“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
•Rreshjet e shiut kanë prekur Shqipërin. •Tirana është përfshirë nga reshje të dendura shiu të shoqëruara me stuhi.• Disa prej lagjeve të kryeqytetit janë përmbytur,duke shkaktuar vështirësi në qarkullimin e mjeteve. •Ndërkohë moti i paqendrueshëm në Vlorë ka detyruar pushuesit të largohen nga plazhi,duke sjellë trafik të rënduar në lëvizjen e automjeteve. •Reshjet e shirave kanë sjellë probleme edhe në Korçë, ku rrëshqitja e një masivi të madh dherash nga mali i fshatit Dushar në Njësinë Administrative Moglicë, ka vënë në rrezik urën e rrugës kryesore të këtij fshati. •Gjithashtu edhe në Gramsh rrëshqitja e dheut pas reshjeve të shiut ka bllokuar banorët e fshatit Rovje.
4 artikuj për këtë temë.
GRAMSH- Reshjet e dendura të shiut gjatë kësaj të diele kanë prekur edhe Gramshin.
Rrëshqitja e dheut pas shiut në rrugën që të çon në fshatin Rovje është bllokuar. Si pasojë kanë mbetur të bllokuar dhjetëra banorë të fshatit.
Ndërmarrja e shërbimeve publike në bashkinë e Gramshit ka dërguar mjetet për hapjen e rrugës.
TIRANË-Moti i paqëndrueshëm ka shkaktuar përmbytje nëpër lagjet e Tiranës. Në disa pamje të siguruara nga JOQ tregojnë rrugët e lagjeve të Tiranës të mbuluar nga uji, si pasojë e rreshjeve të shiut.
Pasditen e kësaj të diele Tirana është përfshirë nga reshje të dendura shiu të shoqëruara me stuhi.
View this post on Instagram
KORÇË- Rrëshqitja e një masivi të madh dherash nga mali i fshatit Dushar në Njësinë Administrative Moglicë, ka vënë në rrezik urën e rrugës kryesore të këtij fshati. Kjo situatë vijon prej dy ditësh, duke bllokuar lëvizjen e banorëve.
Sipas kryetarit të Bashkisë së Maliqit, Gëzim Topçiu, kjo situatë është krijuar nga reshjet e shumta të shiut të ditëve të fundit. Nga ana e ndërmarrjes së rrugëve rurale, po punohet për largimin e dherave dhe inerteve.
Sasia e madhe e dherave që zbret nga mali e bën tejet të vështirë punën për shpëtimin e kësaj ure, që bën të mundur lëvizjen e gati 100 banorëve të fshatit Dushar.
VLORË- Reshjet e shiut kanë prishur fundjavën për pushuesit, të cilët janë larguar nga plazhet e Vlorës. Kjo gjë ka sjellë dhe trafik të rënduar në lëvizjen e automjeteve.
Kjo e dielë do të ketë mot me vranësira në të gjithë vendin, më të dendura në zonat e veriore dhe veriperëndimore. Situata e paqëndrueshme atmosferike mbetet deri në orët e mbrëmjes, kur pritet përmirësim i dukshëm i motit.
Moti parashikohet fillimisht në pjesën e parë të ditës me kthjellime si dhe alternime vranësirash kalimtare. Më pas, pas orëve të mesditës shtim vranësirash deri të dendura në pjesën më të madhe të territorit. Vranësirat do të shoqërohen me reshje shiu të herëpashershme me intenistet të ulët deri dhe mesatar. Reshjet me intensitet deri mesatar do të jenë në periudha afatshkurtra në formën e rrebesheve dhe shtrëngatave, shoqëruar me shkarkesa elektrike dhe breshër.
