocidit së Srebrenicës të...
KOSOVË-Presidentja e Kosovës, Vjosa Osmani, ka reaguar pas eliminimit të Kampiones së “Rio 2016”, xhudistes Majlinda Kelmendi, nga Lojërat Olimpike. Përmes...
TURQI– Komiteti i Trashëgimisë Botërore të UNESCO-s ka reaguar lidhur me vendimin e Turqisë për t’i kthyer monumentet botërore të Hagia Sophia dhe Manasti...
INDI– Reshjet e shumta të shiut kanë ‘goditur’ Indinë, ku përmbytjet katastrofike i kanë marrë jetën 115 personave, ndërsa 90.000 njerëz janë ...
SERBI-Presidenti i Serbisë Aleksandër Vuçiç, gjatë një interviste për një media serbe ka paralajmëruar se pret presione të mëdha për çështj...
SHBA– Duket se themeluesi i Facebook, Mark Zuckerberg nuk është adhuruesi më i madh i bilionerit Jeff Bezos. CEO i Facebook-ut i pëlqeu një meme në Instagram, e...
KOSOVË– Qeveria e Kosovës ka vendosur që të ndajë 420 milionë euro për rimëkëmbjen ekonomike, në kuadër të së cilës hyjnë edhe bonot e diasporës.Ministri i...
SHBA– Kongresisti Ronny Jackson, i cili ka shërbyer si mjek në Shtëpinë e Bardhë gjatë presidencës së Barack Obama dhe Donald Trump, ka parashikuar që Joe Biden...
AUSTRALI- Mijëra njerëz u mblodhën në Victoria Park të Sidneit,për të protestuar ndaj bllokimeve të përhapura në NSW. Mediat e huaja raportojnë se policia u vu ...
