Aktualitet

Aktorët ngujohen në Teatër, marrëveshje me Bashën dhe PD/ Meta çon ligjin në Kushtetuese

  • Rama s’tërhiqet: Se merrni dot peng vendin, minorancë!
  • Meta: Shumë turp, as sampistët e Ramiz Alisë s’e kanë prekur me dorë Budinën
  • Basha kërcënon Ramën: Do veprojmë me çdo formë, kjo do jetë gropa jote
  • Veliaj: Tirana do fitojë sërish
  • Përplasje mes policisë, aktorëve dhe qytetarëve tek Teatri Kombëtar. Pasi policia rrethoi godinën për të bërë zbrazjen e saj, Basha dhe përfaqësuesë të PD shkuan në ndihmë të tyre. Artistët ngujohen brenda Teatrit dhe nënshkruajnë një marrëveshje për të mos lejuar shembjen e Teatrit. Basha: Teatri do të shpallet monument kulture.
    Featured image of article: Aktorët ngujohen në Teatër, marrëveshje me Bashën dhe PD/ Meta çon ligjin në Kushtetuese Përplasja tek Teatri Kombëtar

    TIRANE- Përplasje dhe tensione tek Teatri Kombëtar, që kanë përfunduar me ngujimin e artistëve brenda Teatrit Kombëtar. Aktorët dhe qytetarët u përplasën me policinë në orët e para të mëngjesit, pasi ishte paralajmëruar se policia do të ndërhynte sot për të nisur puna për shembjen e godinës.

    Regjisori Edmond Budina është tërhequr zvarrë nga policia, pasi tentoi të futej në ambientet e brendshme të teatrit. Pasi situata u rëndua, në ndihmë të artistëve ka shkuar Partia Demokratike, përfaqësuesë të saj dhe drejtuesi Lulzim Basha.

    Basha garantoi mbështetje për aktorët dhe kauzën e tyre, si edhe bëri me dije se PD do të përdorë çdo mjet për të mos lejuar shembjen e godinës.

    Pas ngujimit të aktorëve brenda Teatrit, një qytetar mbeti i plagosur pasi u rrëzua në pishinë gjatë përplasjes që pati me policinë.

    Ndërkohë që sot Basha bëri me dije se nesër do të prezantohet marrëveshja mes aktorëve dhe PD, ku konsiston kërkesa që TK të shpallet monument kulture.

    Për më shumë bëhu pjesë e grupit më viral në Facebook, Dosja.al

    Pas tensioneve, reaguan Rama, Veliaj e Meta. Kryeministri Edi Rama tha se puna për ndërtimin e Teatrit do të vijojë, ndërsa Veliaj ironizoi Bashën dhe tha se lajmi i mirë është që Basha shkoi në Teatër. Presidenti Ilir Meta dërgoi ligjin në Gjykatë Kushtetuese, dhe tha se në Shqipëri do të sundojë ligji.

    Foto nga teatri:

    Për më shumë se 1 vit, artistë dhe qytetarë kundërshtojnë projektin e bashkisë Tiranë, që do të sjellë shembjen e Teatrit Kombëtar. Ata kërkojnë ruajtjen dhe restaurimin e godinës, si një vlerë dhe kujtesë historike për Shqipërinë, por kryeministri Rama e quan Teatrin një “gërdallë” e cila duhet hequr nga për t’i hapur rrugë zhvillimit. Presidenti Ilir Meta, e ktheu dekretin në Kuvend për të mos lejuar shembjen e Teatrit, por Rama dhe Veliaj arritën sërish që t’i hapin rrugë shembjes.

    (f.g.j.v.a.b.a.s/dosja.al)

    • 21:58

      Artistët e ngujuar tek Teatri, Basha bën lëvizjen e papritur pasi kthehet nga Burreli

      Lulzim Basha

      Ndërkohë që artistët vijojnë të jenë të ngujuar tek Teatri, pas pak çastesh pritet që të mbërrijë lideri demokrat, Lulzim Basha.

      Kreu i PD-së, ishte i pranishëm edhe gjatë paradites së sotme pranë artistëve dhe protestuesve të shumtë, të cilët kundërshtojnë shembjen e godinës ekzistuese të Teatrit Kombëtar.

    • 21:07

      I veshur xhins dhe me bluzë të bardhë, Sali Lushaj u bashkohet protestës së artistëve tek Teatri (FOTO)

      Sali Lushaj

      Sali Lushaj, babai i reperit të njohur, ‘Stresi’ iu është bashkuar artistëve për të mbrojtur shembjen e godinës së Teatrit Kombëtar.

      Ndryshe, ai njihet, si në nga mbështetësit e partisë Demokratike, i cili merr pjesë thuajse në çdo protestë.

      Por kësaj radhe, Sali Lushaj ka zgjedhur të jetë në krah me artisët dhe protestuesit që kundërshtojnë prishjen e kësaj godine.

      Por në mbështetje të artistëve, kanë qenë dhe ish deputeti i PD-së Aldo Bumçi dhe Eduart Ndocaj.

    • 21:07

      Qytetarët tentojnë të çajnë kordonin, policia hedh gaz lotësjellës, humb ndjenjat një protestues (VD)

      Sërish tensione tek godina e Teatrit Kombëtar. Protestuesit kanë çarë gardhin metalik dhe kanë shtyrë forcat e policisë.

      Këta të fundit për të qetësuar turmën kanë hedhur sprajt djegës dhe gaz.Si pasojë e sprajtit djegës, një nga qytetarët është ndjerë keq dhe ka humbur ndjenjat, por i ndihmuar nga qytetarët e pranishëm, gjithçka kaloi pa pasoja.

