Politike

Dokumenti/ Meta shpall “non grata” në presidencë ambasadorin e OSBE: Vuri në diskutim dekretin tim, iu nxorri gishtin qytetarëve

  • Borchardt tregon prapaskenat: Na terrorizuan, kisha dalë shëtitje me gruan
  • Meta e shpalli non-grata, Borchardt s’lejohet të hyjë në takimin me delegacionin
  • PD e përshëndet vendimin e Metës, Noka: Veprim shtetari
  • Zyra e OSBE në Tiranë: S’kemi asnjë qendrim!
  • Balla: Gjendja ku ka degraduar kreu i shtetit, për të ardhur keq
  • Borchardt humb durimin pasi u shpall non-grata: OSBE-ja, organizatë legjitime në Shqipëri
  • Në këtë dokument, kreu i Shtetit, thotë se drejtuesi i zyres së OSBE në Shqipëri, s'është më i mirëpritur në Presidencë për dy arsye kryesore. Ndërkohë që më herët, edhe në takimin e zhvilluar pasditen e kësaj të hëne me presidentin e Asamblesë Parlamentare të OSBE, George Tsereteli, Dosja.al mësoi se Borchardt nuk është lejuar të marrë pjesë.
    Featured image of article: Dokumenti/ Meta shpall “non grata” në presidencë ambasadorin e OSBE: Vuri në diskutim dekretin tim, iu nxorri gishtin qytetarëve Bernd Borchardt dhe Ilir Meta

    TIRANË– Presidenti Ilir Meta shpall “non grata” ambasadorin e OSBE në Tiranë, Bernd Borchardt. Në letrën drejtuar OSBE-së, kreu i Shtetit, thotë se drejtuesi i zyres së OSBE në Shqipëri, s’është më i mirëpritur në Presidencë për dy arsye kryesore. E para, sipas Metës, sepse Borchardt vuri në diskutim Dekretin e Presidentit për zgjedhjet vendore në Shqipëri në qershor 2019. Dhe e dyta, sepse Borchard i tregoi publikisht gishtin qytetareve shqiptare, teksa protestonin për prishjen e pronave.

    Letra e Metës për OSBE

    LETRA E PLOTË:

    Institucioni i Presidentit të Republikës së Shqipërisë i paraqet komplimentat Zyrës së Asamblesë Parlamentare të OSBE-së në Kopenghagë, Zyrës së Prezencës së OSBE-së në Tiranë dhe Drejtorisë së Protokollit të Shtetit MEPJ në Tiranë dhe u bën me dije se:
    Z. Bernd Bochardt, i cili vuri në diskutim Dekretin e Presidentit të Republikës së Shqipërisë, Ilir Meta për zgjedhjet vendore në Shqipëri të muajit qershor 2019 dhe që publikisht i tregoi gishtin qytetarëve shqiptarë nuk më i mirëpritur në Institucionin e Presidentit të Republikës.

    Institucioni i Presidentit të Republikës së Shqipërisë përfiton nga rasti për t’i shprehur Zyrës së Asamblesë Parlamentare të OSBE-së në Kopenhagë, Zyrës së Prezencës së OSBE-së në Tiranë dhe Drejtorisë së Protokollit të Shtetit të MEPJ në Tiranë dhe vlerësimet e konsideratës më të lartë.

    Për më shumë bëhu pjesë e grupit më viral në Facebook, Dosja.al

     

    Pak javë më parë ambasadori i OSBE ofendoi protestuesit, teksa po kalonte tek Drejtoria e Policisë, i shoqëruar nga një vajzë e re. Borchardt, kaloi aty në momentin kur protestuesit bënin thirrje: Rama ik, Rama ik. Në këtë çast, për arsye që ende nuk dihen, ambasadori ngriti gishtin e mesit dhe u largua. Pak metra më tej, ai e tregoi sërish gishtin e mesit ndaj protestuesve, veprim ky që ka ngjallur një sërë reagimesh në opinion publik.Pak kohë më parë banorët e Astriti firmosën dhe një peticion kundër tij. Zyra e OSBE-së ka deklaruar se ndaj ambasadorit kanë nisur hetimet.

    (a.m/dosja.al)

    • 20:17

      “Më lini të qetë”, Borchardt humb durimin para gazetarëve pasi u shpall non-grata: OSBE-ja, organizatë legjitime në Shqipëri

      Ambasadori i OSBE-së Bernd Borchardt është indinjuar me gazetarët pasi është pyetur në lidhje me një koment mbi faktin që Presidenti Ilir Meta e shpalli non-grata.

