25 Korrik 2022, 08:09
Nga A.B
Foto ilustruese
Pagesat buxhetore për kontratat koncesionare arritën një vlerë prej 11,5 miliardësh lekësh, rreth 95 milionë euro vitin e kaluar raportoi Ministria e Financave në buxhetin faktik 2021, që tashmë e ka depozituar në Kuvend.
Të dhënat tregojnë se pagesat për kontratat koncesionare shumica e të cilave në hetim nga SPAK janë rritur me 19 për qind në raport me vitin 2020.
Të dhënat më të detajuara tregojnë se 17 % e pagesave kanë shkuar tre inceneratorët e Tiranës, Elbasanit dhe Fierit me një vlerë totale të paguar më 2021 prej rreth 1.9 miliardë lekësh. Ndërkohë SPAK që ka hapur një proces hetimi ka zbuluar një skemë mashtrimi gjigante, teksa aksionaret e tyre kane shpallur në kërkim.
Gati rreth 30 për qind të pagesave buxhetore kanë shkuar për kontratën e rrugës së Arbrit me vlere rreth 3,3 miliardë lekë.
Gjithashtu edhe rreth 29 për qind e pagesave totale shkuan për 4 koncesionet në sektorin e shëndetësisë, ku shumën më të madhe e mori koncesioni i sterilizimit me 1,5 miliardë lekë, shërbimi laboratorik me 1,1 miliardë lekë, shërbimi i dializës me 754 milionë lekë dhe Check -Up 219 milionë lekë, për shkak se ishte i pezulluar deri më shtator 2021. Koncesionet në shëndetësi janë në hetim nga SPAK. Disa ditë më parë SPAK mori në pyetje ish ministrin e Shëndetësie, Ilir Beqja.
Në fund të vitit 2021 nga 13 kontrata koncesionare/PPP, me mbështetje buxhetore për 12 kontrata u regjistruan pagesa faktike buxhetore, për periudhën 12 mujore. Për 1 kontratë nuk u krye asnjë pagesë.
Fondet buxhetore të planifikuara për vitin 2021, sipas planit vjetor të ndryshuar, me destinacion mbështetjen nga buxheti për kontratat koncesionare/PPP, në total ishin rreth 11.82 miliardë lekë.
Pagesat faktike për vitin 2021, në total rezultuan në rreth 11.5 mld lekë ose 97.4% e planit përfundimtar 2021. Kufiri i lejuar i pagesave neto për kontratat koncesionare/PPP, prej 5% i të ardhurave tatimore faktike të vitit 2020, përllogaritet në rreth 19.93 miliardë lekë.
Referuar tabelës së mëposhtme, pagesat vjetore neto të realizuara (faktike) nga njësitë e qeverisjes së përgjithshme, për kontratat koncesionare/PPP me mbështetje buxhetore, rezultuan në rreth 11.5 miliardë lekë.
Pagesat vjetore neto të kontratave koncesionare apo PPP, për vitin 2021, përbën vetëm 2.89 për qind të totalit të të ardhurave tatimore faktike të vitit 2020, prej rreth 398.66 miliardë lekë./MONITOR
pagesat buxhetore
Ekonomi
25 Korrik 2022, 07:52
A.B
Mish
Çmimet e produkteve të mishit pritet të rriten në muajin shtator.
Arsyeja e shtrenjtimit vijon të mbetet e lidhur me...
Ekonomi
25 Korrik 2022, 07:48
A.B
Rritja dramatike e çmimeve të energjisë që nisi në tremujorin e fundit të vitit të shkuar por edhe prodhimi i ulët n...
Ekonomi
24 Korrik 2022, 07:21
d.a.
Foto Ilustruese
Çmimet këtë verë janë rritur në tërësi në bregdetin shqiptar. Kjo rritje varion nga zona n&e...
Ekonomi
24 Korrik 2022, 07:18
d.a.
plazhet ne Shqiperi
TIRANË- Besoj edhe ju, në rrethin familjar apo shoqëror, keni dëgjuar tek-tuk t’ju pohojnë këtë...
Ekonomi
23 Korrik 2022, 07:04
A.B
Problemet globale me të cilat po përballen prodhuesit e automobilave janë reflektuar edhe te porositë e tyre në kompanitë e prod...
Ekonomi
23 Korrik 2022, 07:01
A.B
Nga viti 2004 deri në vitin 2021, numri i bagëtive në vend ka rënë me 50%. Vetëm në vitin 2021, tkurrja ishte 7% për g...
Ekonomi
22 Korrik 2022, 10:30
A.B
Tirana
Shqipëria renditet ndër 10 vendet, që do të kenë rënien më të madhe të popullsisë në botë...
Ekonomi
22 Korrik 2022, 07:18
A.B
Banka qendrore
Banka Qendrore Europiane (BQE) ka rritur normat e interesit me gjysmë pikë përqindjeje. Kjo është rritja e saj e pa...
Ekonomi
22 Korrik 2022, 07:13
A.B
Foto ilustruese
Problematikat në deklarimin e pasurisë nga ana e zyrtarëve që sipas ligjit duhet ta bëjnë këtë sjel...
Ekonomi
22 Korrik 2022, 07:12
A.B
Biznes
Edhe pas fillimit të funksionimit të pjesshëm të E-Albania, bizneset nuk po arrijnë që të dor&eum...