Aktualitet

I sekuestrohen 70 mijë € dhe një makinë luksoze Juli të Pashakos, i dyshuari kryesor për masakrën e Lushnjes

  • Kush është Juli i Pashakos, kundërshtari i betuar i Aldo Bares
  • Një shumë parash prej 70 mijë euro një makinë me vlerë rreth 100 000 euro i janë sekuestruar Julit të Pashakos, një nga kundërshtarët e përbetuar të Aldo Bares. Ai është një nga të dyshuarit kryesorë për masakrën e Lushnjes.
    Featured image of article: I sekuestrohen 70 mijë € dhe një makinë luksoze Juli të Pashakos, i dyshuari kryesor për masakrën e Lushnjes Julian Sulo dhe paratë e sekuestruara

    Lushnje- Julian Sulos, i njohur nga të gjithë si me nofkën Juli i Pashakos, i janë sekuestruar nga Policia një shumë parash prej 70 mijë euro një makinë me vlerë rreth 100 000 euro. Sipas policisë dyshohet se kjo pasuri ishte përfituar nga të ardhurat kriminale.

    “Juli i Pashakos” nga të gjithë njihet si një nga kundërshtarët e përbetuar të Aldo Bares, pjesëtarit të bandës së Lushnjes. Ai është një emër i njohur për policinë pasi kaq qenë një nga të dyshuarit kryesorë për masakrën e Lushnjes, ku u ekzekutuan me breshëri kallashnikovi Jurgen Hoxha dhe Zamir Latifi, miq të nipit të Aldoi Bares. Julian Sula u vetëdorëzua në polici, por u lirua më pas për mungesë provash. Ndaj Sulos më parë është bërë dhe një tentativë për ta vrarë, pasi u dhunuaa fizikisht me leva, duke pësuar dëmtime të shumta, por autorët e këtij krimi nuk u zbardhën kurrë.

    Po kështu një vit më parë 38-vjeçari biznesmen, ra në prangat e policisë pasi nuk iu urdhrit të punonjësit të policisë për të ndaluar, pasi qarkullonte me armë zjarri në automjet.

    Njoftimi i Policisë:

    Policia sekuestron 70 000 euro dhe një automjet me vlerë 100 000 euro që dyshohet se janë përfituar nga aktiviteti kriminal

    Në kuadër të luftës kundër informalitetit dhe pastrimit të parave, gjurmimit dhe identifikimit të aseteve që janë përfituar nga veprimtari kriminale, pas informacioneve të mara në rrugë operative se shtetasi J. S merrej me aktivitet kriminal në fushën e narkotikëve dhe krimeve kundër personit, nga strukturat e Krimit Ekonomik e Financiar në DVP Fier u ushtrua kontroll në banesën e tij, ku u gjetën dhe sekuestruan në cilësinë e provës materiale 70 000 euro dhe 1 automjet me vlerë rreth 100 000 euro.

    Specialistët për Hetimin e Krimit Ekonomik e Financiar në Drejtorinë Vendore të Policisë Fier referuan materialet në Prokurorinë pranë Gjykatës Shkallës së Parë Lushnjë, për veprën penale “Pastrimi i produkteve të veprës penale ose veprimtarisë kriminale” për shtetasin J. S., 39 vjeç, banues në Lushnjë.

    Vijojnë hetimet dhe verifikimet për evidentimin e pasurive të tjera që mund të jenë në emër të këtij shtetasi dhe personave të lidhur me të.

    J.V/Dosja.al

    Shto Koment