Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
QIPRO-Arrestimi i 11 grave rumune pasi zbritën nga një avion në Qipro në korrik ka hedhur dritë mbi praktikën e martesave të rreme në ishull si një rrugë e shpejtë për të siguruar të drejtat e qëndrimit në Bashkimin Europian për shtetasit nga vende jo anëtare të BE-së.
Gratë u arrestuan në aeroportin e Larnakës dhe, sipas policisë qipriote, pranuan se ishin paguar nga 700 deri në 1,000 euro për martesa të rreme për shtetasit nga vende jo anëtare të BE-së që përpiqeshin të siguronin qëndrimin në bllok.
Dhjetë u dëbuan përsëri në Rumani, ku praktika të tilla nuk konsiderohen trafik njerëzor sipas ligjit rumun dhe nuk përballen me asnjë akuzë, tha policia rumune për BIRN. E 11-ta mbetet në Qipro dhe po hetohet nën dyshimin për organizimin e mashtrimit.
“Ndërmjetësja ishte një grua rumune e martuar në Qipro, e cila ishte ajo që bëri lidhjen midis organizatorëve në Qipro dhe organizatorëve në Rumani për të gjetur ‘nuset’ e ardhshme në Rumani”, tha për BIRN në një përgjigje me shkrim ministria e brendshme e ishullit. “Ajo ishte e përfshirë në mënyrë aktive në rregullimin e udhëtimit të tyre në Qipro.” Ministria tha se ky nuk ishte një rast i izoluar.
Avokatë, rekrutues dhe mblesë
Sipas të dhënave të publikuara nga qeveria qipriote në maj, rreth 3,600 martesa të dyshuara të rreme u referuan në polici në 2018 dhe 2019.
“Grupi i organizuar kriminal përbëhet nga organizatorët në krye të piramidës, të cilët zakonisht janë avokatë, dhe punonjësit e tyre që organizojnë veprimtaritë kriminale”, i tha BIRN ministria e brendshme.
Shtresa e dytë janë të ashtuquajturit “ndërmjetës” – shtetas të huaj rezidentë në Qipro ose në vendin nga vijnë nuset e rreme dhe që operojnë si “lehtësues” të dasmave.
“Këta anëtarë operojnë si rekrutues që joshin qytetaret europiane, të cilat më pas bëhen ‘nuse’ , si dhe shtetasit e vendeve të treta që kanë interes për të kryer martesën,” tha ministria.
Shumica e “dhëndurëve të rremë” të identifikuar nga autoritetet qipriote vijnë nga Pakistani, Bangladeshi dhe India dhe janë në Qipro me leje studimi ose pune që kanë skaduar ose do të skadojnë. Qeveria thotë se ka vërejtur gjithashtu një trend në rritje të azilkërkuesve që tërheqin kërkesat e tyre për azil pasi martohen.
“Në rast se leja e tyre e qëndrimit ka skaduar, ata këshillohen ose nga organizatorët ose nga ndërmjetësit të paraqesin një kërkesë për azil në mënyrë që të zgjasin qëndrimin e tyre në Qipro dhe të kenë shansin për të kryer ‘martesën’”, tha ministria e brendshme.
Pak përfundojnë duke qëndruar në Qipro, duke preferuar të udhëtojnë tutje në Britani, Gjermani ose Itali në bazë të dokumenteve të marra përmes martesës, tha për BIRN policia rumune.
Ndërsa në rastin e korrikut gratë u paguan nga 700 deri në 1,000 euro, kostoja për dhëndrin mund të variojë midis 3,000 dhe 6,000 euro, e ndarë midis “organizatorëve” dhe “ndërmjetësve”.
Angazhim i gjatë
Sipas autoriteteve qipriote, shumica e nuseve të rreme janë nga Rumania dhe Bullgaria, vende që u anëtarësuan në BE në 2007, por ku varfëria, veçanërisht në zonat rurale, mbetet një problem.
“Ato zakonisht mashtrohen pasi u ofrohet një punë e paguar mirë në Qipro dhe kushte shumë të mira pune”, tha ministria e brendshme, megjithëse nuk është e pazakontë që disa nga gratë e dinë natyrën e vërtetë të udhëtimit.
