AktualitetFactcheck

FOTOT-SKANDALI/ Ministria e Turizmit s’merret vesh me Mbrojtjen… Anija me 70 turistë kthehet pas për të tretën herë në Sazan, ekuipazhi pritet nga ushtarët e armatosur

Ministria e Mbrojtjes nuk lejon hyrjen në këtë ishull, ndërsa Ministria e Turizmit jep një urdhër paralel për hapjen e destinacionit për të gjithë vizitorët.
Featured image of article: FOTOT-SKANDALI/ Ministria e Turizmit s’merret vesh me Mbrojtjen… Anija me 70 turistë kthehet pas për të tretën herë në Sazan, ekuipazhi pritet nga ushtarët e armatosur Ushtari ne Sazan, urdheri dhe anija ne det

VLORË- Ekonomia shqiptare po përpëlitet për t’u ringritur pas goditjes që 2 muaj izolim për shkak të pandemisë i dhanë motorit të zhvillimit. Sytë janë kthyer nga turizmi, si e vetmja “industri” që mund të sjellë konsum e vende pune.

Kufijtë janë ende të mbyllur, dhe ata të paktit avionë që vijnë në Shqipëri, janë me turistë që kanë ndërmarrë rrezikun për të ardhur në vendin tonë. Por, duket se mungesa e komunikimit mes institucioneve do të vijojë të shkaktojë probleme edhe në këtë sezon të vështirë.

Dosja.al ka mësuar se për të tretën herë, një anije me turistë është kthyer në Ishullin e Sazanit. Anija, me 70 turistë në bord, ka shkuar për të vizituar perlën e jugut, por është përballur me një surprizë të hidhur.

Anija ne det

Ministria e Mbrojtjes nuk lejon hyrjen në këtë ishull, ndërsa Ministria e Turizmit jep një urdhër paralel për hapjen e destinacionit për të gjithë vizitorët. Anija u nis për herë të tretë dhe deri në momentin e botimit të këtij artikulli, turistët janë në det të hapur, të kthyer si refugjatë e jo si qytetarë evropianë që kanë zgjedhur të harxhojnë para në bregdetin shqiptar.

Për më shumë bëhu pjesë e grupit më viral në Facebook, Dosja.al

Dosja.al ka siguruar urdhërin e ministrisë së Mbrojtjes ku thuhet se lejohet hapja e Ishullit të Sazanit, ndërsa burime në këtë dikaster sqaruan se është e padiskutuar që urdhëri përfshin vizitën në këtë ishull.

Urdheri per hapjen e destinacionit

Ndërkohë që komandanti  që ka përgjegjësinë e ruajtjes së zonës, lëshon ushtarët për të kthyer pas turistët, me argumentin se në urdhër nuk përfshihet vizita në Sazan.

Ushtari ne Sazan

Derisa institucionet të bien dakord me njëri-tjetrin se kush ka të drejtë, anija me turistë do të jetë larguar, gjetiu, me shijen e hidhur se kush i pret dhe i merr paratë e tyre në Shqipëri.

(F.g/dosja.al)

Shto Koment