“Diaspora do të dyndet në Shqipëri!" Berisha: Shqiptarët i lindin nënat për t’i dalë zot Atdheut,...
U arrestua pak ditë më parë për korrupsion dhe terrorizëm, gjykata lë në burg rivalin e Erdogan, Ekrem Imamo...
"Bëjmë foto me gratë se burrat vijnë gjithmonë mbrapa"/ Rama batuta me kandidatët në Vlorë: Deri më...
U gjetën të përgjakur në rrugë nga kalimtarët, dy shqiptarët u plagosën pas një sherri, dyshohet se...
•Digjet makina e Deizi Arapit në Devoll. •Persona të paidentifikuar, dogjën me benzinë mjetin e 27-vjeçares, i cili ishte i parkuar para banesës së saj. •Arapi, ka dëshmuar para gazetarëve se i vetmi person me të cilin ka probleme është deputeti i Partisë Demokratike, Bledion Nallbati, njëkohësisht ish-kryebashkiak i Devollit. •Konfliktet mes tyre ka nisur vite më parë kur nëna e saj u hoq nga detyra, veprim ky që sipas 27-vjeçares ishte i padrejtë. •Arapi tregoi se mbrëmjen e djeshme është ndjekur nga një person me të cilin ka shkëmbyer disa fjalë. Ajo hedh dyshime se ky person mund t'i ketë djegur mjetin pasi është punonjës në karburantin në pronësi të Nallbatit.•Deputeti i Partisë Demokratike ka hedhur poshtë akuzat duke paralajmëruar se do kryejë padi për shpifje ndaj Arapit. • E reja, gjatë marrjes në pyetje nga policia ka treguar edhe persona të tjerë tek të cilët dyshon se mund t'ia kenë djegur mjetin. •Policia ka nisur marrjen në pyetje të 10 personave të specifikuar nga Arapi si dhe ka kryer disa shoqërime. •27-vjeçarja nuk është emër i panjohur për mediat dhe policinë. •Ajo u arrestua një muaj më parë nga policia e Beratit pasi u denoncua për prishtje të qetësisë publike. Po ashtu, u procedua për të njëjtën vepër edhe motra e saj 23-vjeçare. Dy vajzat e reja bërtitën në qytet teksa po udhëtonin me automjetin e tyre, duke shqetësuar në këtë mënyrë qytetarët e tjerë në orët e vona të natës. •Gjatë shoqërimit për në Komisariat, ato fyen dhe kundërshtuan me dhunë punonjësit e Policisë, gjatë ushtrimit të detyrës.
5 artikuj për këtë temë.
KORÇË- Deizi Arapi, 27-vjeçarja e cila u pyet në polici për djegien e mjetit të saj, ka dyshime për më shumë se 1 person. Gjatë pyetjes nga grupi hetimor, 27-vjeçarja ka përmendur 10 emra, për të cilët dyshon se mund të kenë ndërmarrë aktin e djegies së makinës së saj përpara banesës. Policia ka nisur hetimet në disa pista, teksa ende vijon marrja në pyetje e personave që janë përmendur nga e reja.
Deri më tani, raportohet se janë kryer disa shoqërime në polici.
E reja, e cila njihet nga policia pas shoqërimit një muaj më parë për prishje të qetësisë publike, hodhi dyshimet publikisht për ish-kryebashkiakun e Devollit, Bledion Nallbatin. Ajo u shpreh se me deputetin e Partisë Demokratike ka pasur konflikte në të shkuarën pasi i largoi nënën nga puna. Mirëpo, nga ana tjetër, Nallbanti ka mohuar akuzat duke paralajmëruar se do të ngrejë padi ndaj 27-vjeçares.
Kjo nuk është hera e parë që Arapit i digjet mjeti. Në vitin 2018, disa persona ende të paidentifikuar i vunë zjarrin mjetit të saj tip 'Smart'.
TIRANË- Deputeti i Partisë Demokratike Bledion Nallbati ka folur nga Gjermania pas akuzave të ngritura nga e reja Deizi Arapi, të cilës iu dogj makina për herë të dytë. Referuar akuzave të ngritura nga 27-vjeçarja se pas djegies së makinës së saj qëndron ai, Nallbati thotë se bashkë janë konfliktuar kur ka qenë kryebashkiak. Për sherret me punëtorin, ai shton se nuk mban përgjegjësi dhe se sapo të kthehet nga Gjermania do të ngrejë padi për shpifje ndaj Arapit.
"Jam i habitur nga këto akuza. Unë kam pasur vetëm një konflikt verbal kur isha kryebashkiak, por asgjë më tepër. Besoj se është nxitur nga dikush tjetër për të bërë këto akuza. Sa i përket punëtorit tim nuk mbaj përgjegjësi për çdo punëtor që kam, me kë zihen dhe çfarë bëjnë. Sapo të kthehem nga Gjermani do të bëj një kallëzim për shpifje,"- thotë Nallbati.
