Masakra e Fushë-Krujës/ Prokuroria vë në rreth të kuq Ramazan Rrajën dhe Endrit Doklen, nipi i deputetit: Akuzë politike

Pamje nga masakra e Fushë Krujës

TIRANË- Pse shpërtheu në flakë mjeti ku po qarkullonin tre të rinjtë në Fushë Krujë? Kjo është një prej enigmave që po mungon Policinë e Shtetit dhe grupin hetimor. Një foto e re që qarkullon nga vendi i ngjarjes, lë të kuptohet shumë se çfarë ka ndodhur, e mund të ndihmojë edhe Policinë.

Fotoja e mëposhtme është shkëputur vetëm pak çaste pasi atentatorët qëlluan breshërin e plumbave të kallashnikovit në drejtim të Brilant Martinajt, Besmir Hoxhes dhe Diklen Vatës, të mbetur të vdekur në vend. Ose të paktën kështu mendohet! Në këtë foto të shkrepur me pamje ballore të makinës dallohen qartë shenjat e plumbave që kanë kapur automjetin tip Volksëagen Passat, ndërsa tashmë makina është në flakë.

Pamje nga masakra e Fushë Krujës

Por flakët vijnë nga pjesa e brendshme e makinës dhe jo nga vendi ku ndodhet motori, detaj që ka shtuar dyshimet e hetuesve për një zjarrvënie të qëllimshme nga ana e autorëve. Fillimisht u mendua se për shkak të numrit të madh të plumbave të shtënë mbi makinë, sebratori ka shpërthyer, duke djegur brenda Martinajn dhe Hoxhën. Por zjarri vjen nga brenda.

Policia ende nuk e ka përcaktuar nëse zjarri i vendosur në makinë ka ardhur si pasojë e plumbave apo nëse autorët kanë përdorur lëndë djegëse apo plasëse, megjithatë duket se vrasësit janë siguruar që të jenë aq pamëshirshëm sa munden, duke i djegur, ndoshta dhe të gjallë, shënjestrat. Për më tepër që është e sigurtë që kanë pasur karburant me vete, pasi kanë djegur dy mjete të tjera, me të cilët kanë qarkulluar për t'u zhdukur pa lënë gjurmë pas vrasjes. 

Ç'ka ndodhur në Fushë Krujë?

Tre ditë më parë, tre persona u vranë në një atentat në mbikalimin e Fushë-Krujës. 4 dyshohet se ishin atentatorët të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.

Tre të rinjtë e dinin që po ndiqeshin. Brilant Martinaj, Diklen Vata dhe Besmir Hoxha e kishin pikasur mjetin identik me të tyrin që nuk u ndahej për asnjë moment gjatë rrugës nga Rinasi drejt Tiranës. Këto detaje i kanë bërë me dije familjarët e Diklen Vatës, në dëshminë që ata kanë dhënë në Polici. Ata kanë bërë me dije se tre të rinjtë kishin pikasur se po ndiqeshin nga persona të panjohur. Vata, referuar dëshmisë, kishte marrë në telefon nënën dhe motrën duke i thënë: Po na ndjekin!

Endrit Dokle, Ramazan Rraja dhe ngjarja

TIRANE- Endrit Dokle, Ramazan Rraja dhe 4 të rinjtë, Roan Brahimi, Alesio Dobrozi, Fation Murati dhe Gentjan Reçi janë hija që qëndron deri më tani në skemën që grupi hetimor i ngritur për zbardhjen e masakrës së Fushë-Krujës ka vendosur në "rreth të kuq". Dosja.al mësoi se Prokuroria e ka marrë tashmë listën nga sistemi Tims ku disa prej tyre rezultojnë jashtë vendit. Por një burim i afërt nga grupi hetimor informon se nuk përjashtohet mundësia që sistemi TIMS të jetë manipuluar. Masakra, e rëndë me një mesazh të fortë terrori që risjell përplasjet e forta kriminale mes grupeve në Shqipëri por edhe dy emra të njohur. Endrit Dokle dhe Ramazan Rraja. Problematikë me të shkuarën e tyre, të dy i kanë mbyllur hesapet me drejtësinë. 