    • 20:48

      Lënë pas zënkat, Gent Zenelaj dhe Julian Deda bëhen bashkë për të njëjtën kauzë, mbrojtjen e Teatrit (FOTO)

      Gentian Zenelaj dhe Julian Deda

      Protesta e sotme e artistëve tek Teatri Kombëtar, ka bërë bashkë artistë dhe politikanë.

      Në këtë situatë të tensionuar janë parë afër njëri-tjetrit dhe dy aktorët, Julian Deda dhe Gentian Zenelaj, të cilët nuk prej disa kohësh nuk flasin me njëri-tjetrin.

      Siç duket, ata janë bashkuar për të njëjtën kauzë, atë të mbrojtjes së Teatrit,pasi më herët midis aktorëve është përfolur për zënka dhe debate.

      Gjatë kësaj proteste ka pasur përplasje mes policisë dhe artistëve, ku këta të fundit tentuan të çajnë kordonin policor.

    • 19:39

      Duke folur në celular e i veshur sportiv, djali i Sokol Olldashit kundër prishjes së Teatrit, i bashkohet protestuesve (FOTO)

      Djali i Sokol Olldashit, Glauku ndodhet i pranishëm në ambientet e Teatrit Kombëtar së bashku me personat e tjerë që kanë dalë në mbrojtje të tij.

      Dosja.al ka kapur disa foto të tij teksa rri nën shoqërinë e një miku duke folur në celular. Edhe “look-un” e tij, Glauk e ka tejet sportiv pasi ka zgjedhur një bluzë të bardhë, tuta të shkurta gri, me një palë syze.

    • 19:39

      Nisin sërish përplasjet tek Teatrit, Neritan Liçaj: Le të plasë…

      Nis sërish përplasja tek godina e Teatrit Kombëtar. Përplasja ka nisur gjatë një deklarate për mediat të aktorëve. 

      Të gjithë njëzëri, aktorët dhe aktivistët do t’i kërkonin kryeministrit Edi Rama një referendum për mosprishjen e godinës së Teatrit. 

      Gjithçka nisi gjatë fjalës së aktorit Nertian Liçaj, i cili e la përgjysmë fjalën e tij: Plasi? Epo le të plasë…

    • 17:24

      “Ke frikë se të merr historia”, Ambientalisti Lavdosh Ferruni thirrje Ramës: Mblidh firmat

      Lavdosh Ferruni dhe Edi Rama

      Ambientalisti Lavdosh Ferruni ka reaguar për shembjen e godinës së Teatrit Kombëtar. Në një postim në Facebook, Ferruni shprehet se Rama le ta shemb Teatrin, nëse ata që kërkojnë rikonstruksionin e tij janë minorancë.

      Ferruni i propozon Ramës që të mbledhë firmat për shembjen e godinës së Teatrit, dhe më pas të verifikohen nga KQZ, ashtu siç bënë me referendumin e plehrave.

      Postimi i plotë i Lavdosh Ferruni:

      Rama le ta shemb Teatrin, nese ata qe kerkojne rikonstruksionin e tij jane minorance.

      Prononcimi i Rames sot qe mbron vendimet e tij duke ju referuar kundershtarve si minorance duhet konsideruar pozitiv per kundershtaret. Ata duhet ti kerkojne Rames ta provoj minorancen. Dhe ai duhet ta provoj. Po flasim per nje ceshtje kombetare dhe maxhoranca politike nuk mund te jete kriter. Ideale eshte, dhe e mundshme patjeter, te organizohet referendum. Por nese Rama do ta prishi shpejt mjafton tja lere detyre nje OJF prane tij te mbledhi firma per prishjen e Teatrit dhe firmat te verifikohen nga KQZ me karte identiteti dhe me foto, sic u bene per referendumin e plehrave. Beje z Rama kaq gje, apo ke frike se te merr historia.

    • 17:24

      Ish-deputeti i PD-së ‘lëshon’ gojën, moral policëve: Bëhuni me njerëzit dhe jo më këto b**hëq*ra

      Ish-deputeti demokrat Gerti Bogdani ka shkuar pasditen e sotme tek godina e Teatrit Kombëtar për të dalë kundër prishjes së tij.

      Gjatë një videoje “live” në rrjetet e tij sociale, Bogdani i ka kujtuar efektivëve në detyrë rastin e koleges së tyre, Blerta Dervishit, e cila u nxorr nga shtëpia e saj në zonën e Petro Ninit.

      Ore tek Petro Nini kolege e kishit atë të Petro Nini para dy muajsh që e nxorrët zvarrë nga shtëpia. Po thirrini mendjes, hiqini kapelet dhe bëhuni me njerëzit dhe jo më këto b**hëq*ra. Vetëm atë kujtoni mo, atë të shkretën që tërhoqi nga shtëpia. Se siç tërhoqi atë ju tërheq edhe juve nesër, pasnesër,”-tha ish-deputeti.

    • 17:24

      Reagon sërish Veliaj: E keni vënë re që lëvizjet kundër progresit janë PD e LSI me mashat!!

      Kryebashkiaku i Tiranës, Erion Veliaj ka reaguar sërish lidhur me çështjen e prishjes së Teatrit Kombëtar.

      Në rrjetet e tij sociale, Veliaj ka shpërndarë një foto të punimeve që ai ka kryer në Tiranë dhe që kanë ngjallur protesta.

      “Nisi kundër lodrave te Liqeni, pastaj kundër Sheshit, kundër Pazarit, kundër Bulevardit, kundër Stadiumit, kundër Zgjedhjeve me #EdheUnë dhe sot kundër Teatrit të ri! Kundër, kundër, kundër! E keni vënë re që lëvizjet KUNDËR progresit në vend jane i njejti grup? PD dhe LSI me mashat!!,“-shkruan Veliaj krahas videos.

