Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Të dhënat e Autoritetit të Mbikëqyrjes Financiare (AMF) tregojnë se blerjet e individëve në tregun primar të bonove dhe obligacioneve arritën në 15.1 miliardë lekë, me një rritje rekord prej 67.9% krahasuar me një vit më parë.
TIRANË- Investimet e individëve në instrumentet e borxhit të qeverisë shqiptare vazhduan të rriten edhe në tremujorin e parë të këtij viti. Të dhënat e Autoritetit të Mbikëqyrjes Financiare (AMF) tregojnë se blerjet e individëve në tregun primar të bonove dhe obligacioneve arritën në 15.1 miliardë lekë, me një rritje rekord prej 67.9% krahasuar me një vit më parë.
Rritja ishte edhe më e lartë e shprehur në numër transaksionesh, që arritën në 5895, me një rritje prej 113.4% krahasuar me tremujorin e parë të vitit të kaluar. Sipas llojit të instrumenteve financiare, kontributin kryesor e dha rritja shumë e lartë e investimit në bono thesari.
Shifrat e AMF-së tregojnë se vlera e blerjeve të bonove në tregun primar arriti në 11.5 miliardë lekë, me një rritje vjetore prej 84.3%. Investimi në instrumentet aftashkurtra ngelet dominues mes individëve, me 76% të vlerës totale të investuar gjatë periudhës.
Ndërkohë, investimi në obligacione arriti në 3.6 miliardë lekë, 30.4% më shumë krahasuar me tremujorin e parë të vitit 2022. Të dhënat e mësipërme u referohen transaksioneve të kryera nëpërmjet ndërmjetësve financiarë të licencuar nga AMF, kryesisht bankave tregtare.
Por, investimi në bono thesari mund të kryhet edhe nëpërmjet sporteleve të posaçme të Bankës së Shqipërisë. Vitin e kaluar, Banka e Shqipërisë e shfuqizoi vendimin e mëparshëm, që parashikonte ndërprerjen e ofrimit të shërbimit e investimit në bono thesari për individët.
Ky vendim u argumentua me nevojën për të lehtësuar pjesëmarrjen e indiidëve në ankande, sidomos gjatë një periudhe kur kërkesa ra ndjeshëm, për shkak të pasigurisë së lartë mes investitorëve institucionalë, shkaktuar nga rritja e shpejtë e normave të interesit nga Banka e Shqipërisë.
Vitin e kaluar, rritja e fortë e yield-eve të bonove dhe obligacioneve solli një interes të shtuar nga individët për të investuar në këto instrumente. Për vitin 2022 blerjet e individëve në tregun primar të bonove dhe obligacioneve arritën në 49.6 miliardë lekë, me një rritje rekord prej 216% krahasuar me një vit më parë.
Pavarësisht se duke filluar nga muaji dhjetor 2022 yield-et nisën një korrektim të dukshëm në rënie, kjo duket se nuk e ka ulur interesin e individëve për të investuar në bono dhe obligacione, siç dëshmojnë edhe të dhënat e tremujorit të parë.
Rritja e yield-eve ka ndikuar edhe në zhvendosjen e kursimeve të shqiptarëve nga produktet e tjera alternative, si depozitat bankare apo kuotat në fondet e investimit. Depozitat bankare në lekë shfaqën një rritje shumë të vogël vitin e kaluar, ndryshe nga tendenca që ishte shënuar në vitin 2021.
Një ecuri e ngjashme është vërejtur edhe në muajt e parë të këtij viti. Pjesërisht, kjo është ndikuar edhe nga preference në rritje e investiroëve të vegjël për tregun e bonove dhe obligacioneve të qeverisë. Gjithashtu, vitin e kaluar shumë investitorë vendosën të shisnin kuotat në fondet e investimeve, që vitin e kaluar pësuan një goditje të fortë nga rritja e yield-eve. Kjo shkaktoi një rënie të vlerës së aseteve neto të fondeve me pothuajse 50% vitin e kaluar.
Marrë nga Monitor.al
Foto Ilustruese TIRANË- Pushteti lokal në Shqipëri dhe përgjithësisht në Ballkanin Perëndimor bën pak investime kap...
Bankat tregtare kanë shlyer plotësisht edhe kontributin e vitit të gjashtë për Fondin e Ndërhyrjes së Jashtëzakonshme....
Ristrukturimet e kredive pësuan një rënie të ndjeshme vitin e kaluar. Sipas të dhënave nga Banka e Shqipërisë, kredia...
Leku e ka nisur këtë javë me një vrull të ri forcimi në kursin e këmbimit ndaj euros. Ditën e martë euro ka r&eu...
Foto ilustruese Shqipëria shënoi rritje të madhe të punësimit pas pandemisë, por disa qytete të vendit tonë rendite...
Foto ilustruese TIRANË- Rritja e çmimeve është ngadalësuar sërish në muajin prill, dukë reflektuar bazën e l...
Foto Ilustruese TIRANË- Në Shqipëri, ndryshe nga vendet e tjera të rajonit, punonjësit në administratën e pushtetit...
TIRANË- Shqipëria dhe Maqedonia e Veriut janë renditur ndër gjashtë destinacionet verore më të lira për t’u vizi...
Takimi TIRANË- Guvernatori i Bankës së Shqipërisë, Gent Sejko, zhvilloi sot një takim me përfaqësuesit e shoqatave ...
Bashkia Tirane TIRANË- Detyrimet e prapambetura në total të 61 bashkive për 2022 u ulën rreth 10% krahasuar me vitin paraardhë...
