Aktualitet

Vendi s’gjen qetësi! Atentat në Elbasan, ekzekutohet brenda makinës Everest Çaka, i plagoset gruaja! Viktimës i vranë vëllanë, 11 vite më parë e akuzonin për vrasje. Lidhja e të ndjerit me ‘Alibejt’

  • Dinamika e ekzekutimit të Çakës në Elbasan, gruaja kërkoi ndihmë por se shpëtoi dot!
  • Vritet Everest Çaka! Atentat mbrëmjen e sotme në Elbasan, ku i vdekur ka mbetur 41-vjeçari i njohur edhe me emrin Ibrahim Çaka, ndërsa gruaja e tij, Silvana është plagosur në dorë. Ngjarja ka ndodhur mbrëmjen e sotme, në lagjen “Skënderbej”. Pista kryesore ku po hetohet është ajo e hakmarrjes, pasi viktima është akuzuar 11 vite më parë për vrasjen e një shoferi. 
    Featured image of article: Vendi s’gjen qetësi! Atentat në Elbasan, ekzekutohet brenda makinës Everest Çaka, i plagoset gruaja! Viktimës i vranë vëllanë, 11 vite më parë e akuzonin për vrasje. Lidhja e të ndjerit me ‘Alibejt’ Everest dhe Silvana Çaka

    ELBASAN– Atentat në Elbasan! Everest Çaka është qëlluar për vdekje brenda makinës së tij, duke ndërruar jetë në vend, teksa shkonte për tek prindërit e bashkëshortes. Ngjarja ka ndodhur mbrëmjen e sotme, rreth orës 20:00, në lagjen “Skënderbej”. Teksa po qarkullonte me makinë, bashkë me gruan e tij Silvanën, mjetit tip “Opel” i është prerë rruga dhe ndaj tij është qëlluar me breshëri me armë zjarri. 

    Si pasojë e plumbave “të derdhur” mbi makinë që ndërruar jetë në vend, Everest alias Ibrahim Çaka, ndërsa bashkëshortja e tij ka mbetur e plagosur në dorë, por është jashtë rrezikut për jetën. Autorët e atentatit duket se i kanë ndjekur për kohë të gjatë çiftin Çaka, që vetëm pak kohë kishin që ishin kthyer nga Spanja.

    Kjo pasi rruga që kanë zgjedhur për të kryer atentatin është e pandriçuar dhe pa kamera sigurie, duke vështirësuar punën e Policisë së Shtetit për zbardhjen e ngjarjes. Disa minuta pas vrasjes, në një fshat të Kavajës, është gjetur i djegur një mjet pa targa që dyshohet se është përdorur nga autorët e vrasjes. 

    Por vrasja e sotme në Elbasan duket se është një sagë e nisur para 10 vitesh për t’u intensifikuar më shumë kohët e fundit me më shumë viktima. Everest Caka ose i njohur ndryshe si Ibrahim Caka në vitin 2010 është akuzuar nga Policia për vrasjen e shoferit Gëzim Alikajt. Bashkë me Elton Hykën dhe Ardit Spahiun, Çaka akuzohej për ekzekutimin e shoferit, pasi vëllai i të ndjerit kishte qëlluar për vdekje vëllanë e Çakës në vitin 2007, brenda një disco-je në Barcelonë. Megjithatë akuzat nuk u provuan kurrë dhe Çaka u la i lirë. 

    Për më shumë bëhu pjesë e grupit më viral në Facebook, Dosja.al

    Pas disa viteve qetësi, filloi sulmi tek të afërmit e 41-vjeçarit. Çaka është djali i tezes, Ardit alias Arjan Spahiu, i ecili është ekzekutuar në Belgjikë. Ky i fundit është kunati i Erion Alibejt, i cili është i arrestuar tashmë si porositës i disa atentateve që kanë tronditur Elbasanin. Alibej dyshohet se është organizator dhe porositës i vrasjeve të Emiljano Ramazanit dhe Regis Runajt në korrik 2020, madje dyshohet se ka kërkuar edhe eliminimin e Bujar Çelës, vëllait të Talo Çelës. 

    Saga e hakmarrjeve në qytet ka nisur pas masakrës së Bradasheshit, vetëm pak ditë para ndërrimit të viteve më 2018, ku u ekzekutuan Endrit Alibej alias Ravik Dylgjeri, vëllai i Erionit, Arben Dylgjeri dhe turku Erdal Durunay.

    Vrasja e Elbasanit ka rënduar bilancin e kësaj javë në vend, ku brenda 3 ditësh janë shënuar plot 6 viktima. Tragjedia e familjes Haliti nga Kosova u pasua me dy vrasje, një atentat mafioz të ndodhur në Vlorë, ku mbeti i vdekur Bledar Birçaj dhe krimi i rëndë në Tiranë, i mbushur me shumë mister ku një plumb i vetëm i mori jetën të riut Mehmet Qema. E ndërsa mesditën e sotme, Fatmir Avdillari, i njohur si Xubi i Yzberishtit, një person me precedentë të theksuar kriminale vdiq si pasojë e një aksidenti të trefishtë.

