Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Aty prezantohen edhe koeficientët e sektorëve, në siguri, drejtësi, arsim dhe shëndetësi etj. Koeficientin më të lartë do ta ketë pozita e kreut të shtetit.
KOSOVË- Presidentja e Kosovës Vjosa Osmani, dekretoi këtë javë Ligjin për Paga në sektorin publik, edhe në Gazetën Zyrtare. Aty prezantohen edhe koeficientët e sektorëve, në siguri, drejtësi, arsim dhe shëndetësi etj. Koeficientin më të lartë do ta ketë pozita e kreut të shtetit. Ligji i Pagave është publikuar në gazetën zyrtare. Bashkë me të është publikuar shtojca me 136 nivele të koeficienteve, që kanë raport prej 2 me 18. Megjithatë, pasi që vlera e koeficientit nuk dihet, mbi 80 mijë punëtorë të sektorit publik nuk e dinë sa do të jetë paga e tyre, pas një muaji kur ligji të hyjë në fuqi. Në Qeveri kanë thënë se përcaktimi i koeficientit do të bëhet brenda muajit janar.
“Vlera e koeficientit do të caktohet gjatë këtij muaji, pra gjatë muajit janar, bazuar në tërësinë e koeficienteve të shpërndarë me Ligjin e Pagave”.
Qeveria ka treguar se janë ndarë 745 milionë euro nga buxheti i 2023-së për pagat e sektorit publik.
“Me Ligjin për Buxhetin e vitit 2023, që u miratua në dhjetor të vitit që lamë pas, kemi caktuar se totali i përgjithshëm i buxhetit për paga në sektorin publik do të jetë 745 milionë euro”.
Thuhet se vlera e koeficientit do të sillet nga 120 deri në pak mbi 130 euro. Vlera monetare e koeficientit përcaktohet me ligjin vjetor të buxhetit, që sivjet është rritur edhe për paga e shtesa për 75 milionë euro në raport me vitin e shkuar. Për të llogaritur pagën duhet shumëzuar vlerën e koeficientit me koeficientin. Pra po që se vlera e koeficientit është 120 euro, zyrtari që ka pagë në koeficient 5 do të marrë pagë 600 euro bazë, pa llogaritur shtesat. Paga më e lartë do të jetë për postin e presidentit të shtetit, me koeficient 18. Kryetari e Gjykatës Kushtetuese do të ketë koeficient 17.5 ndërsa 17 do të jetë koeficienti për postin e kryeparlamentarit dhe kryeministrit. Deputeti dhe ministri do të kenë pagë të barabartë, me koeficient 16.4.
Sa i përket kryetarëve të komunave, ai i kryeqytetit do të ketë pagë me koeficient 15, ndërsa pagat e të tjerëve do të dallojnë varësisht prej numrit të qytetarëve që kanë ato komuna. Në gjyqësor, që ka paralajmëruar dërgimin e Ligjit në Gjykatën Kushtetuese, paga për kryetarin e Gjykatës Supreme do të jetë në koeficientin 17. Koeficienti te gjyqtarët do të sillet prej 15.5 deri në 12 për gjyqtarin e Themelores dhe të dhomës së shkallës së parë të Komerciales. Në Prokurori, paga e kryeprokurorit do të jetë me koeficientin 17, ndërsa prokurorët e përgjithshëm në Themelore do të kenë pagë me koeficient 12.
Në Ushtri, komandanti do të ketë koeficientin 15, ndërsa paga më e ulët do të jetë për rekrutin/kadetin e FSK-së me koeficient 2, që është edhe paga më e ulët në vend. Në Polici, drejtori i përgjithshëm do të ketë pagë me koeficient 14.5, ndërsa polici i thjeshtë koeficient 5. Kadeti policor do të ketë koeficientin 2. Te zjarrfikësit koeficienti do të sillet nga 4 deri në 8.
Në arsim, pagat e mësimdhënësve do të sillen prej koeficientit 5.6 për ata të shkollave fillore dhe të mesme të ulëta deri në 5.8 për mësimdhënës të shkollave të mesme të larta. Në shëndetësi, pagat e mjekëve do të jenë nga 7.4 për mjekët e përgjithshëm në 12 për specialistët. Ligji parasheh kompensim për kujdestari, për punën gjatë natës e për punë jashtë orarit. Ndërsa ulja e nivelit të pagës parashihet vetëm në dy raste, të tronditjes makroekonomike a të fatkeqësisë natyrore.
Kryesuesi i Këshillit Gjyqësor të Kosovës, Albert Zogaj shprehet se në rast se me Ligjin për Paga, parashihet ulja e pagave për gjyqtarët do t’i shikojë të gjitha mundësitë që këtë Ligj ta dërgojë në Gjykatën Kushtetuese.
