Politike

Rama konferencë me Kryeministrin e Italisë, Conte: Jemi pro hapjes së negociatave, zgjidhni krizën politike

Giueseppe Conte zhvilloi sot një vizitë në Shqipëri. Conte u takua me Ramën dhe Metën, ku deklaroi se vendi i tij mbështet integrimin e Shqipërisë. Numri një i qeverisë italiane bëri dhe thirrje për zgjedhjen e krizës politike duke kërkuar dialog pa kushte mes opozitës dhe maxhorancës. Në fund ftoi dhe Ramën për një vizitë zyrtare në Romë.
Featured image of article: Rama konferencë me Kryeministrin e Italisë, Conte: Jemi pro hapjes së negociatave, zgjidhni krizën politike Giuseppe Conte dhe Edi Rama në konferencë për mediat

TIRANË- Kryeministri i Italisë, Giuseppe Conte, zhvilloi sot një vizitë zyrtare në Tiranë. Kreu i qeverisë italiane u prit nga kryeministri Edi Rama në orën 15.30 në Pallatin e Brigadave, në një ceremoni zyrtare. Pas pritjes ceremoniale dy kryeministrat zhvilluan një takim kokë më kokë në Pallatin e Brigadave.

Sipas axhenës, Rama dhe Conte , Rama dhe Conte zhvilluan dhe një konferencë të përbashkët për shtyp, ku deklaruan se duhet të vijojë procesi i integrimit me Shqipërinë. Kryeministri Italisë kërkoi zgjidhjen e krizës në vend duket kërkuar dialog pa kushte mes maxhorancës dhe opozitës, pasi vendi i tij do bëj ç’të mundet që Shqipëria të marrë një “PO”. 

Numri një i qeverisë italiane më pas zhvilloi një takim të shkurtër dhe me Presidentin Ilir Meta, ku u theksua rëndësia e bashkëpunimit mes dy vendeve. Kjo është  vizita e parë e Contes në vendin tonë. Ndoshta jo paqëllim kjo vizitë do të zhvillohet pak ditë para vendimit të BE-së për negociatat me Shqipërinë.

(A.B. Dosja.al)

  • 18:45

    Meta pret në presidencë Conten: Italia partneri ynë strategjikë, arbëreshët urë bashkëpunimi

    Pas takimit dhe konferencës për mediat me Kryeminsitrin Edi Rama, Kryeminsitri i Italisë Giuseppe Conte, zhvilloi një takim me Presidentin, Ilir Meta. Takimi mes tyre ka qenë ka qenë pa praninë e medias dhe sipas zyrës së Presidentit, Kreu i Shtetit Shqiptar ka vlerësuar partneritetin strategjik me Italinë dhe falenderoi për mbështetjen e vazhdueshme që Italia i ka dhënë Shqipërisë ndër vite në proceset e integrimit euro-atlantik të vendit.

    Giuseppe Conte dhe Ilir Meta

    Më tej bëhet me dijes e Meta ka thënë se “ndjek me shumë vëmendje të gjithë debatin mbi vendimin që do të merret në Samitin e 17-18 tetorit për Shqipërinë dhe Maqedoninë e Veriut. Shpresojmë që qasja realiste e çeljes në parim të negociatave, për Shqipërinë dhe Maqedoninë e Veriut, të mbështetet nga të gjitha vendet anëtare”.

    Presidenti i Republikës vlerësoi faktin se Italia mbetet një nga partnerët kryesorë tregtarë të Shqipërisë. Gjithsesi, vijoi Presidenti, ne konsiderojmë që ka ende shumë mundësi për t’u përdorur në intensifikimin e mëtejshëm të bashkëpunimit ekonomik dhe shkëmbimeve tregtare. Në veçanti, presim një prani më të madhe të investitorëve italianë në Shqipëri, tha ai. “Një urë e fuqishme bashkëpunimi ndërmjet vendeve tona, janë komuniteti arbëresh dhe emogracioni shqiptar në Itali”, është shprehu Ilir Meta.