Dosja.al ka sjellë ndër vite historinë e Endrit Dokles, famozi i bandës së Durrësit që tashmë e ka hedhur pas të shkuarën kriminale dhe i është fokusuar biznesit. 

Endrit Dokle dhe gjyqtarja qe e liroi, Enkelejda Hoxha

Endrit Dokle është një emër i njohur për botën e krimit. Ish-anëtari i Bandës së Durrësit, ishte kryesues i një prej fraksioneve kryesore të bandës duke nisur një valë armiqësie me Lulzim (Lul) Berishën, duke tentuar edhe eleminimin e tij fizik. Banda e Durrësit veproi në Shqipëri që prej vitit 1994 e deri në fillimet e viteve 2000. Banda u drejtua nga Lulzim Berisha dhe Klodian Saliu. Në burg, Endrit Dokle bëri pajtimin e madhe me Lulzim Berishën duke i dhënë fund edhe hasmërisë mes tyre, por jo telasheve jashtë burgut. Endrit Dokle ishte i dënuar me 5 burgime të përjetshme por me një vendim të paprecedent të drejtësisë alla Enkelejda Hoxha, ia doli të dalë me një skemë, dhe tashmë është i lirë. Nga një i punësuar në bibliotekën e burgut të Fushë-Krujës, sot, Endrit Dokle, siç edhe Dosja.al ka mësuar është një njeri i lirë me prirje për tu aftësuar në botën e biznesit ndërsa kush e takon e di se ai nuk i ka pranuar kurrë akuzat. "Do të dal një ditë nga këtu",-i çonte selam Dokle kujtdo që e takonte në qeli, ku konteksti e sillte në një të 'krisur' që kërkon lirinë me 5 dënime, por që drejtësia shqiptare ia fali lirinë. 

Por ku lidhet Endrit Dokle me hasmërinë e Kurbinit dhe Brilant Martinajn? Është ende e çuditshme pse Endrit Dokle dhe Brilant Martinaj kanë hyrë në hasmëri. Dokle është dhëndri i policit të vrarë në vjeshtën e 2021-ës, Xhelal Reçi. Prokuroria dyshon se ekzekutori ka qenë Martinaj dhe grupi i tij. Por pse? Si ka nisur përplasja" Për këtë, do të shkojmë tek një tjetër personazh i dyshimtë i historisë. Ai është Gentian Reçi, nipi i ish-policit Xhelal Reçi dhe një nga emrat kyçë. Prokuroria beson se marrja e tij në pyetje, në kohën kur telefonat e viktimave janë tejet të dëmtuar dhe ekspertiza nuk premton shumë, është padyshim thelbësore. Ish-polici që dyshohet se është edhe zanafilla e hakmarrjes u vra për shkak të konflikteve të të birit, Besnik Reçit. Në gusht të vitit 2020, Besnik Reçi u tentua të eleminohej në një makth që zgjati plot 20 kilometër. Jetëgjati nuk bëhet dot jetëshkurtër dhe i riu ia doli të shpëtonte. Dy persona të armatosur me motor, e ndoqën për 20 km dhe e qëlluan më breshëri. Plumba kapen vetëm makinën dhe jo Besnik Reçin dhe pjesëtarët e tjerë të familjes që ndodheshin me të në makinë. Një vit më vonë, më 1 nëntor, babai i tij, polic i dalë në pension u vra. Hijet e dyshimit u kthyen mbi Brilant Martinajn, që më herët mori famë për atentatin që iu faturua pas ekzekutimit të policit Xhulio Prela.