Sot, Deizi Arapit iu dogj makina për herë të dytë. E reja ka dëshmuar para grupit hetimor se i vetmi person me të cilin ka probleme është deputeti i Partisë Demokratike, Bledion Nallbati, njëkohësisht ish-kryebashkiak i Devollit. Konfliktet mes tyre, sipas saj kanë nisur vite më parë kur e ëma u hoq nga puna si pastruese në bashki, veprim ky që sipas 27-vjeçares ishte i padrejtë.
KORÇË- Për djegien e mjetit të saj, Deizi Arapi bën përgjegjës deputetin e Partisë Demokratike Bledion Nallbatin. Përballë grupit hetimor, ajo akuzoi ish-kryebashkiakun Nallbatin, për të cilin tha se ka pasur konflikte në të shkuarën. Arapi ka deklaruar se konflikti me Nallbatin nisi katër vite më parë, pasi nëna e saj u pushua nga puna padrejtësisht. Që nga ajo kohë, 27-vjeçarja thotë se kanë nisur konfliktet me Nallbatin.
Po ashtu, ajo bën të ditur se ditën e djeshme është ndjekur nga një person me të cilin shkëmbeu disa fjalë, i cili beson se është punonjës i karburantit në pronësi të Nallbatit.
'I kërkoj ndihmë shtetit pasi është hera e dytë që me ndodh dhe ka lidhje me një konflikt të vjetër. Unë jam femër as kam vrarë dhe as kam prerë. I lutem shtetit se jeta ime është në rrezik. Nuk mund të dal dot. Unë kam dyshimet e mia se kush e ka bërë, kam parë skenën, kam parë personin që më ruante, i kam me emra, personi është treguar neglizhent, ka harruar dhe bidonin e benzinës.
Dhashë deklaratën time, emrin e personit që unë dyshoj. është diçka që ndodh dy herë, herën e parë e konsideruan aksidentale po tani? Katër vite më parë mamaja ime është pushuar nga puna si pastruese padrejtësisht dhe unë jam konfliktuar me ish kryebashkiakun Bledion Nallbati. Pas konfliktit mu dogj makina e parë. Dje gjatë gjithë ditës më ka ndjekur një person me të cilin dhe kam shkëmbyer fjalë mbrëmë. Ai është punonjës i karburantit në pronësi të Bledion Nallbatit. Në vendngjarje është gjetur një bidon benzine nga ky karburant ashtu si herën e kaluar. Policia nuk ka cilësuar ende asgjë. Ai po me ruante, dukej se ishtë në pritje të parkimit të makinës. Djegien e makines së parë policia e konsideroi aksidentale por ja qe ngjarja po përsëritet. I lutem shtetit, është hera e dytë, herën e tretë nuk merren masa do më gjeni kanaleve e sigurtë”, ka deklaruar ajo në polici.
Ditën e sotme, policia deklaroi se mjeti në pronësi të Deizi Arapit është gjetur i djegur. Kjo nuk është hera e parë që mjeti i saj gjendet i djegur. Në vitin 2018, vajza e cila u arrestua një muaj më parë nga policia, gjeti mjetin 'Smart' të shkrumbuar.
KORÇË- Kjo është makina e 27-vjeçares, Deizi Arapit, e cila u shkrumbua gjatë orës 20:20 gjatë mesnatës. Arapi është e njohur për konfliktin me policinë e këtij qyteti ku edhe me pas u shoqërua në komisariat.
Kjo është hera e dytë që 27-vjeçares i digjet makina në derën e shtëpisë. Edhe në vitin 2018, Arapit i dogjën mjetin 'Smart', ngjarje për të cilën kishte dyshime se kush mund të ishin autorët.
Për zjarrëvënien e sotme, policia ndodhet në vendngjarje për zbardhjen e rrethanave, por nuk përjashtohet mundësia e konflikteve të saj.
KORÇË- Gjatë orëve të natës është djegur një mjet në Bilisht. Raportohet se mjeti i djegur tërësisht, është në pronësi të Deizi Arapit, vajzës e cila përfundoi në komisariat javë më parë për prishtje qetësie. Kjo është hera e dytë që 27-vjeçares i djegin makinën. Në vitin 2018-të Arapit i kanë djegur makinën tip “Smart”. Hetimet në atë kohë bënë me dije se djegia e mjetit mund të ishte bërë për hakmarrje mes vajzave. Nuk dihet nëse arsyeja e djegies së mjetit është bërë për të njëjtin motiv.
'Ngjarja ka ndodhur rreth orës 02:20, në qytetin e Bilishtit, ka rënë zjarr në mjetin tip “Benz”, në përdorim të shtetases D. A., banuese në Bilisht, i cili ishte i parkuar para banesës.Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.'- njofton policia.
27-vjeçarja u arrestua një muaj më parë nga policia e Beratit pasi u denoncua për prishtje të qetësisë publike. Po ashtu, u procedua për të njëjtën vepër edhe motra e saj 23-vjeçare. Dy vajzat e reja bërtitën në qytet teksa po udhëtonin me automjetin e tyre, duke shqetësuar në këtë mënyrë qytetarët e tjerë në orët e vona të natës.
Gjatë shoqërimit për në Komisariat, ato fyen dhe kundërshtuan me dhunë punonjësit e Policisë, gjatë ushtrimit të detyrës.
