Politike

MBYLLET PROCESI/ Numërohen 100% të kutive të votimit në vend! 12 qarqet konfirmojnë fituesit, PS-ja ‘rrëmben’ mandatin e tretë! PD prin në Veri, LSI ‘gropë’ kudo (MANDATET)

  • PJESA E PARË/ Numërohen gjysmat e kutive të votimit në vend! PS-ja me diferencë të lehtë! PD-LSI në rritje
  • PJESA E DYTË/ Numërohen 60% e kutive të votimit në vend! PS-ja me diferencë
  • Ndiqni këtu rezultatet e procesit të numërimit të votave për kandidatët
  • SPAK, vë nën hetim 33 persona pas zgjedhjeve të 25 prillit: Kush ka informacione për korrupsion, t’i sjellë
  • SKEMA që ndiqet për të zbuluar partinë dhe kandidatin që votuat, numri serial i fletës shërben për t’ju identifikuar
  • SKEMA që ndiqet për të zbuluar partinë dhe kandidatin që votuat, numri serial i fletës shërben për t’ju identifikuar
  • Mbyllet procesi i numërimit të votave në vend! Në bazë të numërimit të votave, Partia Socialiste rezulton forcë e parë me 48.48%, duke marrë 74 mandate. E dyta është Partia Demokratike me 59 mandate, ndërsa LSI ka shënuar rënie drastike, vetëm me 4 mandate
    Featured image of article: MBYLLET PROCESI/ Numërohen 100% të kutive të votimit në vend! 12 qarqet konfirmojnë fituesit, PS-ja ‘rrëmben’ mandatin e tretë! PD prin në Veri, LSI ‘gropë’ kudo (MANDATET) Foto nga procesi i numerimit
    Përditësuar:

    TIRANË– Janë numëruar të gjitha kutitë e votimit në të gjitha qarqet e vendit! Forcë e parë sipas rezultateve të votave është Partia Socialiste, e cila ka ‘mbuluar’ në lejla pjesën e Jugut, ku mori 74 mandate gjithsej. PS arrin marrjen e mandatit të tretë me 760876 vota  (48.63 %),  duke u bërë kështu partia e parë që do të qeverisë për tre mandate radhazi. Partia Demokratike u favorizua mjaf në zonën e Veriut të vendit, ku ka ruajtur bastionet e saj në veri me Kukësin, Lezhën, Shkodrën, dhe Dibrën edhe pse te kjo e fundit diferenca ka qenë shumë e ngushtë me PS-në. PD arriti të sigurojë 59 mandate me 617538 vota (39.47 %). Lëvizja Socialiste për Integrim doli jashtë çdo pritshmërie, ku mori vetëm 4 mandate nga 19 që ka pasur në zgjedhjet e kaluara. LSI mori 106657 vota (6.82 %) në rang vendi. Partia Socialdemokrate ishte surpriza e këtyre zgjedhjeve! Me 35245 vota (2.25 %), PSD arriti të marrë 3 mandate.

    Qarqet, Berat, Vlorë, Gjirokastër, Fier, Elbasan, Tiranë, Durrës, Korçë dhe Fier janë në favor të Partisë Socialiste duke u ngjyros lejla në hartë, ndërsa Veriu i Shqipërisë me qarqet, Diber, Kukës, Shkodër dhe Lezhë janë në favor të PD-së.

    12 qarqet kanë konfirmuar fituesit!

    E para që ‘vulosi’ fitoren e PD-së ishte Kukësi, ku janë numëruar të 141 qendrat e votimit. PD arriti të marrë 62.27 % të votave krahasuar me 35.84 % të PS. LSI Nuk ka marrë dot as 0.2 % të votave.

    Në 207 qendrat e votimit në Gjiroakstër janë hapur kutit dhe janë numëruar votat, të cilët nxjerrin fitues Partisë Socialiste me 53.83 % të votave. Forcë e dytë në këtë qark është PD me 30.66 % të vota, e ndërsa LSI 12.68 %.

    Edhe në qarkun e Dibrës është mbyllyr tashmë procesi i numërimit të 227 kutive. Partia Demokratike ka marrë 28.920 vota ose 45.75%. Diferenca me PS ka qenë shumë e vogël, ku socialistët kanë marrë 28.732 vota ose 44.50%. LSI ka marrë 4.446 vota ose 6.7 %. Rezultati midis PS dhe PD ishte i ngushtë.

    Qarku i Vlorës ruajtu bastonin e saj historik për PS-në! Janë numër numëruar 445 kutitë e votimit ku forcë e parë ka dalë Partia Socialiste me 57.91% të votave, e përkthyer në 59.023 vota. Forcë e dytë është Partia Demokratike me 32128, 31.52% të votave , e fundit LSI me 6.08% të votave. 

    Berat Partia Socialiste kryeson rezultatet. Me 56% të votave,  PS tashmë ka vulosur fitoren në këtë qark, ndërsa Partia Demokratike ka marrë 30.46%. LSI ka rënie me 11,10% të votave. 

