Aktualitet

Kush është Florenc Hoxha, ish-drejtori i Policisë Bashkiake i arrestuar për dhunë dhe kanosje

  • Dhuna në protestën e opozitës, shoqërohet Florenc Hoxha (Video)
  • Hoxha është arrestuar edhe më herët nga Policia e Tiranës pasi ka kanosur dhe ka dhunuar dy persona në kryeqytet.
    Featured image of article: Kush është Florenc Hoxha, ish-drejtori i Policisë Bashkiake i arrestuar për dhunë dhe kanosje Florenc Hoxha dhe momenti kur policia i rrethon shtëpinë

    Florenc Hoxha, ish-kryetar i Inspektoriatit Ndërtimor në Bashkinë e Tiranës është një emër mjaft i njohur për Policinë e Tiranës. Ai u shoqërua këtë mbrëmje në komisariat pasi është fotografuar teksa ka qenë pjesëmarrës në protestën e opozitës që u zhvilluar ditën e sotme, por kjo nuk është hera e vetme. (Lexo këtu)

    40-vjeçari, banues në Tiranë është arrestuar në viitn 2015 nga policia e Tiranës pasi më datë 09.05.2015, në rrugën ‘’Ali Demi”, ka kanosur se do t’u prishte lokalin dhe ka goditur me grushta dhe shkelma shtetasit K.K, 35 vjeç, banues në Tiranë dhe E.K, 37 vjeç, banues në Tiranë.

    Ndërsa në vitin 2014, Hoxha, është përfshirë në një përleshje, ku ka mbetur vetë i plagosur. Ngjarja ndodhi më 14 nëntor në ambientet e një lokali në Farkë të Tiranës, teksa Hoxha u qëllua me thikë nga një person, që ndodhej në një tavolinë tjetër.

    Për më shumë bëhu pjesë e grupit më viral në Facebook, Dosja.al

    Hoxha ka qenë edhe më parë pjesëmarrës në protestat e organizuara nga opozita apo ku kjo e fundit ka dhënë mbështetjen e saj. Një prej tyre është edhe protesta që zhvilluan banorët e Astirit kundër projektit “Unaza e madhe”. Ish-kryetari i Inspektoriatit Ndërtimor u fotografua në krah të liderit të PD-së, Lulzim Basha.

    Gjatë kohës që drejtonte Inspektoratin Ndërtimor të Tiranës, ndaj Hoxhës rëndojnë një sërë akuzash për dhunim dhe prishje të pronës së qytetarëve. Hoxha është denoncuar gjithashtu në vitin 2012 në prokurori nga një familje në Tiranë, pasi pretenduan se po u grabitej prona. 

    (f.m/dosja.al)

    Shto Koment