Aktualitet

Drejtësia shqiptare i ofron statusin e të “penduarit”, Ilir Selmanit, ‘boksieri’ që mund të zbërthejë Klanin Duka dhe të prangosë Doqen e Vlorës

EKSKLUZIVE
  • Dëshmia e Ilir Selmanit: Duan të më heqin qafe, Santiagon e njoh vetëm nga TV, Nardin e kam shok
  • Në bazë të ligjit shqiptar, nëse Selmani do të pranojë këtë status do të dëshmojë pa asnjë rezervë të gjitha faktet dhe dijeninë e tij për vrasjet dhe ekzekutimet që prokuroria akuzon klanin Duka.
    Featured image of article: Drejtësia shqiptare i ofron statusin e të “penduarit”, Ilir Selmanit, ‘boksieri’ që mund të zbërthejë Klanin Duka dhe të prangosë Doqen e Vlorës Santiago Malko, viktima, Doqja, Leonard dhe Erlis Duka e Ilir Selmani

    TIRANE- Drejtësia shqiptare i ka ofruar sot statusin e bashkëpunëtorit të drejtësisë, Ilir Selmanit, i arrestuar dje nga Policia, i akuzuar si pjesë e skuadrës 8-anëtarëshe që ekzekutoi ish-policin Santiago Malko.  Burime nga Prokuroria e Tiranës, informuan në koefidencialitet Dosja.al se Selmanit i është ofruar statusi i bashkëpunëtorit, si një nga personat kyçë që mund të zbërdhejë zinxhirin e vrasjeve për të cilat akuzohet Klani Duka.

    Ende nuk ka një vendim nga ana e Selmanit, nëse do të pranojë këtë “ofertë” tunduese të organeve të drejtësisë, që mund t’i jepte atij një mbrojtje të posaçme,  pasi vazhdon t’i qëndrojë alibisë se nuk ka lidhje me ngjarjen dhe se ai nuk ka qenë në automjetin prej nga ku u qëllua me kallashnikov.

    Në bazë të ligjit shqiptar, nëse Selmani do të pranojë këtë status do të dëshmojë pa asnjë rezervë të gjitha faktet dhe dijeninë e tij për vrasjet dhe ekzekutimet që prokuroria akuzon klanin Duka. Në rastet e bashkëpunimit me drejtësinë, prokurori i kërkon gjykatës edhe uljen e masës së dënimit ose përjashtimin e bashkëpunëtorit të drejtësisë nga dënimi.

    Më herët, në dëshminë e tij, Selmani mohoi të kishte lidhje me vrasjen e Santiago Malkos, duke ia “faturuar” fshehjen për muaj me radhë, frikës se mund të vritej nga kundërshtarët e Leonard Dukës.  Ilir Selmani u vu në pranga një ditë më parë në zonën e Xhamllikut, pas 8 muajsh që ishte shpallur në kërkim nga policia.

    I njohur si boksieri, Selmani është pjesë e klanit Duka, dhe akuzohet se është një nga personat kyç, që mund të zbardhë ekzekutimin e Santiago Malkos, i cili u vra mbrëmjen e 27 gushtit nga një skuadër me 8 anëtarë, me role të ndara, ku ekzekutori sipas prokurorisë është Fatmir Hyseni i njohur ndryshe edhe si “Doqja”.

    Skuadra e Klanit Duka përbëhet nga: 

    Leonard Duka, në arrati

    Erlis Duka, në arrati

    Për më shumë bëhu pjesë e grupit më viral në Facebook, Dosja.al

    Ilir Selmani, i arrestuar

    Oltian Loga, në arrati

    Fatmir Hyseni, në arrati

    Dritan Agaj, në arrati

    Aleksandër Maxhaku, në arrati

    Xhoni Nica, në arrati

    (F.g/dosja.al)

    Shto Koment