Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Gazetari Ylli Rakipi ka kundërpaditur kryeministrin Edi Rama, pas padisë që ky i fundit i ka bërë disa muaj për parë për shpifje.
I pyetur nga Dosja.al pasi doli nga Gjykata, Rakipi tha se kryeministri e ka paditur pa tëdrejtë, ndaj i është përgjigjur me një kundërpadi.
Rakipi shtoi se Rama po tenton t’i mbyllë emisionin, dhe se procesi gjyqësor mes të dyve duhet të jetë i hapur dhe të ndiqet nga gazetarët.
Ai më ka fyer dhe nëpërkëmbur, sa ka mundur dhe si ka mundur. Është një rast i çuditshëm sepse është njeriu më gojështhurur që prej vitit 1912. E keni parë vetë se çfarë thotë. Ky gjyq është politik. Është një përpjekje e vazhdueshme e Ramës të më mbyllë emisionin. E kemi investiguar, kjo është një padi e ngritur nga vetë regjimi. Është një regjim që ndryshon në formë, regjimet e reja të privojnë të gjitha liritë. Ti s’mundesh të bësh asgjë, nga ato që mundesh. I ka vënë fre gjithçkaje. Ka blerë mediat, dhe ka kontroll absolut. Kundërpadia që kam bërë, do kërkoj që ai të vijojë të jetë me dyer të hapura. Procesi duhet të ndiqet nga gazetarët. Besoj se veç gjykata e Erdoganit mund të më dënojë. Sado probleme të kenë gjyqtarët sot përballë procesit të Vettingut, dua t’ju them se ajo drejtësi kanë njerëz të ndershëm. Media ka probleme, por kryeministri s’ka tagër t’i rregullojë ato. Ai ka të drejtë të padisë, por s’duhet t’i rregullojë ai problemet e medias.
Pak javë më parë, Ylli Rakipi deklaroi se ndihej i kërcënuar nga kryeministri Edi Rama.
Kryeministri Edi Rama paditi gazetarin Ylli Rakipi në 5 mars 2019, bashkë me ish-deputetët demokratë, Jorida Tabaku, Albana Vokshidhe Sali Berisha, si dhe me ish-deputetin e LSI, Petrit Vasili.
Politikanët janë paditur duke marrë shkas në shumicën e rasteve për deklaratat e tyre në studio televizive, por edhe në konferenca për shtyp, ndërsa gazetari Ylli Rakipi është paditur për një shkrim të bërë në tetor të 2018.
Ndaj Rakipit, Rama kërkon shumën e dëmshpërblimit prej 1 milionë lekësh, dhe përgënjeshtrimin e shkrimit të datës 15.10.2018.
Shkrimi i Rakipit për të cilin është paditur:
A mund të lidhet Edi Rama?
Shumë vite më parë, miqtë më të ngushtë të Edi Ramës, u mblodhën një mbrëmje, më vete dhe filluan një diskutim, për sjelljet e çuditshme, gati të përhershme dhe të pakuptueshme të tij.
Edhe pse miq shumë të afërt, ata nuk e kuptonin, se çfarë ishte në fakt ky njeri, si ishte ndërtuar në atë mënyrë, që nuk ngjante me asnjërin prej tyre dhe çfarë ishin veprimet e tij?
Në fakt, halli ku miqtë kishin rënë, dukej shumë i madh. Ky diskutim, ishte si të thuash një përpjekje, për të kuptuar se ç’ishte ky deformim kaq i madh i personalitetit të Edi Ramës dhe përse ndodhte ky deformim.
Çdo njëri nga miqtë, solli në këtë takim, variantin e vet. Në fakt, të gjitha variantet ishin shumë afër njëri tjetrit, por si më afër të vërtetës u çmua varianti i Fatos Lubonjës dhe drejtorit të atëhershëm të Soros-it në Tiranë, Fron Njazi. Në fund edhe këto dy variante u vunë në konkurim me njëra tjetrën dhe fitoi varianti i drejtorit të Soros-it. Varianti i Njazit, fitoi sepse ishte i thjeshtë për tu kuptuar nga i gjithë populli. Ja ç’ishte ky variant:
Kemi përpara, – filloi Fron Njazi, – në mes të një errësire të madhe, një super autostradë me njëqind korsi. Në sfond të kësaj autostrade, shfaqet një makinë e stërmadhe sa një mijë makina bashkë, me drita që ndriçonin çdo gjë rreth e qark. Anash autostradës, priste Edi Rama dhe sapo makina me dritat që llamburisnin u afrua, ai papritur dhe pa pyetur për rrezikun, u hodh në mes të autostradës. Dhe e gjitha kjo vetëm që drita të binte mbi të, vetëm që ai të ndriçohej, paçka se makina po e shtypte. Ky pra ishte Edi Rama, si konkluzion, për miqtë e vet. I gjithi ky, një vrapim i çmendur, drejt dritës së madhe të rrugëve, të podiumeve, drejt një madhështie të rreme, pa pyetur dhe pa kuptuar asnjë çast se kjo mund të ishte rruga e vetëvrasjes. Vini re, çfarë ka ndodhur në jetën e Edi Ramës.
Në fillim Edi Rama u shpall piktor. Përfytyroni një mesues të thjeshtë vizatimi, pa pikë talenti në artet figurative, vetëm pse babai ka qenë skulptor, torturohet ditë e natë në rrugën e vështirë të piktorit. Por, nuk mbaron këtu. Sëmundja e tij është kaq e përparuar sa vrapimi i tij i çmendur për t’u bërë basketbollist. Dhe a e dini pse? Vetëm se ishte i gjatë. Kështu, herë si piktor dhe herë si basketbollist, herë si gazetar dhe herë si anti komunist, e kemi parë Edi Ramën, për më shumë se tre dekada. I palodhur, për gjërat që s’mundet ti ketë dhe s’mundet ti bëjë, me aftësitë që ka.
