Politike

Ministrat raportojnë online, Rama izolon pensionistët: S’ka falje për dritat dhe taksat, pajisjet mjekësore i blemë vetë, Turqia hapi vetëm kanalin

VIDEO
Kryeministri Edi Rama ka zhvilluar sot një mbjedhje online, ku ministrat që janë më të përfshirë në luftën kundër COVID-19 kanë raportuar para tij. Manastirliu, Gjonaj, Ahemtaj, Xhaçka, Lleshaj e Ahmetaj kanë treguar të gjitha masat që kanë marrë këto ditë. Kreu i qeverisë u ka kërkuar që të ndihmojnë sa më shumë pensionistët dhe të mos i lënë të dalin nga shtëpitë. Rama tha se pajisjet mjekësore u blenë të Turqi dhe nuk ishin dhuratë.
Featured image of article: Ministrat raportojnë online, Rama izolon pensionistët: S’ka falje për dritat dhe taksat, pajisjet mjekësore i blemë vetë, Turqia hapi vetëm kanalin

TIRANË– Kryeminsitri Edi Rama ka zhvilluar sot një takim online me ministrat të cilët janë përfshirë më shumë në luftën kundër COVID-19. Në takimin online ka marrë mjesë ministrja e Shëndetësisë, Ogerta Manastirliu, ministrja e Financave, Anila Denaj, ministrja e Drejtësisë, Etilda Gjonaj, ministrja e Mbrojtjes, Olta Xhaçka, ministri i Brendshëm, Sandër Lleshaj dhe ministri i Rindërtimit, Arben Ahmetaj, që tashmë ka përsipër dhe menaxhimin e situatës së financave gjatë kohës së luftës me COVID-19.

Rama ka kërkuar një pasqyrë të masave që kanë marrë ministrat këto ditë në ndihmë të qytetarëve dhe secili ka bërë një përmbledhje të punës që kanë bërë në terren. Kreu i qeverisë gjatë mbledhjes ka bërë edhe një herë të qartë se nuk do ketë asnjë tolerim për faljen e faturave të ujit dhe dritave, pasi ka bërë një lëshim vetëm për kamatvonesat.

Më tej gjatë fjalës së tij kreu i qeverisë u ka kërkuar ministrave që të vijojnë punën dhe ata kanë raportuar për çdo gjë kanë bërë këto javë. Rama sqaroi sot dhe sasinë e pajisjeve mjekësore nga Turqia, ku u shpreh se nuk ishin dhuratë por janë blerë në një kohë krize. Ministrja Manastirlui njoftoi se doketë një komunikim me homologun e saj dhe u është përgjigjur kritikëve për numrin e testeve të kryera. Sipas ministres çdo gjë është bërë sipas udhëzimeve të OBSH.

Për më shumë bëhu pjesë e grupit më viral në Facebook, Dosja.al

Kjo mbledhje u zhvillua në një kohë kur harta e të prekurve në Shqipëri është zgjeruar, ku epiqendra e COVID-19 është Tirana, e pas saj vjen Fieri e Korça. Ndërkohë që janë 146 të infektuar, 17 prej të cilëve janë shëruar dhe 5 viktima. Lezha, Shkodra, Vlora, Kavaja e Elbasani janë qytetet e tjera të prekurve. Gjendja e e të shtruarve në pavion është e stabilizuar deri më tani, ndërkohë që autoritetet bëjnë thirrje që qytetarët të qëndrojnë brenda.

(A.B. Dosja.al)

 

  • 18:25

    “Do plotësojnë tre formularë”, Gjonaj shpjegon hap pas hapi si e përfitojnë lirnë të burgosurit në kohën e koronavirusit, ç’ndodh me ata që janë të rrezikshëm

    Ministrja e Drejtësisë, Etilda Gjonaj ka sqaruar se si do të shqyrtohen dokuemntet e të dënuarve që do të lirohen përkohësisht për shkak të periudhës së Covid-19. Në mbledhjen e zhvilluar me ministrat dhe kryeministrin Rama online, Gjonaj tha se do të ketë komisione të posaçme që do të shqyrtojnë dokumentet e të dënuarve, të cilët duhet të plotësojnë 3 formularë bashkë me familjarët e tyre. Ministrja shtoi se do të ketë edhe komunikim me prokuroritë dhe policitë e zonave ku banojnë këta të dënuar nëse përbëjnë rrezikshmëri.

