Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Nga Daniel Eskibel (Psikolog, Këshilltar politik. Ekspert i psikologjisë së votuesve.)
Jetojmë të zhytur në një oqean historish. Ato që prindërit u tregojnë fëmijëve përpara se të flenë. Ato që tregohen kur mblidhen familjet dhe miqtë. Ato që shihen në televizor dhe në kinema. Ato që lexohen nëpër libra dhe në revista. Ato që kujtohen mes një çifti. Ato që tregohen në reklama. Histori nga të gjitha anët dhe në çdo moment. Miliona histori.
Përse?
Shumë e thjeshtë: sepse truri i njeriut ka nevojë për historitë. Ka nevojë për to me të njëjtën domosdoshmëri që një peshk ka nevojë për ujin. Sepse pa histori asfiksohet, mbytet, thahet, vdes. Truri i njeriut ka nevojë për histori për 4 arsye:
Për t’i dhënë kuptim realitetit, për të ndërtuar kuptimet. Në fund të fundit, realiteti është gjithmonë plot kontradikta, kompleksitete, zona të paqarta, të errëta. Dhe historitë formatojnë këtë realitet e i japin atij një strukturë brenda trurit.
Për të mësuar, për të ditur. Dija që transformohet në histori është shumë më e thjeshtë për t’u kuptuar, artikuluar, menduar dhe mbajtur mend.
Për të ndarë. Një histori magnetizon, tërheq, mbërthen vëmendjen e të tjerëve.
Për të provokuar emocione. Identifikimi psikologjik me një personazh në një histori ose me ndonjë nga ngjarjet që ai ka për të jetuar, çon drejtpërdrejt në ndikime, në emocione. Historia na bën të ndjejmë emocione ndërsa ajo zhvillohet. Shkurtimisht: kur tregojmë histori komunikojmë më mirë. Sepse ne po i japim trurit atë që i duhet, atë që ai dëshiron. Historitë janë oksigjeni i tij, fjala e tij, jeta e tij. Për më tepër, historitë strukturojnë vetë trurin. Ato e formatojnë atë. Po cila është historia që duhet të tregohet në një fushatë elektorale?
Një fushatë elektorale është një betejë komunikuese. Një betejë me një fillim, një zhvillim dhe një fund. Dhe për të punuar në sintoni me trurin e votuesit, fushata duhet të konceptohet si një histori e vërtetë.
Fushata elektorale duhet të jetë, pra, një histori. Duhet të tregojë një histori të mirë. Një histori që të jetë si ato kutitë kineze që futen mrekullisht brenda njëra-tjetrës. Një histori që në të vërtetë përfshin 3 histori:Tregon historinë e një shoqërie dhe të një partie.
Tregon historinë e një qeverie.
Tregon historinë e një kandidati
Tregon historinë e një shoqërie dhe një partie.
Në fakt është një histori që ndërthur 2 histori të ndryshme, por plotësuese të njëra – tjetrës. Dhe është e nevojshme sepse asnjë fushatë elektorale nuk ndodh në boshllëk, sepse është gjithashtu një histori që krijon një horizont kohor që çdo tru ka nevojë ta lokalizojë vetveten dhe sepse gjithashtu forcon ndjenjën e përkatësisë në një tufë, një grup, një entitet mbi- individual.
Mos është një histori tepër e gjatë dhe tepër komplekse?
Epo, duhet ta ktheni atë në një histori të thjeshtë dhe të kuptueshme.
Tregon historinë e një qeverie.
Gjithmonë ekziston një qeveri në kujtesën e fundit të elektoratit. Gjithmonë. Sepse ekziston gjithmonë një qeveri në ikje, një qeveri që përfundon mandatin e saj dhe veprimet e së cilës janë më të freskëta. Të tregosh historinë e asaj qeverie në largim është të formosh perceptimin e publikut për atë qeveri. Cili kandidat nuk dëshiron ta bëjë këtë?
Disa do të thonë se ndonjëherë nuk na leverdis të tregojmë historinë e qeverisë në ikje. Ata do të thonë se më mirë është të tregohen historitë për dobësitë e opozitës, për mangësitë e qeverive të tjera paraardhëse, por jo të qeverisë së fundit. Por kjo ndodh vetëm atëherë kur qeveria në ikje nuk ka suksese për të treguar.
