Reshje shiu dhe dëbore në zonat malore, moti bën kthesën e papritur. ARRSH apel shoferëve: Pajisuni me goma dimërore dhe zinxhirë
Rikthehen reshjet e dëborës në Korçë, ARRSH apel shoferëve: Kujdes në këto akse rrugore! Pajisuni me g...
Rikthehen reshjet e dëborës në Korçë, ARRSH apel shoferëve: Kujdes në këto akse rrugore! Pajisuni me g...
Marco Rubio konfirmohet nga Senati si Sekretar i Shtetit 21 Janar, 07:19 Trump urdhëron daljen e SHBA nga Organizata Bot&...
"Partitë e reja opozitare më të vendosura të luftojnë njëra-tjetrën sesa regjimin e Ramës," Gresa Hasa: ...
"Nuk do pushtohemi..."/ Trump: Fuqia jonë do të ndalojë çdo luftë dhe do sjellë paqen në një botë...
Në faqen e Qendrës Kombëtare të Biznesit, si një qytetar i zakonshëm, shkarkova Ekstraktin Historik të shoqërisë “Eagle Hills Real Estate Development” me NIPT M11726006H si dhe Ekstraktin e Regjistrit të Pronarit Përfitues, dhe fillova të lexoja skanimin publik për këtë subjekt dhe dua të vë në vëmendje të qytetarëve atë çfarë lehtësisht secili nga ne mund të lexojë në të.
Kryefjala e lajmeve dhe informacioneve të javëve të fundit është pa dyshim afera e Portit të Durrësit. Nisur nga interesi i madh që ka ky thesar i pronës publike u përpoqa të kuptoja më shumë rreth asaj që po ndodh në mënyrë që të jem më e qartë në qëndrimin tim ndaj kësaj afere.
Në faqen e Qendrës Kombëtare të Biznesit, si një qytetar i zakonshëm, shkarkova Ekstraktin Historik të shoqërisë “Eagle Hills Real Estate Development” me NIPT M11726006H si dhe Ekstraktin e Regjistrit të Pronarit Përfitues, dhe fillova të lexoja skanimin publik për këtë subjekt dhe dua të vë në vëmendje të qytetarëve atë çfarë lehtësisht secili nga ne mund të lexojë në të.
Cilat janë informacionet që marrim në këto ekstrakte?
Shoqëria e cila prej datës 27.06.2022 quhet “Eagle Hills Real Estate Development” fillimisht është regjistruar me emrin “Symphony Real Estate Development”, ajo është krijuar në maj të vitit 2021 dhe ka si objekt të saj “Zhvillimi i pasurive te paluajtshme, ndertimi i pasurive paluajtshme, dhenie me qera e pasurive te paluajtshme dhe çdo aktivitet tjeter ne lidhje me pasurite e paluajtshme.”
Adresa e saj fillestare ka qenë në Tiranë, Njesia Bashkiake nr.2, Rruga Themistokli Germenji, Pallati Pegaso, Kati 7, ap.30, por në shtator 10.09.2021 adresa e saj bëhet në Durrës, Administrata 8 - Porti i Durresit, Rruga Tregtare, Lagje Nr. 1, pra në Portin e Durrësit.
Shoqërinë “Symphony Real Estate Development” sh.p.k (emri tregtar që shoqëria ka patur në fillimin e saj) e krijon shoqëria “Symphony Invest Limited” me numër regjistri Nr.355663 dhe me adresë në Cayman Corporate Centre, 27 Hospital Road, George Toën, Gran Cayman KY1-9008, Cayman Island. Pra është një subjekt i regjistruar në parajsat fiskale.
Në 14.02.2022 kjo shoqëri i shet gjithë aksionet e saj shoqërisë “NORTH EAST
REAL ESTATE HOLDINGS LIMITED” një shoqëri kjo e regjistruar në Abu Dhabi, Emiratet e Bashkuara për shumën 10.000 (dhjetë mijë) lekë të reja.
Deri këtu duket se nuk ka asnjë problem por faktikisht ka një problem shumë të madh.
Shoqëria që ka marrë statusin e invesitorit strategjik është shoqëria “Symphony Real Estate Development” sh.p.k e cila në kohën e marrjes së këtij statusi ishte e zotëruar 100% nga shoqëria “Symphony Invest Limited”. Por tashmë nga shoqëria përfituese e statusit të invesitorit strategjik nuk ekziston më asgjë.
