6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
RRËSHEN- Ipeshkvi i Dioqezës së Rrëshenit Dom Gjergj Meta ka reaguar vrasjen që ndodhi dy ditë më parë në Lexhë ku 17-vjeçari Florian Përvathi vrau fqinjin 65-vjeçar Lek Lekgjonaj për hakëmarrje. Me anë të një postimi në Facebook, Ipeshkvi Meta shkruan se gjakmarrja është forma më e skajshme e hakmarrjes. Në lidhje me këtë ngjarje, ai ka deklaruar se më parë askush nuk kishte folur me adoleshentin dhe se nuk e dinin se çfarë bluante ai përbrenda. Ai ka shtuar se situata do të ishte më ndryshe nëse 17-vjeçari do t’ja kishte treguar dikujt traumën që kishte.
Postimi i plotë:
GJAKU I BABËS DHE TRAUMA GËRGASËSE* Në ka një gjë në “botën” e Masmedias me të cilën jemi mësuar, ajo është pa dyshim kronika e zezë, aq sa krime të ndryshme dhe ngjarje të rënda të gjithfarllojshme janë bërë normale për sytë dhe veshët tanë. Megjithatë, ajo që ndodhi me datë 24 janar në Lezhë, nuk është thjesht një ndër to. Nuk është nga ato lajme, të cilat na serviren çdo ditë me motivacione të tipit: “larje hesapesh”, “hakmarrje mes bandash”, “vrasje mafioze”, etj., etj. Këtë herë arsyeja e krimit ishte krejt “e pastër”: marrja e gjakut të babës. Me ta marrë vesh atë që kishte ndodhur, u informova menjëherë në lidhje me të nëpërmjet njerëzve që njihja dhe më rezultoi se kishim të bënim pikërisht me atë që shkruhej në media: me një vrasje për gjakmarrje. Kur dëgjova lajmin, për një çast mendova se hija e gjakmarrjes u çua edhe një herë nga barku i territ, nga thellësitë e nënvetëdijes, si një Leviatan, për të na thënë: “Jam këtu, nuk liroheni lehtë prej meje”.
E imagjinova atë Leviatan me dhëmbë të zgërdheshur, njësoj si armiku i natyrës njerëzore, i cili pasi të ndodhë krimi, këndon këngën e fitores së vdekjes mbi jetën, duke u kthyer rishtazi në thellëtirën e errësirës prej nga vjen. Atij as që i bëhet vonë se në fushë të betejës ka lënë një burrë të vdekur dhe një djalë të ri që do të kalojë shumë nga ditët e tij në burg. M’u bë si një ngjarje kohësh të tjera, e dalë nga novela “Gjaku” e Ernest Koliqit te “Hija e maleve”, ku Doda e bluan ndër vete vendimin e gjakmarrjes dhe më pas e kryen atë. U mundova të merrja me mend sa e sa zëra që me siguri kanë ushtuar në veshët e atij djali ende të parritur, zëra të zvetënuar gërgasësish, të cilët e shoqëruan kur ai mori një armë dhe shtiu mbi gjaksin e tij. Në kësi rastesh, ne të gjithë nisim të gjykojmë faktet, jemi kureshtarë të dimë si e ka bërë krimin i pandehuri, përgatitim versionet tona, por shumë pak e shtrojmë pyetjen: “Pse ndodhi?”.
Nuk e pyesim veten se sa e thellë mund të ketë qenë trauma e një djali, që në moshën 5 vjeçare ka parë të vdekur brenda një dite të dy prindërit e tij. Ajo tronditje e fortë, ajo plagë e rëndë shpirtërore, ajo thyerje e madhe, duket që nuk është shëruar kurrë, përkundrazi, është përkeqësuar gjithnjë e më shumë. Askush nuk ka folur me të, nuk e ka dëgjuar traumën brenda tij, nuk është marrë fare me të. Me siguri ai djalë ka dëgjuar mjaftueshëm histori “burrash” që e kanë marrë gjakun ose që janë korit se nuk e kanë marrë dot atë, por ai asnjëherë nuk e ka dëgjuar traumën që po rritej brenda tij, e cila i shtrinte dhunshëm metastazat në të gjithë ekzistencën e tij, duke ia vrarë çdo qelizë të shëndetshme si një sëmundje e keqe.
Po ashtu, ai i i ka dëgjuar të tjerët duke folur për “nder” e “faqe të bardhë”, por askush prej atyre “të tjerëve” nuk e ka dëgjuar traumën e një fëmije, pale më të orvatej për t’i dhënë një përgjigje ose së paku për të ngjitur çka ishte e mundur prej asaj krisjeje. Nuk e di nëse kjo histori ka gërgasës të jashtëm (jam i tunduar të mendoj se po), por me siguri gërgasësi më i madh gjendej brenda tij. Trauma ka qenë gërgasësi i tij i stërmadh. Gjakmarrja është forma më e skajshme e hakmarrjes. Kjo e fundit është një nga përbindëshat që banon brenda njeriut. Ajo duket sikur fle, e mbuluar me tisin e harresës. Rri aq urtë, sa thua nuk ekziston, por në të vërtetë thjesht po pret momentin e duhur për të shpërthyer.
