Vritet me armë zjarri ekonomisti i një firme në Kurbin, shenjestra ishte pronari, autorët qëlluan nga jashtë rrethimit të objektit

pamje nga vendngjarja

KURBIN- Janë zbardhur detaje të reja nga atentati i ndodhur mëngjesin e sotëm në Kurbin. Pronari i firmës ku ndodhi atentati, Ardian Gjeloshi ka deklaruar se autorët janë prezantuar si polic në momentin që janë futur brenda objektit po ashtu dhe rojës, i cili ka qenë prezent. 

Më pas kanë qëlluar drejt Gjeloshit dhe Selman Mihanes, i cili mbeti dhe viktimë e këtij atentati. Dyshohet se kanë qenë dy makina që janë përdorur në këtë atentat dhe dyshohet gjithashtu se njëra makinë ‘Range Rover’ është vjedhur disa kohë më parë në një karburant në autostradën Lezhë-Laç.

Policia e Kurbinit ka sekuestruar kamerat e biznesit në cilësinë e provave materiale. Ato besohet se mund të çojnë në zbardhjen e itinerarit të ndjekur nga autorët.

Ndërkohë raportohet se tre janë pistat ku po heton prokuroria për zbardhjen e atentatit që kishte në shënjestër Ardian Gjeloshin. Pista e parë ka të bëjë me konfliktet në lidhje me biznesin me pjesëtarë të një fisi nga Pllane. Si pistë e dytë po heton atë të hakmarrjes, pasi në 2002 është shënuar një ngjarje e rëndë ku autorë të dyshuar ishin Ardian Gjeloshi dhe vëllai i tij, Dritan Gjeloshi. Asokohe autorët qëlluan mbi një kamionçinë dhe lanë të vrarë Marie Prengen, infermiere, nënë e 4 fëmijëve, ndërsa u plagos oficeri i FNSh Kastriot Prenga, Gjergj e Vitore Prenga. Pista e tretë lidhet me plagosjen e djalit të Ardian Gjeloshaj.

Gentjan Berberi

KURBIN- Zëvendës drejtori i Policisë në Lezhë, Gentjan Berberi ka dhënë detaje në lidhje me vrasjen që ndodhi mëngjesin e sotëm në një firmë inertesh, ku mbeti i vdekur ekonomisti Selman Mihane dhe u plagosur pronari i kompanisë Ardian Gjeloshi. Sipas Berberi, objektiv i sulmit me armë ka qenë pronari i firmës, 51-vjeçari Ardian Gjeloshi.

"Sot rreth orës 07:00 është njoftuar se është qëlluar me armë zjarri është tentuar të vritet A.GJ. Si pasojë e të shtënave me armë zjarri ka humbur jetën S.M. Dyshohet se është qëlluar me automatik. Pista hetojmë konflikte mosmarrëveshje. Objektivi dyshohet A.GJ dhe është në gjendje të mirë", tha Berberi.

Foto nga vendi i ngjarjes

KURBIN- Zbardhen detaje nga ngjarja fshatin Gurëz në Kurbin ku mbeti i vrarë ekonomisti i një firme inertesh dhe u plagos pronari i saj. Dyshohet se autorët e krimit kanë qëlluar nga jashtë rrethimit të firmës së inerteve dhe kur ata kanë hapur zjarr, pronari i firmës Ardian Gjeloshi ka qenë duke u futur në ambientet e zyrës së bashku me viktimën, ekonomistin Selaman Mihana. Në ato momente autorët kanë qëlluar nga muri rrethues i firmës. Po ashtu mësohet se në momentin kur ka ndodhur atentati, te porta e hyrjes ndodhej edhe roja objektit, i cili është marrë në pyetje nga grupi hetimor.

Sipas policisë e gjithë firma është e pajisur me kamera sigurie. Hetuesit dyshojnë se Ardian Gjeloshi pronari firmës se inerteve ka qenë shënjestra e atentatit.

Foto nga vendi i ngjarjes

KURBIN- Mëngjesin e kësaj të shtune, një ngjarje e rëndë është shënuar në Kurbin ku një person mbeti i vrarë dhe një tjetër i plagosur. Bëhet me dije se ekonomisti i një firme inertesh është vrarë me armë zjarri, ndërsa ka mbetur i plagosur pronari i saj. Po ashtu raportohet se pronari është Ardian Gjeloshi, kurse ekonomisti që ka humbur jetën është Selman Mihana.

Ngjarja ka ndodhur në fshatin Gurëz, të Kurbinit ndërsa Policia dhe RENEA kanë zbarkuar në zonë dhe vijojnë kontrollet për identifikimin dhe kapjen e autorit.

Foto nga vendi i ngjarjes

KURBIN- Një ngjarje e rëndë është regjistruar në orët e para të mëngjesit të sotëm në fshatin Gurëz të Kurbinit ku mësohet se në ambientet e një firme ku përpunohen inerte, në rrethana ende të paqarta është vrarë me armë zjarri 70-vjeçari Selman Mihana, me detyrë si ekonomist i firmës, si dhe është plagosur pronari i firmës, 51-vjeçari Ardian Gjeloshi. Ky i fundit është transportuar në spital për ndihmë mjeksore. 

Ndërkohë është ngritur një grup i posaçëm hetimor për zbardhjen e rrethanave të ngjarjes, identifikimin dhe kapjen e autorit/ve. Në ndihmë të policisë vendore kanë shkuar forcat Kombëtare të Sigurisë dhe Forcat Speciale Renea.

Foto ilustruese

KURBIN- Një ngjarje e rëndë është regjistruar në orët e para të mëngjesit të sotëm në fshatin Gurëz të Kurbinit ku mësohet se një person ka mbetur i vrarë me armë zjarri ndërsa një tjetër është plagosur. Bëhet me dije se në ambientet e një firme ku përpunohen inerte, në rrethana ende të paqarta është vrarë me armë zjarri 70-vjeçari Selman Mihana me detyrë si ekonomist i firmës, si dhe është plagosur pronari i firmës, 51-vjeçari Ardian Gjeloshi. Ky i fundit është transportuar në spital për ndihmë mjeksore. 

Ndërkohë është ngritur një grup i posaçëm hetimor për zbardhjen e rrethanave të ngjarjes, identifikimin dhe kapjen e autorit/ve. Në ndihmë të policisë vendore kanë shkuar forcat Kombëtare të Sigurisë dhe Forcat Speciale Renea.

Njoftimi i policisë:

Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M,  rreth 70 vjec, ekonomist i firmës, si dhe është plagosur pronari  shtetasi A. GJ, rreth 51 vjec, i cili është transportuar në spital për ndihmë mjeksore. Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit. Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve. Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea. Në një moment të dytë do të ketë njoftim më të plotë në lidhje me ngjarjen.

Foto ilustruese

KURBIN- Një person është plagosur me armë zjarri në fshatin Gurëz në Kurbin. Mësohet se i plagosuri është Ardian Gjeloshi i cili është dërguar me urgjencë drejt Spitalit të Traumës në Tiranë, ndërsa Ppolicia ka ngritur disa pista kontrolli për kapjen e autorit/ëve. Deri tani nuk dihen motivet e kësaj ngjarjeje.