    • 16:13

      Ku u zhdukën punonjësit e bashkisë Kamëz? Zyrat të zbrazura, administrata në drejtim të paditur (VIDEO)

      Qytetarët e Kamzës kanë mbetur pa shërbime publike ditën e sotme, pasi zyrat e Bashkisë janë të mbyllura.

      Siç shihet edhe në këtë video të shpërndarë në rrjetet sociale, zyrat e bashkisë janë bosh dhe punonjësit janë larguar në drejtim të paditur.

      Mediat pranë qeverisë raportojnë se të gjithë punonjësit ndodhen në protestën e artistëve para Teatrit Kombëtar. Skenari mbështetet edhe tek prania e kryebashkiakes së Shkodrës, Voltana Ademi, e cila ndodhej sot në protestë.

      Por nuk ka ende informacion zyrtar nëse punonjësit e larguar janë sot në protestë. Për më shumë ndiqni pamjet:

    • 14:43

      Kim Mehmeti: Rilindja’ t’ua kthejë Shqipërinë shqiptarëve e teatrin aktorëve

      Kim Mehmeti

      Analisti Kim Mehmeti ka reaguar për shembjen e godinës ekzistuese të Teatrit Kombëtar. Në një postim në Facebook, Mehmeti i bën apel qeverisë ku shkruan se: “Rilindja’ duhet t’ua kthejë Shqipërinë shqiptarëve e teatrin aktorëve”

      Postimi i plotë i Kim Mehmetit:

      E ëndërronim si ‘çadër’ kombëtare që do e mbrojë mbarë shqiptarinë, e Shqipëria u bë vend ku vjedhësi i 50 eurove shkon në burg, e ai i 50 milion eurove bëhet mik i kryeministrit dhe burrështetas.

      Ne dëshironim një Shqipëri me të cilën do krenoheshim dhe që do i mbronte vlerat tona kombëtare si edhe ato të shtetit ligjorë, e Shqipëria u bo vend që mbron vetëm brekushet dhe prapanicën cullak të piktorit Kryeministër dhe e cila shkon drejtë NATO-s e BE-së duke mos parë se s’ka kë të çojë atje, se e tërë rinia i është shpërndarë nëpër botë dhe se, është bërë vend ku ngjarje kulturore janë dasmat e ‘VIP-ave’, e ditë festive ato kur mbahen mitingjet partiake, ku votuesit u duartrokasin politikanëve që para syve i gënjejnë dhe e plaçkitin popullin.

      Pra ne donim një Shqipëri që do jetë strumbullarë, rreth të cilit do bashkoheshin gjitha vlerat dhe forcat tona kombëtare, e ajo u bë përbashkuese e hajdutëve dhe kriminelëve politikë mbarëshqiptarë, me çka në botën shqiptare, çdo gjë mbeti e copëzuar, përpos krimit dhe nëntokës politike.

      Ne donim një Shqipëri të fortë, me shqiptarë të kënaqur në të, e jo një ‘Rilindje’ të fortë me politikanë milionerë që na mësuan si mbrohet partia dhe pushtetarët, por jo edhe atdheu, që vendin e bënë pronë të veten, duke i kthyer shqiptarët atje ku ishin në kohën e mbretit: popull të cilin, o e dëbojnë nga vendlindja, o ai vetë e braktisë atë, popull të cilit, o ia grabisin tokën e detin, o pushtetarët e tij i shesin dhe i dhurojnë ato, vetëm për të mbetur në pushtet.

      Donim një Shqipëri që do ishte lokomotivë e kulturës, artit dhe ekonomisë kombëtarë, e ajo u bë vend ku policia e ‘mbron’ teatrin nga aktorët dhe ku rrënohet mbëmendja e popullit, me qëllim që kalendari i vlerave tona artistike të nisë nga dita kur në pushtet erdhi qeveria e ‘Rilindjes’ dhe të fillojë me shkarravinat e piktorit të dështuar.

      Ne shqiptarët jashtë mëmëdheut besuam se do kemi një Shqipëri që do na bëjë të krenohemi me të, e ajo u bë vend që rrezikon të mbetet pa shqiptarë, sepse nga rreth dy milionë emigrantë shqiptarë sa e kanë braktisur vendin, 390 mijë prej tyre kanë marrë shtetësi të huaj.

      Dhe sa e dhimbshme është ta pranosh, se nga e gjithë ajo që ëndërronim e shpresonim se do bëhet Shqipëria jonë, neve shqiptarëve jashtë mëmëdheu ajo na dhuroi vetëm dëshpërim, zhgënjim…dhe turpin.

      Gjithsesi, ne shqiptarët jashtë mëmëdheut, jo se Shqipërinë e duam më shumë se vëllezërit tanë që jetojnë në të, por nuk duhet harruar se ajo u bë shtet sepse ishte ëndërr dhe vullnet mbarëshqiptarë, andaj edhe kemi të drejtë të themi: duhet mbrojtur Shqipërinë nga destruktiviteti politikë sepse, jo vetëm për shtetasit e saj, por edhe për ne jashtë mëmëdheut, për shumëçka, ajo është më e shtrenjta që kemi. Dhe shqiptarët e atjeshëm, mbrojtjen e saj nga politikanët kriminelë, nuk ia kanë borxh vetëm vetvetes, por edhe neve ëndërrimtarëve që mbase ‘mbrapshtë’ kemi ëndërruar.

      Siç kemi të drejtë t’i themi piktorit të ‘Rilindjes’: kthejua Shqipërinë shqiptarëve e teatrin aktorëve! Edhe pse e dimë se të kërkosh një gjë të tillë nga Kryeministri i sotëm i Shqipërisë, është njësoj si të kërkosh ndërgjegje nga ai që nuk ka turp dhe i cili, gjitha vlerësimet dhe kritikat ndaj tij, i komenton me thënien se karvani do të shkojë përpara, sado të lehin qentë dhe që, vetveten e ndjen si kalorës, popullin si deve e kritikët e tij si qenë, ai që assesi ta kuptojë se nuk quhet karvan tufa e hienave, që e gllabëron popullin.

