Blog

Mentor Kikia:S’i duroj më këta karagjozë dhe qelbësira që paguhen si deputetë me paratë e mia

Dhe urgjent shqiptarë, në këmbë, të gjithë. Të hiqen të gjitha privilegjet që deputetët gëzojnë me ligj. Sepse nuk meritojnë as një kacidhe nga paratë e djersës tonë, pale privilegje.
Featured image of article: Mentor Kikia:S’i duroj më këta karagjozë dhe qelbësira që paguhen si deputetë me paratë e mia Opozita e Re ne Kuvend

Unë dua që të bëhen zgjedhje parlamentare që nesër. Dhe nuk më intereson fare se cila parti fiton. Dua të jem tërësisht i papërgjegjshëm për forcën politike dhe programin ekonomik.

As ma ndjen fare për negociatat dhe integrimin. Dua vetëm të zhduken nga ai parlament një dyzinë karagjozësh e palaçosh, që marrin guximin e dalin edhe nëpër ekrane.

Edhe ata quhen ligjvënës. Edhe ata paguhen më paratë e mia. Unë punoj 12 orë në ditë, bëj vetëm një ditë pushimn në javë dhe paguaj 25% të pagës time taksë.

Me paratë e mia paguhen këta qelbësira, që nuk dinë të lidhin asnjë fjalë, që bëjnë biznes me mandatin e deputetit dhe që me errin sytë kur i shikoj.

Me paratë e mia këta kanë të drejtë të marrin edhe pension suplementar kur të dalin në pension, që do të jetë sa trefishi i pensionit tim.

Këta palaço cirku kanë të drejtë edhe të kurohen jashtë vendit, po me paratë e mia, kur tu rrezikohet shëndeti.

Po me paratë e mia, këta kanë të drejtë të marrin edhe kredi të buta, po të butra fare, pa interes, për të blerë shtëpi. Unë paguaj kreditë e bankave që të thithin gjakun, kur ta mbarosh.

Ndaj zgjedhje urgjent!

Dhe urgjent shqiptarë, në këmbë, të gjithë. Të hiqen të gjitha privilegjet që deputetët gëzojnë me ligj. Sepse nuk meritojnë as një kacidhe nga paratë e djersës tonë, pale privilegje.

2 Komente në “Mentor Kikia:S’i duroj më këta karagjozë dhe qelbësira që paguhen si deputetë me paratë e mia

  1. si puna jote kerkojme edhe ne qe te qendroje ne pushtet se nuk ka me mire se Edi Rama se ky po con perara reformat qe jane jetike per vendin etj etj.

    • Kjo situate ka rreth 30 vjet qe sa vjen dhe agravohet baza e se keqes eshte menyra se si jane organizuar njerzit ne parti dhe si funksionojne ne vetvehte partite

Shto Koment