Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Mbledhjet e qeta me diskutime pa tone të larta dhe duke iu referuar vetëm rendit të ditës duket se do të mbeten edhe për një kohë të gjatë nostalgji në Grupin Parlamentar të Partisë Demokratike. Edhe dje në mbledhjen e shkurtër të grupit të PD-së nuk munguan debatet.
Fillimisht, kreu i Grupit të Demokratëve, Enkelejd Alibeaj, nisi fjalën duke u fokusuar vetëm te debati për pjesëmarrjen në procesin e zgjedhjes së Presidentit, por kjo temë u devijua në pjesën e parë të debatit pasi deputetët Albana Vokshi dhe Edmond Spaho i kërkuan Alibeajt që t’i çonte letër Kuvendit në mënyrë që ata së bashku me Berishën të bëhen pjesë e grupit të PD-së.
Por, kjo kërkesë është refuzuar nga kryetari i Grupit të PD-së me justifikimin se ai nuk mund të bënte të njëjtat veprime për të cilat është akuzuar Basha, të merrte vendime personale. Më pas, debati është transferuar mes Berishës dhe Alibeajt në lidhje me zgjedhjen e Presidentit.
Berisha e ka akuzuar kreun e grupit të cilin thotë se nuk e njeh si të tillë dhe se sipas tij, Kuvendi i 30 prillit do e zëvendësojë, se është peng i Taulant Ballës. Por, nuk ka munduar përgjigja edhe nga Alibeaj. Ai e ka quajtur gjithashtu peng të Berishës. Por në pak i moderuar ka qenë Flamur Noka, i cili i ka thënë Alibeajt se ka qenë ushtar i Berishës që priste në radhë për t’u takuar dhe të mos guxonte të fliste ashtu.
Jemi 5 deputetë të përjashtuar. Duhet te bëni kërkesën në Kuvend që ne të jemi pjesë e Grupit Parlamentar të PD-së.
Edmond Spaho: Z. Alibeaj, përse nuk i kërkoni Kuvendit që të na konsiderojë të gjithë të përjashtuarit, bashkë me Berishën, pjesë të grupit parlamentar demokrat? Si mund të ketë bashkim kur ju mbani akoma të njëjtin qëndrim?
Enkelejd Alibeaj: Nuk zhbëj dot unë me vullnet personal vendime që janë marrë nga organe të partisë. Se akuzuat Bashën që merr vendime personale për përjashtimin e Sali Berishës, tani unë nuk do marr vendim personal për futjen tuaj. Kjo çështje është sqaruar në disa mbledhje. Kjo nuk është në rendin e ditës.
Berisha – Alibeajt: Je i përzgjedhur i Taulant Ballës dhe nuk je i përzgjedhur nga Grupi Parlamentar. Edhe Rama s’të përfill. Të mbajnë peng. Nuk ke mandat, sepse je i zgjedhur i Taulant Ballës.
Alibeaj – Berishës: Peng je ti.
Noka – Alibeajt: Mëso të flasësh zotëri e mos guxo të flasësh ashtu. Ke qenë ushtari i tij e mbaje radhë për ta takuar. Njeriu që ka edukatë shef me kë flet ndaj lidhe gjuhën!
Enkelejd Alibeaj: Me fyerje personale mos të vazhdojë.
Berisha – Alibeajt: Ai që ndjehet opozitar i vërtetë, nuk mund të imagjinojë kurrë të marrë pjesë në një proces mafioz të zarfeve sekrete.
Edmond Spaho: Nuk është atribut i grupit parlamentar të vendose për qëndrimin ndaj zgjedhjes se Presidentit, por e organeve drejtuese të PD-së, saktësisht e Komisionit të Rithemelimit. Grupi ka të drejtë të japë mendimin e tij, por jo të vendosë. Unë personalisht jam kundër marrjes pjesë në procesin që po organizon Rama për zgjedhjen e Presidentit. Opozita nuk mund të bëhet fasadë dhe të legjitimojë një proces farsë të PS-së për kreun e shtetit.