    (k.m/dosja.al)

    • 22:39

      ‘Ndihmë! Na qëlluan me armë’/ Pa me sytë e saj tmerr, bashkëshortja e Everest Çakës njoftoi Policinë për atentatin, efektivët e gjetën duke qarë

      Everest dhe Silvana Çaka

      Alarmin për vrasjen e Everest Çakës e dha bashkëshortja e tij. E reja, e cila dëshmoi atentatin ndaj bashkëshortit të saj, mori menjëherë Policinë në telefon. Edhe pse e plagosur në dorë dhe në gjendje të rëndë psikologjike gjeti “forcat” për të kërkuar ndihmë. Sipas Policisë, Sivana Caka u gjet jashtë makinës duke qarë në momentin kur efektivët mbërritën në vendin e ngjarjes, ndërsa në dorë kishte një plagë të shkaktuar me armë zjarri.

    • 22:33

      ME VIDEO/ Momenti kur ekspertët e kriminalistikës ‘zbërthejnë’ makinën e viktimës në Elbasan, kërkojnë me detaje për të kapur autorët

      Atentati ndaj Everest Çakës ka tronditur sot qytetin e Elbasanit. Pasi kanë nxjerrë nga makina tip “Opel”, trupin e pajetë të 41-vjeçarit, grupi hetimor dhe ekspertët e kriminalistikës kanë nisur punën në vendin e ngjarjes.

      Ekspertët kanë nisur punën duke kërkuar për shenja të autorëve rreth zonës së ngjarjes dhe brenda makinës, duke mbledhur dhjetra gëzhoja që ishin lënë pas nga autorët. për të inspektuar nga afër hetimet, në Elbasan ka zbarkuar sërish drejtori i Përgjithshëm i Policisë së Shtetit, Ardi Veliu.

    • 22:14

      Atentati në Elbasan/ Gazetarja Klodiana Lala hedh dritë mbi të shkuarën e viktimës: Çaka ia hodhi njëherë drejtësisë, ka jetuar në Belgjikë, është përshirë në trafikun e drogërave të forta

      Foto ilustruese

      Gazetarja Klodiana Lala ka dhënë detaje mbi vrasjen e Everest Çakës, viktimën e atentatit në Elbasan. E ftuar në emisionin ‘’Real Story’’, Lala ka bërë me dije se viktima ka jetuar jashtë shtetit, në Belgjikë. Vend ku edhe i kanë vrarë djalin e tezes, Arjan Spahiun. Sipas gazetares, Çaka ka qenë i përfshirë në trafikun e drogërave të forta, pistë e cila po hetohet nga Policia e Shtetit, por jo e vetmja.

    • 22:07

      Vrasja e 41-vjeçarit në Elbasan, gjendet një automjet i djegur në Kavajë, ‘Benz-i’ u përdor nga autorët dhe më pas u braktis

      Pamje nga vendi i ngjarjes

      Gjendet një automjet i djegur në fshatin Kryemëllenj të Kavajës. Mjeti i djegur është gjetur vetëm pak minuta  pas vrasjes së 41-vjeçarit Everest Çaka në Elbasan. Dyshohet se mjeti tip “Benz” është përdorur nga autorët e krimit dhe më pas, pasi janë larguar nga vendi i ngjarjes e kanë braktisur duke i vënë edhe flakët. 41-vjeçari Everest Çaka dyshohet se është vrarë me armë me silenciator dhe se numri i vrasësve ka qenë 2 persona, të cilët ende nuk janë identifikuar nga strukturat e Policisë së Shtetit.

    • 21:02

      Vrasja në Elbasan! Policia jep njoftimin zyrtar: 41-vjeçari u qëllua në makinë, gruaja jashtë rrezikut për jetën

      Policia ka dhënë njoftimin zyrtar për ekzekutimin që ndodhi mbrëmjen e sotme në Elbasan. Bëhet e ditur se atentati ndaj Everest Cakës ndodhi në orën 20:10 në lagjen ‘Skëndërbe’. Ai u qëllua me armë zjarri ndërkohë që bashkëshortja e tij mori plagë në dorë mirëpo ndodhet jashtë rrezikut për jetën. Ndërkohë janë ngritur pika konrolli në hyrje daljet në qytetin dhe po vijon kontrolli i zonës.

      NJOFTIMI: Policia e Elbasanit ka dhënë detaje për ngjarjen e ndodhur mbrëmjen e sotme. Rreth orës 20:10, në lagjen “Skënderbe”, Elbasan, në rrethana ende të paqarta është vrarë me armë zjarri në mjet shtetasi E.Ç., rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën.Shërbimet e Policisë kanë shkuar menjëherë në vendngjarje dhe kanë rrethuar zonën. Janë ngritur pika konrolli në hyrje – daljet në qytetin e Elbasanit dhe vijon kontrolli i zonës.Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.

