Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË– Lufta që ka shpërthyer në Ukrainë, e masat e sanksionet e ndërmarra kundër Rusisë kanë stimuluar një krizë ekonomike në të gjithë Europën, goditjen e të cilës e ndjejmë dita-ditës. Gazi, çmimi i energjisë elektrike, karburanti por edhe produktet e shportës kanë bërë që çmimet të shkojnë kacafiu duke shënuar inflacionin më të madh deri më tani. Sidomos që pas pandemisë së koronavirusit. Liderët europianë do të mblidhen që të marrin masa për të mbrojtur “xhepat” e qytetarëve të tyre, ndërkohë që qeveria jonë ka punë të tjera.
Kyriakos Mitsotakis ka premtuar se brenda 10 ditëve do të dalë me një plan për të mbrojtur qytetarët e tij, ndërsa Rama aktualisht ndodhet në Dubai, ku do të mbajë një fjalim për çështje intelektuale që shqetësojnë atë dhe vetëm atë. Por të mos krahasohemi me Greqinë, marrim më mirë Serbinë. Ç’ka bërë vëllai ynë Aleksandër Vuçiç për popullin e tij? Si po i mbron nga kriza? Pa ia kërkuar askush, ai doli në një konferencë për mediat, Vuçiç bëri me dije se ka blerë për vendin e tij naftë të mjaftueshme për 2 muaj.
“Kemi naftë për dy muaj! Epo, o njerëz, ju që nuk e dini se çfarë do të thotë kjo, sot në botë nuk ka as 10 vende në botë që kanë kaq shumë rezerva. Ne nuk blejmë asnjë litër naftë për dy muajt e ardhshëm,“-tha presidenti Aleksandër Vuçiç. Por nuk mjaftoi me kaq. Presidenti serb Aleksandër Vuçiç tha se Serbia ka edhe rezerva gruri dhe misri, duke zbuluar se vendet e rajonit i kanë kërkuar për të blerë grurë e vaj.
“Kemi 800 mijë ton grurë dhe një milion ton misër. Ka kaq shumë mani për grurin në rajon, sepse çdo vend dëshiron të sigurojë bukë për popullin e tij. Por ne duhet t’i masim furnizimet çdo ditë që njerëzit të mos mbeten pa bukë. Në vetëm një ditë, kërkesa për vaj ushqimor në rajon u rrit me 109 për qind! Ne kemi gjithçka, kripë, vaj, sheqer, miell, më shumë se sa duhet, që do të thotë më shumë se nevojat reale të Serbisë. Njerëzit nuk duhet të nxitojnë askund, për të blerë, na mjafton vaji dhe ushqimi, gjithçka…,”-shtoi ai.
Po ashtu ai shtoi se Serbia ka mjaftueshëm naftë dhe rafineria punon gjatë gjithë kohës. Vuçiç tha se çmimi i naftës për fermerët do të mbetet i pandryshuar dhe se për t’i mbrojtur konsumatorët nga çmimi i tepërt i karburantit, shteti do të heqë dorë nga 20 për qind e akcizës, që është një humbje mujore prej 35 milionë eurosh. Pra ka hequr akcizën, që në Shqipëri do të zbriste jo pak por 50 lekë për litër.
Pra përmbledhim: ka blerë naftë, grurë, vaj sheqer, kripë, gjithçka! Po mbron edhe fermerët duke i hequr akcizën, në mënyrë që ata të kenë mundësi të mbjellin sërish për të ardhmen. Këtu fermerët e blektorët po shesin dhe ato që kanë. 270 lekë për litër naftë nuk ua vlen barra qeranë, jo të mbjellin por as ta mendojnë si ide. është rregulli numër një i biznesit; nëse nuk ke fitim, lëre!
Por edhe pse nuk ka marrë absolutisht asnjë masë, veçse këshillave për të ecur në këmbë, Rama na inkurajon si askush tjetër. Kur flasim për mallrat e kaburantin, i ka mbetur mendja akoma tek energjia elektrike. Akoma me këtë mburret!
“Këtë luftë nuk e ka zgjedhur Shqipëria dhe ne shqiptarët as nuk e ndalim dot, as nuk shmangim dot. Duhet vetëm ta përballojmë me kurajo, besim dhe durim. Të bashkuar jo të ndarë,”-shkruan Rama ndër të tjera. Mirë e ka që na jep kurajo, por ç’do hamë është pyetja? Ose më saktë, do kemi mundësi për të blerë ndonjë gjë për të ngrenë me kohët që do vijnë? Mesiguri Rama këto po i mendon të gjitha rrugës në avion, duke shkuar e duke u kthyer për në Dubai. Mbi re, mendohet më mirë, më kthjellët!
Jo vetëm Vuçiç por edhe kryeministri i Kosovës, Albin Kurti ndërhyn në treg, gjë që sipas Ramës nuk bëhet! Qeveria e Kosovës vendosi një kufi në çmimet për shitjen me shumicë dhe pakicë të naftës dhe derivateve të saj. Në këtë vendim thuhej qëllimi është mbrojtja e konsumatorëve dhe aty përcaktohen çmimet shitëse maksimale për tregtarët e naftës me shumicë dhe pakicë. Jo vetëm kaq, por qeveria e Kosovës detyroi të gjitha depozitat dhe pikat shitëse të naftës dhe derivateve të naftës, të mbajnë në çdo kohë në stoqe/rezerva së paku 5% të kapaciteteve të tyre, për qëllime të rezervave emergjente. Siç na duhen tani për të mos blerë shtrenjtë.
