Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Boksieri amator kosovar, 19-vjeçari, Bashkim Bajoku, ka fituar pesë gara kombëtare boksi në Kosovë dhe dy në Shqipëri. Majin e kaluar ai fitoi në Zagreb edhe titullin e Kampionit Ballkanik të Boksit në kategorinë 52 kilogramë. Por asnjë nga këto arritje nuk kishte rëndësi kur ai u përpoq të merrte pjesë në Kampionatin Botëror të Boksit në kryeqytetin e Serbisë, Beograd, në fund të tetorit. Rëndësi kishte vetëm që ai vjen nga Kosova.
Bajoku ishte një nga boksierët e shumtë kosovarë që i kthyen mbrapsht në kufirin serb për shkak se mbanin simbolet kombëtare në uniformat e tyre, gjë që i pengoi ata të konkurronin në këtë eveniment.
“Kjo është e padrejtë”, tha për DW kampioni ballkanik i boksit.
“Si sportistë jemi shumë të zhgënjyer, sepse u stërvitëm shumë dhe kjo bllokadë ndikoi negativisht në pjesëmarrjen tonë të mundshme në Lojërat Olimpike të vitit 2024”.
Boksierët e kosovarë nuk lejohen në kufirin serb për shkak të simboleve kombëtare
Kjo nuk ishte hera e parë që sportistët kosovarë pengohen për shkak të origjinës. Kosova e shpalli zyrtarisht pavarësinë e saj nga Serbia në vitin 2008, por sovraniteti i Kosovës njihet vetëm nga pak më shumë se 50% e shteteve anëtare të OKB-së. Ndër shtetet që nuk e njohin Kosovën si shtet janë Serbia, Rusia dhe Kina. Institucionet ndërkombëtare të sportit si Komiteti Olimpik Ndërkombëtar apo FIFA, e njohin Kosovën si anëtare të plotë. Por për shkak se ngjarjet ndërkombëtare sportive ndonjëherë organizohen nga vende që nuk e njohin Kosovën, marrëdhëniet diplomatike mund t’u shkaktojnë probleme atletëve nga vendi që konkurrojnë.
Rregulloret e udhëtimit të vendeve që nuk e njohin Kosovën shpesh bien ndesh me rregullat e institucioneve ndërkombëtare sportive. Organet drejtuese të sportit pohojnë se u garantojnë të gjithë anëtarëve pjesëmarrje të drejtë dhe të barabartë në çdo ngjarje, por nëse atletët nga Kosova duan të përfaqësojnë vendin e tyre në garat e organizuara në vendet që nuk e njohin, ata shpesh hasin vështirësi.
“Kur na bllokojnë si sportistë, ne humbasim mundësitë e mëdha për të zhvilluar karrierën tonë ndërkombëtarisht”, thotë Bajoku. “Kjo është shumë zhgënjyese, por ne nuk do të dorëzohemi kurrë”.
‘Ky është diskriminim’
Përvoja që Bajoku dhe boksierët e tjerë kosovarë patën në kufirin serb në tetor nuk është e pazakontë. Redona Gashi, karateiste 18-vjeçare, ka përjetuar diçka të ngjashme në fillim të këtij viti, kur ekipi i saj dëshironte të merrte pjesë në një garë në Qipro, gjithashtu një vend që nuk e njeh Kosovën. Qiproja u dha Gashit dhe shokëve të saj viza për të marrë pjesë në konkurs, megjithatë ata nuk arritën kurrë në Qipro, sepse Greqia, një vend nëpër të cilin duhej të udhëtonin, ua ndaloi hyrjen.
“Ne kemi pasur shumë probleme. Ne gjithmonë kemi probleme politike, por sigurisht që ka vështirësi edhe për marrjen e vizave,” tha Gashi për DW. “Ky është diskriminim ndaj nesh.”
Politika e vendeve që nuk e njohin Kosovën është jokonsistente. Spanja, për shembull, i lejon atletët nga Kosova të marrin pjesë në garat sportive vetëm nëse nuk shfaqin simbolet e tyre kombëtare. Vendet e tjera si India nuk i lejojnë fare të marrin pjesë duke refuzuar t’u japin viza sportistëve kosovarë. Kështu ka ndodhur me Donjeta Sadikun, boksieren kosovare, e cila në vitin 2018 do të merrte pjesë në Kampionatin Botëror të Boksit për Femra në Indi, por nuk iu dha viza.
