Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Vritet me armë zjarri Etleva Kurti në Kamëz. •Ngjarja ka ndodhur në rrugën "Besëlidhja". •31-vjeçarja u qëllua me armë zjarri nga një person. Kurti mbeti e vdekur në oborrin e shtëpisë. •Autori ka ndaluar makinën dhe ka shtënë tre herë. •Edhe pse është transportuar drejt spitalit të Traumës, ajo nuk ka mundur të mbijetojë. • Kurti jetonte së bashku me nënën e saj. •Viktima është motra e Vladimir Kurtit, i dënuar me burg përjetë, ngjarje e ndodhur në 2018. Ky i fundit vrau një grua dhe bashkëshortin e saj. •Dyshohet se vrasja e 31-vjeçares ka ndodhur si shenjë hakmarrje. •Vladimir Kurti i dënuar përjetë është shprehur se e motra e tij është vrarë nga Dan Hutra, vrasësi i masakrës së Paskuqanit ku vrau 2 persona dhe plagosi 3 të tjerë.
9 artikuj për këtë temë.
TIRANË- Dan Hutra, pasi ka bërë kasaphanën në banesën e ish-gruas së tij, ku vrau dy gratë e familjes dhe plagosi atë dhe nënën e saj, mësyhu tek objektivi i dytë, familja e Vladimir Kurtit. Nëna e Etleva Kurtit ka rrëfyer për oficerët e policisë se në momentin kur ndodhi krimi ka qenë nga pas banesës duke punuar, kur ka dëgjuar krisma të forta.
“Isha duke punuar nga pas shtëpisë kur dëgjova disa krisma. Kur dola para shtëpisë pashë gocën përtokë të vrarë”, ka rrëfyer nëna e viktimës, e cila ndodhet në gjendje të rënduar psikologjike.
Hutra i kishte planifikuar sulmin ndaj familjes së Kurtit. Pasi kishte ndalur makinën në zonën e Kamzës, kishte pyetur një banore të zonës se ku ishte shtëpia e Vladimir Kurtit, ndërsa kjo e fundit i kishte treguar vendndodhjen. Më pas ai ka hyrë në banesë, ku ka hapur zjarr në drejtim të 31-vjeçares, duke e lënë të vdekur në oborrin e shtëpisë, dhe më pas është larguar.
Opinioni u trondit sot nga krimet e një 40-vjeçari, një ish-i dënuar, vrasës i pashëruar që i mori jetën nga breshëria e kallashnikovit 3 grave të reja dhe plagosi tre të tjera, në tre zona të ndryshme të Tiranës.
TIRANË- Dan Hutra, autori i dyshuar i vrasjes së 31-vjeçares Etleva Kurti në Kamëz dyshohet se ka pasur histori dashurie me të. E reja e braktisi kur ai ra në burg për vrasjen e gruas së tij të parë. Ai e qëlloi me armë zjarri Kurtin, teksa kjo e fundit ishte duke qëndruar në oborrin e shtëpisë.
40-vjeçari, Dan Hutra la të vdekur ditën e sotme Melvute Hysa, Hasime Dafku dhe Etleva Kurti, ndërsa të plagosur: Elena Hysa, Kujtime Hysa dhe Marjana Gurakuqi.
Rreth orës 12:30 në rrugën “Rustem Haklaj”, në Kodër-Kamëz, Hutra plagosi me armë ish-bashkëjetuesen Elena Hysa, 35 vjeçe, dhe nënën e saj Kujtime Hysa, 60 vjeçe dhe ka vrarë me armë zjarri Mevlute Hysa 30 vjeçe, motrën e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses. Ai plagosi edhe ish-të dashurën, Marajan Gurakuqin, ndërsa vrau me armë zjarri Etleva Kurtin.
TIRANË- Tronditet Shqipëria! Brenda 2 orësh, vriten 3 gra dhe plagosen 3 të tjera në kryeqytet, nga i njëjti person. 40 vjeçari Dan (Ramazan) Hutra u pajis ditën e sotme (1 Mars) me armë kallashnikov dhe thikë, me të cilat kreu krimet e rënda.
BILANCI:
Viktimat- Melvute Hysa. Hasime Dafku. Etleva Kurti.
Të plagosura: Elena Hysa, Kujtime Hysa, Marjana Gurakuqi.
Si ndodhën ngjarjet?
Ngjarja e parë. Para masakrës në Paskuqan, Dan Hutra plagosi me thikë 40-vjeçaren Marjana Gurakuqi, ish e dashura e tij. Ai i mori asaj një shumë të madhe parash, e më pas u arratis. Ajo tha për grupin hetimor, se ishte dhunuar nga ish-i dashuri i saj.
