“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
•Mëngjesi i sotëm ka nisur me reshje të shumta të shiut dhe dëborës në të gjithë vendin. •Situatë e vështirë është rregjistruar në akset kryesore në Veri, ku dëbora ka penguar qarkullimin e automjeteve. • Në Juglindje të vendit veçanërisht në zonën e Korçës dhe Kolonjës është parë një gjendje e rënduar e motit, por qarkullimi ka vijuar normalisht. • Në Kolonjë është parandaluar një tragjedi, ku 4 banorë kanë rrezikuar jetën kur kanë tentuar të kalojnë lumin me automjet. • Autoriteti Rrugor Shqiptar i ka bërë thirrje drejtuesve të automjeteve të udhëtojnë me kujdes dhe të vendosin zinxhirët. • Nga ana tjetër ekipet e emergjencës janë duke pastruar dëborën në shumë rrugë nacionale me kripë dhe borëpastrues. • Në Dibër dhe Bulqizë 17 fshatra kanë probleme me furnizimin e energjisë elektrike. •OSHE është duke punuar për normalizmin e situatës.
5 artikuj për këtë temë.
MIRDITË- Moti i keq dhe reshjet e dendura të shiut dhe dëborë kanë përfshirë gati të gjithë vendin. Situatë e vështirë dhe problematike është rregjistruar në akset kryesore në Veri.
Një shembje e masive gurësh ka ndodhur në segmentin Fushë Arrëz-Mirditë mesditën e sotme. Shembja e gurëve raportohet se ka ndodhur në vendin e njohur si shkalla e Rrasit.
Kontraktorët kane hapur njërin sens të rrugës, por shembjet vijojnë sërish. ARRSH i bën apel për drejtuesit të mjeteve të këtij aksi rrugor që të bëjnë kujdes.
DIBËR- Në një situatë të vështirë janë gjendur disa zona në qarkun e Dibrës, si pasojë e reshjeve të dendura të shiut dhe borës. Vijon të ketë probleme përsa i përket furnizimit me energji elekrtike në Dibër dhe Bulqizë. Pa rrymë elektrike janë rregjistruar 8 fshatra në Njësisë Kala dhe Dodë dhe 9 fshatra në Bulqizë.
Nga ana tjetër reshjet e dëborës kanë bërë të vështirë qarkullimin në rrugët e fshatrave Selishtë, Zall Dardhë. Ekipet e emergjencës dhe elektriçistët kanë mbrritur pranë zonave për të normalizuar situatën e krijuar.
TIRANË- Autoriteti Rrugor Shqiptar i bën thirrje drejtuesve të automjeteve të kenë kujdes ditën e sotme në disa akse rrugore të vendit për shkak të vështirësive të motit. Gjatë natës dhe në mëngjes në zonat Bogë-Theth, Tamarë-Vermosh, Cagonj-Bilisht dhe në Dardhë ka pasur reshje të shumta shiu dhe dëbore, shkak i cili ka vendosur në vështirësi qarkullimin.
Sipas njoftimit të ARRSH, drejtuesit e mjeteve duhet të pajisen me goma dimërore, zinxhirë dhe të ulin shpejtësinë duke respektuar sinjalistikën.
Në të gjitha akset, ku është evidentuar vështirësia nga moti i keq janë vendosur patrulla policie për t'i ardhur në ndihmë çdo udhëtari. Nga ana tjetër vijon pastrimi i dëborës përmes shpërndarjes së kripës dhe qarkullimi vijon pa probleme në rrugët nacionale.
NJOFTIMI I PLOTË
Gjatë orëve të natës dhe në mëngjes vendi është përfshirë nga reshje shiu dhe reshje dëbore në Bogë-Theth, Tamarë-Vermosh, Cangonj-Bilisht dhe në Dardhë ku po vijon puna për pastrimin e dëborës dhe shpërndarjen e kripës. Temperaturat kanë qenë në rritje. Grupet e punës të mirëmbajtjes kanë punuar pa ndërprerje në të gjitha akset me prezencë shiu dhe dëbore për pastimin e akseve. Qarkullimi vijon pa probleme në të gjitha akset nacionale. Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
KOLONJË- Mund të kishte përfunduar në tragjedi. 4 banorë kanë rrezikuar jetën e tyre ditën e sotme në ujrat e lumit të Prodan, pasi tentuan kalojnë mes përmes ujit me automjetin e tyre për të dalë në anën tjetër të fshatit.
Makina me të cilin udhëtonin ka mbetur në mes të lumit duke rrezikuar jetën e tyre, të cilëve u erdhën në ndihmë forcat zjarrfikëse.
Banorët e kanë ngritur disa herë zërin për të riparuar urën lidhëse midis dy fshatrave./Dosja.al
TIRANË- Si pasojë e ndryshimit të masave ajrore nga të ftohta polare në masa ajrore të ngrohta oqeanike, vendi ynë do të karakterizohet nga moti i ngrohtë, por i lagësht.
Reshje të dendura shiu do të ketë në të gjithë ultësirën perëndimore, ndërsa në zonat e thella malore priten reshje të konsiderueshme dëbore. Parashikohet që kushtet e paqëndrueshme atmosferike të na shoqërojnë deri vonë në mbrëmje kur pritet dobësim i intensitetit të tyre.
Temperaturat e ajrit do të pësojnë serisht rritje si në mëngjes edhe në mesditë duke luhatur vlerat ditore nga -4°C deri në 15°C./Dosja.al