A u zgjua "Diti i vogël"? Vrasja e vjehrrit sipas grupit hetimor dhe porositja e atentatit që biznesmeni Ervis Martinaj pretendohet në dëshminë e Nuredin Dumanit, kanë zgjuar Endrit Doklen, në dyshimet për një hasmëri.

Ervis Martinaj, Nuredin Dumani dhe Endrit Dokle

Historia vazhdon në një tjetër personazh, që njihet më shumë për forcën e krahut sesa për atë të zakonit. Ai është Ramazan Rraja dhe është një nga nipat e deputetit të Partisë Socialiste, Rrahman Rraja. Rraja është 'trending' në media sa herë që në zonën e tij ndodh një ngjarje kriminale. 

Ramazan Rraja është djali i xhaxhait të Rexhep Rrajës, djali i deputetit socialist Rrahman Rraja, që u përfshi në një skandal me ish-të dashurën e tij, Xhisiela Maloku rreth 10 muaj më parë. Dosja Xhisiela u bë publike nga ish-oficeri Emiljano Nuhu, i cili akuzoi Taulant Ballën, Rrahman Rrajën dhe familjarët e tij se e kishin kërcënuar dhe më pas u arratis në Zvicër ku po kërkon edhe azil. Sipas Nuhut, e gjitha ndodhi pasi ai mori përsipër rastin e dhunimit të Malokut nga ana e Rexhep Rrajës. Xhisiela, e cila e denoncoi vetë Rexhepin për përndjekje, më pas hoqi dorë nga padia dhe tha se e gjitha ishte një problem xhelozie në çift, dhe se edhe ajo e kishte dhunuar të dashurin e saj. Në intervistat televizive, Xhisiela e përmendte personazhin e këtij lajmi, Ramazanin si një nga njerëzit e saj më të afërt, me të cilin kishte raporte miqësore edhe pas ndarjes me Rexhep Rrajën. Sot ai mohon përfshirjen ndërsa mbrohet duke deklaruar se akuzat janë politike edhe pse nuk është e qartë kush do e sulmonte publikisht, dikë që nuk garon për asnjë post publik...

Ramazan Rraja dhe pamje nga ngjarja e 13 nentorit

Do të përfundonte me historinë e Xhisielës, por Ramazan Rraja do të merrte vëmendjen kryesore të mediave pasi dhunoi një grua në ambientet e QSUT. Pamjet kanë bërë xhiron e mediave asokohe, kur Ramazani shihej sesi e qëllonte barbarisht të renë pas një konflikti që kishin patur të dy. Karriera e Rrajës nuk është mbyllur me kaq, pasi jo më larg se në muajin dhjetor të 2021-ës, Rraja u arrestua në Belgjikë si pjesë e një grupi të trafikut të drogës. Rraja tashmë është në hetim jashtë Shqipërie për këtë dosje bashkë me një nga kushërinjtë e tij. 

Para se të largohej nga Shqipëria, Ramazan Rraja u bë protagonist i një ngjarjeje të ngjashme me filmat cowboy. Tashmë vepron me një grup. Tre persona të maskuar e të armatosur ‘gjer në dhëmbë’, u futën mbrëmjen e 13 nëntorit 2021 në mënyrë të befasishme në një lokal në Zejmen, ku kërcënuan dhe kryen kontrolle ndaj klientëve, për kartat e tyre të identitetit, pasi kishin sherr me kushëririn e pronarit.

Grupi i Fushë-Krujës ishte zgjeruar. Roan Brahimi dhe Alesio Dobrozi ishin të përzgjedhurit. Dy të rinjtë, 30 dhe 32 vjeç janë dy emra "premtues" për Policinë e Shtetit. Edhe pse famën më të madhe e ka Ramazani, Roan dhe Alesio nuk janë të panjohur. Roan Brahimi është arrestuar më parë në 16 Maj të vitit 2018 në Lezhë, pasi gjatë kontrollit iu gjetën dhe sekuestruan armë, municione, Euro dhe bizhuteri të dyshuara të vjedhura. Sipas policisë tre vite më parë i gjetën një armë zjarri pistoletë “Bereta” me një krehër me 15 fishekë,  14.600 Euro dhe një sasi bizhuterish. Këto materiale u sekuestruan gjatë kontrollit të mjetit tip “Lancia” që drejtohej nga Brahimi.  Alesio Dobrozi është i treti i shpallur në kërkim. Ai rezulton i dënuar në 2019 nga drejtësia italiane për vjedhje dhe grabitje.