    • 14:22

      Protesta tek Teatri, Ina Zhupa: Asnjë hap pas, sëbashku do i ndalim

      Ina Zhupa

      Zëdhënësja e Partisë Demokratike Ina Zhupa ka reaguar për shembjen e godinës ekzistuese të Teatrit Kombëtar.

      Në një postim në Facebook, Zhupa shprehet se qeveria e Ramës pas refuzimit masiv të 30 qershorit nuk përmbahen më, se i kanë ditët e numëruara, e duan të mbarojnë punët e pista të nisura. Zhupa shprehet e vendosur së bashku do i ndalin.

      Postimi i plotë i Ina Zhupës:

      Nisi me taksat e larta, me rritjen e cmimit te ujit, me dhunen ndaj ambulanteve, me vrasjen e Arditit, me kullat e pastrimit te parave ne mes te Tiranes, me gazin lotsjelles kundra femijeve te Bulevardi dhe sot duan te bejne Fusha-Kullat e drejtesise se munguar ne mes te Tiranes!

      Vjedhje-Shkaterrim-Mashtrim trinomi i Veliajt, nuk do ja dali dot me teatrin e shqiptareve. E keni vene re qe mbas refuzimit masiv te 30 qershorit nuk permbahen me, se i kane ditet e numeruara, e duan te mbarojne punet e pista te nisura!

      Se bashku do i ndalim! Asnje hap pas!

    • 14:06

      Lëvizja tinzare e Ramës dhe Veliajt, artistët në terr tek Teatri, fiken dritat dhe hiqet uji

      Pas ngujimit të aktorëve tek Teatri Kombëtar, një lëvizje tinzare i ka lenë ata pa ujë dhe pa drita. Siç shihet edhe në video, aktorëve iu është ndërprerë energjia elektrike.

      Po ashtu, në godinën e Teatrit është ndërprerë edhe uji i pijshëm. Ka disa ditë që Ministria e Kulturës, iu ka kërkuar OSHEE dhe UKT që të bëjnë ndërprerjen e energjisë elektrike, por kjo lëvizje tinzare është realizuar ditën e sotme.

      Dy lobuesit kryesorë të shembjes së Teatrit, kryeministri Edi Rama dhe kryebashkiaku Veliaj, duket se i kanë marrë të gjitha masat për të vështirësuar protestën e artistëve.

    • 14:02

      “Pse në Gjykatë Kushtetuese, nuk funksionon?”, Meta shmag pyetjen e gazetares

      Presidenti Ilir Meta pasi ka shkruar në Gjykatën Kushtetuese ku  ku dorëzoi padinë për rrëzimin e ligjit special për Teatrin Kombëtar, ka deklaruar se vendi është pa gjykatë Kushtetuese për shkak të Ramaformës.

      “Gjykata kushtetuese nuk është funksionale, pse e depozituar kërkesën?”, ishte pyetja e një gazetareje për të cilën Meta nuk dha një përgjigje konkrete.

      Ai nuk sqaroi kuptimin e këtij veprimi të tij pasi ligjërisht ajo kërkesë ngelet pa shtyrtim.

      Presidenti tha: “Unë dua ti siguroj  të gjithë se kam ardhur sot këtu për të garantuar që republika e Shqipërisë do të jetë një vend i sundimit të ligjit dhe popullit. Boll me qeverisjen e oligarkëve. Tensionet në mëngjes më sollën mua këto, do të veprojë drejtësia shqiptare dhe ndërkombëtare ndaj gjithë këtyre dhe kësaj qeverie që e kanë lënë vendin kështu. Nuk jemi rastësisht pa gjykatë kushtetuese. Vendin pa gjykatë kushtetuese e ka Ramaforma. ”

    • 14:02

      ‘Shpërthen’ Fuga: Nuk ka qeveri dhe kuvend kopil që të prishë ndërtesën e Teatrit

      Në lidhje me ngujimin e artistëve te Teatri Kombëtar ka reaguar edhe akademiku Artan Fuga.  Ai thekson se asnjë  argument që jep qeveria, apo lakej të ndryshëm, nuk i qëndron arsyes kur kërkojnë të shkallmojnë ndërtesën e Teatrit Kombëtar.

      “Legjitimiteti i mbrojtësve të Teatrit kundër arbitraritetit të prishësve të Asnjë argument që jep qeveria, apo lakej të ndryshëm, nuk i qëndron arsyes kur kërkojnë të shkallmojnë ndërtesën e Teatrit Kombëtar! Asnjë! Do të më mjaftonte vetëm një argument, një i vetëm, që të mos ishte një budallallik me brirë, dhe unë do të isha bërë me pushtetin kundër mbrojtësve! Por, nuk ka asnjë! Godina e vjetër ? Restaurojeni! Skena jashtë standarteve të sotme? Modifikoheni për standarde të reja dhe për aq sa mundësi krijon! Kur të luani Nabukodonosorin vëreni në skenë atje te konstruksioni i qelbur Turbina, a Hidrocentrali, atje ku as për kopësht zoologjik nuk bën!”, shprehet ai ndër të tjera. (lexo këtu)

       

    • 13:43

      ‘Kam një drekë të rëndësishme’, zbulohet arsyeja pse Lulzim Basha iku me vrap nga Teatri

      Kryetari i Partisë Demokratike, Lulzim Basha u largua në mënyrë të befasishme nga salla e Teatrit Kombëtar, aty ku janë ngujuar prej disa orësh, aktivistë dhe aktorë që kundërshtojnë shembjen e Teatrit Kombëtar.

      Basha qendronte përgjatë gjithë kohës me telefonin në dorë, duke ngritur kureshtjen se me kë po komunikonte, kur befas Basha u largua.