Dhe si gjithmonë, shpërtheu në mënyrën më të keqe të mundshme, duke marrë jetën e një njeriu. Po me datë 24 janar, Papa Françesku shpërndau mesazhin e tij të përvitshëm për Ditën botërore të Komunikimeve shoqërore. Në qendër të këtij mesazhi ishte fjala “dëgjim, me dëgju”. Cilësia e komunikimit është pikërisht aftësia për të dëgjuar e jo për të përgjuar nga kurioziteti apo për të shpifur nga dashakeqësia. Dëgjimi ka të bëjë me cilësinë e jetës dhe të marrëdhënieve tona. Duke cituar Ditrish Bonoferin, Papa Françesku na sjell ndërmend se: “Kush nuk arrin ta dëgjojë vëllanë e tij, shumë shpejt nuk do të jetë më i aftë ta dëgjojë as Zotin”. Mënyra më e mirë për ta treguar dashurinë ndaj dikujt, është duke e dëgjuar, duke patur durim për ta dëgjuar deri në fund historinë dhe jetën e tjetrit, sidomos plagët dhe traumat e tij.
Një shoqëri e mësuar me zhurma e ka të vështirë të dëgjojë. Pikërisht mungesa e kësaj të fundit ia ka krijuar rrethanat e favorshme krimit të paralajmëruar të ditës së djeshme: nuk është dëgjuar klithja e traumës së një fëmije. Nuk ka proces pajtimi të jashtëm, pa u pajtuar njeriu përbrenda vetes. Ja çfarë ka ndodhur atë ditë në Lezhë. Tanimë vendimi i mbetet gjykatësit. Ne të tjerëve nuk na takon gjykimi e aq më pak paragjykimi, por na takon vëmendja ndaj shumë traumave të tjera që janë vullkane aktive, të cilat ndodhen krejt pranë nesh, dhe si të tilla mund të shpërthejnë nga momenti në moment, duke shkaktuar dëme të mëdha.
17-vjeçari vendosi të merrte hakun e të atit, Gjon Përvathi, i cili u ekzekutua nga Ndue Lekgjonaj në vitin 2009, me motivin se i kishte bllokuar rrugën. Pasi kreu vrasjen, Lekgjonaj u vetëdorzua në Polici, duke pranuar edher plagosjen e dy personave të tjerë po në të njëjtën ngjarje. Lekgjonaj, teksa tentonte që të largohej nga skena e krimit, kishte aksidentuar edhe djalin e madh të viktimës e të afërmin e tyre, por fatmirësisht kësaj here pa i kushtuar jetën. Megjithatë drama në jetën e 4-vjeçarit (asokohe) nuk përfundoi këtu. Në gjendje të rënduar psikologjike, nëna e 17-vjeçarit, Martine Përvathi vendosi që të ndërmerrte një akt të rëndë duke i thënë fund jetës, po të njëjtën ditë me vrasjen e të shoqit, pasi mendoi se edhe i biri kishte ndërruar jetë. Duke lënë kështu jetimë 4 fëmijë.
(I.A/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Presidenti Ilir Meta ka deklruar se nuk ka asnjë betejë me Gjykatën Kushtetuese. I ftuar në “Now” me Erla Mëhillin, Meta u shpreh...
SPANJË- Garda Civile ka arrestuar gjashtë trafikantë droge, pesë spanjollë dhe një shqiptar, në një operacion të nisur në gusht dhe që ka zbuluar një rrugë...
BURREL- Një kaprollë është parë ditën e sotme në rrugën e Qafshtamës. Në një video të publikuar nga JOQ, shihet një kaproll, i cili ndodhej në rrugë.Ndërkohë që...
TIRANË– Klevis Balliu, i cili ka udhëhequr protestën e Astirit, është dënuar me 80 orë pune në komunitet. Në një postim në Facebook, Presidenti Ilir ...
ITALI- Karabinierët arrestuan një shqiptar ditën e sotme në itali pasi iu gjetën 17 kilogramë kokainë. Perugiatoday shkruan se ushtria mbërriti te njeriu falë h...
TIRANË- Emisioni “Në Shenjestër” publikoi për herë të parë detaje nga zhdukja pa gjurmë e Tauland Malshit në Spanjë. Person ii fundit që kishte kontakt me ...
TIRANË– Delina Fico, bashkëshortja e Ministrit të Brendshëm, Bledi Çuçi, e akuzuar nga ish-kryeministri Sali Berisha se merr miliona ng...
TIRANË- Emisioni Stop trajtoi rastin e qytetares Drita Sula, e cila denoncoi noteren Rezarta Koçi se i ka vjedhur 72 milionë Lekë, para të cilat ish...
TIRANË- Në emisionin Stop në Tv Klan ka ardhur një denoncim për noteren Rezarta Koçi, e cila ka marrë paratë që ishin kaluar në llogari për shitjen ...
TIRANË- Zhdukja e mistershme e Tauland Malshit në Spanjë ka qenë fokusi i emisionit ‘Në Shënjestër’ mbrëmjen e sotme. Të ftuar në studio gazetarja ishin Fa...
