Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Kryeministri Edi Rama i ka dërguar një letër publike kryedemokratit Lulzim Basha, ku i bën thirrje për dialog për zgjidhjen e krizës politike.
Në letrën, e publikuar nga kryeministri në faqen e tij në rrjetet sociale, Rama thotë se dialogu që i ofron Bashës është pa kushte, dhe pret që të ulet sa më herët në një tryezë e cila do e nxirrte vendin nga kriza.
Ndër rreshta kryeministri thotë se data e zgjedhjeve nuk shtyhet dot ligjërisht, por e lë të hapur mundësinë për t’a diskutuar në tryezën e dialogut. Është kjo lëvizje e Ramës, që lë të kuptohet se kryeministri e jep mundësinë edhe që zgjedhjet e 30 qershorit të shtyhen.
“Por Dialogu duhet të nisë pa humbur kohë, pavarësisht atyre që thoni e mendoni të bëni Ju në 30 qershor dhe pavarësisht faktit se unë 30 qershorin s’kam asnjë fuqi ligjore ta negocioj, edhe pse Ju jeni i lirë ta diskutoni në Tryezën e Dialogut.”-shkruan Rama.
Nga Durrësi, gjatë një takimi me qytetarët kreu i PD-së, Lulzim Basha ka refuzuar ftesën duke u shprehur se nuk do të bënte asnjë hap pas dhe se nuk do të luante teatër në kurriz të interesave të shqiptarëve.
“Ne nuk luajmë me portat e vogla të krimit dhe të oligarkëve, siç luan i babëzitur nga mëngjesi deri në darkë Edi Rama. Nuk e njohim dhe nuk e pranojmë atë lojë. Ne nuk pranojmë teatër me interesat e shqiptarëve. Ne jemi ngritur mbi interesat tona të ngushta politike. Në kundërshtim me Kushtetutën, na propozon të ulim kokën. Na propozon kapitullim, kësaj radhe edhe pa garë. Vetëm për karrgien dhe pushtetin e tij,”-tha Basha.
LETRA E PLOTË:
LETER PUBLIKE LULZIM BASHES
Zoti Kryetar,
Ju drejtohem me këtë letër publike, në përpjekjen për t’i thirrur arsyes Suaj dhe për t’iu kthyer të vetmes rrugë që demokracia njeh, për trajtimin e mosmarrëveshjeve mes palëve: Dialogut!
Unë sigurisht, s’kam asnjë mirëkuptim për rrugën e zgjedhur prej Jush, qyshse braktisët marrëveshjen pozitive të 17 majit 2017 dhe vendosët ta nxirrnit grupimin Tuaj, plotësisht jashtë shinave të shtruara në atë marrëveshje.
S’kam se si ta mirëkuptoj as gjuhën e urrejtjes, as djegien e mandateve, as dhunën e frymëzuar e organizuar prej Jush, prej së cilës nuk jeni distancuar asnjëherë; për të cilën jeni akuzuar botërisht, me emër e me mbiemër, nga partnerët e miqtë e pazëvendësueshëm të Shqipërisë dhe si pasojë e së cilës sot, një numër jo i vogël ndjekësish Tuajt gjenden në duart e drejtësisë.
S’kam si të mirëkuptoj kurrësesi, as bojkotin e paprecendentë të zgjedhjeve dhe lëre pastaj, shantazhin mbi vendin e mbi qytetarët e këtij vendi, se Ju nuk do t’i lini ata të votojnë në 30 qershor.
Por mungesa e plotë e mundësive të mia për të mirëkuptuar gjithë sa më lart, nuk më pengon, përkundrazi, më detyron t’Ju drejtoj publikisht, këtë herë me shkrim, ftesën për t’u ulur pa humbur kohë në Tryezën e Dialogut.
Dialogun s’mund ta pengojnë assesi, qoftë pozicioni Juaj ekstrem në lidhje me zgjedhjet vendore, qoftë pamundësia ime ekstreme në lidhje me datën kushtetuese të zgjedhjeve.
Jeta politike nuk mbaron në 30 qershor dhe që të jemi të qartë mes nesh, zgjedhjet në 30 qershor Ju mund t’i vështirësoni, nëse do t’i shkoni deri në fund rrugës pa krye, ku po e udhëhiqni grupimin Tuaj politik, por s’ka asnjë shans që t’i ndaloni të zhvillohen.