      Në dalje të Teatrit Kombëtar, teksa ishte në oborr, Basha bëri me dije se kishte një drekë me rëndësi me ndërkombëtarët ndaj iku.

      “Nesër firmoset marrëveshja mes PD dhe Teatrit Kombëtar.Po largohem se kam një takim me kryetarët e bashkive dhe një drekë me diplomatët. Mbështetja jonë do të vazhdojë”, tha Basha.

    • 13:41

      Meta dorëzon padinë në Kushtetuese: Jemi në “Rule of oligark”, boll me sundimin e tyre

      Presidenti Ilir Meta ashtu siç deklaroi nëpërmjet zyrës së shtypit në orën 13:00 ishte në Gjykatën Kushtetuese ku dorëzoi padinë për rrëzimin e ligjit speacial për Teatrin Kombëtar.

      Meta zgjodhi që të shkonte vet në gjykatë, duke ecur në këmbë përgjatë bulevardit dhe dorëzoi padinë për shpalljen e antikushtueshmërisë së ligjit special për Teatrin.

      Ilir Meta duke shkuar në Kushtetueseb

      Në një deklaratë për mediat pas dorëzimit të padisë tha se ishte në Gjykatë për të ndalur atë që e quajti “Rule of oligark”.

      “Në radhë të parë dua të theksoj rëndësinë e madhe që ka ky akt im sot, që është në vazhdën e akteve të tjera të mia. Ky ligj është në kundërshtim të plotë me interesat e vendit tonë, pasi nuk mund të shkatërrohet Teatri Kombëtar. Sot jemi nuk jemi në “Role of loë”, por “Rule of olikark”, prandaj boll më me sundimin e oligarkëve, duhet të sundojë populli”, tha Meta.

      Teksa u pyet se përse dorëzoi një padi në një gjykatë që nuk fuksionon Meta tha: Nuk ka forcë në botë që më ndalon mua si presidenti i vendit që më ndalon mua të vë drejtësi, rilindësit lokal. Unë jam i lumtur për procesin e dekorimit që ka filluar ndaj meje këto kohët e fundit.

    • 13:34

      Të ngujuar në Teatër, Aleanca nxjerr manifestin: Kërkojmë mbështetje nga të gjithë!

      Aleanca për Mbrojtjen e Teatrit, ka lëshuar një manifest pas ngujimit që ka bërë në ambientet e Teatrit Kombëtar. Në këtë manifest kujtohet rëndësia që ka kauza e artistëve për të mos shembur Teatrin si edhe dhuna që policia ka ushtruar sot mbi regjisorin Robert Budina.

      Njoftimi i plotë i Aleancës:

      MANIFEST

      Qytetarë të Evropës, njerëz të skenës dhe të artit, arkitektë, akademikë dhe ligjvënës të Parlamentit Evropian:

      Prej një viti e gjysmë qytetarët e Tiranës janë ngritur në mbrojtje të ndërtesës historike të Teatrit Kombëtar, të cilën kryeministri i Shqipërisë Edi Rama dhe kryetari Bashkisë Tiranë Erjon Veliaj synojnë ta shembin për hir të interesave të tyre korruptive.

      Trualli mbi të cilin ngrihet Teatri, i cili është në pronësi publike, është planifikuar të tjetërsohet përmes një projekti korruptiv për të cilin u miratua një ligj special antikushtetues që i jepte një kompanie të preferuar nga Kryeministri të drejtën për shembjen e Teatrit dhe zhvillimin e projektit.

      Ky ligj u miratua nga Parlamenti, edhe pse presidenti refuzoi ta dekretonte dy herë pasi ai u gjet në shkelje të Kushtetutës.

      Aktualisht Kryeministri i Shqipërisë ka uzurpuar të gjitha pushtetet – ekzekutivin, parlamentin dhe gjyqësorin. Nëpërmjet një pseudoreforme në drejtësi ai ka paralizuar Gjykatën Kushtetuese. Ndaj në Shqipëri nuk ekziston asnjë instancë, në të cilën ky ligj korruptiv të mund të ankimohet.

      Ne, artistët dhe qytetarët e Tiranës, si dhe miqte tane nga gjithe Evropa të mbledhur rreth Aleancës për Mbrojtjen e Teatrit rezistojmë që prej një viti e gjysmë duke krijuar barrikadë njerëzore brenda dhe rreth Teatrit.

      Sot, më datë 24 korrik, forcat e policisë së rendit për herë të parë dhunuan fizikisht artistët, intelektualët dhe qytetarët e Shqipërisë në mbrojtje të ndërtesës publike, truallit publik dhe interesit publik. U dhunua në mënyrë çnjerëzore Edmond Budina, regjizor dhe aktor teksa qëndronte në mbrojtje të teatrit.

      Kërkojmë urgjentisht mbështetjen politike, institucionale, morale dhe njerëzore të mbarë hapësirës europiane, që ky projekt kulturevrasës i qeverisë shqiptare të ndalet para se të jetë vonë.

      Qytetarë të Europës! Institucione evropiane!

      Mbështetja juaj sot është treguesi i një të ardhmeje të përbashkët nesër, të bazuar mbi ligjin, vlerat dhe një qytetërim të përbashkët evropian.

      Aleanca për Mbrojtjen e Teatrit

    • 13:16

      ‘B.q. i vetëm në Shqipëri’, Kristi Pinderi ‘skaner’ Erion Velisë: Karakteri i tij me një fjalë (REAGIMI)

      Erion Veliaj, kryetar i Bashkise dhe Kristi Pinderi, aktivist i LGBTQI

      Kristi Pinderi, aktivist i njohur në Shqipëri për mbrojtjen e të drejtave të komunitetit LGBTQI, ka sulmuar sot kryetarin e bashkisë Tiranë, Erion Veliaj.

