"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
• Institucionet e drejtësisë kanë qëndruar në bllok sot kundër sulmeve ndaj tyre. • Gjatë një takimi të organizuar nga ambasada holandeze, kryegjqtari i GJKKO-së Erion Bani ka deklaruar se nuk duhet marrë për bazë çdo lloj hetimi që kërkohet nga politika për gjyqtarët dhe prokurorët. • I njejtë ka qenë dhe reagimi i kreut të ILD-së Artir Metani, i cili i ka konsideruar të antikushtetuese sulmet e Ramës ndaj prokurorëve dhe gjyqtarëve. • Për këtë arsye Metani ka theksuar se sistemi i drejtësisë në Shqipëri është nën trysni për të ushtruar detyrën në një formë te caktuar. • Kryeprokurori i SPAK Altin Dumani ka deklaruar se institucionet e drejtësisë duhet që të veprojnë në mënyrë të pavarur siç ua garanton Kushtetuta. • Në një takim me institucionet e drejtësisë, titullari i SPAK ka theksuar se institucioni që drejton është i angazhuar në luftën kundër korrupsionit. • Por dy drejtuesit e dy këshillave, nuk mendojnë njësoj si te tjerët. Kryetari i KLGJ-së Ilir Rusi thekson se gjyqtarët duhet që të marrin masat e tyre. • Ndërsa kryetarja e KLP-së Mirela Bogdani thotë se prokurorët duhet ta kuptojnë që me gjithë fuqinë hetimore që kanë edhe ata hetohen nga syri i publikut dhe jo vetëm.
5 artikuj për këtë temë.
TIRANË- Drejtuesja e Këshillit të Lartë të Prokurorisë (KLP), Mirela Bogdani ka evidentuar disa prej problematikave që hasen sot në sistemin e drejtësisë nisur që nga performanca individuale në profesion e deri tek ngarkesa e lartë që kanë sot gjyqtarët dhe prokurorët për shkak të vakancave të mëdha. Bogdani u shpreh se ngarkesa e prokurorëve dhe gjyqtarëve është e lartë nga vakancat në sistem dhe është e pamundur që një magjistrat të veprojë në kushte normaliteti.
“Është një realitet që jemi përballur dhe do të vazhdojmë në këtë rrugëtim që duhet të evidentojmë drejt hyrjes në BE. Lidhur me llogaridhënien për punën e prokurorëve, kontrollohen nga gjykatat. Kërkohet një nivel më i lartë profesionalizmi dhe nga prokurorët dhe gjyqtarët. Mekanizmi tjetër, është nëpërmjet vlerësimit etik dhe profesional që bën KLP. Kemi bërë 34 vlerësime. Është një proces që dikur vlerësohej vetëm nga prokurori i përgjithshëm, ndërsa sot është një këshill i përbërë nga 11 persona që vlerëson punën e magjistratit.
Itegriteti. Ndryshimi i madh që po presim nëpërmjet reformës fillon nga vetja. Nëse nuk reflektojmë, porfesionalizëm, integritet, transparencë, duhet të jetë e vështirë t’i pretendojmë në radhët e magjistratëve. Këshillë për prokurorët, është ai parimi i Dekartit, dyshoni tek vetja, tek puna juaj. Duhet të analizojmë, të kemi 2-3 versione, të bëjmë atë balancën shkak-pasojë për të qenë të bindur e korrektë si me veten ashtu dhe me publikun.
Ngarkesa e prokurorëve dhe gjyqtarëve është e lartë nga vakancat në sistem. Është e pamundur që një magjistrat të veprojë në kushte normaliteti. Në këtë tusni pune të kemi disa aftësi menaxheriale të zhvilluara, qoftë indivualisht dhe trajnimeve. Duhet të kuptojmë limitet tona. Gjithësecili të mbajë aq peshë profesionale sa ka mundësi. Duhet të shikojmë të ndajmë përgjegjësinë me të tjerët dhe të bëjmë pjesë të punës tonë pjesëtarë të tjerë që mund të na ndihmojnë në punën tonë", tha Mirela Bogdani.
TIRANË- Kreu i Gjykatës së Posaçme Erjon Bani ka deklaruar se pavarësia e institucioneve të drejtësisë është thelbësore. Gjatë një takimi me institucionet e drejtësisë, Bani i kërkoi ILD-së që të mos pranojë çdo lloj hetimi për gjyqtarët.
Nuk duhet nisur procedim për çdo gjë”, tha Bani
Bani ka theksuar se pavarësia e këtyre institucioneve duhet të ruhet dhe të mbrohet çdo ditë. Ndërkohë që ka shtuar se transparenca për publikun nuk është vetëm detyrim ligjor por dhe kulturë pune.
“Ta ruajmë dhe ta mbrojmë pavarësinë tonë çdo ditë. Për ne, transparenca nuk është detyrim ligjor, por kulturë pune. GJKKO bashkëpunon ngushtë me ILD dhe KLGJ, duke e parë jo si cenim të pavarësisë, por si pjesë integrale të ekuilibrit. Një sistem që korrigjon vetveten është një sistem që fiton besimin e publikut. Përmirësimi i vazhdueshëm është një detyrim për t’iu përgjigjur pritshmërive të larta që ka publiku ndaj drejtësisë”, tha Bani.
