Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANE- Kjo është kronika e xhiruar dhe montuar nga Kryeministria për tunelin e Kardhiqit. https://ata.gov.al/2020/08/10/nis-puna-ne-tunelin-e-rruges-kardhiq-delvine-rama-veper-e-sterpremtuar-ne-dekada-tetorin-e-ardhshem-ne-hapim-tunelin/
Kryeministri dhe ministrja Balluku kanë shkuar në lotin 4 të rrugës që lidhet me lotin 7, që është tuneli i Kardhiqit dhe shpallin të filluara punimet për tunelin. Është data 10 gusht 2020, kur Kryeministri me gëzim thotë se vepra do të përfundojë për 1 vit, ndërsa ministrja tregon për premtimin që kompania ka bërë se do ta përfundojë tunelin në gjysmën e kohës së kërkuar, pra në 12 muaj nga 24 që është parashikuar.
“Këto janë fakte, jo opinione”, do thoshte Kryeministri dje, në mbledhjen e asamblesë, 2 muaj pasi shpalli fillimin e punimeve të tunelit nga kompania Gjoka.
Për tu marrë me faktet e vërteta shërben kjo letër zyrtare që Kompania Gjoka i ka çuar Autoritetit Rrugor Shqiptar (ARRSH). Mban datën 10 shtator 2020 dhe tregon që punimet, jo vetëm nuk kanë filluar në 10 gusht, por nuk mund të fillojnë as në 10 tetor, që është sot, 2 muaj pas kronikës së shpërndarë nga Kryeministria.
Në shkresën zyrtare, Kompania Gjoka shpreh gjithë habinë e saj për situatën që ka gjetur në terren. Tuneli nuk qenka aq i thjeshtë sa mendohej, fondet nuk qenkan të mjaftueshme, sepse terreni është më i vështirë dhe informacioni i ARRSH shumë i vakët.
Pra problemin sipas Kompanisë Gjoka e ka ARRSH, që me një fond limit 20 milionë euro, shpalli një tender (me çelësa në dorë) të ngjashëm me të gjithë tenderat e mëparshëm për ato që quhet veprat e mëdha në rrugë dhe që përfshijnë tunelet dhe urat.
Është tenderi që ARRSH ia dha një kompanie italiane dhe kompania Gjoka Kontruksion e apeloi në Komisionin e Prokurimeve Publike (KPP), pasi kishte cuar ofertën më të ulët, me 5 milionë euro më pak. Fondi limit ishte 20 milionë euro, oferta e kompanisë Gjoka ishte 15 milionë euro. ARRSH nuk ia dha sepse kishte një Vendim të Këshillit të Ministrave (VKM), që e ndalonte t’i jepte tenderin një kompanie që ka ende një kontratë ku nuk ka kryer 70 për qind të punimeve.
Bëhej fjalë për rrugën e Arbrit që po ndërtohet nga Kompania dhe në atë kohë nuk ishin kryer 70 për qind të punimeve. Gjoka nuk plotësonte as kushtin që të kishte kryer më parë një vepër të madhe si tuneli, sepse nuk e kishte përfunduar akoma tek rruga e Arbërit dhe nuk e ka përfunduar akoma sot në fakt.
Cështja u zgjidh duke shkarkuar drejtoreshën e ARRSH që zbatoi ligjin, duke anulluar VKM me efekt prapaveprues dhe duke ia dhënë Gjoka Konstruksion me 15 milionë euro të drejtën për të ndërtuar tunelin e Kardhiqit.
Sot kompania, jo vetëm që nuk i ka filluar punimet, por shkruan zyrtarisht që 15 milionë eurot nuk mjaftojnë, duhen rreth 2 milionë euro më shumë, sepse tuneli qenka në luginë dhe këtë nuk e dinte. Pastaj thotë që tuneli lidh lotin 4 me lotin 6, duke harruar që lotin 6 e ndërton pikërisht Gjoka Kontruksion. Si mund të mos e dinte terrenin, si mund të mos i njihte kushtet teknike, kur është duke ndërtuar pikërisht aty ku lidhet tuneli me pjesën tjetër të rrugës? A mjaftoi informacioni për kompaninë italiane që ofroi ndërtimin e tunelit me 20 milionë euro, sa fondi limit?