Ngjarja e dytë, sipas Policisë, ndodhi rreth orës 13:00 në Paskuqan. Hutra, shkoi në shtëpinë e ish-partneres dhe qëlloi me armë zjarri, duke lënë të vdekura, Mevlute Hysa 30 vjeçe (motra e ish-bashkëjetueses së tij) dhe Hasime Dafku 30 vjeçe (e fejuara e vëllait të ish-bashkëjetueses). Të plagosura mbetën Elena Hysa, 35 vjeçe ish-bashkëjetuesja e autorit të dyshuar dhe Kujtime Hysa, 60 vjeçe, nëna e saj.
Hutra hyri në banesën ku ndodheshin familjarët e ish bashkëjetueses së tij, me të cilën kishte edhe një vajzë 4 muajshe, dhe ka hapur zjarr ndaj gjithë të pranishmëve. Më pas u arratis me automjetin e tij tip ‘Benz c-class’.
Ngjarja e tretë, pak orë më pas. Në Kamzë, në rrugën “Besëlidhja” Etleva Kurti, u gjet e ekzekutuar me armë zjarri në shtëpinë e saj. Dëshmitarët deklaruan se autori qëlloi nga një makinë e zezë që u largua me shpejtësi. Vëllai i viktimës, Vladimir Kurti, tregoi nga burgu i Drenovës se autor është Dan Hutra, pasi është kërcënuar disa herë nga ai.
Në një deklaratë të dhënë për mediat, zëdhënësi i policisë së shtetit, Gent Mullai bëri me dije se autori, Dan Hutra kishte vetëm dy javë që ishte liruar nga burgu ku prej vitit 2021 ishte dënuar për dhunë në familje. Policia po i heton të trija ngjarjet si një çështje e vetme.
Një pistë hetimi është për gjakmarrje pasi vëllai i viktimës, Vladimir Kurti para disa vitesh i ka bërë një atentati një çifti, ku burri ka humbur jetën e ndërsa gruaja ka shpëtuar.
PROFILI:
Në vitin 2003, Dan Hutra ka qenë i dënuar për heqje të lirisë së nënës së kunatës së tij dhe përdhunimin e kunatës tjetër. Për këtë krim ai ka vuajtur vetëm 3 vite burg. Pasi ka dalë nga burgu, Hutra u fejua me Dafina Havaljan, e cila do të përfundonte në tragjedi. Më 11 Dhjetor 2007, Hutra vret ish-të fejuarën. Sipas hetimeve asokohe, Hutra dyshonte për një tradhti.
Ai u dënua me 24 vjet burg për vrasje me paramendim. Për shkak të gjykimit të shkurtuar atij i mbetën për të vuajtur vetëm 16 vjet burg.
Rasti i fundit ka ndodhur më 16 Qershor të vitit të kaluar! Hutra ishte vënë në pranga, por u lirua më 16 Shkurt të 2023-shit për dhunë në familje.
TIRANË-Ditën e sotme, u ekzekutua Etleva Kurti për gjakmarrje. Ajo është motra e Vladimir Kurtit, i dënuar me burgim të përjetshëm për vrasjen e Agim Buci. Kjo ngjarje ka qenë e dyshuar fillimisht se erdhi një tentativë grabitjeje, dhe u dënuan nga shkalla e parë e gjykatës dy autoret e dyshuar, Vladimir Kurtin dhe Rruzhdi Hoden. Më pas, pati një zhvillim të bujshëm nëntorin e kaluar kur njëri prej të dënuarve deklaroi se mori para për të bërë vrasjen.
Në një seancë në Gjykatën e Apelit Tiranë, Vladimir Kurti ka pranuar që te bashkëpunojë me drejtësinë duke dëshmuar para gjykatës se vrasja e Agim Bucit nuk ishte si pasoje e grabitjes, por ata ishin të paguar për ta vrarë Agim Buçin nga Albert Zaja, dhe ai nuk ka folur me herët për këtë fakt, pasi ishte i frikësuar nga një hakmarrje e mundshme.
Si ndodhi ngjarja? Agim Buçi, gruaja e tij Rita Buçi bashkë me djalin e tyre të mitur ishin duke mbyllur marketin. Në këtë kohë më armë në dorë ka hyrë në dyqan dhe Vladimir Kurti, ndërsa Hoda ka qenë me thikë. Ata kishin bërë planin më para se donin të grabisnin xhiron e ditës, por kanë hasur në rezistencën e çiftit, të cilët kishin dhe fëmijën prezent. Në këtë moment ata janë përleshur me grabitësit dhe këta të fundit kanë qëlluar me armë duke lënë të vdekur Agim Buçin.
TIRANË- Vladimir Kurti i dënuar përjetë ka reaguar pas lajmit se e motra e tij Etleva Kurti është ekzekutuar në oborrin e banesës së saj në Kamzë. Kurti thotë se në fakt e motra e tij është vrarë nga Dan Hutra, vrasësi i masakrës së Paskuqanit ku vrau 2 persona dhe plagosi 3 të tjerë. Ai thotë se këto dyshime i lidh me faktin se është kërcënuar disa herë prej tij në burg dhe kishte tentuar disa herë ta vriste.