    • 20:55

      I buzëqeshin kameras! FOTOJA e fundit e çiftit Çaka, Everesti u vra në timon, Silvana mori plumb në dorë

      Personi që shihni në foton e mëposhtme është Everest alias Ibrahim Çaka, viktima e atentatit të ndodhur mbrëmjen e sotme në Elbasan. Në foton e mëposhtme ai ka pozuar pranë gruas së tij, Silvanën, të cilën më pas e kanë publikuar në rrjetet sociale.

      Everest dhe Silvana Çaka

      Nga atentati i ndodhur në lagjen “Skënderbej” ka mbetur e plagosur në dorë edhe bashkëshortja e tij, e cilqa ndodhet jashtë rrezikut për jetën.

    • 20:53

      Ekzekutimi i Çakës në Elbasan/ Britma dhe lot, familjarët vënë kujën…të afërmit nuk përmbahen në vendin e ngjarjes

      Një vrasje ka ndodhur mbrëmjen e sotme në Elbasan. Menjëherë në vendin e ngjarjes kanë shkuar forca të shumta pocicore dhe autoambulanca, ndërsa të afërmit të viktimës të tronditur nga ngjarja dëgjohet teksa kanë shpërthyer në lot dhe britma.

      Everest Çeka është qëlluar për vdekje brenda makinës së tij, duke ndërruar jetë në vend. Ngjarja ka ndodhur mbrëmjen e sotme, në lagjen “Skënderbej”.Teksa po qarkullonte me makinë bashkë me gruan e tij, mjetit tip “Opel” i është prerë rruga dhe ndaj tij është qëlluar me breshëri me armë zjarri. Paraprakisht raportohet edhe bashkëshortja e tij, ka mbetur e plagosur nga të shtënat. Ajo është dërguar për në spital, por nuk dihet asnjë detaj lidhur me gjendjen e saj shëndetësore. Ndërkohë as Policia nuk ka dhënë detaje zyrtare lidhur me ngjarjen, duke lënë të pazbuluar identitetin e viktimës.
    • 20:47

      LIDHJA me Endrit Alibej! Kushëri i Arjan Spahiut që u vra në Belgjikë, zbulohet identiteti i të riut që u vra sonte në Elbasan

      Detaje të reja janë mësuar lidhur me ekzekutimin e  Everest Çakës, i cili u qëllua për vdekje në banesën e tij. Mësohet se viktima është djali i tezes se Arjan Spahiut, i cili është ekzekutuar në nëntor në Belgjikë. Ardit (Arjan) Spahiu është 38- vjeçari që ka lidhje familjare (kunat) me Erion Alibejn, i cili ndodhet pas hekurave për organizimin e disa vrasjeve.

    • 20:45

      U ekzekutua mbrëmjen e sotme në Elbasan! Viktima me dy identitete, më parë quhej…

      Everest Çaka alias Ibrahim Caka është personi që u ekzekutua mbrëmjen e sotme në Elbasan. Ai u ekzekutua me armë zjarri teksa ndodhej në makinën e tij. Mësohet se dhe bashkëshortja e tij është plagosur. Policia po vijon hetimet për zbardhjen e plotë të ngjarjes.

    • 20:35

      U ekzektua pa mëshirë brenda makinës së tij, ZBARDHET emri i viktimës në Elbasan

      Pamje nga atentati ne Elbasan

      Everest Çeka është viktima e atentatit në Elbasan. Mësohet se e plagosur gjatë atentatit ka mbetur edhe bashkëshortja e tij, identiteti i të cilës ende nuk është bërë me dije.

    • 20:26

      E ekzekutuan ndërsa ndodhej në makinë me një vajzë! Ndërron jetë i riu në Elbasan

      Elbasan

      Një vrasje ka ndodhur mbrëmjen e sotme në Elbasan. Bëhet e ditur se një i ri është qëlluar ndërsa ndodhej në automjetin e tij e për pasojë ka ndërruar jetë.Mësohet po ashtu se i riu ndodhej në makinë, i shoqëruar nga një vajzë. Autoambulanca dhe forca të shumta të policisë kanë mbërritur në vendngjarje.Ende nuk dihen motivet se përse ka ndodhur ngjarja apo dhe identiteti i viktimës.

    • 20:24

      ‘Skenë krimi’/PAMJET nga vendi i ngjarjes, MOMENTI kur punonjësit e Urgjencës futen tek makina e viktimës në Elbasan, efektivë në çdo cep

      Dalin pamjet e para nga vendi i vrasjes së një personi në Elbasan. Siç duket edhe nga pamjet e mëposhtme, vendi ku ka ndodhur ekzekutimi është rrethuar nga forca të Policisë së Shtetit.

      Ndërkohë në pamje pikasen edhe efektivë që vujnë brenda mjetit “Opel” të bardhë me të cilin po udhëtonte viktima.

    Shto Koment