Dashnor Sula: Unë nuk jam për të bojkotuar proceset. Është treguar se në nuk kemi fituar asgjë nga bojkotet. Bojkotuam në 2014-n Reformën Territoriale dhe e pamë sesi e bëri Rama. Më pas bëtë çmendurinë kolektivë që dogjët mandatet dhe serish e patë se si përfunduam si opozitë.
Bëtë serish çmendurinë me zgjedhjet lokale dhe sërish u penalizuam. E pamë në 6 mars sa e vështirë është. Ne nuk përfitojmë asgjë nga bojkotet e proceseve. Çfarë na pengon ne deputetët e opozitës që më 28 firma të çojmë propozimin tonë në Kuvend. Pastaj le t’i mbesë maxhorancës turpi i zgjedhjes. Tani thoni që Presidenti është pa kompetenca dhe Rama e zgjedh vetë se i ka votat. Po ishte marrëveshja e 21 prill 2008 që e beri Presidentin pa kompetenca që unë së bashku me disa kolegë në atë kohë votuan kundër kësaj…
Ilda Dhori pyet Alibeajn: Çfarë po ndodh me faqen zyrtare të “Facebook”-ut të PD-së. Nuk publikohet asgjë, as fjalët e deputetëve në Parlament, as diskutimet në Komisione.
Enkelejd Alibeaj: Do rregullohet…
Sali Berisha: Opozita s’mund të përfaqësohet kurrë me të emëruar nga Taulant Balla. Kjo praktikë merr fund e s’do e njohë kurrë PD-ja një praktikë të tillë. Denoncova me forcën më të madhe praktikën mafioze që ndjek Edi Rama për procesin e zgjedhjes së Presidentit. Praktikë që diskrediton institucionin dhe vet zgjedhjen e Presidentit.
Praktikë kjo që përlyen qartësisht me aspektet e saj mafioze çdo lloj pjesëmarrje në një proces, të cilin në kushte normale duhet të merrnin pjesë të gjitha palët, praktikë që s’ka asnjë qëllim tjetër veç të nxjerrë nga zyrat e tij njeriun që do dhe që komandon. Denoncoj këtë farsë të shëmtuar. Kur ajo zhvillohet me zarfe sekrete brenda grupit, si do jetë ajo me opozitën. Më thoni ju mua, kush u propozua nga anëtarët e grupit parlamentarë? Ai që do Rama u propozua. Ndaj u vendos sekreti. Thirret shoqëria civile. I thotë mos trego emra, por dërgoi me e-mail. Nuk mundet opozita të legjitimojë një proces. Rama s’mund të poshtërojë grupin e tij dhe opozitën.
Enkelejd Alibeaj: Do duhet që në mënyrë kolegjiale të diskutohet me të gjithë deputetët për këtë arsye u la një mbledhje tjetër ku do merren opinionet për secilin deputet. Mbledhjet kanë gjithmonë zhurmë, sepse gjithmonë vjen Berisha pa asnjë lloj roli. Ai është influent me qëndrimin e grupit. Unë mund t’ju them mendimin tim. Procesi i zgjedhjes së Presidentit është i rëndësishëm. Pavarësisht kompetencave të rrudhura. Pavarësisht faktit që me ndryshimet kushtetuese të 2008-s, zgjedhja e Presidentit degradon me 74 vota. Ju e kuptoni sesa penalizuese është për opozitën.
Në një formulë tjetër do kishte legjitimitetin për t’i futur këmbët në një këpucë maxhorancës. Rama se ka të drejtën të zgjedh Presidentin e Republikës. Rama se ka të drejtën as me shumicën e thjeshtë. Mori 74 vota në Parlament nga masakra e vitit 2021. 4 deputetë të vetë nuk përfaqësojnë zërin e qytetarëve. Dy janë mbas qelisë dhe dy të tjerët janë shpallur “non grata” për një arsye shumë të rëndësishme. Për blerje votash. Edhe në këtë aspekt është i delegjitimuar.