Deri këtu duket se nuk ka ndonje të keqe të madhe. E gjitha kjo, është thjesht një dramë e një personaliteti të deformuar, e një gjysmaku që dita ditës vret veten pak e nga pak. Dhe kjo u ndodh shumë njerëzve në botën ku jetojmë.
Por, Edi Rama nuk u ndal këtu, brenda të keqes së vet. Ky njeri është ndoshta rasti më tipik, në botën ku jetojmë, ku egoizmi dhe mundësia, janë në proporcionin më të zhdrejtë të mundshëm. Një gjysmak, me inteligjencë poshtë mesatares, që kërkon të kapë majat e botës. Në sajë të kësaj, sëmundje apo budallallëku, quajeni si të doni, sot ai është kryeministri i Shqipërise! A e keni parë si përdor paturpësinë dhe mediokritetin e vet, për të shkelur dhe hypur në çdo podium? A e keni parë, këtë palaço që përdor edhe atletet për të tërhequr vëmendjen e liderëve të botës, thjesht për të kthyer vështrimin drejt tij? A e keni parë, në parlament, ku vjedh fraza të Faik Konicës dhe imzot Nolit dhe mundohet të flasë si ata dhe bëhet qesharak? E ç’mund ta afrojë Edi Ramën me ta?!
A e keni parë se si me detyrën e kryeministrit paraqitet nëpër galeritë e botës me zhgarravina dhe përpiqet të vjedhë postin e piktorit? A thua se edhe piktor bëhesh kur rrëmben votat e shqiptarëve? Por, kjo qenie, ka kthyer në dele një popull të tërë dhe është bërë kryeministër. Edhe sot, kishte mbledhur një qerre të madhe me policë dhe po u fliste për shpifjen dhe anti-shpifjen. O zot! A mund të ndodhë përshembull, që kryeministri italian apo kryeministrja britanike, të mbledhin policët e vendeve të tyre dhe t’u flasin për shpifjen… Po çfarë po ndodh vërtet me Edi Ramën, që ditën, natën, në gjumë apo dhe në ëndrra, në takim me police, apo edhe me Endri Fugat, sheh vetëm shpifje dhe ndërton paketa kundër saj?
Edi Rama, është sot në ankth. Ai kërkon të ndalojë me ligj fjalën dhe për rrjedhojë edhe mendimin. Ai kërkon që njerëzit të mos flasin për ato që ai ka bërë dhe po bën. Kjo gjë e tremb, e mbush me ankth. Deri dje, sjellja e Edi Ramës si piktor, si basketbollist, si gazetar, si anti komunist apo bredharak nëpër rrugët e Parisit, si njeri që bën sikur di t’i bëjë të gjitha, nuk dëmtonte askënd. Por sot, Edi Rama është kryeministri i Republikës së Shqipërisë dhe si i tillë ai duhet të përgjigjet. Ndërtimi i paketave, nuk e ndihmon dot Edi Ramën. Halli i tij sot është i madh. E kuptojmë që ai nuk dëgjon dot më. Ka vetëm një mënyrë, që jo vetëm ne, por edhe ai të shpëtojë nga vetëvetja. Duhet të gjendet dikush që ta lidhë Edi Ramën…
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryetari i Bashkisë Tiranë, Erion Veliaj ka reaguar pas dy protestave që po zhvillohen paralelisht në kryeqytet, ajo tek fidanishtja e UBT dhe te B...
TIRANË- Gjatë takimit me gazetarët, Zevëndes/ndihmës Sekretari i Shtetit Mathew Palmer, ka folur për influencën ruse në Rajon. “Amerika kërkon transparecë ...
TIRANË– Partia “Zgjidhja” ka reaguar pas protestës së dhunshme që u mbajt ditën e sotme në zonën e Bulevardit të Ri, në Bregun e Lumit. Në një deklaratë zy...
TIRANË- Zëvëndës Ndihmës Sekretari Amerikan i Shtetit, Matheë Palmer ka zhvlluar sot një takim me gazetarët në Tiranë. Palmer ka thënë se qeveria është leg...
TIRANË- Zëvëndës Ndihmës Sekretari Amerikan i Shtetit, Mathew Palmer ka zhvlluar sot një takim me gazetarët, për të disktuar për krizën politike.Mësohet s...
SHKODËR- Zv.kryeministri Erion Braçe ka vijuar me turin e kontrolleve në administratën shtetërore. Burime për Dosja.al bëjnë me dije se Braçe...
TIRANË- Ambasadori i Italisë në Tiranë, Alberto Cuttillo ka folur sot për mediat në lidhje me situatën politike në Shqipëri. Në deklaratën e tij ai u shpre...
Deputeti Ervin Bushati ka bërë një postim në rrjetet sociale ku shkruan se është mjaft krenar që miku i tij është tashmë ka dy mandate të plota si pjesë e Parla...
Tiranë- Që prej orës 06:00 të mëngjesit të sotëm INUV ka nisur prishjen e banesave te Bregu i Lumit. Forca të shumta policia ka në vendngjarje ku nuk kanë mun...
Tiranë– Mbrëmjen e djeshme në “Opinion”, ministri Blendi Klosi u shpreh gjatë debatit se “Taken by Albania” është parë mbi 1 milion herë. “Është parë mbi ...