    RamaDy fjalë për aktin normativ të djeshëm për mënyrën si do bëhet dalja e atyre personave për 3 muaj nga burgjet. Çfarë po bëhet aktualisht për të implementuar aktin?

    GjonajPo kryeministër, me hyrjen në fuqi të aktit normativ, drejtori i burgjeve ka nxjerrë udhëzimet për ngritjen e komisioneve të posaçme që do të shqyrtojnë dokumentet e të dënuarve. Komisioni i çdo IEVP do të jetë i pari që do të shqyrtojë kërkesën dhe dokumentet e kërkuara nga legjislacioni. Janë miratuar 3 formularët, një që plotësohet nga i dënuari, i dyti është deklarata e përgjegjësisë që firmos i dënuari që do të dalë dhe formulari i tretë, është ai që jep çdo familjar duke dhënë pëlqimin për faktin që personi i dënuar do të rrijë në shtëpinë e tij. gjithashtu do të merret edhe informacioni i nevojshëm për kriteret ndaluese që përmban akti normativ, nëse kanë rrezikshmërinë për ambientit ku do të jetojnë. I gjithë procesi është i rregulluar nëpërmjet akteve. Numri total i të burgosurve është 600, por mund edhe të ulet, nëse nuk përmbushin kriteret.

  • 18:09

    Rama premtim publik Manastirliut: Nëse spitali i ri është gati për 20 ditë do të bëjmë një monument

    Kryeministri Edi Rama ka zhvilluar sot një takim online me ministrat që janë më shumë të përfshirë në luftën kundër COVID-19, të cilët kanë raportuar para tij. Rama ka pyetur Manastirliun se kur do ishte struktura e re spitalore gati, e cila është pjesë e skenarit të përballimit të COVID-19.

    Çfarë po bëhet me spitalin e ri, që folëm dhe mbremë?

    Jemi duke punuar intesivisht dhe shpresojmë që shumë shpejt do jetë gati për të pritur pacientët e parë.

    Kur sa shpejt?

    Besojmë se për 20 ditë do jetë gati.

    Nëse do behet për 20 ditë të premtojë një moment pasa spitalit.

  • 18:02

    Xhaçka tregon shifrat: Kemi ndihmuar 6 mijë familje në nevojë, fokusi tek pensionistët

    Ministrja e Mbrojtjes, Olta Xhacka, në fjalën e saj gjatë mbledhjes online të Ramës me minsitrat deklaroi se ushtria ka ndihmuar mbi 6000 familje e individë në nevojë. Më tej në raportimin që bëri para Kryeministrit, Xhaçka shtoi se kujdes i vecantë është treguar edhe për pensionistët.

    Ne kemi dërguar produkte ushqimore dhe joushqimore tek ata persona që realisht kanë nevojë. Pensionistët nuk mund të dalin nga shtëpitë, pasi kanë rrezik më shumë, prandaj ne kemi ngritur skemë që të dhurojmë për pikërisht pensionistë. Skema do të funksionojë në mënyrë piramidale. Listat do të merren nga bashkitë ose njësitë administrative. Ne përpiqemi që të dërgojmë ndihma tek familjet në nevojë. Ne kemi ndimuar mbi 6000 familje dhe individë me ushqime dhe me mjete të tjera.”, tha Xhacka.

  • 17:58

    “I blemë vetë, hapi thjesht kanalin e eksportit”, Rama zbulon të vërtetën e pajisjeve mjekësore që erdhën nga Turqia, lëvizja e vetme e Erdoganit

    Kryeministri Edi Rama ka sqaruar ndihmën e ardhur nga Turqia me 4.5 ton pajisje mjekësore. Gjatë mbledhjes që zhvilloi online me ministrat e kabinetit, Rama u shpreh se të gjitha pajisje mjekësore janë blerë me paratë e shqiptarëve, dhe që Turqia ka hapur vetëm kanalin e eksportit.