Më i panjohuri mes tyre është Fation Murati, lidhja e të cilit me masakrën e Fushë-Krujës ende nuk dihet. Tashmë emrat e tyre janë zbardhur dhe skema po plotësohet ora-orës. Skuadra e ekzekutimit me Volksvagen u nis dhe priti në mbikalim. Ata erdhën. Tani nuk flasin më. 

Brilant Martinaj

TIRANË- Pak ditë para se të vdiste, 23-vjeçari Brilant Martinaj, kishte një parandjenjë për atë që mund t'i ndodhte. I riu, i njohur për policinë, mësohet t'i ketë thënë njerëzve të afërt se nuk del dot nga rruga që është futur. 

“Mos u merrni me këto punë, se edhe unë që jam marrë nuk dalë dot më nga kjo rrugë”, citohet të ketë thënë Brilant Martinaj, sipas ReportTv, në një bisedë në rrjetet sociale. 

Si ndodhi ngjarja makabre? Mesditën e të dielës, në rrugën kryesore që lidh Fushë-Krujën me Tiranën, një pritë iu bë makinës ku po udhëtonin tre të rinj, Besmir Hoxha, Brilant Martinaj dhe Dikler Vata. Disa persona, një skuadër e identifikuar deri më tani si me 5 anëtarë ka ekzekutuar në mënyrë makabre 3 të rinjtë duke djegur edhe makinën ku ata po udhëtonin. Njëri prej tyre, Dikler Vata zbriti nga mjeti i plagosur duke tentuar të shpëtonte por autorët u kthyen dhe e qëlluan përsëri duke u siguruar që e vranë. Shënjestra e atentatit sipas burimeve nga grupi hetimor është Brilant Martinaj, kushëri i parë me biznesmenin e përfshirë në disa ngjarje kriminale, Ervis Martinaj. Sot janë zbuluar edhe të dyshuarit e parë të ngjarjes së rëndë. Në pyetje pritet të merren Endrit Dokle dhe Ramazan Rraja, e po ashtu edhe Gentian Reci, Fation Murati, Alesio Dobrozi dhe Rohan Brahimi. Këta persona janë të dyshuarit kryesorë të masakrës së Fushë Krujës, një ngjarje makabre që lidhet me përplasjen e bandave në zonën e Kurbinit. 

Foto ilustruese

TIRANE- 3 aparate celularë janë gjetur në makinën tip Volksvagen ku ndodhi masakra e Fushë-Krujës. Burime për Dosja.al, bëjnë me dije se janë gjetur 3 aparate celularë, njëri i dëmtuar rëndë ndërsa 2 të tjerët, pjesërisht.  Telefonat janë në duart e ekspertëve të Policisë Shkencore të cilët do të përpiqen të zbërthejnë aparatin për të shpëtuar komunikimet e fundit të ditës së atentatit, duke zbardhur dinamikën dhe mënyrën sesi Brilant Martinaj, Besmir Hoxha dhe Dikler Vata u nxorrën në pritë.

Po të njëjtat burime, i thanë Dosja.al, se janë sekuestruar, zbardhur rreth 60 orë pamje filmike të rrugëve në zonë, nga ku është ndërtuar pjesërisht skema e mundshme e atentatit. Policia ka ndërtuar skemën sesi makina e viktimave ka lëvizur nga ofiçina deri në vendin e krimit.

