“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
• Moti në Shqipëri ka marrë një kthesë të papritur ditën e sotme. • Kjo pasi nga ditët e nxehta dhe me diell, koha është vrenjtur dhe në disa qytete kanë nisur reshjet e shiut. • Kjo ka bërë që pushuesit të largohen nga plazhet në vend. • Ndërkohë që reshjet e shiut në disa nga portet në vend kanë bërë që të vështirësohen lundrimet e anijeve dhe trageteve. • Policia Kufitare e Vlorës u ka bërë thirrje anijeve që të kenë kujdes, pasi dallgët do të rritën dhe mund të rrezikojnë jetën e tyre. • Të njëjtën thirrje ka bërë policia kufitare e Shëngjnit.
6 artikuj për këtë temë.
TIRANË- Instituti i Gjeoshkencave ka bërë me dije se gjatë pasdites së sotme pritet të ketë reshje me intensitet të lartë kryesisht në qendër dhe jug të territorit. Në qarqet Durrës, Tiranë, Fier dhe Vlorë mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.
Ndërsa nesër, të dielën pritet të ketë reshje mesatare, por më intensive do të jenë në Durrës, Tiranë, Fier dhe Vlorë, ndërsa në qarqet e tjerë priten reshje mesatare. Reshjet e shiut do të shoqërohen me shtrëngata në të gjitha qarqet. Temperaturat do të variojnë në bregdet: 19/24 °C; në vendet e ulëta: 17 / 26 °C; ndërsa në vendet malore: 13 / 23 °C.
Sa i përket erës, ajo pritet të fryjë e lehtë deri mesatare.
POSTIMI I PLOTË:
HIMARË- Moti i keq ka bërë që pushuesit në plazhin e Livadhit të largohen. Kjo pasi reshjet e shiut kanë bërë të pamundur qëndrimin në këtë zonë.
Siç shihet dhe nga videot e siguruara nga Dosja.al, e gjithë zona bregdetare është e boshatisur. Ndërkohë që reshjet e shiut kanë trazuar dhe detin, duke e bërë të pamundur lundrimin në këtë zonë.
DURRËS- Reshjet e papritura të shiut ditën e sotme kanë sjell probleme në disa rrugë në Durrës. Mësohet se reshjet e shiut kanë sjell probleme dhe vështirësi në qarkullimin e makinave.
Ndërkohë që plazhi është boshatisur komplet nga pushuesit.
VLORË- Pas ditëve të nxehta, vendi ynë është përfshirë nga reshjet e dendura të shiut. Edhe në Vorë, pushesit kanë braktisur plazhin.
Policia Kufitare në Vlorë ka bërë pelt ë gjithë pushuesve që të mos përdorin mjete lundruese gjatë ditës së sotme pasi mund të vënë në rrezik jetën e tyre dhe të të tjerëve.
LEZHË- Stuhia dhe reshjet e shiu të papritura, pas një periudhe të gjatë me temperatura shumë të larta kanë detyruar pushuesit të boshatisin plazhin e Shëngjinit, këtë fundjavë të parë të muajit gusht.
Çadrat dhe shezlonget janë mbyllur, beach bar-et dhe lokalet po ashtu. Ndërkohë niveli i dallgëzim në det është i lartë.
TIRANË- Moti këtë fundjavë do të jetë me kushte të paqëndrueshme atmosferike. Vranësira në orët e para të mëngjesit, të cilat do të pasohen me reshje shiu përgjatë Ultësirës Perëndimore, e më pas në të gjithë territorin.
Reshjet do të jenë të vazhdueshme, me intensitet mesatar në formëm e rrebesheve të shpejta, shtrëngatave e stuhive.
Era do të fryjë me drejtim Veriperëndim-Jugperëndim me shpejtësi mesatare 1-8m/s, ndërsa në bregdet e lugina hera-herës do të jetë me rrahje me shpejtësi 12-15m/s. Valëzimi në Detet Adriatik dhe Jon do të jetë i forcës 1-3ballë.