Sidoqoftë, edhe në këto raste, ia vlen të tregohet kjo histori. Sigurisht që do ta lidhni historinë sipas këndvështrimit që ju keni. Dhe përpiquni ta bëni historinë tuaj si historinë mbizotëruese.
Sepse nëse këtë histori nuk e tregoni ju vetë… atëherë do ta tregojnë të tjerët. Ata. E kuptoni? ATA. Në mënyrën e vet, natyrisht.
Tregon historinë e një kandidati
Biografia mund të jetë një mjet i jashtëzakonshëm për bindjen elektorale. I jashtëzakonshëm. Për shkak se është një histori thelbësore për psikologjinë e votuesit, të atij votuesi i cili kërkon diçka të paprekshme tek kandidati i tij.
Çfarë kërkon votuesi te kandidati? Përtej ideve, arsyetimeve dhe konjukturave, çfarë është ajo që e lëviz nga thellësia e psikikës së tij drejt takimit me një kandidat? Ai drejtohet nga kërkimi i pavetëdijshëm për një reflektim të vetvetes. Votuesi kërkon tek kandidati një pasqyrë të përmirësuar të vetvetes. Mos harroni: një pasqyrë të përmirësuar të vetvetes.
Votuesi dëshiron ta shohë veten tek politikani. Por ai dëshiron të shikojë një vetvete të përmirësuar. Dhe kjo sigurohet nga një biografi e ndërtuar mirë dhe e komunikuar mirë. Në këtë mënyrë historia krijon besim dhe zgjon emocione.
Mund të thuhet se ato për të cilat votohen janë idetë, projektet, modelet …
Por jo.
Njerëzit votojnë për njerëzit me mish dhe gjak. Dhe humanizojnë në ta idetë e tyre, projektet e tyre, modelet e tyre.
Fushata elektorale si një luftë historish.
Fushata elektorlae është luftë historish. Një luftë që ka 3 beteja: historia për një shoqëri dhe një parti, historia për një qeveri dhe historia për një kandidat.
Tregim. Histori. Rrëfime
Ky është thelbi i fushatave elektorale.
Ai që fiton është ai që e përshkruan më së miri rrëfimin e tij në trurin e votuesve.
*Përktheu Meri Lika për Dosja.al
Rama është propozuar për president nga disa deputetë socialiste, mendoni se:
TIRANË– Policia ka proceduar në hetim të lirë tre simpatizantë të Partisë Demokratike në Maliq, pasi u përfshinë në një incident mbrëmjen e djeshme, ku nda...
TIRANË- Kandidati i Partisë Demokratike në Dibër, Xhelal Mziu i është përgjigjur kryeministrit Edi Rama, i cili dje, në reagimin pas ndjesës publike të Mzi...
TIRANË– Kandidati i Partisë Demokratike në Korçë, Edmond Spaho ka bërë të ditur se janë ndaluar tre makina në fshatin Podgoricë. Ai ka ndarë një vid...
TIRANË- Ambasadorja amerikane Yuri Kim ka “thyer” heshtjen zgjedhore duke zhvilluar sot një takim politik me kryetarin e Partisë Demokratike, Lulzim Basha....
TIRANË–Në ditën që quhet ‘Heshtje Zgjedhore’, presidenti Ilir Meta ka dalë në një konferencë për mediat, aty ku preku çështjen e masakrës së Elbasan...
TIRANË– Ish-kryeministri Sali Berisha ka shpërndarë një foto të “shoëgirl-it” amerikan, Kim Kardashian. Kim ka shkrepur një selfie nga dh...
TIRANË– Nesër Shqipëria do të zgjedhë përfaqësuesit e saj në Kuvend për 4 vitet e ardhshme. Procesi ka marrë vëmendjen e të gjithëve, veçanëri...
TIRANË– “Tërheqja e veshit” që ambasadorja amerikane në Shqipëri, Yuri Kim i bëri presidentit Ilir Meta ka pasur ndikim të madh në rrjete...
TIRANË– Kryedemokrati Lulzim Basha ka folur sërish për kohën kur studionte në Holandë dhe hobet e tij. I ftuar në emisionin “Zonë e lirë”...