Ministria tha se në rastet kur gratë mashtrohen ato trajtohen si viktima të trafikimit njerëzor. Komisioneri i policisë rumune Jenel Sogor tha se gratë rumune u rekrutuan nga “rrjete ndërkombëtare kriminale” të cilat, tha ai, shfrytëzojnë vendet ku martesa të tilla “nuk i nënshtrohen vlerësimit dhe kontrollit të duhur, siç është rasti në Qipro”.
Gratë regjistrohen nga autoritete qipriote si të punësuara dhe, shpesh, lidhin marrëveshje të falsifikuara qiraje me dhëndrit e tyre të rremë si provë se ata jetojnë bashkë. Gratë janë të detyruara të dorëzojnë dokumentet e tyre personale, si sigurim që ato nuk do të ikin.
Por misioni i tyre nuk përfundon me ceremoninë e martesës.
Certifikata e martesës shpesh përdoret për të aplikuar për letra qëndrimi për të afërmit e dhëndrit, ndërsa të porsamartuarit informojnë autoritetet për qëllimin e tyre për të lënë Qipron dhe për t’u larguar drejt një shteti tjetër anëtar të BE-së. Vetëm kur sigurohet kjo gjë, nuset mund t’i kthehen jetës së tyre. Edhe atëherë, “ata zakonisht janë të detyruar të jenë të disponueshme në çdo kohë, madje edhe të udhëtojnë në Qipro, për kontrolle policore” për të vërtetuar martesën e tyre, tha ministria.
Raportet e mediave qipriote thonë se vendi është përballur me ankesa nga Portugalia dhe Letonia, vende anëtare të BE-së, – ku janë rekrutuar shumë prej nuseve të rreme – që nuk po bëjnë mjaftueshëm për të goditur mashtrimin. Qipro ka miratuar standarde më të rrepta për të demonstruar vërtetësinë e një martese dhe dënime më të ashpra për ata që shpallen fajtorë për mashtrim të sistemit.
MARRË NGA BIRN
(I.A/dosja.al)
1 vit nga zgjedhjet e 25 prillit si e shikoni gjendjen e vendit:
ITALI-Milioneri kinez, Wu Yang me banim në Itali ka qenë pjesë e eksperimentit të vaksinës Sinovac në Kinë. Lajmin për këtë e dha vetë sipërmarrësi në një inter...
SHBA-Epidemiologu amerikan, Anthony Fauçi ka kritikuar Mbretërinë e Bashkuar për aprovimin e shpejtë që i bari vaksinës anti-Covid të Pfizer dhe BioNTech...
KOSOVË- Delegacioni i Kosovës dhe i Serbise ditën e nesërme do të mbajnë një konferencë për shtyp në Kizhevak të Serbisë. Lajmin e ka bërë të ditur vetë zy...
GREQI- Qyteti i Selanikut në Greqi është qendra e valës së dytë të Covid-19. Mediat greke kanë postuar disa foto të varreve që po hapen të Greqi për të varrosur...
GJAKOVË– Një ngjarje e rëndë ka ndodhur ditën e sotme në qytetin e Gjakovës. Një 61-vjeçar u gjet i pajetë në një motel, aty ku ndodhej së bashku m...
ANGLI-Mbretëria e Bashkuar është bërë vendi i parë në botë që miraton vaksinën kundër COVID-19 të kompanisë Pfizer dhe BioNTech. Agjencia e Rregullatorit të Pav...
SHBA-Aplikacioni i komunikimt, WhatsApp ka shtuar një opsion të ri në program. Ai ka bërë të ditur se ka shtuar sfonde të personalizuara në të gjitha bisedat. W...
TURQI-Një tërmet me magnitudë 5.0 të shkallës rihter ka goditur mëngjesin e sotëm Turqinë. Tërmeti ka rënë në juglindje të Turqisë në qytetin e Siirt. Lajmin e ...
SHBA- Këshilltari i Operacionit për shpërndarjen e shpejtë të vaksinave Warp Speed, Moncef Slauoi është shprehur se deri në shkurt 100 milion persona do të marr...
TIRANË– Vala e dytë e pandemisë së Covid-19 ka “gjunjëzuar” të gjitha vendet në botë. Numri i personave të infektuar me koronavirus në botë ka shkuar në 64...
