Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Mos besoni lehtësisht në dhënien e kartës së identitetit, qoftë edhe sikur ata të jenë miqtë tuaj e t’ju kërkojnë ndihmë. Një student këmbëngul në polici se u mashtrua nga një i njohur që në bisedë e sipër, i ka qarë hallin duke i thënë: “Më kanë ardhur lekë nga jashtë shtetit, më ndihmo t’i tërheq, ma jep pak kartën e identitetit dhe do të jap 20 mijë lekë”.
Çështja, e cila ka përfunduar në një procedim që po ndiqet nga seksioni për hetimin e krimit financiar, bazohet në denoncimin e shtetasit D.C., që ndjek studimet në degën e inxhinierisë.
I riu, tha në polici në fillim të këtij muaji, se mashtrimi me kreditë i ka ndodhur përgjatë vitit 2019, por ai e kuptoi të gjithë skenarin dy vite më vonë.
“Jam student dhe jam në kushte jo të mira ekonomike dhe kur ma kërkuan kartën, u mendova pak, pastaj ia dhashë, të njëjtën gjë kishin bërë edhe shokët e mi dhe nuk kishin pasur probleme”, – kujton studenti, që gjatë asaj kohe i ka rënë shkurt dhe është joshur nga pagesa prej 20 mijë lekësh që do t’i jepej për “nderin” që bëri.
“Pasi ramë dakord, – vijon më tej i mashtruari, – më prezantuan me një vajzë me emrin I.R., e cila më kërkoi një fotografi të kartës së identitetit dhe një fotografi të kartës së identitetit të babait, pasi sipas saj, duhej për saktësimin e të dhënave në bankë”.
I riu ka ndjekur këshillat për të ndihmuar personin që do t’i hidheshin para nga jashtë vendit. Ka hapur një llogari në bankë pranë një filiali të njohur. Sipas burimeve të Gazetasi.al, ajo që ka ndodhur më pas, u bazua në komunikimet në ‘whatsapp’, në të cilën vajza në fjalë e njoftoi: “Paratë janë hedhur në bankë dhe duhet të shkojmë së bashku t’i tërheqim”.
Studenti është paraqitur pas bisedave vijuese pranë njërës prej këtyre filialeve, ku vajza, e shoqëruar nga një shtetas, i ka thënë se aty njihte njerëz dhe mund të tërhiqeshin vlerat monetare.
“Shkuam me makinën e saj pranë “rrugës së Elbasanit” dhe aty tërhoqëm 6.5 milionë lekë. Brenda në bankë ishte kjo vajza bashkë me të shoqin dhe kur mbaroi procedura, zbritën në parking, ku mbërriti një person tjetër që ishte hera e parë që e shihja dhe që u prezantua si L.D.”, – denoncon sipas burimeve të Gazetasi.al studenti i inxhinierisë.
Këtij shtetasi i është dorëzuar shuma e tërhequr në bankë dhe për punën e kryer, i riu është shpërblyer me 20 mijë lekë.
“Më pas, ky person u largua me makinën e vet, kurse vajza me bashkëshortin më morën në automjet dhe më lanë aty ku më morën”,– kujton D.C.
Teksa koha ka rrjedhur dhe ai i ka ndërprerë komunikimet me vajzën dhe miqtë, dy vjet më vonë, në shtëpinë ku jetonte me qira i ka mbërritur një zarf, bëjnë me dije burimet policore të Gazetasi.al.
“Zarfi mbante adresën e institucionit mikro-financiar, që më informonte se isha debitor i një kredie të marrë që kishte shkuar 6.8 milionë lekë dhe që bazohej në kontratën noteriale numër 4.105 dhe që mbante datën 17 qershor 2019. Bashkëlidhur zarfit, ishte edhe kontrata e kredisë”, – thekson në ankesë i mashtruari.
Policia shton se pas verifikimeve, ka zbuluar se babai i të riut nuk ka firmosur asnjëherë në këtë procedurë dhe as i riu nuk ka qenë asnjëherë para noteres.