Kreu i KGJK-së ka treguar se vazhdimisht ka pasur përpjekje për t’i ulur pagat e gjyqtarëve.
“Ka pas një përpjekje të vazhdueshme për të ulur pagat e gjyqtarëve, ne kur po flasim ende nuk e dimë se sa do të jetë paga e gjyqtarëve. KGJK do të ndjekë të gjitha rrugët ligjore dhe kushtetuese nëse në Ligjin për pagat do të ketë zbritje për pagat e gjyqtarëve, ne shpresojmë që do të ketë qartësim deri në masë të administratës gjyqësore, shpresoj që do të ketë rritje, sepse ende është enigmë çështja e vlerës së koeficienteve, por që vlerësimet preliminare nënkuptojnë se do të ketë ulje drastike të pagave, diçka që është krejtësisht e papranueshme për KGJK”.
Miratimi dhe dekretimi i këtij ligji pa vlerën e koeficientit është vlerësuar si një eksperiment që e dëmton Kosovën.
Safet Gërxhaliu, njohës i ekonomisë, ka thënë se Ligji mund të kontestohet në Kushtetuese, ani se atakimi ka vlerësuar se do të mund të shmangej nëpërmjet një dialogu dhe analizës paraprake mes palëve të interesit.
“Nuk është një zgjidhje që gjithmonë të jetë adresë Gjykata Kushtetuese. Po e shihni se sa shumë mungon dialogu. Po e shihni se sa mungon një partneritet i mirëfilltë. Ky ligj nuk duhet të analizohet vetëm në aspektin vertikal, por duhet të analizohet edhe në aspektin horizontal, sepse i përfshin shtyllat kryesore të funksionimit të shtetit”.
Edhe deputeti PDK-së, njëherit anëtari i Komisionit për Buxhet, Punë dhe Transfere në Kuvend, Ferat Shala ka treguar se po shqyrtojnë mundësinë që të ankohen për Ligjin e Pagave.
“Mbajtja peng e koeficientit nënkupton një lojë politike të pandershme dhe jo ligjore. Vërejtjet tona nuk janë marrë për bazë në komisione. Jemi duke analizuar çdo mundësi me institucione e kategori të caktuara që ta ankimojmë ligjin”.
Ligji i pagave ishte miratuar një herë në shkurt të vitit 2019. Por, një muaj para se të niste zbatimi i tij – në janar të 2020-s – institucioni i Avokatit të Popullit e pati dërguar atë në Gjykatën Kushtetuese për, siç kishte thënë, “vlerësimin e përputhshmërisë” së tij me Kushtetutën e Kosovës.
Gjykata, më pas, konstatoi se ligji i miratuar nuk ishte në përputhje me 11 nene të Kushtetutës dhe se shkaktonte “çrregullim të ndarjes së pushteteve në disfavor të Gjyqësorit dhe institucioneve të pavarura”.
Ndryshe, ky ligj hyn në fuqi një (1) muaj pas publikimit në Gazetën Zyrtare të Republikës së Kosovës. KËTU mund ta lexoni Ligjin e Pagave të publikuar në Gazetën Zyrtare.
Marrë nga Monitor.al
Euro Euro vijoi forcimin e shpejtë në kursin e këmbimit me Lekun edhe ditën e premte. Sipas kursit zyrtar të Bankës së ...
Foto Ilustruese TIRANË- Eksportet bujqësore drejt rajonit dhe BE-së u rritën në vlerën e 55.1 miliardë lekëve gjat&...
Foto Ilustruese TIRANË- Që nga data 1 janar e këtij viti, bankat janë të detyruara të përmbushin një shtesë t&...
Ndërtime TIRANË- Ministria e Financave i ka kërkuar bashkive në të gjithë vendin që sa i takon strehimit social duhet t&...
Foto Ilustruese TIRANË- Me nisjen e vitit, ju sjellim një përmbledhje globale nga The Economist Intelligence Unit me “Dhjetë tend...
Foto Ilustruese TIRANË- Yield-et e Bonove të Thesarit shënuan një rënie të mëtejshme në ankandin e parë të...
Foto Ilustruese TIRANË- Niveli më i ulët i të ardhurave për frymë në Europë reflektohet në mënyrën s...
Banka e Shqipërisë TIRANË- Banka e Shqipërisë ka përgatitur një projektrregullore për ushtrimin e veprimtarisë...
Foto Ilustruese KOSOVË- Inflacioni me normën dyshifrore ka qenë problemi kryesor për ekonominë e Kosovës për vitin 2022....
Grafik Euro po shënon rritje të fortë në kursin e këmbimit me Lekun gjatë ditëve të para të vitit 2023. Sipas...
