Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Në Hagë sot u mbajt seanca e radhës ndaj ish krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi. •Edhe sot seanca vijoi me dëshmitarin e pestë, i cili u morr në pyetje nga mbrojta e Selimit dhe Krasniqit. • Pyetjet u bënë lidhur me rrëmbimin e më pas vrasjen e një personi me numër 1. •Fillimisht dëshmitari 5 ka thënë se kanë qenë burrat e maskuar me uniforma të UÇK-së që e morën këtë person, të cilin ai e gjeti të vrarë, por gjatë pyetjeve për verifikim të dëshmisë ai ka mohuar një pjesë të atyre që ka thënë, madje kur është pyetur për nëse i ka parë autorët pas incidentit pa maska’’, ai tha se ‘‘përkthimi nuk është i saktë’’.• Gjykimi ndaj ish krerëve të UÇK-së, ka nisur më 3 prill. • Zyra e Prokurorit të Specializuar (ZPS) dhe mbrojtësi i viktimave kanë paraqitur deklarimet hyrëse dhe pas leximit të aktakuzës së ndryshuar nga ana e ZPS-së, ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, si dhe ish-deputeti Rexhep Selimi, u deklaruan të pafajshëm për veprat penale që iu vihen barrë.
2 artikuj për këtë temë.
HAGË- Dëshmitari i pestë po merret në pyetje nga mbrojtja e ish-kreut të Ushtrisë Çlirimtare të Kosovës, Jakup Krasniqit, avokatja Venkateswari Alagendra. Pyetjet e Alagendra janë bërë lidhur me rrëmbimin e më pas vrasjen e një personi me numër 1.
Dëshmitari fillimisht ka thënë se kanë qenë burrat e maskuar me uniforma të UÇK-së që e morën këtë person, të cilin ai e gjeti të vrarë. Por i pyetur sot se çfarë ka thënë a është e saktë në këtë ankesë se, “numri 1 është marrë nga UÇK-ja nga shtëpia e tij”, dëshmitari deklaroi se ‘‘jo nuk është e vërtetë se në shtëpi, ndoshta një gabim te përkthimi’’.
Gjithashtu i pyetur se në këtë dokument kishte thënë se, ‘‘pas incidentit kam parë dy të dyshuar pa maska’’, ai tha se ‘‘përkthimi nuk është i saktë’’. Ai vazhdoi duke thënë se “të maskuarit nuk i kam parë pa maska”, kurse personat “14 dhe 15 i kam parë pas vrasjes”, por që sqaroi se ata nuk kanë qenë të dyshuarit por kanë dëgjuar krismat dhe kanë dal.
Në vazhdim, dëshmitari lexoi një paragraf në atë dokument për të cilin tha se ‘‘nuk e kam thanë unë këtë’’. Një pjesë tjetër e dëshmisë ka qenë me përmbajtje të redaktuar.
HAGË- Seanca në Hagë sot po vazhdon me dëshminë e dëshmitarit të pestë me kodin 3165 në rastin e Hashim Thaçit, Kadri Veselit, Rexhep Selimit dhe Jakup Krasniqit. Dëshmitari ka pretenduar se ka parë burra të maskuar me uniformë të UÇK-së të marrin personin që më pas është vrarë, por kur u pyet se a ndodhej gjatë kryerjes së vrasjes ai u përgjigj me jo.
Dëshmitari i pyetur nga mbrojtja e Selimit, avokati Geoffrey Roberts shumicën e përgjigjeve i kishte “nuk e di”, madje në fund para se seanca të shkonte në private, deklaroi se nuk ishte prezent tek ngjarja, por që sipas tij “s’ka pas kush tjetër të jetë në vend të tyre”.
Intervista:
Avokati: Kishin maska të plota që ia mbulonin tërësisht krejt fytyrën dukeshin vetëm sytë? Pra kishin marrë masa ekstreme që të mos i njihni?
Dëshmitari: Sigurisht
Avokati: Edhe pse ishte pak larg metra larg tyre, the në dëshmi se e kape njërin ndër ta, ti s’munde ta identifikoje sepse maskat ishin shumë të mbuluara. The se kishin uniforma të zeza. Uniformat nuk ishin identike, ishin thjesht të zeza?
D: Po ishin identike, ishin të zeza, pantallona xhaketë e zezë. Tashti nuk e di, qata qe i kam pa i kanë pas identike.
A:Këto uniformat identike, mund të bliheshin e qepeshin vetë se ishin thjesht Tesha të zeza apo? Nuk e di nëqfose ata ishin thjesht anëtar?
D: Policia ushtarake ka pasur këto uniforma identike të zeza, vecse këta kanë qenë me emblema të UCK-së.
Avokati: Duke pasur parasysh se ishin uniforma të zeza, ti s’mund ta dije se ishin të Policisë së UCK-së?
D: Nuk e di çfarë pozicioni kanë pasur ata, por ishin me maska e Tesha të zeza.
Avokati: Në thelb ti e pranon se mund të kishte qenë kushdo me uniform të zezë. Pra ti nuk e di më siguri se këta burrat e maskuar me personin 6? Ti nuk e di nëse kërkuan të shihnin ndonjë person tjetër përpos atij
Dëshmitari: E kanë takuar personin 6, nuk e di mas andej pse e kanë marrë ata.
Avokati: Ti nuk ishte prezent aty, informacionet që more nga kjo bisedë, të erdhen nga bisedat me bashkëfshatarët e tjerë? A diskutove gjatë 20 viteve me bashkëfshatarët tjerë, 2,3,4 për këtë ngjarje
D: Kena bisedu gjatë. Kena diskutu rreth vrasjeve.
Avokati: Keni diskutuar vazhdimisht se çfarë ndodhi para se ti të shkoje?
D: Po e kemi diskutu këtë temë si ka ndodhur rasti, qysh e kanë vra. Pas vrasjes kena diskutu, se para vrasjes s’kena mujt me diskutu.
A: A e pranon se nuk mund ta bësh një ndarje të qartë nga ajo cfarë di ti dhe nga ajo cfarë të kanë shpjeguar?
D: Nuk e di si ta shpjegoj.
A: Sa i takon kidnapimit, që morën nga fshati numrin 1, nuk e di me siguri se janë të njëjtit
D: Gjinja me maska kanë marrë numri 1,2,3. 2,3 e kanë zbrit dhe pas kësaj ka ndodhur vrasja.
A: Ti e di që këto kanë ndodhur amo nuk e di që burrat e maskuar ishin përgjegjëse për këto se nuk i ke parë?
D: Vetë s’kam qenë prezent, por përveç këtyre e di që nuk ka pas tjerë.