“Dyshoj sepse kemi pasur përplasje këtu në burg me të. Gjatë gjithë kohës jemi ngacmuar Janë shumë ngjarje që si lidh dot. Më ka kërcënuar, kishte tentuar shumë herë të më vriste edhe këtu.”- tha vëllai, Vladimir Kurti.
Etleva Kurti mbeti e vrarë ditën e sotme, pasi u qëllua me armë teksa qëndronte në oborrin e banesë së saj. 31-vjeçarja ka qenë në oborrin e banesës kur një person ka qëlluar me armë zjarri drejt saj. Autori ka ndaluar makinën dhe ka shtënë tre herë./Dosja.al
TIRANË- Fqinjët e 31- vjeçares Etleva Kurti e cila u ekzekutua mesditën e sotme në Kamzë në rrethana ende të paqarta nga ana e policisë. Sipas fqinjit, janë degjuar 3 krisma, ndërsa thonë se Kodra ka probleme hasmërie, pasi vëllai i saj është dënuar përjetë. Pavarësisht kësaj, fqinjët thonë se familja nuk ruhej. Ajo jetonte me nënën e vetë dhe u vra në oborrin e shtëpisë së saj.
“Kam parë një makinë kur ka kaluar ishte e zezë. Armët i dëgjuam. Ishin 3 plumba, 3 kërcitje. Ka pasur probleme hasmërie, është i dënuar me burg përjetë vëllai i gocës. Vëllezërit kanë ikur. Kjo jetonte me nënën. Nuk janë ruajtur asnjëherë,” thotë fqinji.
Etleva Kurti mbeti e vrarë ditën e sotme, pasi u qëllua me armë teksa qëndronte në oborrin e banesë së saj. 31-vjeçarja ka qenë në oborrin e banesës kur një person ka qëlluar me armë zjarri drejt saj. Autori ka ndaluar makinën dhe ka shtënë tre herë. Edhe pse është transportuar drejt spitalit të Traumës, ajo nuk ka mundur të mbijetojë. Mësohet se ajo jetonte së bashku me nënën e saj. Viktima është motra e Vladimir Kurtit, i dënuar me burg përjetë, ngjarje e ndodhur në 2018. Ky i fundit vrau një grua dhe bashkëshortin e saj.
TIRANË- Etleva Kurti mbeti e vrarë ditën e sotme, pasi u qëllua me armë teksa qëndronte në oborrin e banesë së saj. 31-vjeçarja ka qenë në oborrin e banesës kur një person ka qëlluar me armë zjarri drejt saj. Autori ka ndaluar makinën dhe ka shtënë tre herë. Edhe pse është transportuar drejt spitalit të Traumës, ajo nuk ka mundur të mbijetojë. Mësohet se ajo jetonte së bashku me nënën e saj.
Viktima është motra e Vladimir Kurtit, i dënuar me burg përjetë, ngjarje e ndodhur në 2018. Ky i fundit vrau një grua dhe bashkëshortin e saj.
TIRANË- Detaje të reja kanë dalë në dritë nga ngjarja e rëndë në Kamzë ku 31 vjeçarja Etleva Kurti është gjetur e vrarë në oborrin e banesës së saj. Ndaj saj është qëlluar me armë automatike AK47. Dyshohet se ngjarja ka ndodhur për hakmarrje. Vëllai i viktimës, Vladimir Kurti para disa vitesh i ka bërë një atentati një çifti, ku burri ka humbur jetën e ndërsa gruaja ka shpëtuar. Ndërkohë, dyshohet se në banesë jetonte 31-vjeçarja me nënën e saj./Dosja.al
TIRANË- Vritet me armë zjarri, Etleva Kurti në Kamëz. Kjo ngjarje e rëndë ndodhi ditën e sotme në Kamëz, në rrugën "Besëlidhja". 31-vjeçarja, në rrethana ende të paqarta, është gjetur në në oborrin e banesës, e vrarë me armë zjarri. Policia ka shkuar menjëherë në vendngjarje dhe është ngritur një grup i posaçëm hetimor që po punon për identifikimin e autorit/ëve të dyshuar.
NJOFTIMI I POLICISË:
Ndërkohë, në Kamzë, në rrugën "Besëlidhja", në rrethana ende të paqarta, në oborrin e banesës, është vrarë me armë zjarri shtetasja Etleva Kurti, 31 vjeçe. Shërbimet e Policisë kanë shkuar menjëherë në vendngjarje dhe është ngritur një grup i posaçëm hetimor që po punon për identifikimin e autorit/ëve të dyshuar. Informacion me të detajuar do të japim në vijim.
Vrasja e 31-vjeçares ndodhi në të njëjtin moment kur u vranë 2 persona në Kamëz. Ramazan Kuta, ka vrarë me armë zjarri Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).
