Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
KOSOVË– Ai e paralajmëroi një gjë të tillë menjëherë pas kthimit nga Shtetet e Bashkuara ku më 2 mars ishte takuar në Shtëpinë e Bardhë me presidentin e Serbisë, Aleksandër Vuçiç, më ndërmjetësimin e ambasadorit Richard Grenell, i dërguar i posaçëm i presidentit Donald Trump për bisedimet e paqes Kosovë – Serbi.
Më 4 mars ai kërkoi t’i drejtohet parlamentit rreth këtij takimi, por kjo nuk u bë e mundur dhe kryetarja e parlamentit Vjosa Osmani tha se duhet kohë për organizmin e seancës, meqë deputetët janë të angazhuar në veprimtari të përcaktuara më parë.
Pas kësaj ai foli në një konferencë me gazetarë dhe paralajmëroi takime me udhëheqësit e partive politike për t’i informuar rreth takimit, të cilin ai e cilësoi “si moment të kthesës kritike dhe pozitive që nën udhëheqjen e Shteteve të Bashkuara dhe të presidentit Donald Trump, dinamikës dhe mençurisë së ambasadorit Richard Grenell të arrihet marrëveshja (me Serbinë) në të ardhmen e afërt. Prandaj, këtë momentum dhe këtë mundësi nga Uashingtoni duhet ta shfrytëzojnë edhe Kosova edhe Serbia për arritjen e paqes si garanci për paqe në gjithë Ballkanin Perëndimor”.
Sipas presidentit Thaçi, takimi në Washington “ka hequr çdo dilemë dhe çdo enigmë, ky proces është në duar të sigurta, është në drejtim të duhur, është me rol udhëheqës të SHBA-së. Ne të gjithë liderët e Kosovës jemi të zëvendësueshëm, roli i SHBA-së për Kosovën është i pazëvendësueshëm”, tha presidenti Thaçi.
Takimi në Shtëpinë e Bardhë u mbajt në një periudhë kur zyrtarët amerikanë po u kërkojnë të dyja palëve që të krijojnë kushte për vazhdimin e bisedimeve për një marrëveshje politike.
Në këtë kuadër ata po i kërkojnë Kosovës që të heqë tarifat e vendosura në nëntor të vitit 2018 ndaj mallrave serbe, që çuan në pezullimin e bisedimeve, meqë Beogradi kushtëzon vazhdimin e tyre me heqjen e tarifave.
Të dielën, ish kryeministri i Kosovës, Ramush Haradinaj, hodhi propozimin për një konferencë të brendshme në Kosovë për të krijuar një konsensus rreth tarifave ndaj mallrave serbe dhe bisedimeve me Serbinë.
Ai tha se konferenca do të ishte dy dyditëshe “e përbërë nga kryetarët e partive politike, por ku do t’i ftonim edhe udhëheqësit e dialogut, Amerikën dhe lehtësuesit e dialogut që është Bashkimi Evropian. Kjo konferencë do të mund të krijonte një qëndrim unik me të cilin ia kishim lehtësu Amerikës me u arritë marrëveshja për njohje të ndërsjellë”, tha zoti Haradinaj, kryetar i Aleancës për Ardhmërinë e Kosovës.
Sipas tij në Kosovë aktualisht janë krijuar dy blloqe politike: “një bllok është krijuar nga presidenti (Hashim) Thaçi, e ku është edhe kryetari i Partisë Demokratike, Kadri Veseli; ai i Lidhjes Demokratike, Isa Mustafa, zevëndës kryeministri Avdullah Hoti dhe (kryeministri shqiptar) Edi Rama. Ky bllok kërkon heqjen e taksës komplet duke nënshkruar marrëveshje finale me Serbinë”.
Blloku tjetër tha ai “i kryeministrit Albin Kurti, ku është edhe zonja (Vjosa Osmani, kryetar e parlamentit, përkrahë heqjen e taksës. Ka ofertuar gabim pa kërkuar kontratën finale me Serbinë, me premtim të vendosjes së një reciprociteti joreal. Ky bllok politik e injoron momentumin e krijuar duke shënuar proces të ri të dialogut e jo dialog përfundimtar me Serbinë”, tha ish kryeministri Haradinaj, i cili që nga nëntori i vitit 2018 i ka rezistuar trysnisë ndërkombëtare për heqjen e tarifave prej 100 për qind ndaj mallrave serbe.
Zëvendëskryeministri i Kosovës, Avdullah Hoti, shkroi më pas se “Kosova ka institucione legjitime te dala nga zgjedhjet demokratike te 6 tetorit, te cilat bartin përgjegjësitë kushtetuese, përfshire edhe dialogun me vendin fqinj Serbinë. Nuk ka nevoje për asnjë konference për ketë qellim, te brendshme as te jashtme. Sigurisht se konsultimet janë gjithmonë pozitive”, shkroi ai duke theksuar se duhet vetëm ushtrim i përgjegjësive kushtetuese nga secili. Kryeministri duhet te marre përsipër dialogun ashtu siç e definon edhe aktgjykimi i Gjykatës Kushtetuese. Presidentin duhet të qëndrojë brenda kompetencave te veta kushtetuese”.