      Deklarata e Pinderit lidhet me tensionet tek Teatri Kombëtar, ku u përplasën qytetarët e aktivistë me policinë për të mos lejuar shembjen e godinës. Pinderi thotë:

      Ka vetëm një b…q… në Shqipëri, në kontekstin simboliko-përshkrues të karakterit që ka kjo fjalë: ky është Erion Veliaj.

      Postimi i Kristi Pinderit:

    • 12:55

      Artistët marrrin vendimin: Ngujohemi në godinë, do rrimë me turne

      Artistët, qytetarët dhe Aktivistët e Aleancës për Mbrojtjen e Teatrit Kombëtar, kanë amrrë vendimin që të ngujohen brenda në godinë.

      Në një mbledhje të zhvilluar në sallën e Teatrit Kombtar, ata kanë marrë vendimin që të mos lënë bosh në asnjë moment godinën.

      Ata janë shprehur se do mbrojnë  orë në ditë godinën dhe do qëndrojnë të ngujuar me turne.

    • 12:44

      Rama s’tërhiqet: Se merrni dot peng vendin, minorancë që s'keni shkelur kurrë në Teatër!

      Kryeministri Edi Rama nuk tërhiqet nga plani për shembjen e godinës ekzistuese të Teatrit Kombëtar. Përmes një reagimi në rrjetet sociale, shefi i qeverisë thotë se ky është një plan dhe përgjegjësi qeverisëse për kombin. Në kohën kur artistët janë ngujuar brenda ambienteve të Teatrit, kryeministri thotë se ka respekt për këtë minorancë aktorësh e politikanësh që s’kanë hyrë kurrë në Teatër.

      Postimi i Rames

      “Asnjë minorancë nuk mund të marrë peng asgjë e askënd në këtë vend.Megjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë,Teatri i ri Kombëtar do të ndërtohet si plan e përgjegjësi qeverisëse,. Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës. Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam.Kush s’është dakord është i respektuar,po s’ka as mandat as të drejtë të pengojë.”-shkruan Rama.

    • 12:27

      Protesta tek Teatri, reagon për herë të parë Erion Veliaj: Tirana do fitojë sërish

      Erion Veliaj

      Kreu i Bashkisë së Tiranës, Erion Veliaj ka reaguar në lidhje me protestën që po zhvillojnë artistët dhe opozita tek Teatri Kombëtar. Në një reagim në mediat sociale, Veliaj shkruan se është një lajm i mirë, që Basha për hërë të parë ka shkuar në Teatër.

      Kreu i Bashksië së Tiranës në fund u ka bërë dhe një sfidë aktorëve duke thënë se ai do të fitojë sërish duke nënkuptuar se Teatri do të shembet.  

      Lajm i mire qe pas kaq vitesh teater ne politike, LB shkon per here te pare ne Teater – dhe s’besoj tallashi i ngjan ndonje teatri ne Hollande, ku me i fundit eshte Theatre de Stoep! Por si tek Lodrat, Pazari, Bulevardi e Sheshi, Tirana do fitoje serish!”, shkruan Veliaj.

    • 12:17

      U ngujua me artistët tek Teatri Kombëtar, Lulzim Basha ngrihet dhe bën lëvizjen që i habit të gjithë

      Në kohën që ishte ngujuar me artistët brenda ambienteve të Teatrit Kombëtar, Lulzim Basha i ka habitur të gjithë.

      Basha ka dalë nga ambientet e Teatrit duke u larguar nga oborri i TK.  Siç shihet, Basha është larguar dhe ende nuk dihet cili do të jetë itinerari i tij.

      Largimi i Bashës u bë pas një sërë përplasjesh mes policisë, aktorëve dhe qytetarëve tek Teatri Kombëtar.

      Pasi policia rrethoi godinën për të bërë zbrazjen e saj, Basha dhe përfaqësuesë të PD shkuan në ndihmë të tyre. Tanimë artistët janë ngujuar brenda Teatrit.

    • 12:09

      Një vit pa aktorë në skenë, si ka degraduar nga brenda godina e Teatrit Kombëtar

      “A vdiq ai?”, kjo ishte shfaqja e fundit që u vendos në skenën e Teatrit Kombëtar. Ishte mbyllja e një sezoni që nuk vijoi më në shtator. Nga qershori i vitit të kaluar deri sot, në skenën e madhe të Teatrit Kombëtar nuk ka shkelur më asnjë aktor, asnjë regjisor, por vetëm punëtorët e skenës, insekte dhe brejtës që kanë mbushur të gjithë godinën.

      Debati për mbylljen e kësaj skene ishte vjetërsia e saj, por tashmë kur ajo ka më shumë se 1 vit që qëndron e mbyllur është rrënuar. Pamjet që na u servirën sot, teksa artistët dhe opozita arritën të futeshin në godinë tregojnë mjerim. Salla e madhe, llozhat, skena dhe prapaskena janë shkatërruar. Skena ishte e mbushur me orendi të ndryshme, me dërrasa dhe mbetje të tjera.

      Dhe pyetja që bëhet është: A vdiq ai (Teatri Kombëtar)? Nëse shikon skenën dhe gjendjen në të cilën ka përfunduar pas një viti mos përdorim, duket se ajo ka vdekur. Nëse dëgjon artsitët që janë brenda saj, ata shprehen se ajo skenë është gjallë. Ndërsa nëse pyet qeverinë, skena ka qenë e vdekur prej shumë kohësh.

    • 11:55

      Zbardhet marrëveshja mes artistëve dhe PD, Basha: Teatri do shpallet monument kulture

      Kryetari i Partisë Demokratike, Lulzim Basha ka zbuluar ditën e sotme, se nesër do të publikohet dhe do të firmoset marrëveshja e Aleancës për Mbrojtjen e Teatrit dhe PD.