Ligji 55/2015 “Për investimet strategjike në Republikën e Shqipërisë” në nenin 19 të saj përcakton si citoj në vijim:
Neni 19
Rastet e revokimit të vendimit për dhënien e statusit “Investim/investitor strategjik, procedurë e asistuar/e veçantë”
Në rast se përgjatë përgatitjeve, zhvillimit dhe zbatimit të projektit investues strategjik, Komiteti i Investimeve Strategjike konstaton dhe vërteton se në projektin investues ka të dhëna të pavërteta apo ndryshim të të dhënave të dala rishtazi, mbi bazën e të cilave nuk do të ishte vendosur për përfshirjen e këtij projekti në procedurën e asistuar/e veçantë, Komiteti i Investimeve Strategjike revokon vendimin për dhënien e statusit “Investim/investitor strategjik, procedurë e asistuar/e veçantë”.
Në kontratën e datës 23.12.2021 për kalimin e kuotave nga “Symphony Invest Limited” tek ortaku i ri “NORTH EAST REAL ESTATE HOLDINGS LIMITED” nuk ka asnjë nen apo qoftë edhe paragraf ku të jetë përmendur projekti që i ka dhënë statusin e invesitorit strategjik.
Duke u bazuar sërish tek ligji ku në nenin 13 “Paraqitja e projektit dhe dokumentacioni përkatës” pika “ç” thekson:
ç) dokumentacionin që provon kapacitetet financiare për realizimin e projektit investues, si mënyrë garancie për zbatimin dhe zhvillimin e projektit në fjalë, sipas kërkesave të nenit 8, të këtij ligji;
Si i provon shoqëria e re kapacitetet financiare ndërkohë që pasqyrat financiare të shoqërisë “Eagle Hills Real Estate Development” për vitin 2021 (për 7 muaj aktivitet nga 26 maj 2021 -31 dhjetor 2021, jo për 12 muaj) paraqesin një humbje prej 168,649,234 lekë të reja ose afërsisht 1,441,000 Euro si dhe një detyrim ndaj ortakut (kujt ortak????) në shumën 220,687,308 lekë të reja ose afërsisht 1,886,000 Euro???!!!
Fitimi i vitit 2021 sipas Shënimeve Shpjeguese të Pasqyrave financiare
Siç shihet nga shënimet shpjeguese të cilat janë pjesë integrale e pasqyrave financiare, shoqëria “Eagle Hills Real Estate Development” ka 154,883,905 lekë shpenzime të panjohura por ato nuk japin informacion se çfarë lloj shpenzimesh janë këto të cilat ligji shqiptar i konsideron të panjohura në lidhje me tatimin e fitimit!
Nëse ndjekim rjedhën e shënimeve shpjeguese kuptojmë se nga shuma e konsideruar si shpenzim i panjohur 139,103,365 lekë të reja është “Planifikimi i projektit”. I projektit si invesitor strategjik mendoj se çfarë projekti mund të jetë tjetër?!
Borxhet ndaj të tretëve për vititn 2021 sipas pasqyrave financiare
Në foton më poshtë, informohemi se shpenzimet janë mbuluar nga zotëruesi i kuotave të kapitalit që për vitin 2021 ka qenë “Symphony Invest Limited”.
Shpjegimi i shpenzimeve të Pasqyrave Financiare
Shumë natyrshëm na lind pyetja:
Tani që “Symphony Invest Limited” e shiti pjesën dhe kur zotërues i kuotave është “NORTH EAST REAL ESTATE HOLDINGS LIMITED”, kush është përfituesi i këtij detyrimi ndërkohë që as në kontratën e kalimit të kuotave nuk është përmendur asgjë?!?!
Sipas këtyre informacioneve është logjike të mendojme se përfituesi i kësaj shume do të jetë “NORTH EAST REAL ESTATE HOLDINGS LIMITED” , pra shitja e aksioneve të shoqërisë nuk ka kushtuar 10.000 lekë të reja por ka kushtuar 220,687,308 lekë. Në këtë mënyrë bëhët një kalim kapitali nga disa duar në disa duar të tjera dhe për të cilat nuk do të paguhet asnjë tatim si e ardhur për shoqërinë që shiti kuotat.
U pastruan 1.900.000 euro me një të rënë të lapsit!
Pasqyrat nuk japin informacion për mënyrën dhe as për kohën e shlyerjes së këtij detyrimi përveç faktit që ky detyrim ka afat shlyerje më shumë se 1 vit.
Afatet e maturimti të detyrimeve
Ku është kapaciteti financiar i kësaj shoqërie i cili garanton investimin strategjik ndërkohë që shoqëria ka këtë situatë financiare?