    Në qarkun e Korçës fituese është shpallur PS me 60542 vota në total (48.88%), e ndjekur nga PD me 50479 vota(40.78%). LSI arriti të grumbullojë vetëm 8488 vota (6.86%).

    Për më shumë bëhu pjesë e grupit më viral në Facebook, Dosja.al

    Edhe në qytetin e Shkodrës janë numtuar të 441 kutitë e votimit, ku qarkun e fiton Partia Demokratike me 47,209 vota (43.8%), e ndjekur nga PS me 30.296 (28.1%). Forcë e tretë në Shkodër renditet PSD me 16,426 vota (15.2%), duke lënën në hije LSI që ka marrë 10.102 vota (9.3%).

    Qarkun e Elbasanit e ka marrë bindshëm Partia Socialiste me 85,690 (55,19%), e ndjekur nga PD me 57.562 vota (37.08%). Pas ka mbetur LSI me 6.855 (4.42%). 

    Është mbyllur numërimi i votave në qarkun e Lezhës, ku PD ka dalë fituese, duke marrë 47.53% të votave, ndjekur nga PS me 37.99% të votave. LSI ka mundur të marrë vetëm 10.26% të votave. Përkthyer në mandate, PD ka marrë 4 mandate, PS 3, ndërsa LSI nuk ka mundur të sigurojë asnjë mandat.

    Fier janë numëruar të gjitha kutitë e votimit (580). PS merr një fitore bindëse dhe ruan bastionin e saj. PS ka marrë 52.7% PD ka një rritje të lehtë me 37.27 % të votave, e ndërsa LSI ka marrë 7.10%.

    Edhe në Durrës kryeson Partia Socialiste. Aty janë numëruar 481 kuti dhe 76924 vota janë për PS-në, 50.26 % kurse 63431 janë për PD-në,41.45 %.

    Tiranë janë numëruar 1243 kuti, 48.50 % prej të cilave kanë shkuar për Partinë Socialiste. Kurse 39.23 % kanë shkuar për PD-në, Në kryeqytet ka marrë edhe LSI-ja dy mandate me 6.00 % të votave, dhe PSD-ja një mandat me 2.88 % të fletëve të votimit.


    Nga të gjithë kutitë e hapura është vënë re një trend; PS dhe LSI kanë pësuar rënie në elektorat, ndërsa PD ose ka rritje, ose nuk ka humbur asnjë votë nga zgjedhjet e 2017.  Edhe në ato që mund të cilësohen si bastione të sigurta të PS-së, socialistët kanë shënuar rënie në rezultat, duke i krahasuar shifrat me ato ç’ka fituan në vitin 2017. Po ashtu të njëjtin trend por edhe më drastik ka LSI-ja. Mesa duket dy forcat e majta nuk kanë punuar mjaftueshëm me bazat duke i cilësuar si të sigurta, por rezultatet tregojnë se kanë gabuar.

    (kle.mu;f.m/dosja.al)

    • 16:22

      Përfundon numërimi i votave! Celibashi: Nesër fillon numërimin për kandidatët

      Kryetari i Komisionit Qëndror të Zgjedhjeve, Ilirjan Celibashi ka njoftuar se sot ka përfunduar numërimi i votave për subjektet zgjedhore. Më tej, bëhet e ditur se ditën e nesërme në orën 09:00 do të nisë numërimi për kandidatët. Ndërsa për ato KZAZ ku ka filluar ose pritet të fillojë numërimi, do të vazhdojë nga sot deri në orën 24:00 dhe do të rifillojë nesër në orën 09:00.

      NJOFTIMI:

      Sipas të dhënave elektronike të orës 14:00 ka përfunduar tërësisht procesi i numërimit dhe i vlerësimit të fletëve të votimit për partitë politike, koalicionet dhe kandidatët e pavarur për qarqet Shkodër, Lezhë, Kukës, Fier, Elbasan, Gjirokastër, Korçë, Dibër, Berat & Vlorë. Për qarqet Tiranë dhe Durrës procesi ka përfunduar në 11 VNV (vendnumërime), janë ende në proces në 13 VNV ose 270 QV.Procesi i numërimit të votave për kandidatët ka përfunduar në 12 VNV dhe ka filluar 23 të tjera. Pjesëmarrja në zgjedhje pas përfundimit të numërimit të 4922 QV, është 45,72% (kanë votuar 1551921 zgjedhës ndër 3.393.748 që janë në listat e zgjedhësve të QV të numëruara). Komisioneri Shtetëror i Zgjehdjeve, z. Ilirjan Celibashi ka udhëzuar që për ato KZAZ që kanë përfunduar numërimin e votave për subjektet zgjedhore, të fillojnë numërimin për kandidatët nesër, datë 28 prill 2021 në orën 9:00. Në ato KZAZ ku ka filluar, ose pritet të fillojë numërimi i votave për kandidatët, numërimi do të vazhdojë sot deri në orën 24:00 dhe do të rifillojë nesër në datën 28 prill 2021, në orën 9:00.

