Politike

Di Maio bisedë telefonike me Ramën dhe Bashën, kërkon miratimin e “Zgjedhores” në Parlament para pushimeve verore

  • Biseda telefonike me Di Maion, Basha: E garantova se PD do bëjë gjithçka për të përshpejtuar integrimin
  • Ministri i Jashtëm italian Luigi di Maio nëpërmjet një bisede telefonike me kryeministrin Edi Rama dhe kryedemokratin Lulzim Basha, ku i shprehur vlerësimin për arritjen e një marrëveshjeje për reformën zgjedhore. Gjithashtu ai kërkoi që reforma zgjedhore të kalojë parlament përpara pushimeve verore.
    Featured image of article: Di Maio bisedë telefonike me Ramën dhe Bashën, kërkon miratimin e “Zgjedhores” në Parlament para pushimeve verore

    TIRANË- Ministri i Jashtëm italian Di Maio bisedë telefonike me kryeministrin Edi Rama dhe kryedemokrati Lulzim Basha. Ministri di Maio, gjatë të dy bisedave telefonike, shprehu vlerësimin e tij për marrëveshjen e arritur deri tani nga forcat politike për reformën zgjedhore si dhe ftoi të dy liderët t’i përmbahen kësaj marrëveshjeje për miratimin e ligjit në parlament përpara pushimeve verore.

    Çështjet që ende duhen diskutuar janë të rëndësishme’, pohoi Ministri, “por po kaq e rëndësishme është ruajtja e një fryme konstruktive si dhe të qenit të hapur për dialog”. Miratimi i një ligji të ri zgjedhor konfirmon faktin se të dy palët mund të punojnë së bashku për arritjen e objektivave të përbashkëta”, u shpreh di Maio.

    Gjatë bisedës me Ramën, Di Maio nënvizoi rëndësinë e kushteve për anëtarësimin në BE, ndërsa kërkoi realizimin sa më shpejt të reformës në drejtësi. Sipas tij, realizimi sa më shpejt i kësaj reforme do të ndikojë edhe në klimën e biznesit në vendin tonë.

    Njëkohësisht Di Maio përgëzoi Ramën për mbledhjen e Këshillit Kombëtar të Integtimit, duke theksuar se dëshmoi seriozitetin dhe vendosmërin e Shqipërisë në rrugën e afrimit me BE, si dhe e falenderoi  për stafin e mjekëve që dërgoi Shqipëria në Itali gjatë krizës së pandemisë

    Për më shumë bëhu pjesë e grupit më viral në Facebook, Dosja.al

    Ndër të tjera, Di Maio propozi aktivizimin sa më shpejtë të Komisionit Ekonomik të Përbashkët Itali-Shqipëri, i cili do t’i japë shtysën e duhur rritjes së investimeve mes dy vendeve.

    Nga ana tjetër Di Maio inkurajoi Bashën, që të punojë në mënyrë aktive për arritjen e objektivave të rëndësishëm për integrimin e Shqipërisë në BE.

    Realizimi i objektivave të përbashkëta në të mirën e Shqipërisë duhet të përqafohet nga të gjitha forcat politike pavarësisht dallimeve mes tyre” u shpreh di Maio.

    (k.m/g.sh/dosja.al)

    Shto Koment