Garimi pa simbolet kombëtare zgjidhje e papranueshme për Kosovën
Jo vetëm që kjo lloj gjëje është zhgënjyese për atletët dhe ka efekte negative në zhvillimin e tyre sportiv, por gjithashtu ka një ndikim negativ financiar. Në rastin e Bajokut dhe të boksierëve kosovarë, vendi u ankua në AIBA, organi drejtues botëror i boksit. AIBA u përpoq të bënte një kompromis që do t’i lejonte ekipit kosovar të garonte pa treguar simbolet kombëtare. Por kjo zgjidhje ishte e papranueshme për Kosovën. Vetë presidentja, Vjosa Osmani, u shpreh se refuzon t’i pranojë këto kushte. AIBA lëshoi një deklaratë pas incidentit në të cilën u kërkoi përsëri vendeve anëtare të respektojnë rregulloret e trupës, duke thënë se sportet duhet të ndihmojnë në thyerjen e barrierave. Kërkesa e DW për koment nga zyrtarët serbë dhe institucionet e tyre sportive për këtë çështje deri tani kanë mbetur pa përgjigje.
Sekretari i përgjithshëm i Komitetit Olimpik të Kosovës (KOK), Besim Aliti, tha për DW se nuk mund të bëjë më shumë se sa të protestojë dhe të ngrejë çështjen e këtij trajtimi të padrejtë.
“Para së gjithash është e rëndësishme të reagohet dhe është e rëndësishme të ngrihet zëri për mundësi të barabarta”, tha Aliti. “Për KOK-un, çelësi është distancimi nga politika, sepse ne nuk jemi këtu për të gjetur marrëdhënie dypalëshe mes dy vendeve. Për ne është e rëndësishme të mbrojmë të drejtat e sportistëve.”
Marrë nga DW
Cila mendoni se është alternativa më e mirë:
Hakerët kanë sulmuar sistemin e jashtëm të postës elektronike të Byrosë Federale të Hetimit të SHBA-së (FBI), tha agjencia e zbatimit të ligjit, duke konfirmuar...
PARIS – Kryeministri i Kosovës Albin Kurti u takua me djalin e miliarderit George Soros, Alex Soros në Forumin e Paqes së Parisit. Lajmin e zbuloi vetë i ...
PRISHTINË – Ish-ministri i Shëndetësisë Arben Vitia hodhi votën në qendrën zgjedhore shkolla e mesme “Ali Sokoli” në Prishtinë. Kandidati i Vetëvendo...
PRISHTINË– Kandidati për kryetarë të komunës së Prishtinës, nga radhët e Lidhjes Demokratike të Kosovës, Përparim Rama ka hedhur votën e tij për garë...
PRISHTINË- Dy policë në Kosovë janë pezulluar përkohësisht pasi dyshohet se janë përfshirë në aktivitete dhe komente politike gjatë fushatës parazgjedhore,...
PRISHTINË – Ministri i Mjedisit, Planifikimit Hapsinor dhe Infrastrukturës të Kosovës Liburn Aliu votoi në qendrën zgjedhore të Fakultetit të Filolog...
KOSOVË– Një episod i pazakontë ka ndodhur në Gjakovë për zgjedhje lokale. Gazetari i “T7”, Çlirimtar Morina ka vendosur që të rapo...
PRISHTINË- Zëdhënësi i Komisionit Qendror të Zgjedhjeve në Kosovë (KQZ), Valmir Elezi ka bërë me dije se në orën 07:00 janë hapur të gjitha vendvotimet për...
Transmetimi i lajmeve në televizion dikur nënkuptonte një tavolinë dhe një kostum e kravatë të detyrueshme. Dhe edhe kur spikeret femra të lajmeve u bënë një pa...
KOSOVË- Ministria e Shëndetësisë Kosovë ka informuar vetëm 1 viktimë ka humbur jetën nga Covid-19 dhe 7 janë të infektuar.Njoftimi i plotë:13 Nëntor 2021: ...