“Te shitësit me shumicë vendoset marzha më e lartë tregtare deri në 4% të çmimit të shitjes; Te shitësit me pakicë vendoset marzha më e lartë tregtare deri në 6% të çmimit të shitjes.”
Në vendin tjetër fqinjë, Maqedoni e Veriut, nuk janë marrë masa drastike, por të paktën Inspektorati Shtetëror i Tregut deri më tani nuk ka hasur në asnjë parregullsi gjatë kontrolleve nëpër markete dhe nëpër pompat e benzinës. Nuk kanë marrë asnjë masë, por të paktën janë në terren e kontrollojë. Ndërsa nga ana tjetër, kryeministri grek, Kyriakos Mitsotakis premto se do të hartonte një program për të mbështetur qytetarët, prodhuesit dhe fermerët pas shtrenjtimit të papritur të çmimit të energjisë elektrike dhe karburanteve. Gjatë fjalës së tij në mbledhjen e qeverisë, kryeministri grek Mitsotakis i bëri thirrje tregtarëve të karburanteve që të mos spekulojnë në këtë periudhë të vështirë për vendin duke rritur çmimet në mënyrë të paarsyeshme.
“Armiku ynë nuk është vetëm lufta, por spekulimet në tregun e gazit dhe naftës”, tha kryeministri para kabinetit qeveritar mesditën e sotme sipas Protothema. Gjithsesi Greqia është vend sërish me probleme, Mali i Zi është shumë më lirë. Nga e hëna, çmimet e karburanteve në Mal të Zi janë 20 cent më të larta, kështu që në komisionet parlamentare është dërguar propozimi i Qeverisë për uljen e akcizave për 20%. Që çmimet të mbeten të njëjta, akciza duhet të ulet me rreth 40 për qind, ndërsa aktualisht një litër naftë kushton nga 1.65 deri në 1.7 euro, ndërsa benzina rreth 1.8 euro për litër.
Këto do të ishin çmime që janë rreth 50 për qind më të larta se një vit më parë. Akciza për naftën është tashmë 44 cent për litër dhe për benzinën 55 cent, në mënyrë që kjo masë, nëse miratohet propozimi, me pjesën përkatëse të TVSH-së për këtë shumë, mund të ulë çmimet e karburantit nga 11 deri në 13 cent për litër. Megjithatë, kjo ulje e akcizës mund të përgjysmojë rritjen e pritshme të çmimit të karburanteve.
Por pavarësisht tyre, ai ritheksoi angazhimin e qeverisë për të mbështetur qytetarët. Mos vallë Serbia, Mali i Zi, Greqia, Kosova janë vende diktatoriale? Se Rama këtë pretendim përmend sa herë dikush i ankohet për çmimet. Po dikush a përgjigjet për çimet që vendosen, apo…?
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË- Ish-kryeministri Sali Berisha ka renditur tre kërkesat që ka për Qeverinë Rama. Në një konferencë për gazetarët, Berisha, duke folur si kryetar i P...
TIRANË-Kryeministri Edi Rama ka reaguar sërish për krizën energjitike. Me anë të një postimi në Facebook, kreu i qeverisë shkruan se Shqipëria nuk prodhon ...
TIRANË– Kryeministri Edi Rama u ka thirrje qytetarëve shqiptarëve që të bashkohen për të përballuar krizën por nuk ka bërë me dije asnjë plan të marr...
GJIROKASTËR– Puna për rehabilitimin e venddepozitimit të plotë të mbetjeve në Gërhot, në Gjirokastër ka nisur. Punimet për venddepozitimin e mbetjeve...
TIRANË– Grida Duma ka dhënë dorëheqjen nga posti i nënkryetares së Partisë Demokratike! Ky është vendimi që deputetja ka ndarë me publikun pas humbje...
Çmimet e naftës në Shqipëri kanë shënuar rritje të hovshme brenda natës, duke arritur të mërkurën në nivel rekord prej 260 lekësh (2.03 euro) për litër n...
TIRANË– Sali Berisha do të garojë sërish për kreun e Partisë Demokratike! Këtë e ka bërë me dije vet ëish-kryeministri gjatë një konference për shtyp...
TIRANË– Lëvizja Socialiste për Integrim ka paraqitur pranë Kuvendit nismën ligjore për uljen e çmimit të karburanteve. LSI kërkon nga qeveria ...
Më 2 mars, Këshilli i Ministrave shpalli vendimin për dhënien në përdorim të një zone bregdetare në Dhërmi për një periudhë 30-vjeçare në favor të kompan...
TIRANË– Ambasada amerikane ka sqaruar të gjithë qytetarët amerikanë për periudhën që duhet të qëndrojnë në Shqipëri. Me anë të një njoftimi në rrjete...