Udhëheqësit e institucioneve dhe partive politike vazhdojnë të jenë thellësisht të ndarë rreth tarifave ndaj mallrave serbe për heqjen e të cilave, diplomacia amerikane ka shtuar trysninë ndaj qeverisë së Kosovës dhe nuk është pajtuar me qëndrimin e kryeministrit Kurti për heqjen e kushtëzuar të tyre.
I dërguari i presidentit Donald Trump për bisedimet e paqes Kosovë – Serbi, ambasadori Richard Grenell disa herë ka theksuar se “Kosova duhet të heqë tërësisht tarifat” që po e dëmtojnë në radhë të parë ekonominë e saj, ndërsa ka paralajmëruar se Shtetet e Bashkuara janë të përqendruara në “zhvillimin ekonomik dhe krijimin e vendeve të punës”, por “ne nuk mund ta ndihmojmë derisa tarifat e qeverisë së Kosovës vazhdojnë ta dëmtojnë Kosovën”.
Ambasadori Grenell hodhi poshtë ndërkaq pohimet se në takimin e organizuar prej tij në Shtëpinë e Bardhë ndërmjet presidentëve të Kosovës dhe Serbisë është diskutuar për një marrëveshje mbi idenë e ndarjes së Kosovës.
Të dielën presidenti i Kosovës, Hashim Thaçi, shkroi në rrjetin twitter se “ka interes të madh nga njerëz të caktuar që të prishin procesin e arritjes së një marrëveshje finale të paqes ndërmjet Kosovës dhe Serbisë. Prandaj, më lejoni ta përsëris, zëshëm dhe qartë: Jemi duke biseduar për t’i dhënë fund konfliktit një shekullor, me përqendrim në zhvillimin e ekonomisë për një jetë më të mirë për qytetarët tanë dhe njohje të ndërsjellë. Asgjë më shumë apo më pak”, shkroi ai duke theksuar se “sërish, roli i Shteteve të Bashkuara është i domosdoshëm. I dërguari i posaçëm Richard Grenell është duke bërë një punë të shkëlqyeshme dhe e ka mbështetjen e plotë nga Mathew Palmer (i dërguari amerikan për Ballkanin Perëndimor). Faleminderit Donald Trump për punën që po bën për paqen në botë”, shkroi ai.
Marrë nga VOA
1 vit nga zgjedhjet e 25 prillit si e shikoni gjendjen e vendit:
Sfidat nëpër të cilat ka kaluar dhe fitoret e arrira e kanë bërë personazhin që ne do të sjellim sot, jo vetëm një njeri me ideale e virtyte, por profesionistin...
ITALI– Grupet e ekspertëve në Izrael rreth 10 ditë më parë deklaruan se vaksina kundër koronavirusit mund të jetë për të paktën 3 javë.Sipas Institutit Izraeli...
ITALI– Koronavirusi ka prekur edhe një person brenda redaksisë së emisionit investigativ “Le Iene” në Itali, ku për këtë shkak emsioni ka ndaluar transmetimin ...
ARABI SAUDITE– Arabia Saudite është tronditur së fundmi me lajmin se autoritetet vendase kanë vënë nën pranga 20 princër me urdhër të princit të kurorës Mohamma...
KINË– Bilanci i viktimave dhe të infektuarve nga koronavirusi në botë sa vjen dhe rritet dita ditës.Të paktën 3,821 njerëz kanë vdekur si rezultat i virusi...
Itali- Të dielën një e katërta e popullsisë italiane ose rreth 16 milionë njerëz ndodhen në izolim bazuar në një dekret të ri emergjence të nxitur nga situata k...
ITALI- Koronavirusi në Itali po përhapet me përmasa të frikshme, ku shumë qytetarë kanë gjetur vdekjen. Sot Kryeministri i Italisë, Giuseppe Conte ka firmosur n...
PORTUGALI- Një tërmet i fortë me magnitudë 5.2 rihter ka goditur sot ishullin Maderia në Portugali ku ka shkaktuar panik tek njerëzit. Daily Mail ka publikuar d...
TIRANË- Publicisti kosovar, Veton Surroi në një intervistë për edicionin e lajmeve në RTV Ora, kritikoi Hashim Thaçin në rolin e tij si negociator n...
KOSOVË- Nëntëmbëdhjetë muaj pasi ishte pezulluar nga Policia e Kosovës zyrtari me inicialet F.Sh e ka veshur sërish uniformën. Qershorin e 2018-s, ai ishte...