Ajo që duhet të ndodh është presidenti i shqiptarëve. S’mund të rrudhet procesi i zgjedhjes së Presidentit i futur në zarfe, por këtu do duhet të përballet opozita. Ka dy rrugë, njëra me bishtin ndër shalë të shmangemi. Kjo s’ka funksionuar dhe s’duhet të na funksionojë. Ne duhet të përballemi me regjimin e Ramës, jo duke ikur, por duke ia grisur maskën. Presidenti simbolizon edhe gjysmën e njerëzve që përfaqëson opozita.
Kjo duhet të jetë një qëndrim që do duhet të zhvilloj një proces që të respektoj figurën e transparencës. Ne duhet të bëhemi zëdhënës të shqiptarëve jashtë zarfeve dhe jashtë vendimeve që jepen në emër të të tjerëve që nuk i përfaqëson. Përballja me regjimin duhet.
Sali Berisha: Do mblidhet kongresi do zgjedh nënkryetarin dhe këshillin kombëtar, por unë nuk e njoh Alibeajn si kryetar Grupi. Unë nuk pranoj vendime të paqena. Unë ndaj jam këtu, sepse nuk njoh vendime të paqenë për përjashtime.
Alibeaj: Berisha vjen i paftuara dhe kjo është e qartë tashmë. Qëndrimi që bëhet fjalë ka qenë i konsultuar me 32 deputetët. Shumica dërrmuese ranë dakord për atë paket parimesh që synon bashkimin e demokratëve. Qëndrimet e deputetëve të lirë është e qartë. Çdo deputet ka të drejtën që të bëj propozime për ato që mendon se i bashkon demokratët. Në fund, e cakton grupi me kolegjialitet që e vendos./Marre nga Panorama
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Sali Berisha ka qenë i ftuar në emisionin “Të Paekspozuarit” në MCN TV, ku u diskutuan zhvillimet në Partinë Demokratike dhe proc...
TIRANË– Ish-kryeministri Sali Berisha shprehet se ish-kryedemokrati Lulzim Basha po përpiqet të ndërtojë një parti të re. I ftuar në TPZ, Berisha tha...
TIRANË– Ish-kryeministri Sali Berisha ka zbuluar se drejtori i shërbimeve sekrete në SHBA, ka parë dosjen e tij për shpalljen non-grata nga Derpartam...
TIRANË– Ish-kryeministri Sali Berisha ka folur për dosjen e CEZ, gjë për të cilën Prokuroria e Posaçme Kundër Korrupsionit dhe Krimit të Organ...
TIRANË– Ish kryeministri, Sali Berisha është i bindur që Partia Demokratike do të vijë në pushtet me të. I ftuar në “TPZ”, Berisha tha se kryeministr...
TIRANË– Ish-kryeministri Sali Berisha është shprehur se për të nuk ka asnjë parashkrim dhe se shanset që të përfundojë në burg, janë zero. I ftuar në...
TIRANË– Agron Duka, kreu i Paartisë Agrare Ambientaliste ka treguar detaje nga takimi që ka pasur për zgjedhjen e Presidentit të ri. I ftuar në “Top ...
TIRANË– Ish-kryeministri Sali Berisha ka deklaruar se ka pasur mundësi për të lobuar në mënyrë që t’i hiqet shpallja non-grata nga Shtetet e Bashkuar...
TIRANË- Ish-kryeministri Sali Berisha është shprehur se nuk pranon të ulet në negociata me asnjë nga të dërguarit nga Shtetet e Bashkuara të Amerikës. I ft...
TIRANË- Deputeti Edmond Spaho, është shprehur se Edi Rama po përpiqet që të mbajë ndezur zjarrin brenda opozitës pasi frikësohet nga rikthimi i opozitës e ...