TIRANË- Kryeprokurori i SPAK Altin Dumani ka treguar tre problematikat që po përballet SPAK aktualisht. Në një takim me institucionet e drejtësisë, Dumani deklaroi se pavarësisht arritjeve që kanë, SPAK përballet me sfida të shumta.
Sipas tij, tre nga sfidat më të mëdha janë mbingarkesa procedurale, mungesa e stafit dhe infrastruktura e dobët.
"Në kohën kur besimi te drejtësia është i brishtë dhe pritshmëritë janë të larta, veprimet e SPAK janë mbështetur në ligj dhe parime. SPAK është zotuar për luftën kundër korrupsionit dhe krimit të organizuar duke rritur kështu besimin. Pavarësia dhe llogaridhënia janë shtyllat kryesore ku mbështetet SPAK. Kushtetuta garanton pavarësinë e jashtme dhe të brendshme të SPAK. Prokurorët veprojnë dhe marrin vendime të pavarura të paanshme. Kodet etike janë mure mbrojtëse ndaj çdo presioni dhe ndikim politik apo mediatik. Pavarësisht arritjeve, SPAK përballet edhe me sfida, ku veçojmë mbingarkesën procedurale, pamjaftueshmërinë stafit dhe infrastrukturën”, tha Dumani.
TIRANË- Kryeprokurori i SPAK Altin Dumani ka deklaruar se institucionet e drejtësisë duhet që të veprojnë në mënyrë të pavarur siç ua garanton Kushtetuta. Në një takim me institucionet e drejtësisë, titullari i SPAK ka theksuar se institucioni që drejton është i angazhuar në luftën kundër korrupsionit.
Kushtetuta garanton funksionimin e SPAK për të ushtruar kompetencat e saj në mënyrë të pavarur. Çdo vit, Prokuroria e Posaçme paraqet në Këshillin e Lartë të Prokurorisë një raport të detajuar. Kontrolli gjyqësor mbi veprimet hetimore dhe vendimarrjet është një tjetër element me rëndësi,” tha Dumani.
Dumani vuri theksin dhe te bashkëpunimi institucional me ILD-në, që nga inspektimet tematike e deri te verifikimet e ankesave të ndryshme të qytetarëve apo subjekteve.
“Sistemi i administrimit të çështjeve tanimë është funksional dhe shpresojmë që deri në fund të vitit të jetë 100% funksional. Për të përmbushur misionin, duhet të tregojmë rezultate, mature dhe integritet në zbatimin e ligjit”, tha ai.
TIRANË- Kreu i Inspektoriatit të Lartë të Drejtësisë Artur Metani ka deklaruar se sistemi gjyqësor në vendin tonë është nën trysni për të ushtruar detyrën në një formë të caktuar. Inspektori i Lartë i Drejtësisë në bashkëpunim me projektin Matra të qeverisë së Holandës ka organizuar ditën e sotme takimin e nivelit të lartë me institucione të drejtësisë holandeze.
Në këtë takim, Metani ka theksuar se sulmet dhe trysnia që i bëhet gjyqtarëve është antikushtetuese dhe fyrjet ndaj tyre janë të papranueshme.
"U bë kohë që sistemi gjyqësor është nën një trysni, për mua antikushtetuese, për të ushtruar detyrën ose jo, në një formë të caktuar. Nga të gjithë. U bë kohë që fyerjet për magjistratët janë pjesë më e konsiderueshme e artikulimit kur vjen puna tek kritikat për pushtetin gjyqësor. Natyrisht, të papranueshme këto në çdo pikëpamje. Kjo i vë magjistratët në provë të vështirë. Por, testi i pavarësisë, i ndarjes se pushteteve dhe i shtetit te se drejtës, nuk është vetëm retorikë," tha Metani.
Kreu i ILD-së vuri theksin edhe tek besimi i publikut ndaj gjyqësorit, duke i këshilluar këta të fundit që të mos e harronin për asnjë moment këtë element.
"Ndryshe nga pushtetet apo institucionet e tjera, magjistratët dhe institucionet e pavarura të drejtësisë e kanë një lloj kufizimi, që vjen me detyrën për t’u treguar të përmbajtur, edhe kur sulmohen pa të drejtë. Mes zërave të fortë publikë, kjo i bën që të perceptohen si të dobët, por nuk është aspak ky rasti. Vetëpërmbajtja nuk duhet ngatërruar me dobësinë. Pavarësisht deklaratave të aktorëve të ndryshëm publikë, magjistratët nuk duhet të harrojnë se reagimet publike nuk janë pjesë e funksionit të tyre. Por, vetëpërmbajtja po! Vetëpërmbajtja nuk është dobësi e asnjë lloj natyre, por respekt për lirinë e shprehjes në demokraci, është largësi kushtetuese nga natyra politike e pushteteve të tjera. Deontologjia politike nuk duhet të diktojë sjelljen e magjistratëve. Në këtë rast, besoj se thelbi i shtetit ligjor dhe i vlerave evropiane është pikerisht mënyra sesi sillemi, edhe kur nuk biem dakord me vendimet e njëri-tjetrit," tha Metani.