Le t’i hedhim një sy edhe ekstraktit për pronarët përfitues të “Eagle Hills Real Estate Development” (dikur “Symphony Real Estate Development” sh.p.k invesitor strategjik) në mënyrë që të kuptojmë se cilët janë ortakët e saj.
Sipas këtij ekstrakti përfituesit janë:
Mohamed Ali Rashed Alabbar me 40,18% të kuotave të kapitalit, sepse sipas ekstraktit Alabbar zotëron 40.18% të “NORTH EAST REAL ESTATE HOLDING” e cila nga ana e saj zotëron 100% të “Eagle Hills Real Estate Development”.
Pronarët përfitues sipas Ekstraktit të QKB-së
Po 59.82% të “Eagle Hills Real Estate Development” kush i zotëron? Cilët janë përfituesit?
U fol e u përfol se administratori i firmave të kunatit të ish-kryetarit të Partisë Demokratike Lulëzim Basha, ishte administrator edhe i firmës e cila tashmë nga qeveria Rama ka marrë statusin e invesitorit strategjik.
Po kjo është e vërtetë.
Në shoqërinë “Moveo Albania Technology” me NIPT L91525009E e cila zotërohet 20% nga Erion Isufi dhe 20% nga e ëma (përqindje e fituar nga trashëgimia pas humbjes së bashkëshortit), Oltjan Hoxholli është emëruar administrator në 15.07.2019 dhe në 16.07.2021 është larguar nga ky pozicion.
Oltjan Hoxholli ka qenë edhe administrator i shoqërisë “Eagle Hills Real Estate Development” (dikur “Symphony Real Estate Development” sh.p.k invesitor strategjik) deri në datën 10.09.2021.
Shoqëria “Eagle Hills Real Estate Development” në të dhënat e saj të deklaruara në mënyrë vullnetare, nuk ka asnjë të dhënë të saj për kontaktet, por edhe sot që flasim si kontakte të saj janë e-mail dhe numri i telefonit të studios ligjore LPA Albania.
Në këtë studio ligjore ortak i vetëm më 100% të kuotave të kapitalit është z. Oltjan Hoxholli.
Të dhënat e kontakteve të “Eagle Hills” sipas ekstraktit QKB
Faktet flasin edhe duke mos nxjerrë asnjë tingull.
A ka lidhje Lulëzim Basha me këtë aferë apo jo kjo pak rëndësi ka për ne.
Jo se është e parëndësishme që ish kryetari i partisë më të madhe opozitare të përfshihet në afera me pushtetin, por sepse në këtë moment për ne ka shumë më shumë rëndësi se kjo aferë e pastër po na vjedh një nga pronat publike më të kushtueshme, më strategjike dhe më jetike.
A do ta lejojmë ne këtë?
Kjo është puna dhe detyra jonë si popull dhe e askujt tjetër.
Dosja.al
Enton Abilekaj Ishte e qartë që Samiti i 6 dhjetorit nuk do të lejohej të ishte një shërbim për vendin apo për rajo...
Arbër Zaimi Plani i Ramës për Portin e Durrësit po bie erë të keqe. Erë si ajo e “inceneratorëve”. Qeve...
Vladimir Putin Rusia e ka dëshmuar shpesh se di të jetë një mjeshtre e shpërqendrimit të vëmendjes, dhe se si mund t&eum...
Donald Trump Ai mund të jetë larguar nga Shtëpia e Bardhë, por figura e Donald Trump ende duket se ka ende ndikim mbi politikën am...
Enton Abilekaj Cicërima e fundit e Kryeministrit, shpjegon me pak fjalë se si po mundohet propaganda qeveritare ta trajtojë shpopullimin dh...
"Chinook-u" i Suella Braverman Një rivale që shndërrohet në jelekun anti-plumb të Priti Patel, që tani besohet të jet&eu...
Emigrantë Kur u rrita në Shqipëri në vitet 1990, babai i një prej miqve të mi ishte një kontrabandist njer&eum...
Meri Lika Thuhet se në politikë lejohet gjithçka,që nga krimi pa gjurmë gjaku e deri te mashtrimi që nuk lë asnjë...
Në fjalimin përmbyllës të Konferencës për të Ardhmen e Europës në Strasbourg, që përkoi me Ditën e...
Edi Rama, kryeminister Kur u mendua se hesapet e qeverisë me Televizionet ishin mbyllur, një front i ri u ndez. Kryeministri Edi Rama njoftoi k&e...