      Lulzim Basha, kryetar i PD

      I pyetur nga gazetarët, Basha ka pranuar se një nga pikat e marrëveshjes është kërkesa për t’a shpallur TK, një monument kulture, për të mos lejuar kështu shembjen e godinës.

      Pyetje: Marrëveshja që do të bëhet publike nesër. Cilat janë pikat e kësaj marrëveshje? Ne kemi mësuar deri më tani se ju do të kërkoni që Teatri të shpallet monument kulture?

      Lulzim Basha: Përgatitja e marrëveshjes ka nisur para një muaji. Nesër do ta firmosim dhe do botohet e plotë. Nesër do keni edhe pikat e marrëveshjes. Aleanca për Teatrin e ka udhëhequr këtë protestë, ne do jemi në mbështetje të tyre.

    • 11:50

      Tensione dhe përplasje/ Neritan Liçaj s’duron më, shpërthen në të qarë: Unë jam teatri (VD)

      Vijojnë tensionet te Teatri Kombëtar.  Pas disa përplasjesh me policinë, qytetarë, artistë dhe politikanë kanë hyrë brenda kësaj godine dhe shprehen të vendosur se nuk do ra lejojnë që jo të prishet, shembet.

      Përpos dhunës, revoltës shumë prej artistëve janë përlotur para godinës së Teatrit Kombëtar.

      Një ndër ta është edhe aktori Neritan Liçaj i cili ka shpërthyer në lot teksa mban në duar edhe pankartën “Unë jam Teatri”. Menjëherë i shkon për ta qetësuar sociologu Ergys Mërtiri.

    • 11:10

      Gjesti fisnik i regjisorit Edmond Budina, puth skenën e Teatrit Kombëtar: S'ka vend më të bukur se ky!

      Regjisori Edmond Budina ka puthur skenën e Teatrit Kombëtar. Në momentin kur Budina dhe aktorët kanë hyrë brenda Teatrit, ai është përkulur në dysheme dhe ka puthur skenën. “S’ka skenë më të bukur në botë se kjo. Kjo është vlera jonë, që po e ruajmë nga vjedhja”,-është shprehur Budina.

    • 10:52

      Basha publikon fotot nga brenda Teatrit: Kanë nisur çmontimin

      Kreu i Partisë Demokratike, Lulzim Basha, ka publikuar foto nga brenda godinës së Teatrit Kombëtar.

      Pas hyrjes në godinë Basha ka shkrepur disa foto dhe tregon se në çfarë gjendje ndodhet godina.

      “Brenda Teatrit Kombetar ku Banda e Edi Ramës kishte nisur cmontimin. Aleanca per Teatrin dhe qytetaret i larguan dhe u futen brenda. Krenar per forcen e qytetareve te bashkuar!”, shkruan Basha.

    • 10:42

      Përplasjet tek Teatri, Policia shtyn qytetarin në pishinë, humbet ndjenjat… (PAMJET E RËNDA)

      Gjatë përplasjeve të policisë me qytetarëve tek Teatri Kombëtar, një qytetar ka rënë në pishinën e zbrazur. Qytetari shihet i rrëzuar përtokë dhe i mbuluar me gjak. Ai ka humbur ndjenjat ndërkohë që ende nuk dihet gjendja e tij. Ai është rrëzuar gjatë shtyrjes me policinë.

      Qytetari i plagosur tek Teatri
    • 10:33

      Artistët mundin policinë, hyjnë në ambientet e brendshme të Teatrit Kombëtar, Lulzim Basha i prin turmës

    • 10:26

      Robert Budina denoncon Policinë: Më kanë grisur rrobat, Teatrin e mbrojmë deri në fund

      Regjisori Robert Budina, i cili është një ndër qëndrestarët kundër shembjes së Teatrit Kombëtar ka deklaruar se është është dhunaur nga Policia.

      Në një deklaratë për mediat Budina u shpreh se Policët i kanë amrrë këpucët dhe i kanë grisur rrobat. Pas denoncimit regjisori shtoi se as kjo dhunë nuk do ta ndalë rezistencën e tyre.

      Pse nuk na lejoni të hyjmë brenda edhe neve? Duam të dimë çfarë po ndodh me teatrin? çfarë bëjnë këta njerëz që hyjnë e dalin? Po përdoren si mish për top policët dhe këta punëtorët. Më grisën mua, më kapën, më shtynë, ia lejomë vetes edhe ndonjë thyerje kockash. Mi morën policët këpucët, mi grisën ata rrobat dhe ne tani do grisim shtetin. Do bëjmë rezistencë është kalaja e fundit e demokracisë”,- tha ai.

    • 10:15

      Qeveria donte ta shkarkonte nga BSH, Arben Malaj nga Teatri: Të mblidhet parlamenti, të ndalohet shembja

      Protestës së artistëve tek Teatri Kombëtar i është bashkaur dhe ish-minsitrii  Financave, Arben Malaj. Ai u ka bërë thirrje të gjithë socialistëve të reagojnë dhe të mos lejojnë shembjen e Teatri Kombëtar.

      “Në radhë të parë i duhet Gramoz Ruçit që të mbledh parlamentin dhe deputetët që janë pushim që të marrin një vendiom që të ndalohet mënjeherë shembja e Teatrit Kombëtar”, tha Malaj.

    • 10:17

      Basha kërcënon kryeministrin: Do veprojmë me çdo formë, kjo do jetë gropa e Edi Ramës

      Kryetari i opozitës së bashkuar, Lulzim Basha, ka kërcënuar sot hapur kryeministrin Edi Rama dhe qeverinë socialiste se nëse do të tentojnë të shembin godinën e Teatrit Kombëtar, atëherë “gropa e Teatrit do të jetë gropa e Edi Ramës”.

