DiasporaRajoni

Dhunimi i djalit të politikanit serb në Kosovë, ndalohen 8 persona, Serbia mohon akuzat, KMDLNj: Të hetohet sulmi

  • Serbi kërcënon me jetë Kurtin: Do t’i vë flakën familjes tënde!
  • Nikolla Rashiç, është sulmuar nga rreth 30 persona, të cilët thuhet se e kanë qëlluar me mjete të forta.
    Featured image of article: Dhunimi i djalit të politikanit serb në Kosovë, ndalohen 8 persona, Serbia mohon akuzat, KMDLNj: Të hetohet sulmi Foto Ilustrese

    KOSOVË- Djali ish-ministrit serb, Nenad Rashiç, është dhunuar ditën e djeshme në Llapnasellë të Graçanicës. Nikolla Rashiç, është sulmuar nga rreth 30 persona, të cilët thuhet se e kanë qëlluar me mjete të forta. Politikani Nenad Rashiç, ka treguar se djali i tij është sulmuar me boksa të hekurt e çekiç.

    Në lidhje me këtë incident policia ka thënë se momentalisht janë arrestuar 7 persona, të cilët janë dërguar në paraburgim. Këshilli për Mbrojtjen e të Drejtave e Lirive të Njeriut gjhithashtu ka dënuar sulmin ndaj Nikolla-së, por deklaroi se duhet të pritet përgjigja e hetuesve për t’i vënë gishtin fajtorit.  Drejtori për Zyrën e Kosovës në Serbi, Petar Petkoviç i ka mohuar të gjithë akuzat në lidhje se Serbia ka dorë në këtë çështje. Ai i ka quajtur pretendimet si të pabazuara dhe të pavërteta. 

    Për më shumë bëhu pjesë e grupit më viral në Facebook, Dosja.al

    Nikolla Rashiç u sulmua ditën e djeshme nga disa persona. Gjatë sulmit, Nikolla është dëmtuar në kokë, fytyrë si dhe i janë thyer disa dhëmbë. Dhunimin e djalit të Nenad e ka dënuar Vjosa Osmani, Albin Kurti, Enver Hoxhaj si dhe ambasadori britanik në Kosovë  Nicholas Abbott, dhe ai italian Nicola Orlando.

    (I.A/dosja.al)