Por Dialogu duhet të nisë pa humbur kohë, pavarësisht atyre që thoni e mendoni të bëni Ju në 30 qershor dhe pavarësisht faktit se unë 30 qershorin s’kam asnjë fuqi ligjore ta negocioj, edhe pse Ju jeni i lirë ta diskutoni në Tryezën e Dialogut.
Unë Ju ftoj në një dialog pa kushte dhe në kushtet kur Shqipëria e shqiptarët, nuk meritojnë përkeqësimin e një situate politike krejt të pakuptimtë, e cila po u kushton në mënyrë krejt të pamerituar.
Shumica dërrmuese e tyre, përfshirë edhe shumicën e atyre që si zgjedhës të pakicës, s’kanë votuar e s’kanë ndërmend të votojnë ndonjëherë për mua dhe qeverinë që drejtoj, duan dialog mes nesh, e jo acarim mes shqiptarëve dhe dëmtim të Shqipërisë, për shkakun tonë.
Aq më pak duan çka Ju po u ofroni sot, në një rrugë ku, të kuptohemi, nuk është fare halli im se do shkoni keq e më keq politikisht si grupim, po ku edhe ata vetë janë të humbur dhe ku askush nuk del i fituar.
Me shpresën e vobektë se ftesa ime do të merret parasysh dhe me urimin, që përveç fjalive propagandistike, të marr mbrapsht edhe përgjigjen pozitive për këtë ftesë, Ju lutem zoti Kryetar të pranoni shprehjen e dëshirës sime për shëndet të patrazuar për Ju personalisht dhe familjen Tuaj.
Edi Rama
Ftesa e Kryeministrit Edi Rama për dialog vjen 3 muaj pasi opozita ka djegur mandatet dhe ka zhvilluar 5 protesta kombëtare. Opozita kërkon shtyrjen e datës së zgjedhjeve, krijimin e një qeverie tranzitore që do të organizojë zgjedhjet lokale dhe ato qendrore.
Deri më sot, qendrimi i kryeministrit ka qenë i palëkundur, se data e zgjedhjeve nuk shtyhej. Nga ana tjetër, faktori ndërkombëtar nuk mbështet vendimin e opozitës për të dalë nga Parlamenti, por bën thirrje për dialog.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Pas fjalës së kryeministrit Edi Rama gjatë prezantimit të platformës E-Learning në Mjekësi, ka reaguar edhe zyrtari i LSI-së, Dritan Kaba.Me anë të...
TIRANE-Ministrja e Arsimit, Besa Shahini ka reaguar pas protestës që studentë të disa universiteteve zhvilluan para MASR. Shahini thotë se protesta ishte trisht...
HOLANDË– Kryetari i Kuvendit, Gramoz Ruçi gjatë një vizite zyrtare në Holandë është pritur nga Presidentja e Senatit, Ankie Broekeres Knol, e cila e...
Shumica e Bundestagut në Gjermani jo vetëm që nuk është i bindur se Shqipëria i ka plotësuar kushtet për hapjen e negociatave, por pritet që të vendosë edhe kus...
TIRANË- Pas deklaratave të ambasadorit të OSBE në Tiranë, Bernd Borchardt, ka ardhur dhe një përgjigje nga Partia Demokratike.Sipas informacioneve mësohet ...
TIRANË- Rihapet dosja për Masakrën e Peshkëpisë. Burime për Dosja.al bëjnë me dije se që prej orës 13:45 deri në orën 15:00, kandidati i pavarur për bashki...
TIRANË- Kryeministri Edi Rama pyet presidentin Ilir Meta, se a e pengon mungesa e Gjykatës Kushtetuese që të mbrojë zgjedhjet e 30 qershorit dhe datën që e...
TIRANË- Libri i ish-presidentit Bamir Topi, Nocturn ka hapur debat në skenën politike shqiptare. Rrëfimet e tij për marrëdhënien me Sali Berishën, Lulzim B...
Pas mbylljes së mandatit si President i Republikës, Bamir Topi vendosi t’i rikthehej politikës, por tanimë jo më në Partinë Demokratike, por në krye të një forc...
TEPELENË- Tërmet Peçi rikthehet pas 4 vjetësh. As i vetë nuk e ka harruar “fitoren publiçitare” që këputi atëherë. Në një intervistë për RTSH...