  • 17:44

    Rama lajmëron vizitë në Romë: Shumë shpejt marrëveshje me gjigant italian për kërkimin e naftës

    Kryeministri i Italisë Giuseppe Conte gjatë konferencës me Edi Ramën, i bëri një ftesë publike këtij të fundit.

    Në fjalën e tij Conte tha se Rama është i mirëpritur në Romë. Nga ana tjetër Kryeminsitri i Shqipërisë u shpreh se shumë shpejt do të bëhet publike marrëveshja me gjigantin italian për kërkimin e naftës.

    Së shpejti do të bëjmë publike një marrëveshje me një gjigant italian për kërkimin e naftës. Ashtu sikundër besoj se një harmonizim më i mirë i forcave dhe një punë e përbashkët më e fokusuar në disa drejtime patjetër që mund të na japë rezultate më shumë domethënëse. Prandaj e pranova ftesën për të vizituar së shpejti Romën për më shumë kohë për të shkuar në detaje në të gjitha për objektivat e përbashkët në interes reciprok” tha Rama.

  • 17:24

    Conte i vendosur: Do bëjmë ç’të jetë e mundur. Rama: Jemi në dashuri me Europën, s’marrim shembullin e Anglisë

    Kryeministri italian Giuseppe Conte në një konferencë për shtyp me homologun shqiptar Edi Rama ka shprehur mbështetjen e tij për çeljen e negociatave në vendin tonë. Ai u shpreh se do të bëj ç’të jetë e mundur që Shqipëria të marrë “Po-në” e saj më datë 18 tetor. 

    Nga ana tjetër, Rama i pyetur nga një gazetar italian se çfarë pret nga BE, tha se shqiptarët janë të dashuruar me Europën dhe nuk marrin shembullin e Britanisë së Madhe.  “Jemi në histori dashurie me Europën, me gjithë respektin për ta por nuk na shërben nga një shembull si Britania e Madhe për Europën. Është një marrëdhënie e fortë që ka një prejardhje të hershme,”-tha Rama. 

    PJESË NGA KONFERENCA:

    Pyetje: Në ç’mënyrë do ta mbështesni Shqipërinë?

    Conte: Si homazh për vendin që na mirëpret, Italia do të bëjë çfarë është e mundur për të nisur negociatat. Na duket se kjo është rruga më e përshtatshme për t’i ofruar popullit shqiptar një perspektivë. Është sfidë e madhe për popullin e institucionet, është e nevojshme për të marrë disa masa konkrete. Duhen një sërë reformash që të realizohen. Ne do të luftojmë për këtë gjë. Kuptohet se ka shumë vëshirësi por ne nuk heqim dorë.

    Pyetje: Britania po del nga BE, të tjerë duan që të hynë, çfarë prisni nga kjo Europë?

    Rama: Jemi në histori dashurie me Europën, me gjithë respektin për ta por nuk na shërben nga një shembull si Britania e Madhe për Europën. Është një marrëdhënie e fortë që ka një prejardhje të hershme. Ka shumë prej tyre që ushtrojnë pyetjen se si ka mundësinë që këta shqiptarë janë të tërhequr nga Europa. Për në Europa është ajo që është. Vijmë nga një epokë e largët në kohë. Ishim Korea e Verit të Europës. Përjetuam luftën. Historia nuk është film bardh e zi. Si anglezët që shohin Churchil bardhë e zi. Por ëndrra për ta parë Shqipërinë në vend të ligjit dhe të së drejtës. Nuk po kërkojmë një dhuratë, as lëmoshë por atë që na përket. Jo për t’u shëndrruar në anëtarë por për të çelur negociatat. Në përsëritje të të njëjtës histori, sepse do të ketë gjithmonë një kjo e ajo për krijimin e një alibie. Është e qartë që shumë prej vendeve do të kishin të njëjtin problem. I thashë edhe sot qytetarëve se më 19 dielli do të nisë sërish. Jeta është e bukur. Ky rrugëtim është për ne.