    • 15:33

      I sulmuan djalin, reagon Rashiç: Ishte i paralajmëruar

      “Grupi i personave që e ka pritur djalin tim pas shkollës, një ditë më herët ka publikuar në Facebook dhe Instragram, postime ku thuhej ‘nesër prehet shiptari’ dhe ‘kush do ta mbijetojë të hënën do të tregojë për të’”, thotë për Radion Evropa e Lirë, Nenad Rashiç, lideri i Partisë Demokratike Progresive. Ai ka shtuar se këto postime do t’i bëjë publike në një konferencë për media. Djali i Rashiçit, Nikolla është sulmuar të hënën, më 22 shkurt, në Llapnasellë të Graçanicës, komunë e banuar me shumicë serbe. Policia e Kosovës në një përgjigje me shkrim për REL, ka konfirmuar se në këtë “rrahje masive kanë marrë pjesë nxënës të shkollës së mesme, por edhe disa persona të tjerë” dhe se një person ka marrë lëndime të rënda trupore dhe më pas është dërguar në spital. Për këtë rast, Policia ka ndaluar tetë persona, në mesin e të cilëve edhe një person të mitur. Ndaj tetë personave është caktuar masa e ndalimit prej 48 orësh, për shkak se ata dyshohen se kanë marrë pjesë në rrahje. Nga Prokuroria Themelore në Prishtinë thanë për REL se Prokurori i Shtetit do të bëjë kërkesë për masën e paraburgimit ndaj të ndaluarve. Si ndodhi sulmi? Djali i Nenad Rashiqit, Nikolla, 18 vjeç, është nxënës i vitit të fundit të gjimnazit në Llapnasellë dhe sulmi ndodhi derisa ai ishte duke dalë nga shkolla. Drejtori i gjimnazit, Dejan Deniç tha për Radion Evropa e Lirë se Nikolla nuk ka qenë “tinejxher problematik”. “Sipas informatave që i kemi, rrahja ka ndodhur për shkak të disa arsyeve private, që nuk kanë të bëjnë me shkollën”, tha ai. Nenad Rashiç thotë për REL se grupi i të rinjve e kanë pritur djalin e tij para shkollës dhe së pari kanë filluar që ta fyejnë dhe pastaj e kanë sulmuar fizikisht, duke e rrahur me “boks të hekurit” në kokë. “I janë afruar djalit tim dhe i kanë thënë ‘çka bën tash, ti shiptar’”, tregoi Rashiç. “Shiptari” është term pezorativ që përdoret në gjuhën serbe ndaj shqiptarëve. Nikollës i është thyer nofulla dhe tri dhëmbë. “Djali im ishte caku. Sipas mendimit tim, kjo ishte tentim-vrasje”, thotë Rashiç. Ai mendon se e gjithë kjo është “pasojë e kundërshtimit të tij shumëvjeçar ndaj presioneve politike”. Ndryshe, Rashicc është kundërshtar politik dhe kritik i zëshëm i Listës Serbe, subjekt politik në Kosovë, që prej formimit më 2013, është i vetmi përfaqësues i komunitetit serb në institucionet e Kosovës. Ky subjekt gëzon mbështetje të plotë të Beogradit zyrtar, por edhe të shumicës së trupit elektoral të komunitetit serb në Kosovë. Rashicci disa herë është kritikuar nga Lista Serbe dhe zyrtarët në Serbi për qëndrimet e tij. Ditëve të fundit ai ka folur hapur se si Lista Serbe po u bën presion votuesve serbë për të votuar për Adrijana Hoxhiqin dhe subjektin e saj “Komuniteti i Bashkuar”, duke ua privuar rivalëve politikë boshnjakë përfaqësimin në Kuvendin e Kosovës. Dënim i sulmit Ushtruesja e detyrës së presidentit në Kosovë, Vjosa Osmani ka thënë se sulmi ndaj djalit të Rashiçit është akt kundër demokracisë dhe lirisë së individit. “Ftoj organet e rendit që sa më shpejt t’i sjellin para drejtësisë autorët e krimit. Është tashmë e qartë që sulmi ndaj tij është në vazhdën e kërcënimeve të shumta e ndërhyrjeve ilegale të Serbisë në Kosovë, që kanë për qëllim frikësimin e qytetarëve serbë”, është cituar të ketë thënë Osmani sipas një komunikate për media të presidencës. Ndërkaq, kryeministri në detyrë, Avdullah Hoti tha se kryesit e këtij sulmi, duhet “të përballen me forcën e ligjit”. “Dhuna është e papranueshme dhe e dënueshme”, tha Hoti. Lidhur me këtë incident ka reaguar edhe kryetari i Lëvizjes Vetëvendosje, Albin Kurti, partia e të cilit ka fituar zgjedhjet parlamentare të 14 shkurtit në Kosovë. Përmes një postimi në rrjetin social Facebook, Kurti ka thënë se sulmi ndaj djalit të Rashiçit mund të jetë i organizuar dhe ka të bëjë me veprimtarinë e babait të tij. “Në qeverinë tonë të re do të punojmë që të gjithë qytetarët e Kosovës pa dallim përkatësie kombëtare të jetojnë të sigurt”, është thënë në reagimin e Kurtit.

    • 15:39

      “Prerje të buzëve, thyerje të dhëmbëve e gjakderdhje”/ Politikani serb Rashiç, tregon lëndimet që ka pësuar djali i tij

      Politikani serb në Kosovë, Nenad Rashiç, ditën e sotme ka organizuar një konferencë, ku ka folur në lidhje me dhunimin e djalit të tij. Sipas Gazeta Express, Rashiç ka thënë se djali i tij Nikolla, ka pësuar dëmtime në trup, si prerje të buzëve, thyerje të dhëmbëve e gjakderdhje të madhe. Gjithashtu, ai ka shtuar se djali është sharë para se të sulmohej dhe ka dyshime se sulmi ishte i organizuar dhe i planifikuar. Po ashtu, ka thekuar se sulmuesit kanë pasur me vete thika, çekiç dhe boksa të hekurit. “Çfarë kam dashur të theksoj në këtë konferencë që 15 vite merrem me politike dhe tentoj të jem sa më objektiv për fat të keq tek ne ka një burim negativ, vlerat tona morale janë kthyer përmbys. Kemi familje që s’kanë fëmijë të edukuar, kështu vijmë deri tek dukuritë si këto. Lus organet, policinë dhe prokurorinë, jo për Nikollen djalin tim që e ka paguar shtrenjtë, por edhe për fëmijët e tjerë”, tha ai ndër të tjera.