Një makinë është shënjuar nga policia pasi është e pozicionuar në pamje pranë mbikalimit dhe është përshtatur në mënyrë perfekte në pritën e atentatit. Makina e gjurmimit ka qenë një tip Volksvagen, po ashtu edhe makina e vrasësve. Policia dyshon se janë 2 makina Volksvagen që u përdorën në atentat, një nga personat që sinjalizonin për lëvizjet e Brilant Martinajt me dy shokët dhe një ku ndodheshin vrasësit.

Por si për ironi të fatit, Volksvagen është marka edhe e makinës ku ndodheshin 3 viktimat. Shoferi i makinës që kreu masakrën ka lëvizur në rrugën kryesore Vorë - Fushë Krujë dhe është parkuar pak metra larg mbikalimit dhe ka pritur 3 miqtë për të lëshuar breshërinë e plumbave, që ekspertiza paraprake ka zbuluar se janë plot 90 fishekë. 

Si ndodhi ngjarja makabre? Mesditën e të dielës, në rrugën kryesore që lidh Fushë-Krujën me Tiranën, një pritë iu bë makinës ku po udhëtonin tre të rinj, Besmir Hoxha, Brilant Martinaj dhe Dikler Vata. Disa persona, një skuadër e identifikuar deri më tani si me 5 anëtarë ka ekzekutuar në mënyrë makabre 3 të rinjtë duke djegur edhe makinën ku ata po udhëtonin. Njëri prej tyre, Dikler Vata zbriti nga mjeti i plagosur duke tentuar të shpëtonte por autorët u kthyen dhe e qëlluan përsëri duke u siguruar që e vranë. Shënjestra e atentatit sipas burimeve nga grupi hetimor është Brilant Martinaj, kushëri i parë me biznesmenin e përfshirë në disa ngjarje kriminale, Ervis Martinaj. Sot janë zbuluar edhe të dyshuarit e parë të ngjarjes së rëndë. Në pyetje pritet të merren Endrit Dokle dhe Ramazan Rraja, e po ashtu edhe Gentian Reci, Fation Murati, Alesio Dobrozi dhe Rohan Brahimi. Këta persona janë të dyshuarit kryesorë të masakrës së Fushë Krujës, një ngjarje makabre që lidhet me përplasjen e bandave në zonën e Kurbinit. 

Ramzan Rraja

TIRANË- Ramazan Rraja ka reaguar pasi policia kërkoi dëshminë e tij për masakrën të mbikalimi i Fushë Krujës. Për 'News24', Rraja ka mohuar të ketë lidhje me masakrën e ndodhur më 17 korrik në Fushë Krujë. Ai është shprehur se nuk ka aspak lidhje me krimin që ka ndodhur pasi është ashtë Shqipërisë, ndërsa shton se kur ka qënë ka vizituar vetëm familjen. Po ashtu, ai akuzon policinë se po e sulmon qëllimisht dhe po e akuzon për çdo krim të mundshëm. 

“Nuk kam asnje lidhje me krimin, ndodhem jashte vendit. Për shtatë muaj në Shqipëri kam qëndruar vetëm 3 ditë kur kam vizituar familjen. Policia po më sulmon qëllimisht pasi jam nip i deputetit, më akuzon padrejtësisht për çdo krim”, tha Rraja për News24.

Prokuroria e Tiranës kërkon të marrë në pyetje 6 persona të cilët mund të kenë dijeni për masakrën e Fushë-Krujës e cila ndodhi mesditën e 17 korrikut. Ramazan Rraja, nipi i deputetit të Partisë Socialiste Rrahman Rraja, Gentian Reci, Indrit Dokle, Fation Murati, Alesio Dobrozi dhe Rohan Brahimit, janë personat të cilët kërkohen që të merren në pyetje.

Ç'ka ndodhur në Fushë Krujë?

