Politike

Ngërçi për kreun e KLSH-së, Meta dërgon emrin e radhës në Kuvend: Dekretoj Arben Shehun, plotëson të gjitha kriteret ligjore

  • Meta letër Ruçit: Shpresoj ta shqyrtoni brenda këtij sesioni parlamentar
  • Sipas Presidentit, Arben Shehu plotëson të gjitha  kushtet dhe kriteret ligjore për t’u emëruar në këtë pozicion, si dhe është një kandidaturë me eksperiencë të gjatë në fushën e së drejtës dhe pedagogjisë.
    Featured image of article: Ngërçi për kreun e KLSH-së, Meta dërgon emrin e radhës në Kuvend: Dekretoj Arben Shehun, plotëson të gjitha kriteret ligjore

    TIRANË- Presidenti Ilir Meta ka dekretuar sot emrin e ri për kreun e Kontrollit të Lartë të Shtetit. Në bazë të dekretit të Metës, Arben Shehu i propozohet Kuvendit të Shqipërisë për t’u zgjedhur Kryetar i Kontrollit të Lartë të Shtetit.

    Nëse ky propozim do të pranohet nga Kuvendi, Shehu do jetë kreu i ri i KLSH-së, duke zëvendësuar kështuar Bujar Leskajn. Sipas Presidentit, Arben Shehu plotëson të gjitha  kushtet dhe kriteret ligjore për t’u emëruar në këtë pozicion, si dhe është një kandidaturë me eksperiencë të gjatë në fushën e së drejtës dhe pedagogjisë.

    Arben Shehu, kandidati për kreun e KLSH

    “DEKRET “PËR PROPOZIMIN E KRYETARIT TË KONTROLLIT TË LARTË TË SHTETIT” Në mbështetje të nenit 162, pika 2 dhe nenit 93 të Kushtetutës së Republikës së Shqipërisë, si dhe nenit 19 pika 2, të ligjit nr. 154/2014 “Për organizimin dhe funksionimin e Kontrollit të Lartë të Shtetit”,

    Dekretoj; Neni 1 : Zoti Arben Shehu i propozohet Kuvendit të Shqipërisë për t’u zgjedhur Kryetar i Kontrollit të Lartë të Shtetit. Neni 2: Ky dekret hyn në fuqi menjëherë”, është ky dekreti i Metës.

    Përplasja për kreun e KLSH

    Që pas mbarimit të mandatit të Bujar Leskaj në krye të Kontrollit të Lartë të Shtetit nuk është zgjedhur askush tjetër. Lesjkaj edhe pse më shumë se një vit që është me mandat të mbaruar, ai vijon të ushtrojë detyrën. Presidenti që ka për detyrë të zgjedh kreun e ri ka dërguar në Kuvend disa emra, por nuk janë pranuar. Meta ka propozuar në Kuvend emrin e Vitore Tushës, Bahri Shaqirit dhe Petraq Milon, por asnjë nuk është pranuar. Nga ana tjetër maxhoranca po përgatit dhe disa ndryshime ligjore që zhbllokojë këtë situatë, duke shtuar me ligj dhe një zëvendëskryetar për KLSH-në.

    Për më shumë bëhu pjesë e grupit më viral në Facebook, Dosja.al

    Po kush është Arben Shehu?

    Në bazë të jetëshkrimit të publikuar nga Presidenca, bëhet me dije se Shehu ka një  eksperiencë mbi 16 vjeçare në jetën akademike, është një ndër njohësit më të mirë të drejtësisë penale. Ai është diplomuar gjithashtu edhe në fushën e e ekonomisë dega “Administrim Biznesi”, me një eksperiencë të gjatë akademike, kërkime dhe shkrime shkencore, por edhe përvojë të spikatur në zbatimin e ligjit, si ushtrues aktiv i profesionit të avokatisë.

    Shehu vijon më tej Presidenca është njohës shumë i mirë i legjislacionit, me njohuritë dhe certifikimet në fushën ekonomike dhe përvojën akademike e profesionale mbi 16 vjeçare, vlerësohet kandidat i përshtatshëm për drejtimin e Kontrollit të Lartë të Shtetit, si një institucion që ka nevojë për një qasje të re në ushtrimin e funksioneve për kontrollin e përdorimit të pasurisë publike dhe vënien para përgjegjësisë të abuzuesve me to.

    Më poshtë një përmbledhje e CV-së, të kandidaturës së propozuar: Datëlindja: 20.1.1980; Vendlindja: Shkodër. EDUKIMI DHE KUALIFIKIME: 1998-2002 Diplomuar “Jurist” në Fakultetin e Drejtësisë, Universiteti i Tiranës; 2004-2005    Master në Shkenca Penale Fakulteti i Drejtësisë, Universiteti i Tiranës; 2011 Marrja e gradës shkencore “Doktor i Shkencave Ligjore” në fushën e krimit të   organizuar dhe legjislacionit ndërkombëtar; 2018 Diplomuar për Administrim Biznes; Vazhdimi i ciklit për titullin Profesor i Asociuar dhe njohës shumë i mirë i tre gjuhëve të huaja (Anglisht, Italisht, Frëngjisht)

    EKSPERIENCA: 2004 – e në vazhdim Pedagog pranë Fakultetit të Drejtësisë, Universiteti i Tiranës. 2003- e në vazhdim, anëtar i Dhomës së Avokatisë, dhe përfaqësues për çështje ligjore dhe ekonomike të shoqërive tregtare. Redaktor në “Ëorld Journal of Social Science Research” Pjesëmarrës në konferenca kombëtare dhe ndërkombëtare me publikime akademike.

    (A.B. Dosja.al)

    Shto Koment