    Duhet theksuar se duhet ta dinë të gjithë ata që na ndjekin. Të gjitha këto materiale janë blerë me fondin tonë. Qeveria turke hapi thjesht kanalin e eksportit, sepse ne kemi pasur anullime dhe angazhime të marra më parë. Ne do vazhdojmë me rezerva të tjera, falë këtij kanali. Kjo ishte për t’u vlerësuar sepse është realisht një hapje ekskluzive kanali, ndërkohë që Turqia dhe Kina janë të mbytura nga kërkesat. Ndërkohë me urdhër të Prsidentit u hap vetëm për ne,“- sqaroi Rama.

  • 17:55

    Manastirliu u përgjigjet kritikave: Ne testojmë, testojmë, testojmë. Ky është dhe udhëzimi i OBSH

    Ministrja e Shëndetësisë, Ogerta Manastirliu ka folur sot për debatin e testimeve për COVID-19, ku u shpres se çdo gjë po bëhet sipas udhëzimeve të OBSH-së. Në fjalën e saj, Manasitrliu tha se po testohet shumë për të arritur që të shkeputet zinxhiri i transmetit të virusit.

    “Numri i testeve nuk është në dëshirën e askujt, të gjuitha testet realizohen sipas rekomandimeve të OBSH dhe komitetit teknik. Ne testojmë testojmë testojmë, të dyshuairt . Testojmë me fosk ndërprejen e zinxhirt të infeksionit të COVID. Ne kemi bërë testiemve për aq nevoja sa kemi pasur. Ka shumë debate lidhur me atë që do bëjmë teste për ata që janë asimptomatikë, ne duhet ta mërrin këtë vendim pasi të na japë dritën jeshile komiteti teknik, për sërish nuk do zgjidhim situatën”, tha Manastirliu.

    Më tej ministrja tha se po testohen të dyshuairit, pasi dhe OBSH këtë ka thënë. “E gjithë strategjia që ne po përdorim është në përputhje me strategjinë e OBSH-së që testojmë të dyshuarit, për të ndërprerë zinxhirin e transmetit të infkesionit”, shtoj më tej ministrja.

  • 17:50

    “Ëmbëlsira për në fund”, Rama përkëdhel Manastirliun në sy të ministrave: Të kemi borxh orët e gjumit, je ilaçi ynë

    Kryeministri Edi Rama nuk i ka kursyer komplimentet dhe përkëdheljet për ministren e Shëndetësisë Ogerta Manastirliun. gjatë një videoje-live që zhvilloi me ministrat, Rama e quajti ëmbëlsië Manastirliun, teksa e pyeti për materialet mjekësore që kanë ardhur sot në vendin tonë.

    Pjesë nga biseda

    Rama: Është ëmbëlsira për në fund, por ne kemi ilaçin në fund tani. Ogerta të lutem, e di që je e mbingarkuar një listë të tërë borxhesh gjumi që t’i kemi ne ty. Një listë pyetjesh të shkurtra, e para: materialet u morën në dorëzim?

    Manastirliu: Po kryeministër, u morën falë një angazhimi, dhe ua dimë shumë përnder të gjithëve atyre që janë angazhuar. Tashmë kemi nëj sasi shumë më të madhe furnizimi që patëm në magazinat tona. Pra ne jo vetëm që kemi krijuar mundësinë për të rritur stokun por do të vazhdojmë kështu për të mbështetur sa më shumë mjekët dhe infermierët.

    Rama: E bëtë sot atë bisedën me homologun apo akoma

    Manastirliu: Jo, sepse kishim Këshillin e Sigurisë.

    Rama: Duhet theksuar se duhet ta dinë të gjithë ata që na ndjekin. Të gjitha këto materiale janë blerë me fondin tonë. Qeveria turke hapi thjesht kanalin e eksportit, sepse ne kemi pasur anullime dhe angazhime të marra më parë. Ne do vazhdojmë me rezerva të tjera, falë këtij kanali. Kjo ishte për t’u vlerësuar sepse është realisht një hapje ekskluzive kanali, ndërkohë që Turqia dhe Kina janë të mbytura nga kërkesat. Ndërkohë me urdhër të Prsidentit u hap vetëm për ne.