    • 13:01

      Prokuroria në Kosovë his hetimin për dhunimin e Nikolla Rashiç

      Prokuroria e Kosovës ka nisur hetimet për dhunimin e djalit të politikanit serb në Kosovë  Nenad Rashiç, Nikolla. Insajderi shkruan se deri tani janë arrestuar 7 persona të cilët janë nën hetim dhe se pritet që prokurori i çështjes të bëjë kërkesë për caktimin e masës së paraburgimit. “Prokuroria Themelore në Prishtinë, Departamenti i Përgjithshëm, me aktvendim të prokurorit të shtetit, janë ndaluar shtatë persona të dyshuar të moshës madhore dhe një i mitur për veprën penale ‘Pjesëmarrje në rrahje’. Në bashkëpunim me Policinë e Kosovës janë duke u ndërmarrë veprimet e nevojshme hetimore për sqarimin e plotë të rastit. Ndërsa, pritet që prokurori i rastit të bëjë kërkesë për caktimin e masës së paraburgimit”, thuhet në njoftimin e Prokurorisë.

    • 11:38

      “Dhunimi i Nikolla Rashiç”/ Petar Petkoviç mohon akuzat drejtuar Serbisë: Deklarata e Kurtit është hipokrizi

      Drejtori për Zyrën e Kosovës në qeverinë e Serbisë, Petar Petkoviç ka mohuar të gjitha akuzat në lidhje me dhunimin e djalit të politikanit serb në Kosovë Nenad Rashiç, Nikolla. Gazeta Ekspress shkruan se Petar ka sulmuar Albin Kurtin për deklaratat që ka mbajtur në këtë çështje. Ai i quajti këto deklarata si hipokrizi dhe të paturpshme. “Përpjekjet e sinkronizuara dhe të drejtuara nga Prishtina për të paraqitur sulmin në të cilin Nikolla Rashiq u lëndua si një lloj ballafaqimi i pretenduar politik me babanë e tij Nenad Rashiq, janë rrotullimet dhe abuzimet më të zakonshme të fëmijëve për qëllime politike. Deklarata e udhëheqësit të Vetëvendosjes, Albin Kurti, që Nikolla Rashiq u rrah si viktimë e politikës së babait të tij, i cili nuk u përkul dhe nuk iu nënshtrua Beogradit, është veçanërisht e paturpshme. Kjo është arsyeja pse kulmi i hipokrizisë dhe vrazhdësisë së Albin Kurtit është të përdorë një situatë të tillë për të sulmuar Serbinë dhe Listën Serbe, dhe Nikolla Rashiqin ta abuzojë atë për lojëra politike në periudhën pas zgjedhjeve në Kosovë dhe Metohi”, tha ai.