Tre ditë më parë, tre persona u vranë në një atentat në mbikalimin e Fushë-Krujës. 4 dyshohet se ishin atentatorët të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.

Grupi

TIRANË- Roan Brahimi dhe Alesio Dobrozi, janë dy personat që kërkohen të merren në pyetje nga Prokuroria e Tiranës, në lidhje me masakrën e Fushë-Krujës. Dy të rinjtë, janë miqtë e Ramazan Rrajës, nipi i deputetit të PS-së, i arrestuar më parë në Holandë për trafik droge dhe për dhunë.

Tre miqtë janë të njohur si banda e terrorit në Lezhë pasi u futën në një lokal të armatosur dhe të maskuar duke kryer kontroll për kartat e identitetit mbi klientët, teksa po kërkonin pronarin e lokalit me të cilin kishin një sherr.

Po kush është Alesio Dobrozi?  31-vjeçari është lakuar si emër në të famshmen çështje të bandës ‘Audi’ në Itali, që ngriti në këmbë shtetin fqinj, për shkak të grabitjeve spektakolare që kjo bandë, përfshirë edhe Dobrozin, kryenin në zona të ndryshme. Në lidhje me këtë çështje, Dobrozi u dënua në vitin 2018 nga shteti fqinj me 4 vite e 6 muaj burg dhe 800 euro gjobë.

Prokuroria e Tiranës kërkon të marrë në pyetje 6 persona të cilët mund të kenë dijeni për masakrën e Fushë-Krujës e cila ndodhi mesditën e 17 korrikut, aty ku u vranë në atentat Brilant Martinaj, Diklon Vata dhe Besmir Hoxha.

Endrit Dokle dhe Ramazan Rraja

TIRANË- Prokuroria e Tiranës kërkon të marrë në pyetje 6 persona të cilët mund të kenë dijeni për masakrën e Fushë-Krujës e cila ndodhi mesditën e 17 korrikut. Ramazan Rraja, nipi i deputetit të Partisë Socialiste Rrahman Rraja, Gentian Reci, Indrit Dokle, Fation Murati, Alesio Dobrozi dhe Rohan Brahimit, janë personat të cilët kërkohen që të merren në pyetje.

Prokuroria ka kërkuar që të nxirret kartelë në sistemin TIMS për këta persona. 

Kush është Endrit Dokle? 

Endrit Dokle, anëtar i “Bandës së Durrësit”, ishte akuzuar së bashku me 16 persona të tjerë, si pjesë e bandës famëkeqe, ku disa prej tyre janë dënuar për vrasje, plagosje, atentate, rrëmbime, trafik droge e qenie njerëzore. Ai ka drejtuar një prej fraksioneve të bandës dhe me Lulzim Berishën, njeriun që sipas Prokurorisë e krijoi atë, pati një armiqësi të hapur për vite me radhë, madje tentoi edhe ekzekutimin e tij. E ashtuquajtura “banda kriminale”, me drejtues të përbashkët Lulzim Berishën dhe Klodian Saliun, funksiononte prej vitit 1994 në qytetin e Durrësit.

Ç'ka ndodhur në Fushë Krujë?

Tre ditë më parë, tre persona u vranë në një atentat në mbikalimin e Fushë-Krujës. 4 dyshohet se ishin atentatorët të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.

Tre të rinjtë e dinin që po ndiqeshin. Brilant Martinaj, Diklen Vata dhe Besmir Hoxha e kishin pikasur mjetin identik me të tyrin që nuk u ndahej për asnjë moment gjatë rrugës nga Rinasi drejt Tiranës. Këto detaje i kanë bërë me dije familjarët e Diklen Vatës, në dëshminë që ata kanë dhënë në Polici. Ata kanë bërë me dije se tre të rinjtë kishin pikasur se po ndiqeshin nga persona të panjohur. Vata, referuar dëshmisë, kishte marrë në telefon nënën dhe motrën duke i thënë: Po na ndjekin