“Të vetmet dokumente që kam firmosur, ishin ato të tërheqjes së parave, që më thanë se ishin transferta nga jashtë shtetit dhe aspak një kredi, si rezultat unë s’kam marrë kredi dhe as babai s’ka qenë ndonjëherë dorëzanës”, – i thotë policisë studenti.
I bindur se është mashtruar dhe se dokumentet janë falsifikuar, ai kërkon që njerëzit të cilët i kërkuan ndihmë, të përfundojnë në burg. Kjo skemë është përdorur edhe më herët, duke mashtruar shtresat në nevojë për kredi konsumatore, për të cilën më pas përfunduan mbi dhjetë persona nën akuzë.
“Jam i bindur se ata janë një grup njerëzisht, përfshi noteren që ka vulosur për këtë vajzën që njihte shoku im. Ata më mashtruan se do tërhiqja lekë që vinin nga jashtë dhe përfituan nga mirëkuptimi im”, – lutet studenti. Ndërkohë, që në krah të tij ka dalë dhe i ati, thotë policia për Gazetasi.al.
“Më telefonoi një person nga banka dhe më tha se kisha dalë dorëzanës për kredinë e djalit tim. Mbeta i habitur, pasi kam një biznes familjar prej 28 vitesh dhe në jetën time s’kam marrë ndonjëherë kredi. Më pas pyeta djalin dhe pasi bëra kërkimet përrreth djalit, kuptova se janë një grup i madh shokësh që kanë rënë pre e këtij mashtrimi të madh financiar”.
Edhe kryefamiljari insiston, se një grup sekserësh e noterësh, kanë mashtruar dhe se krimi ekonomiko-financiar duhet të marrë nën përgjegjësi autorët.
Marrë nga Gazeta “Si”
Cila mendoni se është alternativa më e mirë:
TIRANË– Policia e Tiranës ka marrë masa kundër tubimit që do të zhvillohet ditën e sotme përballë kryeministrisë kundër vizitës së kryeministrit Serb...
TIRANË– Kryetari i Partisë Demokratike Lulzim Basha u përfshi në një debat me tone të larta me ministren e shtetit Elisa Spiropalin. Kryedemokrati Lu...
TIRANË– Kryeministri Edi Rama do të bëhet mikëpritësi i takimit të sotëm në kuadër të nismës së “Open Ballkan”. Në një kohë kur në Tiranë janë paralajmërua...
GREQI– Vendimi i Gjykatës së Gjirokastrës për shkakun e vdekjes së minoritarit grek, Kostandinos Katsifas, është vënë në mëdyshje nga mediat greke.‘...
SHKODËR– Artan Gjuzi, avokati mbrojtës i Arsen Stojkut, i cili bashkë me Mislim Ramën, akuzohen si bashkëpunëtorë në vrasjen e vëllezërve Bilali në q...
TIRANË – Një marrëveshje në kuadër të nismës “Ballkani i Hapur” është nënshkruar ditën e sotme në mbledhjen e qeverisë. Ministrja e Bujqësisë, Frida Krifca...
TIRANË – Mbi 200 forca policie do të angazhohen sot për mbrojtjen dhe garantimin e sigurisë në kuadër të protestës së paralajmëruar nga ish-Kryeminis...
TIRANË – Kreu i Prokurorisë së Posaçme kundër Korrupsionit dhe Krimit të Organizuar (SPAK), Arben Kraja ka ironizuar kryedemokratin Lulzim Bas...
TIRANË– Mesazhe të forta nga ndërkombëtarët lidhur me Drejtësinë në vend. Në 2-vjetorin e ndarjes së certifikatave për agjentët e Byrosë Kombëtare të...
TIRANË– Ambasadorja amerikane në Shqipëri, Yuri Kim e konsideron vitin 2021 si vitin e kthesës së Shqipërisë në luftën kundër krimit dhe korrupsionit...