  • 17:29

    “Asnjë pensionist në rrugë, apo ecje dyshe”, Rama izolon të moshuarit, urdhër policisë: Kthejini mbrapsht, mos ta përsërisin më

    Kryeministri Edi Rama ka dhënë urdhër të prerë që asnjë i moshuar apo pensionist të mos dalë në rrugë. Në një video-live, teksa po zhvillon një mbledhje me ministrat, Rama tha se nuk duhet të dalë asnjë i moshuar, dhe se policia duhet t’i kthejë mbrapsht. Rama gjithashtu u shpreh se nuk lejohen më as ecjet dyshe në rrugë, edhe nëse janë burrë e grua.

    “Gjëja që duhet bërë është që asnjë pensionist të mos dalë në rrugë. Policia do ndalojë çdo pensionist dhe do t’i thotë, ‘xhaxhi ik në shtëpi’, s’ka më jo po shkoj këtu, e jo po shkoj atje. Asnjë pensionist në rrugë. T’i thonë, nuk kalon dhe kthehu mbrapsht, ik në shtëpi. Apo ecjen në këmbë, dyshe. Jo, jemi burrë e grua. Të gjithë një nga një. Të ecin të mbarojnë punë dhe të shkojnë në shtëpi,”– u shpreh Rama.

  • 17:22

    “Do biem në një gropë që s’do na gjejë as korona”, Rama i prerë për taksat dhe dritat: Do paguhen një më një, shpenzoni më pak se s’u bë deti kos

    Kryeministri Edi Rama është treguar i prerë në lidhje me pagesën e taksave dhe të faturave të energjisë elektrike. Në një video-live ku po zhvillon mbledhjen me ministrat, kryeministri tha se faturat do paguhen një më një sepse përndryshe do krijohet një kolaps në ekonomi dhe një gropë.

    Taksat do paguhen, edhe dritat do të paguhen se përndryshe do biem në një gropë që s’do na gjejë as korona. Pagesa e dritave do bëhet një më një, kush nuk paguan nuk do ketë drita. Nuk është bërë deti kos, dhe kjo kirjon një vështirësi që mund të na çoj në një kolaps. se i bie që do financojmë OSHEE-në, po ato para ku i gjejmë? Kemi falur kamat vonesat, për të gjithë të gjithë janë në raport me aktualitetin, çfarë e shpenzon do e paguajë. Kush thotë që nuk më del sepse kam shpenzuar shumë, të shpenzojë më pak,”– deklaroi kryeministri.

  • 17:20

    “Problemi i pensionistëve”, Rama i pakënaqur nga përgjigja e Denajt kërkon më shumë shpjegimet: Kur fiks, se prilli është i gjatë?

    Kryeministri Edi Rama po zhvillon sot një takim online me disa nga ministrat e kabinetit të tij ku po diskutohet për çështjen e rindërtimit të Shqipërisë dhe për situatën e COVID-19. Rama ka kërkuar nga ministrja e Financave sqarime për situatën. Rama pyeti Denajn se kur so zgjidhej problemi me pensionistët, por pasi insitsoi mori përgjigjen që donte.

    Zgjidhja për problemin e pensionistëve?

    Ne kemi premtuar për muajin prill, kemi filluar punën dhe bësoj që do arrijmë që të jemi në kohë.

    Kur se muaji prill është i gjatë, kur është fiks?

    E përfundojmë në javën e parë të prillit, rrofsh, kjo është ajo që duhet.

    Dorëzimi i bilanceve, çfarë është bërë?

    Ne shtymë afat deri në korrik për dorëzimin e bilanceve. Dorëzimi i bilanceve do bëhet në korrik.

  • 17:14

    “Mos i hapni derën pronarit kur t’ju vijë për qiranë”, Rama këshillon shqiptarët në kohën e Covid-19

    Kryeministri Edi Rama u ka thënë të gjithë shqiptarëve që të mos i hapin derën pronarit të shtëpisë kur t’u shkojë për t’u marrë qiranë në këtë kohë ‘lufte’ që Shqipëria po përballet me Covid-19.

    Në mbledhjen e ministrave që po zhvillohet aktualisht on-line, kryeministri tha se kjo nuk është koha për të kërkuar qiratë. “Mos i hapni derën pronarit, kur të vijë për qiranë,“- tha Rama, dhe më pas vijoi të bisedonte me Arben Ahmetaj që është në krye të menaxhimit të kësaj situate.

Shto Koment