Shkresa zyrtare që Gjoka i drejton ARRSH, e përjashton mundësinë e tunelit në gjurmën e kërkuar nga ARRSH dhe e zhvendos atë në të majtë ose në të djathtë, duke ndjekur pjesën shkëmbore të malit, pra pjesën ku nuk ka shumë nevojë për punime mbrojtëse dhe ku carja e malit nuk bëhet me mjete modern, pro me mina. Kjo ul ndjeshëm koston në parim, por jo në realitetin që ofron Gjoka.
Ai e llogarit si rritje gjatësie të tunelit dhe si rrjedhim rritje të kostos. Në 2 variantet që i ka paraqitur ARRSH, Gjoka kërkon 15 milionë euro për variantin e parë (ana e majtë e malit) dhe 25 milionë euro për variantin e dytë (ana e djathtë e malit).
I sugjeron dhe ARRSH të zgjidhet ana e majtë që ka më pak kosto, ndërkohë që kostoja më e ulët që ofron është 2 mln më shumë se ajo me të cilën e ka fituar tenderin, ndërsa variant i dytë ka kosto 5 milionë euro më të lartë se fondi limit.
Nuk mbaron këtu, në variantin më të lirë që ka ofruar, projekti parashikon një tunel me kthesë, me rreze 500 metra, që është kërcënim më i madh se Qafa e Muzinës për udhëtarët.
Është i papranueshëm në teori, por ndoshta mund të pranohet në praktikë nga ARRSH. Nëse ky variant pranohet, tuneli mund të shndërrohet në burim aksidentesh.
Në kushtet ku e ka vendosur Gjoka ARRSH-në, është e qartë që vendimi do të jetë i vështirë.
Drejtori Ergys Verdho, si inxhinier me përvojë, e di se firmosë një kontratë në bazë të secilit projekt ka kosto personale. Nuk dihet nëse do ta pranojë sfidën për të injoruar ligjin, profesionin apo moralin, por e sigurtë është se Edi Rama dhe Belinda Balluku gënjyen ditën për diell, në mes të rrugës së pabërë dhe se historia e Tunelit të Kardhiqit mbetet një histori korrupsioni me klientët e preferuar të Kryeministrit. Si e tillë nuk mund të prodhojë rezultat.
(DOSJA.AL)
1 vit nga zgjedhjet e 25 prillit si e shikoni gjendjen e vendit:
Nga të gjithë servilët që ka në vathën e tij, pa dyshim që Erion Veliaj i plotëson maksimalisht parametrat, për t’u përzgjedhur nga Edi Rama si “skifteri” i fus...
“Uoj bukuroshë bre!”“Kqyrja more trupin si ngjalë!”“Offf çka t’kisha bo unë ty!”“Ta kisha ça *othën oj zemër; s’kishe mujt nesër me ec në këmbë tu...
PRISHTINË- Një ngjarje e rëndë dyshohet se ka ndodhur në familjen e ish-kryeministrit Ramush Haradinaj. Portali Bota.sot, shkruan se në Urgjencën e Qytetit...
1 vit nga zgjedhjet e 25 prillit si e shikoni gjendjen e vendit:View Results...
Dje, ditë e shtunë, është përcjellë për në “banesën e fundit” zonja Lume Juka, profesoreshë muzike dhe njëherësh misionare humaniste, atdhetare – e pazhur...
Lexoj në mediat sociale postimet e shume gazetarëve shqiptarë, të skandalizuar me vendimin e Komisionit të Jashtëm të Vlerësimit që dje (2 tetor) shkarkoi nga d...
TIRANË– Premtimi i kryeministrit Edi Rama se do të rrisë me 40% pagat e mjekëve, infermierëve dhe të mësuesëve ka qënë lajmi më i mirëpritur i javëve të fu...
Shqipëria është një nga vendet me sizmicitetin më të lartë në Europë. Vendi ynë bën pjesë në Ballkan dhe dihet që Ballkani është një zonë me aktivitet të lartë...
TIRANË- Ekonomia ishte kryefjala e konferencave të ndara të dy liderëve politikë në Shqipëri. Por rezultati ishte edhe më surprizë, më së paku virtualisht,...
