Politike

Grabitja në Rinas, Paloka: ‘De-ja-vu’, miliona euro grabiten pak muaj para zgjedhjeve

Nënkryetari i PD-së, Edi Paloka, ka hequr një paralele mes grabitjes së sotme në Rians dhe asaj të ndodhur në vitin 2016. Ai e quan si "De-ja-vu", ndërsangre pikëpyetje, se përse ndodh disa muaj para zgjedhjeve.
Featured image of article: Grabitja në Rinas, Paloka: ‘De-ja-vu’, miliona euro grabiten pak muaj para zgjedhjeve Edi Paloka

TIRANË- Ish-deputeti i Partisë Demokratike, njëherësh nënkryetar i saj Edi Paloka, ka reaguar pas ngjarjes së rëndë të ndodhur në aeroportin e Rinasit, ku janë grabitur me armë 10 milionë euro nga një avion në pistën e Rinasit, pak para se ai të nisej për në destinacion. (Lexo këtu)

Me anë të një postimi në rrjetet sociale, ish-nënkryetari i Kuvendit si përfaqësues i opozitës, Edi Paloka, ngre pikëpyetjet e tij lidhur me ngjarjen. Sipas tij, ngjarja është një “De-ja-vu” sa i përket vendit dhe kontekstit kohor dhe politik, pak muaj para zgjedhjeve.

“De-ja vu
Grabiten miliona euro.
Ne te njejtin vend ( brenda aeroportit, Rinas)
Me te njejten menyre ( grabitje me arme furgonit te blinduar nga grabites me uniforma ushtarake dhe makine shteterore).
Grabitesit u larguan ne te njejtin drejtim.
Grabitja ndodh ne te njejtin konteks kohor dhe politik ; pak muaj perpara zgjedhjeve.
Policia edhe kete here eshte e zene duke dhunuar qytetaret e thjeshte
A mund te jene te gjitha rastesi ?!
P.S
Harrova nje “detaj”; kete here ka dhe te vrare…”, – shkruan Paloka.

Për më shumë bëhu pjesë e grupit më viral në Facebook, Dosja.al

Ditën e sotme janë grabitur plot 10 milionë euro, ndoshta një nga shumat më të mëdha që është grabitur në vendin tonë. Grupi i armatosur, dhe i maskuar si ushtarakë, me mosha nga 20-30 vjeç brenda një furgoni të bardhë pa targa dhe me mbishkrimin “Hetimi Tatimor”, ka çarë portën e rrethimit të aeroportit dhe ka hyrë brenda pistës. 4 autorët, të maskuar si komando kanë zbritur nga furgoni, kanë dalë para avionit të kompanisë austriake “Austria Airlines” dhe kanë hyrë brenda avionit dhe kanë marrë paratë. Rojet që po ruanin paratë e 4 blindave janë pjesë e kompanisë “Nazeri 2000”. Pasi kanë marrë paratë ata janë larguar dhe gjatë ndjekjes ka patur një shkëmbim zjarri me Policinë. Nga shkëmbimi i zjarrit mësohet se një nga grabitësit është vrarë. Ndërkohë, që në afërsi të Rinasit është gjetur një makinë e djegur.

(B.B/ Dosja.al)

Shto Koment