Politike

Djegia e mandateve/ Deputetja Rudina Hajdari nuk heq dorë: Më mirëkuptoni

  • Deputetja Hajdari ‘kryqëzohet’ në komente: Po bëhesh fasadë e qeverisë
  • Hajdari shkruan se vendimin e saj do ta bëjë të ditur shumë shpejt, pavarësisht se sipas vendimi për të hequr dorë nga mandati në mënyrë kolektive do të ketë rreziqe.
    Featured image of article: Djegia e mandateve/ Deputetja Rudina Hajdari nuk heq dorë: Më mirëkuptoni Deputetja Rudina Hajdari

    Deputetja demokrate Rudina Hajdari mesa duket nuk do të heqë dorë nga mandati i saj. Me anë të një statusi në rrjetin social Facebook, Hajdari shkruan se gjatë kësaj periudhe është konsultuar me personalitete politike të Bashkimit Evropian dhe Shteteve të Bashkuara të Amerikës. Deputetja demokrate vijon statusin e saj më tej teksa shprehet se vendimin e saj përfudnimta për ta djegur ose jo mandatin do ta bëjë të ditur shumë shpejt. Ajo thekson se vendimi për të hequr dorë nga mandate në mënyrë kolektive do të ketë rreziqe.

    Statusi i plotë i Rudina Hajdarit

    Është e natyrshme që historia ime familjare ndikon sa në sjelljen time politike aq edhe në përceptimin publik të saj.

    Kushtetuta e Shqipërisë e ka përcaktuar “heqjen dorë nga mandati” të deputetit si vendim individual, pavarësisht kësaj unë nuk e ndiej vetën aspak të shkëputur nga grupi parlamentar i PD dhe nga misioni i saj.

    Për shkak të karakterit dhe formimit tim, “vendimet” i kam vlerësuar gjithnjë fort duke i’u kushtuar kohën, analizën dhe vëmendjen e duhur dhe ky rast është një ndër më të rëndësishmit.

    Për këtë, gjatë kësaj periudhe jam konsultuar me personalitete politike të Bashkimit Evropian dhe Shteteve të Bashkuara të Amerikës, përfaqësues të aleatëve më të çmuar, seriozë e të vendosur në rrugën e vështirë të kombit tonë, që nga shpallja e pavarësisë, rrëzimi i rregjimit komunist e më tej në proçeset trasformuese të zhvillimit ekonomiko-social dhe të integrimit euro-atlantik.

    Për më shumë bëhu pjesë e grupit më viral në Facebook, Dosja.al

    Mandatin e deputetit nuk e kam konceptuar kurrë si “një mjet të interesit vetjak i cili nuk duhet dorëzuar kurrësesi”.

    Nuk ka kaluar kohë shumë e gjatë nga 8 dhjetori 2018 kur shpreha gaditëshmërinë time të sinqertë për të lënë mandatin e deputetit e për t’u bashkuar me studentët për kauzat e kombit, “për ndërtimin e një sistemi të vërtetë demokratik në Shqipëri”, por ky propozim ishte në një kontekst komplet të ndryshem nga ai që është tani. Bëhej fjalë për sakrificë politike individuale për t’iu ardh në ndihmë studentëve në kauzën e tyre dhe jo për vendim kolektiv i cili pritet të ketë rrisqe.

    Ju lutem të më mirëkuptoni se nuk kam mundur të shprehem për këtë çështje prej mbrëmjes të së premtes që jam kthyer për shkak të disa problemeve shëndetësore. Qëndrimin tim do t’a bëj publik shumë shpejt.

    E kam shumë të qartë misionin tim si person politik por edhe si qytetare, do të jem gjithmonë e rreshtuar përkrah me demokratët, të rinjtë, studentët dhe qytetarët Shqiptarë në interesin kombëtare për një Shqipëri demokratike dhe Evropiane.

    Në një deklaratë për shtyp kryedemokrati Lulzim Basha propozoi djegien e mandateve për të gjithë deputetët e Partisë Demokratike. Kësaj thirrjeje ju bashkuan edhe deputetët e LSI-së dhe Kuvendi i Shqipërisë përcolli më datë 22 shkurt në Komisionin Qendror të Zgjedhjeve, kërkesat e deputetëve të opozitës që vendosën të digjnin mandatet.

    Ndërkohë përveç Rudina Hajdarit, Myslim Murrizi, Nard Ndoka dhe Lefter Koka janë ende deputetë. (Lexo ketu) Murrizi e Koka, kanë sqaruar pozicionet e tyre, dhe kanë thënë se do të vijojnë të jenë deputetë, ndërkohë Ndoka ndodhet jashtë Shqipërisë prej disa ditësh. 

    Shto Koment