    • 10:23

      KMDLNj: Të hetohet sulmi ndaj Nikolla Rashiç

      Këshilli për Mbrojtjen e të Drejtave e Lirive të Njeriut ka dënuar ashpër sulmin ditën e djeshme ndaj djalit të politikanit serb, Nenad Rashiç, Nikolla. Në një njoftim KMDLKNj shkruan se e ka dënuar gjithmonë sulmin ndaj njerëzve. Më tej në njoftiomin e saj, ka kërkuar që të gjithë të përmbahen dhe mos të bëjnë akoza të drejtpërdrejta para se hetuesit të zbulojnë se çfarë ka ndodhur në të vërtet. Njoftimi i plotë: Sipas informatave të KMDLNj –së, në fshatin Lapnasellë , më 22.02. 2021 afërsisht në mesditë , te shkolla ku vijon mësimet, nga një grup të rinjsh serbë është sulmuar me mjete të forta , Nikolla Rashiq, 18 vjeçar, ndryshe, djali i ish ministrit të komunitetit serb në qeverinë e Kosovës , Nenad Rashiq. Nga grupi që e sulmuan Nikolla Rashiqin, janë identifikuar 8 persona të cilët, me urdhër të prokurorit të rastit janë dërguar në mbajtje apo ndalim 48 –orësh policor. Gjatë sulmit me mjete të forta i janë shkaktuar lëndime që janë cilësuar si të rënda por se jashtë rrezikut për jetë. KMDLNj, edhe më parë ka reaguar ndaj shantazheve, kërcënimeve dhe dhunës fizike ndaj liderëve politikë serbë të Kosovës të cilët dolën në mbrojtje të interesave të bashkëkombësve të tyre e që nuk ishin me vijën zyrtare të Beogradit por se reagimi i institucioneve ka qenë në shpërputhje me rrezikun që iu janë nënshtruar politikanët serbë të Kosovës. Dhuna ka eskaluar kryesisht para zgjedhjeve, gjatë fushatave dhe ditën e zgjedhjeve për të frikësuar votuesit dhe, në këtë mënyrë janë eliminuar nga skena politike thuaja të gjithë liderët politikë serbë të Kosovës që kanë udhëhequr një politikë të arsyeshme, jokonfrontuese, integruese dhe bashkëpunuese. Pikërisht për këtë janë sulmuar, linçuar publikisht Nenad Rashiq, Sllobodan Petroviq, Rada Trajkoviq dhe të tjerë në mesin e të cilëve ka pasur të arrestuar nga BIA- a e Serbisë sikur ishte rasti i Sllobodan Petroviqit. A ishte koincidencë e rastit apo sulm i qëllimshëm ndaj Nikolla Rashiqit, për shkak të aktivitetit politik të babait të tij, Nenad Rashiq, duhet ta vërtetojë hetuesia dhe, fjalën e fundit për fajësinë apo pafajësinë, për motivin e mundshëm të sulmit dhe qëllimin e këtij sulmi, ka të drejtë ta thotë vetëm gjykata përkatëse, pas procedimit të provave. Ndonëse rrethanat në të cilat ka ndodhur sulmi ndaj Nikolla Rashiq nxisin dyshime të bazuara për motivet e sulmit, KMDLNj fton të gjitha palët të përmbahen nga deklaratat paragjykuese, deri në një vendim të gjykatës kompetente. KMDLNj e vlerëson si shumë pozitive angazhimin e shpejtë dhe efikas të Policisë së Kosovës dhe prokurorisë së shtetit në zbardhjen e rastit e që nënkupton se ky rast po trajtohet me seriozitet dhe profesionalizëm.

    • 10:09

      “Sulm ndaj demokracisë”/ Ambasadori italian në Kosovë dënon dhunimin e djalit të politikanit serb: Dhuna duhet të kundërshtohet

      Ambasadori italian, Nicola Orlando ka dënuar dhunimin e djalit të politikanit serb në Kosovë Nenad Rashiç, Nikolla. Në një postim në Twitter, Orlando shkruan dhuna është një sulm drejt demokracisë dhe se duhet të dënohet nga institucionet përkatëse. “I bashkohem dënimit të parezervuar të agresionit të motivuar politikisht kundër të birit të kryetarit të Partisë Demokratike Progresiste, Nenad Rashiq, një sulm ndaj vetë demokracisë. Dhuna duhet të kundërshtohet vendosmërisht nga të gjithë dhe të dënohet nga institucionet përkatëse”, ka shkruar Orlando.

    • 9:50

      Sulmi ndaj Nikolla Rashiç, policia: Janë arrestuar 8 persona

      8 persona janë ndaluar deri tani në Kosovë dhunimin e djalit të politikanit serb Nenad Rashiç, Nikolla. Policia shkruan se sherri ka ndodhur rreth orës 10:30 të ditës së djeshme ku Nikolla ka pësuar disa lëndime trupore. “Shkolla “Miladin Mitic”, 22.02.2021 – 10:30. Raportohet se ka ndodhur një rrahje masive në oborrin e shkollës, ku janë të përfshirë nxënësit e shkollës dhe disa persona të tjerë. Si pasojë e rrahjes, viktima mashkull kosovar ka pësuar lëndime trupore dhe është dërguar për tretman mjekësor në Spitalin e Graqanicës. Janë arrestuar shtatë të dyshuar meshkuj kosovarë dhe me vendim të prokurorit të njëjti janë dërguar në mbajtje”, thuhet në njoftimin e policisë.

    Shto Koment