    • 16:07

      Përfaqësuesit e PS dhe PD nuk vijnë, bllokohet numërimi në Patos

      Numerimi

      Procesi i numërimit të kandidatëve në Patos është ndërprerë, pasi përfaqësuesit e Partisë Demokratike dhe Lëvizjes Socialiste për Integrim nuk janë paraqitur në KZAZ.Në KZAZ-në 60, të bashkisë Patos, pritet një vendimmarrje për mënyrën si do të vazhdojë procesi. Gazetari i Top Channel, raporton se do te njoftohen numëruesit dhe vëzhguesit e subjekteve politike që mungojnë, nëpërmjet përfaqësuesve të tyre në KZAZ dhe në rast se nuk paraqiten, do te nisë numërimi vetëm me numërues të Partisë Socialiste.

    • 12:56

      Fiton PS në Berat, lë pas me diferencë të theksuar votash Partinë Demokratike

      Partia Socialiste ka dalë triumfuese në Berat.  Mësohet se ka përfunduar procesi i numërimit të kutive dhe PS ka marrë 42355 vota duke lënë pas Partinë Demokratike me 23038 vota. Ndërsa LSI ka marrë 8394 vota, si pasojë i është djeguar një deputet për vetëm 10 vota.

    • 12:34

      REKORD/ Në Dibër rezultojnë 4686 fletë votimi të pavlefshme

      Qarku i Dibrës ka thyer rekord për fletët e pavlefshme. Dibra është qarku me nivelin më të larte të votave të pavlefshme. 13.9% e votave të këtij qarku janë shpallur të pavlefshme. Në Dibër votuan 33651 zgjedhës nga të cilat 4686 fletë kane rezultuar të pavlefshme. Pjesëmarrja në votime në këtë qark ishte 52%.

    • 11:49

      Sherr mes komisionerëve në Kamëz! Fleta e votimit shkakton debate, e vlefshme e pavlefshme?

      Procesi i numërimit të fletëve të votimit në Kamëz ka pasur probleme dhe debate. Komisionerët kanë debatuar mes tyre në lidhje me klasifikimin e fletës së votimit si të vlefshme apo të pavlefshme.

    • 10:39

      Ngushëllimi i PD në Gjirokastër, Lazarati nuk "tradhton" , voton masivisht BLU, PS në fund të radhës... (TABELA)

      Edhe pse kanë kaluar plot 8 vite që prej kohës kur Partia Demokratike ishte në pushtet, Lazarati ka votuar masivisht blu. Në zgjedhjet e 25 prillit, nga 5 kuti votimi që u numëruan rezultoi se PD mori 1599 vota, LSI mori 117 vota dhe Partia Socialiste, vetëm 94 vota.

      Nga ana tjetër, PS fitoi thellë në Gjirokastër duke marrë 3 mandate, PD, 1 dhe LSI 0.

    • 9:06

      Garë e fortë PD-PS në Kavajë! 100 vota diferencë, kanë mbetur dhe 8 kuti pa numëruar

      Partia Demokratike dhe ajo Socialiste janë një garë të fortë në Kavajë, kur rezultati pritet të dalë pas 2 orësh. Aktualisht kanë një diferencë prej 100 votash, ku kryeson PS. Kanë mbetur dhe 8 kuti pa numëruar.

    • 8:59

      Fieri i beson sërish PS-së, ja si ndahen mandatet mes PD dhe LSI

      Projeksionet e fundit tregojnë se PS vijon të kryesojë qarkun e Fierit, duke u ndjekur nga PD dhe LSI. Deri në orën 08:30 PS ka mundur të sigurojë 91.030 vota ose 52.82% të votave. Deri më tani PS ka siguruar 9 mandate. Ndërsa koalicioni opozitar PD-AN ka mundur të sigurojë 64.065 vota ose 37.18%. Kështu deri tani opozita ka mundur të sigurojë 6 deputetë. Ndërsa LSI ka siguruar deri më tani një mandat në Fier. Ajo ka marrë 12.197 vota ose 7.08%.

    2 Komente në “MBYLLET PROCESI/ Numërohen 100% të kutive të votimit në vend! 12 qarqet konfirmojnë fituesit, PS-ja ‘rrëmben’ mandatin e tretë! PD prin në Veri, LSI ‘gropë’ kudo (MANDATET)

    1. Rilindja ka qene eshte e do te mbetet kancer ne trupin e lodhur e te reckosur te shqiptareve!
      Nuk kane atdhe! E vetmja gje qe i ben te lumtuur asht pushteti!

      • Kanceri i vertete ishte LSI! PD ka rikuperuar votat e saja historike qe ju grabiten nga LSI. Aq e ka takatin dhe elektoratin PD.

    Shto Koment