      Lulzim Basha, kryetar i PD

      Nga oborri i teatrit, aty ku artistë dhe qytetarë kundërshtojnë shembjen, kryedemokrati tha se Partia Demokratike është në krah të Aleancës për Mbrojtjen e Teatrit dhe se do të merret çdo mjet dhe formë për të mos lejuar shembjen. Basha hodhi një denoncim të fortë, kur tha se me shembjen e Teatrit dhe projektin e ri, po pastrohen paratë e drogës.

      “Ky është projekt grabitës, kriminal, po pastrohen paratë e drogës me një arkitekt të dënuar në Itali, është arkitekti i Edi Ramës. Kjo është një skemë mafioze për të pasurur Ramën dhe vjedhur shqiptarëve Teatrin. Këtu po pastrohen paratë e drogës. Gropa e Teatrit do të bëhet gropa e Edi Ramës. Opozita ka qenë dhe do të jetë këtu. Nuk është kjo çështja. Para çdo shqiptari duket qartë se kemi një bandë jo qeveri. Kjo që po ndodh këtu do ndodhë nesër në shtëpitë e tyre. Do veprojmë me çdo formë dhe mjet.”-tha Basha.

    • 10:04

      Basha bën lëvizjen e papritur, braktis turin e vizitave dhe i bashkohet artistëve

      Kreu i Partistë Demorkatike Lulzim Basha i është bashkuar protestës tek Teatri Kombëtar. Basha ka braktisur turin e tij me takime në qytetet e vendit dhe do të shkojë të mbsthësë artistët.

      Basha ditën e djeshme ka zhvilluar takime në veri të vendit, në Tropojë, Kukës e Dibër, por duket se turi i vizitave nuk do të vijojë më. Basha ka lënë pas qytetet e tjera dhe është kthyer në Tiranë, ku i shoqëruar nga Gazment Bardhi dhe Çlirim Gjata e ish-deputetë të PD, i është bashkuar artistëve.

    • 9:59

      Tensione te Teatri Kombëtar, artistët dhe qytetarët tentojnë të futen në godinë, përplasen me policinë

      Tensione te Teatri Kombëtar. Artistët janë përplasur me policinë pasi ka tentuar të futen në godinën e Teatrit Kombëtar.

      Artistët dhe qytetarët kanë thyer kordonin e policisë, duke tentuar të futen brenda godinës. Ata theksojnë se nuk do të lejojnë të shembet teatri. “Poshtë diktatura”, “Teatri është i joni”,  janë thirrjet e protestuesve. Mësohet se disa persona kanë ngelur të lënduar.

    • 9:38

      “Teatri është i të gjithëve”, Budina me lot në sy: Më tërhoqen zvarrë, se harroj kurrë këtë

      Regjisori Edmond Budina në një deklaratë për mediat pas përplasjes me Policinë ka treguar sërish se atë e kanë tërhequr zvarrë. Ai u shpreh se këtë gjë nuk e harron kurrë dhe i bëri thirrje Ramës dhe Lleshajt, që të tërhiqen.

      Budina u shpreh se Teatri Kombëtar do të jetë varreza e të gjithë atyre që kanë bërë krime dhe turpe në këtë vend.

      Edmond Budina, regjisor

      “Teatri është shtëpia e të gjithë shqitparëve, ne kërkojmë që të ketë Teatër. Ata na përçanë, ishin forca të shumta policie. Ne ishim 5 veta, dhe nuk ishim të mbrojtur nga askush. Më tërhoqen zvarrë, nuk e harroj kurrë këtë gjë. I bëj thirrje Edit dhe ministrit të Brendshëm, të mos tentojnë të shkatërrojnë këtë vlerë të jashtëzakonshme kulturore. Ky është fundi i demokracisë shqiptare, ky është një regjim fashist, populli duhet të ngrihet i gjithë në këmbë, Teatri duhet të jetë varreza e të gjithë këtyre që bëjnë këto turpe”, tha Budina.

    • 9:06

      Rrethimi i Teatrit Kombëtar nga Policia, PD: I bashkohemi artistëve

      Ish-deputetë të Partisë Demokratike do t’i bashkohen protestës tek Teratri Kombëtar, që tashmë ndodhet i rrethuar nga Policia dhe është bërë gati për t’u shmebur.

      Protesta tek Teatri Kombëtar

      Në një njoftim nga zyra e shtypit të PD, bëhet me dije se në protestë do të shkojnë tek sheshi i Teatrit Kombëtar dhe atij Eksperimental.

      Ish-deputete te PD po shkojne tek Teatri Kombetar, i cili eshte rrethuar nga policia, ne tentative per t’u shembur”, shkruhet në njoftimin e zyrës së shtypit të PD.

    • 8:07

      Pas përplasjes me policinë, flet regjisori Budina: S'ta fal këtë Rama, kjo nuk ndodhte as në kohën e Ramiz Alisë

      Pas përplasjes me policinë te Teatri Kombëtar, regjisori Edmond Budina ka deklaruar se nuk ia fal Edi Ramës, këtë që i bëri. Ai ka theksuat se gjithçka që ka bërë për Teatrin Kombëtar, e ka bërë me djersë dhe gjak.

      “Policia e krimit na tërhoqi zvarrë, na hoqën nga godina. Ne nuk duam që të zbrazet teatri. Ata e hapën derën. Ata erdhën këtu sikur ne ishim kriminelë. Edi Rama mbajë mend këtë që më ke bërë ti dhe këlyshët e tu. Nuk do ta harroj. Nuk do ta fal. Nuk e kam bërë as regjisorin dhe as aktorin, i mbështetur te politika, e kemi bërë gjithçka me djersë dhe me gjak. Kjo nuk ndodhte as në kohën e Ramiz Alisë”, u shpreh Budina.

    Shto Koment