Sherri masiv në Korçë me 2 të plagosur/ Zbardhet dinamika e ngjarjes, Policia: Arrestohen 10 persona

Sherri

KORÇË- Petrika Ropi është një nga personat e përfshirë në sherrin masiv në Korçë mbrëmjen e djeshme. Nga sherri masiv në lokal për motive të dobta, 2 persona kanë mbetur të plagosur me thikë, të cilët janë dërguar në spital për të marrë ndihmë mjekësore. 

Por kush është Pertika Ropi?

Nga një kërkim që Dosja.al bëri, del që emri i Petrika Ropit nuk është i panjohur për drejtësinë shqiptare. Kjo pasi në vitin 2022, Ropi plagosi një të ri 13 herë me thikë në zonën e Pazarit në Korçë. Bledar Asllani, i cili u qëllua pa mëshirë 13 herë, e ka denoncuar rastin në emisionin Fiks Fare, pasi nuk është marrë asnjë masë për autorin. 

Bledar Asllani

Sipas denoncimit të Asllanit, Petrika endej i lirë në rrugët e qytetit edhe pse e masakroi atë me thikë, pasi ka babain efektiv policie. 

“Autori lëviz i lirë, kurse unë jam ende në spital. Dyshoj se e mbrojnë, se ai ka babanë polic. Babai i tij quhet Arqile Ropi, është inspektor zone. Kërkoj që të veprohet, pasi edhe mjeko ligjori erdhi dhe vetëm sa më pa. Asnjë gjë më tepër. Autori lëviz i lirë, s’ka asnjë masë, megjithëse me qëlloi 13 herë me thikë” përfundoi Bledari./Dosja.al

Pamjet nga sherri

KORÇË- Personat e mëposhtëm janë përfshirë në sherrin masiv të ndodhur mbrëmjen e kaluar në një lokal në Korçë. Mësohet se sherri mes tyre ka nisur për motive të dobëta, ndërkohë që të gjithë janë arrestuar nga policia.

Dritan Pino
Petrika Ropi
Ilir Shukulli
Rafail Kocaqi
Salvi Asllan
Mihal Zhidro
Serxhio Mema
Gersi Dervishi
Sotiraq Shkurti
Kristi Lamçe

Nga sherri i mbrëmshëm kanë mbetur të plagosur 2 persona me thikë, të cilët janë dërguar në spital për të marrë ndihmë mjekësore./Dosja.al

Policia

KORÇË- Dinamika e sherrit masiv në Korçë të ndodhur mbrëmjen e kaluar në një lokal është zbardhur. Mësohet se 10 personat që janë konflikuar në lokal mbrëmjen e kaluar janë vënë në pranga të gjithë. Ndërkohë që pronari i lokalit është proceduar penalisht dhe një tjetër person i përfshirë në konflikt është shpallur në kërkim.

Sherri mes tyre ka ndodhur për motive të dobëta, ndërkohë që të gjithë akuzohen për plagosje me dashje, shkatërrim i pronës, vrasje me dashje si dhe deklarimi i rremë para oficerëve të policisë gjyqësore. Nga sherri të mbrëmshëm kanë mbetur të plagosur 2 persona me thikë, të cilët janë dërguar në spital për të marrë ndihmë mjekësore. 

Njoftimi i Policisë:

Korçë/Zbardhet dinamika e konfliktit të ndodhur mbrëmjen e djeshme, në një lokal, ku mbetën të plagosur me mjet prerës (thikë), 2 shtetas. Identifikohen dhe vihen në pranga 10 shtetasit që u konfliktuan me njëri-tjetrin, për motive të dobëta. Shpallet në kërkim 1 shtetas tjetër i përfshirë në konflikt. Procedohet penalisht pronari i lokalit ku ndodhi konflikti, pasi kishte punonjës të paregjistruar në organet kompetente.

Mbrëmjen e djeshme, menjëherë pas marrjes së njoftimit se në lagjen nr.1, Korçë, në ambientet e një lokali, po ndodhte një konflikt, shërbimet e Komisariatit të Policisë Korçë shkuan në vendngjarje, për të parandaluar përshkallëzimn e konfliktit. Si rezultat i veprimeve të shpejta hetimore dhe operacionale të kryera nga specialistët për Hetimin e Krimeve të Komisariatit të Policisë Korçë, u bë i mundur identifikimi dhe arrestimi i shtetasve të përfshirë në konflikt, konkretisht:

-D. P., 54 vjeç, banues në Korçë, për veprat penale "Vrasja me dashje”, mbetur në tentativë, "Plagosja e rëndë me dashje", "Plagosja e lehtë me dashje", "Shkatërrimi i pronës", "Deklarimi i rremë para oficerëve të policisë gjyqësore", "Prishja e qetësisë publike" dhe "Prodhimi, mbajtja, blerja apo shitja pa leje e armëve të ftohta";

-P. R., 28 vjeç, I. Sh., 51 vjeç, R. K., 21 vjeç, S. A., 21 vjeç, M. Zh., 31 vjeç, S. M., 25 vjeç, G. D., 37 vjeç, S. Sh., 31 vjeç, dhe M. L. 29 vjeç, të gjithë banues në Korçë, për veprat penale "Plagosja e rëndë me dashje", "Plagosja e lehtë me dashje", "Shkatërrimi i pronës", "Deklarimi i rremë para oficerëve të policisë gjyqësore" dhe "Prishja e qetësisë publike".

Gjithashtu, u shpall në kërkim shtetasi E. K., 38 vjeç, banues në Korçë, i dyshuar i përfshirë në konflikt.

Këta shtetas janë konfliktuar fizikisht dhe me sende të forta me njëri-tjetrin, duke prishur qetësinë publike dhe duke shkaktuar dëme materiale në lokal. Gjatë veprimeve procedurale, ata kanë dhënë deklarata të rreme përpara punonjësve të Policisë. Në vijim të veprimeve për rastin u referuan materialet në Prokurori ku nisi procedimi në gjendje të lirë për pronarin e lokalit ku ndodhi konflikti, shtetasin R. I., 45 vjeç, banues në Korçë, për veprën penale "Punësimi i paligjshëm", pasi nga verifikimet rezultoi se kishte punonjës të paregjistruar në organet kompetente. Materialet procedurale iu referuan Prokurorisë së Korçës, për veprime të mëtejshme./Dosja.al