Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Rritja e këtij treguesi ngelet në nivele të larta, por megjithatë është në tendencë ngadalësuese krahasuar me tremujorët e mëparshëm.
TIRANA- Rritja e kostos së punës për bizneset po mban të larta presionet e brendshme inflacioniste në ekonominë shqiptare. Sipas informacionit nga Banka e Shqipërisë, kostot e punës për njësi u rritën me 5.4% në tremujorin e katërt të vitit 2023. Rritja e këtij treguesi ngelet në nivele të larta, por megjithatë është në tendencë ngadalësuese krahasuar me tremujorët e mëparshëm.
Sipas Bankës së Shqipërisë, rritja më e ngadaltë e kostove të punës për njësi është diktuar si nga ngadalësimi i normës së rritjes së pagës reale, ashtu edhe nga kalimi gradual i rritjes së produktivitetit, nga vlera negative në vlera pozitive gjatë tremujorit të fundit 2024. Megjithatë, duhet thënë se në vlera mesatare për gjithë vitin 2023, kostot e punës për njësi janë zgjeruar me 9.7%, dukshëm më të larta krahasuar me vitin e mëparshëm kur rritja shënonte 2.3%.
Ndërkohë, kostot e tjera prodhuese kanë vazhduar tendencën ngadalësuese gjatë tremujorit të katërt të vitit 2023. Çmimet e prodhimit u rritën me 3.1% nga 5.2% në tremujorin e tretë të vitit 2023. Çmimet e prodhimit për tregun vendas shënuan ngadalësim më të fortë se sa ato për eksport, duke u rritur me 4.2 nga 7.2% një tremujor më parë. Që prej vitit të kaluar, Banka e Shqipërisë e ka bërë të qartë se presionet që vijnë nga ekonomia e brendshme po fitojnë gjithmonë e më shumë peshë në strukturën e inflacionit. Pas mbledhjes së Këshillit Mbikëqyrës, këtë muaj, Guvernatori, Gent Sejko, tha se presionet e brendshme inflacioniste, ndonëse në rënie, mbeten relativisht të larta.
“Këto presione ushqehen nga kërkesa solide për mallra e shërbime, kërkesë e cila pasqyrohet në rritje të shpejtë të punësimit, të pagave dhe të kostove të prodhimit të sektorit privat,” tha Sejko.
Të dhënat e Bankës së Shqipërisë tregojnë kontributi i lartë i inflacionit të brendshëm në strukturën e inflacionit total ka vijuar edhe në tremujorin e parë të këtij viti. Raporti i fundit i politikës monetare nënvizon se inflacioni bazë dhe ai i brendshëm konsoliduan konvergjencën mes tyre, duke shënuar vlerat përkatëse 2.8 dhe 2.9% në këtë tremujor. Megjithëse u pakësuan me rreth 0.6 pikë përqindje kundrejt tremujorit të mëparshëm, ata ruajtën norma më të larta se sa inflacioni total. Inflacioni bazë neto gjithashtu u ngadalësua, por në mënyrë mjaft më të moderuar, duke zbritur në 3.2 nga 3.3% një tremujor më parë. Inflacioni bazë neto vijoi të mbetet
lehtësisht mbi objektiv dhe mbi mesataren e tre viteve të fundit, në pasqyrim të qëndrueshmërisë së inflacionit të shërbimeve dhe të mallrave të tjera me afat të gjatë përdorimi. Inflacioni bazë matet mbi rreth 69% të shportës së IÇK-së, ndërsa inflacioni bazë neto që përjashton nëngrupet e ushqimeve të përpunuara (përfshirë bukën dhe drithërat) dhe matet mbi rreth 46% të saj. Nga njëra anë, përbërësit afatshkurtër dhe me origjinë të huaj të inflacionit shënuan rënie të shpejtë. Inflacioni jobazë dhe ai i importuar shënuan përkatësisht vlerat 2.5% dhe 2.3%, norma këto të përgjysmuara krahasuar me ato të një tremujori më parë.
Këto rënie pasqyruan kryesisht ngadalësimet e dukshme të inflacionit të ushqimeve të papërpunuara, si pasojë e rënies së çmimeve të ushqimeve në tregjet e huaja si edhe të mbiçmimit të kursit të këmbimit. Formimi i inflacionit total (2.7% për tremujorin I 2024) ruajti të njëjtin profil si më parë, me mbizotërim të kontributeve të brendshme, me 2.3 pikë përqindje. Sipas Bankës së Shqipërisë, intensiteti i presioneve të brendshme inflacioniste, mbeti relativisht i lartë, pikërisht në pasqyrim të kërkesës relativisht të lartë për mallra e shërbime dhe të rritjes së kostove të punës për njësi./ Monitor
Grafiku TIRANA- Eksportet i janë kthyer tendencën pozitive për herë të parë pas shumë muajsh në prill, të ndik...
Foto ilustruese TIRANË- Në rang vendi, detyrimet e prapambetura për 2023 nga 61 bashkitë u ulën me rreth 20%, krahasuar me vitin 2...
Foto ilustruese TIRANË- Agjencia e Inteligjencës Financiare (AIF) ka ndërtuar shtatë tipologji rreth mundësisë së pastri...
Foto ilustruese TIRANË- Banka e Shqipërisë ka vendosur të ndërmarrë një qasje të shtrënguar ndaj dhënies ...
Foto ilustruese TIRANË- Depozitat bankare të biznesit u rritën me ritme të shpejta edhe në vitin 2023. Sipas të dhënave ...
Foto ilustruese TIRANË- Turizmi është kthyer në sektorin që po ushqen vit pas viti rritjen e disa industrive mbështetëse...
Foto ilustruese TIRANA- Më 2014, qeveria e re ndryshoi politikat fiskale, si për bizneset edhe për tatimin mbi të ardhurat e të pu...
Foto ilustruese SHBA- Tashmë janë bërë katër vjet që kur një numër shtetesh të varfra shpallën falim...
Foto ilustruese TIRANË- Matjet nga metodologjia e Eurostat tregojnë se inflacioni në muajin prill u rrit me 2.3%, rezultat më i lart&eu...
Grafiku TIRANA- Si të ardhurat ashtu dhe shpenzimet kanë pasur ecuri të mirë gjatë muajit prill, duke përshpejtuar ritmet e r...