      Burime për Dosja.al bëjnë me dije se Borchardt është pyetur nga gazetarët mbi një koment pas shpalljes së tij non-grata nga Meta, teksa ka mbërritur në selinë e PD-së, dhe është shprehur se dëshiron ta lënë të qetë.

      OSBE është organizatë legjitime në Shqipëri. Ju lutem më lini të qetë,”– është shprehur ambasadori para gazetarëve.

    • 17:35

      Përzuri Borchardt, Meta takon Tseretelin e OSBE: Ishte takim i nivelit të lartë

      Ilir Meta, president dhe George Tsereteli, president i OSBE

      Presidenca jep sqarime për takimin e zhvilluar sot mes Presidentit Ilir Meta dhe delegacionit të OSBE, që kryesohej nga presidentit George Tsereteli. Takimi, në të cilin mungoi ambasadori i OSBE në Tiranë, Berndt Borchard, ka patur në fokus krizën politike në vend por edhe kryesimin e OSBE në vitin 2020 nga Shqipëria.  Presidenca njofton ndër rreshta se ky ishte një takim i nivelit të lartë, dhe se Meta ka falenderuar delegacionin për mbështetjen e dhënë.

      Njoftimi i plotë i presidencës: 

      Presidenti Meta pret në takim delegacionin e nivelit të lartë të Asamblesë Parlamentare të OSBE 18 nëntor 2019, Presidenti i Republikës, Sh.T.Z. Ilir Meta priti sot në një takim një delegacion të nivelit të lartë të Asamblesë Parlamentare të OSBE-së, të kryesuar nga Presidenti i Asamblesë, Sh.T.Z. George Tsereteli, dhe Sekretari i Përgjithshëm, z. Roberto Montella. Kreu i Shtetit falënderoi Asamblenë Parlamentare të OSBE-së për mbështetjen që ka dhënë ndër vite për forcimin e shtetit ligjor dhe institucioneve demokratike të vendit, duke kërkuar njëkohësisht vëmendje dhe angazhim edhe në të ardhmen në ruajtjen dhe forcimin e vlerave që Organizata dhe shtetet pjesëmarrëse mishërojnë. Duke ju përgjigjur interesimit për situatën politike në vend, Presidenti Meta theksoi me forcë domosdoshmërinë e zbatimit të reformës në drejtësi vetëm sipas Kushtetutës së miratuar me konsensus tre vite më parë. Në lidhje me procesin e integrimit europian të Shqipërisë dhe rajonit, Presidenti i Republikës vlerësoi angazhimin e sinqertë të të gjitha vendeve anëtare të BE-së për të mbështetur procesin e integrimit evropian të Shqipërisë dhe Maqedonisë së Veriut.

      “Shqipëria dhe Maqedonia e Veriut do të jenë përsëri objekt shqyrtimi në Samitin e Zagrebit që do të zhvillohet në maj të vitit 2020”, – vijoi Presidenti i Republikës, “dhe, në këto 6 muaj, 9 kërkesat e Bundestagut duhet të shërbejnë si harta e vetme e rrugës për Shqipërinë që mund të çojë në një vendim pozitiv për çeljen e negociatave të anëtarësimit me BE-në”. Në lidhje me Kryesimin nga Shqipëria të OSBE-së për vitin 2020, Presidenti Meta u shpreh se, Shqipëria ka mundësinë që të japë një kontribut thelbësor për Organizatën.

    • 17:16

      Meta përzë Borchardt nga presidenca/ Balla: Gjendja ku ka degraduar kreu i shtetit, për të ardhur keq

      Taulant Balla, kryetar i grupit të PS

      Kryetari i grupit parlamentar të Partisë Socialiste, Taulant Balla ka komentuar aktin e presidentit Ilir Meta për të shpallur të “padëshiruar” në ambientet e presidencës, ambasadorin e OSBE në Shqipëri, Berndt Borchard.

      I ftuar në rubrikën “Opinion” në News 24, Balla tha se gjendja ku ka degraduar presidenti është për të ardhur keq. “Thirrje Metës, të kthejë në shina institucionin. Borchardt ka reaguar pasi qytetarët e fyen. Ai është një përfaqësues i OSBE dhe duhet respektuar.  Ambasadori ka një histori të gjatë në Shqipëri. Gjendja ku ka degraduar presidenti, për të ardhur keq.”-tha Balla.