  • 17:17

    Conte: Do mbështes Shqipërinë, nëse shtyhet do zbehet dëshira, Rama më konfirmoi…

    Kryeministri italian Guiseppe Conte në një konferencë për shtyp me homologun shqiptar Edi Ramën ka folur për negociatat. Në fjalën e tij Conte tha se Shqipëria është në një fazë kyçe, i kërkohet përmbushja e reformave dhe institucionet të vazhdojnë reformat.

    Ditën e hënë do të mbështes çeljen e negociatave për Shqipërinë. Në interes jo vetëm të Italisë dhe Shqipërisë por edhe Europës. Shqipëria është në një fazë kyçe, i kërkohet përmbushja e reformave. institucionet të vazhdojnë reformat. Nëse shtyhet do të kemi një zbehje të kësaj dëshirë. Rama më konfirmoi që është i vendosur që të vijojë në këtë rrugetim. Maxhoranca dhe opozita kanë interes që të zgjidhin këtë krizë. Mazhoranca të jap një platformë për të zgjidhur krizën. Dialogu të zhvillohet pa prakushte. Shqipëria nuk e ka shfrytëzuar ende potencialin ekonomik. Duhen shfrytëzuar burimet natyre, potenciali i ri dhe pozicioni gjerografik. Shqipëria mund të kthehet pikë kyçe në rajon. Studentët shqiptarë janë integruar më së miri në Itali“, u shpreh Conte.

  • 17:00

    Negociatat, Rama: Është në interesin tonë dhe të tyre që procesi të shkojë para

    Kryeministri Edi Rama po zhvillon një konferencë për shtyp me homologun italian Conte. Rama tha se përtej faktit që Shqipëria dhe Maqedonia i kanë kryer detyrat e tyre. Është në interesin tonë dhe të tyre që ky proces të shkojë para.

    Për të dëshmuar një miqësi tradicionale dhe një vullnet për të thelluar bashkëpunimin e shkëlqyer mes dy vendeve. Padiskutim që vizita e Comtes është në kuadër të një javë shumë të rëndësishme të BE dhe Shqipërisë. Dua ta falenderoj kryeministrin që në kohereencë të plotë, për asnjë moment nuk është lëkundur në mbështetjen ndaj Shqipërisë në perspektivën e këtij rajoni në BE. Përtej faktit që Shqipëria dhe Maqedonia i kanë kryer detyrat e tyre. Është në interesin tonë dhe të tyre që ky proces të shkojë para. Ne nuk jemi këtu se na e kërkon Berlini, apo Parisi por sepse na e kërkon e ardhmja sepse ndërtojmë një shtet të së drejtës. Së fundit prekëm me kryeministrin aspektin e marrëdhënieve bilaterale. Marrëdhëniet janë pa asnjë shqetësim, qasëm faktin që procesi i reformën në drejtësi përbën një shtyllë të fortë mbështetëse për rritjen e këtij bashkëpunimi. Dua ta falenderoj edhe njëherë kryeministrin“, u shpreh Kryeministri. 

  • 15:55

    Conte mbërrin në Shqipëri, pritet me ceremoni shtetërore. Takim kokë më kokë me Ramën

    Kryeministri i Italisë, Giuseppe Conte ka mbërrituer në Shqipëri dhe pas ceremonisë pritës po zhvillon një takim me Edi Ramën.

    Pritja për kryeministrin e Italisë dhe delegacionin që e shoqëronte është bërë në Pallatin e Brigatave, me një ceremoni shtetërore.

    Pas luajtjes së himneve të dy shteteve, Rama dhe Kconte kanë bërë dhe një foto së bashku dhe më tej nisën takimin.

    Sipas informacioneve mësohet se pas takimit kokë më kokë do të ketë dhe një konferencë të përbashkët për shtyp.

     

Shto Koment