    • 17:10

      Meta shpalli Borchard “non-grata”, zyra e OSBE në Tiranë: S’kemi asnjë qendrim!

      Berndt Borchardt, zyra e OSBE

      Pas qëndrimit të ashpër të presidentit Ilir Meta i cili shpalli non-grata në ambientet e presidencës, ambasadorin e OSBE në Shqipëri, Berndt Borchardt, ka ardhur edhe një reagim zyrtar. Në një reagim për Report Tv, zyra e OSBE bën me dije se për momentin nuk ka asnjë qendrim zyrtar për aktin e Metës. “Për momentin nuk kemi asnjë qendrim zyrtar për këtë çështje”-, është shprehur OSBE. 

      Ndërkohë që më herët, edhe në takimin e zhvilluar pasditen e kësaj të hëne me presidentin e Asamblesë Parlamentare të OSBE, George Tsereteli, Dosja.al mësoi se Borchardt nuk është lejuar të marrë pjesë.

    • 17:10

      Meta përzuri Borchard nga presidenca, PD e përshëndet/ Noka: Veprim shtetari, gishti që iu drejtoi shqiptarëve… (REAGIMI)

      Flamur Noka, ish-deputet i PD dhe Ilir Meta, president

      Partia Demokratike përshëndet vendimin e presidentit Ilir Meta për të shpallur “të padëshiruar” në presidencë, ambasadorin e OSBE në Shqipëri, Berndt Borchard. Në një reagim në rrjetet sociale, ish-deputeti Flamur Noka, thotë se ky është një veprim dinjitoz shtetari, pasi gishti që sipas PD Borchard iu nxorri qytetarëve nuk është përfaqësues i OSBE.

      Reagimi i plotë i Flamur Nokës:

      Përshëndes vendimin e Presidentit të Republikës për punonjësin e “zyrës së shtypit të Ramës” që paguhet nga OSBE si ambasador.Veprim dhe vendim dinjitoz prej shtetari i Presidentit. Gishti që ju drejtua shqiptarëve nuk mund të përfaqësojë një organizatë ndërkombëtare prestigjioze dhe dinjitoze si OSBE.

    • 17:10

      Meta e shpalli non-grata, Kryemadhi për Borchardt: Gishtin e mesit ta marrë mbrapsht, provokoi gratë e indinjuara

      Monika Kryemadhi

      Kryetarja e LSI-së, Monika Kryemadhi ka komentuar faktin që ambasadori i OSBE-së, Bern Borchardt është shpallur non grata nga Presidenti Ilir Meta. Në një bashkëbisedim me gazetarët, Kryemadhi u shpreh se Borchardt ka fyer integritetin e shqiptarëve.

      Kryetarja e LSI-së shtoi më tej se kush u nxjerr gishtin e mesit shqiptarëve e merr atë mbrapsht.

      Kush u nxjerr gishtin e mesit shqiptarëve, ta marrë mbrapsht atë. Ai fyeu integritetin e shqiptarëve dhe kjo gjë ishte politike. Ai kaloi aty mes grave të indinjuara që iu ishin arrestuar njerëzit e tyre në mënyrë të pafajshme dhe provokoi

      Ndërkohë që si diplomat mund të bënte ankesë me shkrim në ministrinë e Jashtme. Zoti Borchadt mund të kishte kandidatura për Gjykatën Kushtetuese, Ëngjëll Agaçi mund ta kandidonte atë në Kuvend,”- tha ajo më tej.

    • 17:10

      Meta e shpalli non-grata, Borchardt s’lejohet të hyjë në takimin me OSBE, delegacioni zbarkon në presidencë

      Ilir Meta, delegacioni i OSBE

      Delegacioni i OSBE në Shqipëri ka mbërritur në zyrën e presidentit Ilir Meta, ku do të zhvillohet takimi i thirrur nga Meta në lidhje me situatën politike në vend. Burime për Dosja.al bëjnë me dije se në këtë takim mungon ambasadori Borchard, i cili sot u shpall “non-grata” nga presidenti. Po të njëjtat burime sqaruan se Borchard nuk është lejuar që të hyjë në institucionin e presidentit.

    Shto Koment